Category: کراچی

کراچی: ملک بھر میں سونے کی فی تولہ قیمت میں مسلسل تیسرے روز اضافہ ریکارڈ کیا گیا ہے۔

باغی ٹی وی : آل پاکستان جیمز اینڈ جیولرز ایسوسی ایشن کے مطابق ملک میں سونے کی فی تولہ قیمت میں 900 روپے کا اضافہ ریکارڈ کیا گیا ہےایسوسی ایشن کے مطابق 900 روپے اضافے کے بعد سونے کی فی تولہ قیمت 2 لاکھ 18 ہزار 500 روپے ہوگئی ہے جب کہ 10 گرام سونا 771 اضافے کے بعد ایک لاکھ 87 ہزار 328 کا ہوگیا ہے،دوسری جانب عالمی بازار میں سونے کی قیمت 13 ڈالر اضافے سے 2060 ڈالر فی اونس ہے۔

تااحیات نااہلی کا معاملہ،سماعت کیلئے سات رکنی لارجر بینچ تشکیل

نتخابات وقت پر ہونا ہی فعال جمہوریت کی نشانی ہے،سپریم کورٹ

اوچ شریف۔ٹریلرکی موٹرسائیکل کو ٹکر،خاتون موقع پرجاں بحق،مرد زخمی،ہسپتال منتقل

کراچی: سینیٹ کی قائمہ کمیٹی برائے خزانہ کے اجلاس میں رکن کمیٹی کامل علی آغا نے جعلی نوٹ اجلاس کے سامنے رکھ دئیے جسے ڈپٹی گورنر اسٹیٹ بینک بھی پہچان نہ سکے۔

باغی ٹی وی:تفصیلات کے مطابق سینیٹ کی قائمہ کمیٹی برائے خزانہ کا اجلاس سینیٹر سلیم مانڈوی والا کی زیر صدارت ہوا، جس میں سولر پینل کی آڑ میں منی لانڈرنگ اور پانچ ہزار کے جعلی کرنسی نوٹ کے حوالے سے گفتگو کی گئی اجلاس میں رکن کمیٹی کامل علی آغا نے 5 ہزار روپے مالیت والے جعلی کرنسی نوٹ پیش کردئیے-

سینیٹرکامل علی آغا نے جعلی نوٹ ڈپٹی گورنر اسٹیٹ بینک کو دکھایا تو وہ بھی نہ پہچان سکے اور کہا جعلی نوٹ کی کوالٹی اچھی ہے،چیئرمین سلیم مانڈوی والا نے اسٹیٹ بینک آف پاکستان کو پانچ ہزار کے جعلی کرنسی کے نوٹ لے کر اصلی نوٹ دینے کی تجویز دی مارکیٹ میں جتنی بھی جعلی کرنسی ہے اس کے بدلے اصلی نوٹ نہیں دے سکتے، اگر ایسا ہوا تو یہ کاروبار بن جائےگا، پاکستانی شہری بہت تیز ہیں، جعلی نوٹ لےکر آجائیں گے۔

سلیم مانڈوی والا کا کہنا تھا کہ جعلی کرنسی نوٹ سے متاثرہ افراد کو ریلیف تو دینا چاہیے،سلیم مانڈوی والا نے جعلی نوٹوں کی روک تھام کے لیے اسٹیٹ بینک سےکارروائی کا مطالبہ کرتے ہوئےکہا کہ جعلی نوٹوں کا معاملہ کئی سال سے چل رہا ہے اور مرکزی بینک کے پاس کوئی حل نہیں، جعلی نوٹ بینکوں سے ہی آرہے ہیں۔

ڈپٹی گورنر اسٹیٹ بینک ڈاکٹر عنایت حسین نےکہا کہ جعلی کرنسی پاکستان نہیں پوری دنیا کا مسئلہ ہے، ڈالرکی جعلی کرنسی بھی چھپ رہی ہے، ایسا کوئی نظام موجود نہیں ہے جس سے جعلی کرنسی کو چھاپنے سے روکا جاسکے۔

ڈپٹی گورنر اسٹیٹ بینک نے جعلی نوٹوں کے مسئلے پر قابو پانے کی یقین دہانی کراتے ہوئےکہا کہ کرنسی نوٹوں کے معاملے پر ریگولیشنز مزید بہتر کی جائیں گی،خزانہ کمیٹی کو آئندہ اجلاس میں جعلی کرنسی کی سرکولیشن اور جعلی نوٹ چھاپنے پر بریفنگ دیں گے۔

سینیٹر دلاور خان کا کہنا تھا کہ دشمن ملک پاکستان کی معیشت کو نقصان پہنچانےکے لیے بھی یہ کام کرسکتا ہے۔

علاوہ ازیں ڈپٹی گورنر اسٹیٹ بینک ڈاکٹر عنایت نے انکشاف کیا ہے کہ سولر پینل درآمد کی آڑ میں ستر ارب روپے کی منی لانڈرنگ میں بینکوں نے غفلت برتی تھی جس پر اُن پر 9 کروڑ روپے جرمانہ عائد کیا گیا ہے۔

ڈپٹی گورنر اسٹیٹ بینک ڈاکٹر عنایت نے بریفنگ دیتے ہوئے انکشاف کیا ہے کہ سولر پینل درآمد کی آڑ میں بینکوں نے غفلت برتی، بینکوں کی جانب سےکیش ٹرانزکشنز رپورٹ کے بعد مکمل طور پر چھان بین نہیں کی گئی، غفلت برتنے پر کمرشل بینکوں کے 17 ملازمین کے خلاف ایکشن لیا گیا اور بینکوں کو پینلٹی لگی، 2017 سے 2023 تک 3666 مشکوک ٹرانزکشنز رپورٹ ہوئیں، جو متعلقہ اداروں کو بھی گئیں۔ اسٹیٹ بینک بینکوں کیخلاف کارروائی کرنے سے گریزاں ہے تو ایف آئی اے کو کیس بھیجا جائے۔

اس تجویز پر چیئرمین فیڈرل بورڈ آف ریونیو ملک امجد زبیر ٹوانہ نے کمیٹی کو بتایا کہ ایف بی آر کے 8503 ملازمین کی تنخواہ 50 ہزار سے کم ہےایف بی آر کے 909 لوگوں نے ریٹرن فائل نہیں کی تھی جن کی تعداد کم ہو کر 180 رہ گئی ایف بی آر کے ٹوٹل 19151 ملازمین میں سے 10109 ملازمین فائلرز ہیں۔

کراچی: ملک میں ڈالر کے مقابلے میں روپے کی قدر میں اضافے کا سلسلہ جاری ہے۔

باغی ٹی وی : اسٹیٹ بینک آف پاکستان کے مطابق انٹربینک تبادلہ میں کاروبار کے اختتام پر ایک امریکی ڈالر کا بھاؤ 283 روپے ایک پیسے کا ہوگیا انٹربینک میں ڈالر کی قدر 20 پیسے کم ہوئی، کاروبار کے اختتام پر ڈالر کے انٹربینک ریٹ 19پیسے کی کمی سے 283 روپے 01پیسے کی سطح پر بند ہوئےاسی طرح اوپن کرنسی مارکیٹ میں ڈالر کی قدر 25پیسے کی کمی سے 284روپے 25پیسے کی سطح پر بند ہوئی، گزشتہ روز انٹربینک میں کاروبار اختتام پر ڈالر کا بھاؤ 283 روپے 21 پیسے تھا۔

عمران خان اور بشری بی بی کیخلاف توشہ خانہ کیس میں بھی ریفرنس دائر

ماہرین کا کہنا ہے کہ جاری مالی سال کے اختتام تک پاکستان کو تقریباً 9ارب ڈالر کی بیرونی ادائیگیاں کرنی ہیں جس میں سے 4ارب 50کروڑ ڈالر کے ملٹی لیٹرل اور بائی لیٹرل سستے قرضوں کا حکومت بندوبست کرچکی ہے اس کے نتیجے میں پاکستان کو 4ارب ڈالر کے وہ قرضے جو رول اوور نہیں ہوسکے ان کی ادائیگیوں کا بندوبست کرنا باقی ہے تاہم طلب و رسد میں یکسانیت کے سبب روپے کی نسبت ڈالر مرحلہ وار بنیادوں پر بتدریج تنزلی کا شکار ہے۔

2024 اے آئی ٹیکنالوجی کا سال ہے،بل گیٹس

کراچی:عدالت نے اورنگی ٹاؤن میں تاجر کے گھر ڈکیتی کے مقدمے میں ڈی ایس پی ملزم عمیر طارق باجاری کی ضمانت منظور کرلی۔

باغی ٹی وی : تفصیلات کے مطابق کراچی سٹی کورٹ میں ایڈیشنل ڈسٹرکٹ اینڈ سیشن جج ویسٹ کی عدالت نمبر 2 کے روبرو اورنگی ٹاؤن میں تاجر کے گھر ڈکیتی کے مقدمے میں ڈی ایس پی ملزم عمیر طارق کی درخواست ضمانت پر سماعت ہوئی، ملزم کے وکیل عامر منسوب ایڈووکیٹ نے موقف دیا کہ میرے موکل پر بے بنیاد الزامات لگائے گئے ہیں، سابق ایس ایس پی ساؤتھ کہ کہنے پر سب کچھ ہوا اور اسے بے قصور قرار دے دیا گیا، ایس ایچ او پیر آباد وہ افسر ہے جو ڈکیتی میں شامل تھا اور وہ اس مقدمے کی انکوائری میں شامل ہے، ہم ٹرائل کا سامنا کررہے ہیں، ضمانت قبول کی جائے،عدالت نے موقف سننے کے بعد ملزم عمیر طارق کی ضمانت منظور کرتے ہوئے ایک لاکھ روپے کے مچلکے جمع کرانے کا حکم دے دیا۔

واضح رہے کہ قبل ازیں رواں ماہ 13 دسمبر کو پولیس نے اورنگی ٹاؤن میں تاجر کے گھر میں کروڑوں روپے ڈکیتی کے کیس میں ڈی ایس پی عمیر طارق باجاری سمیت 8 ملزمان کو واردات میں ملوث قرار دے دیا تھا، پولیس نے جوڈیشل مجسٹریٹ غربی کی عدالت میں مقدمہ کا عبوری چالان پیش کیا پولیس نے عبوری چالان میں ایس ایس پی جنوبی عمران قریشی سمیت دو ملزمان کو بے قصور قرار دے دیا تھا-

چالان میں کہا گیا تھا کہ ایس ایس پی عمران قریشی اور کانسٹیبل عظمت کے خلاف شواہد نہیں مل سکے چالان میں ایس ایس پی عمران قریشی ، ریاض کارپینٹر ، ساون اور عظمت کا نام کالم نمبر دو رکھا گیا ہے، پولیس نے ڈی ایس پی عمیر طارق باجاری سمیت 8 ملزمان کو واردات میں ملوث قرار دے دیا تھا چالان میں کہاگیا تھا کہ انفارمر سے ایس ایس جنوبی کو اطلاع ملی کہ اورنگی ٹاؤن کے گھر میں ایم کیو ایم لندن کے لوگ موجود ہیں، اطلاع تھی کہ اورنگی ٹاؤن کے گھر سے ایم کیو ایم لندن کے لوگوں کو دہشتگردی کے لئے مالی معاونت کی جاتی ہے، یہ بھی اطلاع تھی کہ گھر سے بلیک منی اور ٹیرر فنانسنگ کے شواہد مل سکتے ہیں۔