Category: کراچی

شہر قائد کراچی سے ملنے والی چوری کی لگژری کار پاکستان سمگل نہیں کی گئی بلکہ بلغاریہ کے سفیر کے نام پر اسے درآمد کیا گیا تھا،اس بات کا انکشاف کسٹمز اپیلٹ ٹربیونل لاہور نے فیصلے میں کیا، ٹربیونل میں فیصلے میں کہا کہ گزشتہ سال کراچی سے ضبط کی گئی ’بینٹلے ملسن‘ لگژری کار ملک میں اسمگل نہیں کی گئی

نجی ٹی وی ڈان نیوز کے مطابق دو رکنی کسٹمز اپیلٹ ٹربیونل نے لگژری کار کی ملکیت کے دعویدار کی جانب سے دائر کردہ اپیل پر منگل کے روز جاری اپنے فیصلے میں کہا کہ ہم سمجھتے ہیں کہ زیر تنازع گاڑی کو کسٹمز ڈپارٹمنٹ نے قانونی دائرہ اختیار کے بغیر ضبط کیا ،اپیلٹ ٹربیونل نے محکمہ کسٹمز کو حکم دیا کہ وہ گاڑی کو بلغاریہ کے سفارت خانے یا وزارت خارجہ کے حوالے کرے ، چونکہ گاڑی برطانیہ سے چوری ہوئی اوراین سی اے اس کی تحقیقات کر رہا ہے ہمیں ابتدائی طور پر یہ انٹرپول کا کیس معلوم ہوتا ہے اس طرح کے کیسز کی پاکستان میں نمائندگی قومی سنٹرل بیورو (این سی بی)، اسلام آباد کی طرف سے کی جاتی ہے یہ کیس این سی بی کی جانب سے این سی اے کے ساتھ مل کر ہینڈل کیا جانا چاہیے تھا

ٹربیونل نے مزید کہا کہ ریکارڈ سے یہ بات ثابت ہوئی کہ گاڑی کی ملکیت بلغاریہ کے سفارت خانے کے نام پر ہے اس میں کہا گیا کہ سفارت خانہ گاڑی کی ملکیت سے انکار نہیں کرسکتی اور اگر گاڑی سفارت خانے سے چوری ہوئی تو ایف آئی آر درج کرائی جانی تھی یا سفارت خانے کو گاڑی کے معاملے کو ختم کرنا چاہیے تھا اگر بلغاریہ کے سفارت خانے نے چوری کے حوالے سے برطانوی ایجنسی کی رپورٹ جاننے کے بعد گاڑی کی ملکیت سے انکار کیا تو گاڑی کو برطانوی حکام کے ساتھ مل کر مزید کارروائی کے لیے این سی بی کے حوالے کیا جانا چاہیے تھا ٹریبونل نے متعلقہ حکام کو حکم دیا کہ وہ کار کو بلغاریہ کے سفارت خانے کے حوالے کریں کیونکہ وہ اس کا قانونی مالک ہے اگر سفارت خانے کی جانب سے زیر تنازع گاڑی اپنے قبضے میں لینے سے انکار کیا جاتا ہے تو اس بات کو تحریری طور پر درج کیا جائے اور گاڑی کو نیشنل کرائم ایجنسی (یو کے) کی رپورٹس کے ساتھ مزید ضروری کارروائی کے لیے وزارت خارجہ کے حوالے کیا جائے گا .ٹربیونل نے فیصلہ دیا کہ درخواست گزار جمیل شفیع کے پاس ڈیوٹی .ٹیکس کی ادائیگی کی بنیاد پر گاڑی ریلیز کرانے کی درخواست کے لیے کوئی قانونی جواز نہیں ہے

واضح رہے کہ گزشتہ سال ستمبر میں چوری، ٹیکس قوانین کی خلاف ورزی اورلگژری کار کی غیر قانونی رجسٹریشن کے الزامات کے تحت کسٹم حکام نے ڈیفنس ہاؤسنگ اتھارٹی (ڈی ایچ اے) کے ایک گھر پر چھاپہ مار کر لندن سے مبینہ طور پر چوری کی جانے اور سندھ ایکسائز اینڈ ٹیکسیشن ڈپارٹمنٹ میں رجسٹرڈ شدہ بینٹلے ملسن کار برآمد کرلی تھی۔ محکمہ ایکسائز پر 30 کروڑ روپے سے زائد کی ٹیکس چوری میں ’سہولت کاری‘ کا الزام لگایا گیا جبکہ صوبائی حکومت نے لگژری گاڑی کو رجسٹر کیا تھا وزارت خارجہ کی اجازت اور کسٹم کی جانب سے جاری کردہ این او سی کے بغیر کار کی درآمد کے وقت اس کی قیمت 4 کروڑ 14 لاکھ روپے ظاہر کی گئی تھی

ہوشیار۔! آدھی رات 3 بڑی خبریں آگئی

زمان پارک کی جادوگرنی، عمران پر دس سال کی پابندی حسان نیازی کہاں؟ پتہ چل گیا

لوٹوں کے سبب مجھے "استحکام پاکستان پارٹی” سے کوئی اُمید نہیں. مبشر لقمان

لوگ لندن اورامریکہ سے پرتگال کیوں بھاگ رہے ہیں،مبشر لقمان کی پرتگال سے خصوصی ویڈیو

الیکشن کیلیے تیار،تحریک انصاف کا مستقبل تاریک،حافظ سعد رضوی کا مبشر لقمان کوتہلکہ خیز انٹرویو

بشریٰ بی بی، بزدار، حریم شاہ گینگ بے نقاب،مبشر لقمان کو کیسے پھنسایا؟ تہلکہ خیز انکشاف

اینکر پرسن مبشر لقمان اوورسیز پاکستانیوں کی آواز بننے کے لئے میدان میں آ گئے

شہبا ز شریف نے جب تک حکومت چلانی اب مولانا نے نخرے ہی دکھانے ہیں

آرٹس کونسل آف پاکستان کراچی کے صدر محمد احمد شاہ کو امریکا میں بین الاقوامی کلچرل ایوارڈ سے نوازا گیا۔ یہ ایوارڈ انہیں پاکستان میں ثقافت، ادب اور فنون لطیفہ کی ترقی فروغ اور بین الاقوامی کمیونٹی سے مربوط تعلق جوڑنے کے لیے پل کا کردار ادا کرنے اور غیر معمولی خدمات انجام دینے پر دیا گیا۔

احمد شاہ ان دنوں امریکا کے دورے پر ہیں، یہ ایوارڈ کیلیفورنیا میں سینیٹر باب آرچولیٹا اور امریکہ میں متحرک ادبی اور فلاحی ادارے فرینڈز آف پاکستان نے دیا۔ امریکی شہر لاس اینجلس میں منعقدہ ایک پروقار تقریب میں فرینڈز آف پاکستان کے نمائندگان اور کیلیفورنیا کے سینیٹر Bob Archuleta بھی شریک تھے، اس موقع پر سینیٹر کیلیفورنیا باب آرچولیٹا نے کہا کہ ادب اور فن کے لیے احمد شاہ کی خدمات قابل ستائش ہیں۔ احمد شاہ نے منتظمین کا شکریہ ادا کرتے ہوئے کہا کہ ادب اور فنون لطیفہ ہی دنیا کو ایک دوسرے کے ساتھ جوڑ سکتا ہے اور ثقافت و ادب پر توجہ دے کر دنیا میں امن قائم رہ سکتا ہے۔

انہوں نے کہا کہ آرٹس کونسل آف پاکستان نہ صرف پاکستانی ادب و ثقافت کے فروغ اور ترویج میں اپنا کردار ادا کر رہا ہے بلکہ یہ پاکستان کا واحد ثقافتی ادارہ ہے جو دنیا کے ساتھ منسلک ہے۔انہوں نے کہا کہ کراچی میں بین الاقوامی کلچرل کانفرنس منعقد کرنے پر کام ہو رہا ہے جس میں دنیا بھر کے کلچرل سفیروں اور ماہرین کو دعوت دی جائے گی۔

ہوشیار۔! آدھی رات 3 بڑی خبریں آگئی

زمان پارک کی جادوگرنی، عمران پر دس سال کی پابندی حسان نیازی کہاں؟ پتہ چل گیا

لوٹوں کے سبب مجھے "استحکام پاکستان پارٹی” سے کوئی اُمید نہیں. مبشر لقمان

لوگ لندن اورامریکہ سے پرتگال کیوں بھاگ رہے ہیں،مبشر لقمان کی پرتگال سے خصوصی ویڈیو

الیکشن کیلیے تیار،تحریک انصاف کا مستقبل تاریک،حافظ سعد رضوی کا مبشر لقمان کوتہلکہ خیز انٹرویو

بشریٰ بی بی، بزدار، حریم شاہ گینگ بے نقاب،مبشر لقمان کو کیسے پھنسایا؟ تہلکہ خیز انکشاف

اینکر پرسن مبشر لقمان اوورسیز پاکستانیوں کی آواز بننے کے لئے میدان میں آ گئے

وزیراعلیٰ سندھ سید مراد علی شاہ کی زیر صدارت لوکل گورنمینٹ کا اجلاس ہوا

اجلاس میں وزیر بلدیات ناصر شاہ، میئر کراچی مرتضیٰ وہاب، ڈپٹی میئر سلمان مراد، سیکریٹری بلدیات نجم شاہ اور دیگر شریک تھے،وزیراعلیٰ سندھ سید مراد علی شاہ کا کہنا تھا کہ یہ اجلاس میئر اور ڈپٹی میئر کے ساتھ بات چیت کیلئے بلایا گیا ہے، میں چاہتا ہوں کہ میئر اور ڈپٹی میئر کراچی کی بھرپور خدمت کریں، شہر کراچی نے ماضی میں ترقیاتی کاموں، صفائی ستھرائی اور عوام کے مسائل کے حوالے سے تفریق دیکھی ہے، میں چاہتا ہوں کہ اب بلا تفریق سے شہر اور اس کے عوام کی خدمت ہونی چاہئے، پاکستان پیپلز پارٹی کی حکومت نے شہر میں امن امان بحال کیا ہے، ہماری حکومت نے شہر میں ترقیاتی کام کروائے جس کی وجہ سے عوام نے پیپلز پارٹی کو کامیاب کیا پیپلز پارٹی قیادت کا حکم ہے کہ بلدیاتی نمائندے شہر میں عوام کے مسائل حل رکتے ہوئے دکھائی دیں

وزیر بلدیات سید ناصر حسین شاہ کا کہنا تھا کہ شہر میں واٹر بورڈ کا کام بہتر کرنے کی ضرورت ہے، سندھ سولڈ ویسٹ کے کام کو مزید بہتر کرنا ہے، میئر کراچی کا کہنا تھا کہ شہر کے تمام اداروں کو بہتر اور مضبوط کرنے کیلئے کام کرینگے،وزیراعلیٰ سندھ مراد علی شاہ کا کہنا تھا کہ شہر کی ٹرانسپورٹ، سڑکوں، نکاسی آب کو مزید بہتر کیا جائے، * کے ایم سی اپنے مالی وسائل کو بڑھائے اور بہتر کرے، وزیراعلیٰ سندھ نے میئر کراچی کو ہدایت کی کہ تمام ٹائونز کے نمائندوں کو ساتھ لے کر چلیں، کے ایم سی ٹائونز اور کنٹونمینٹس کے ساتھ کوآرڈینیشن میں کام کرے، وزیراعلیٰ سندھ نے وزیر بلدیات کو ہدایت دی کہ وہ نئے بلدیاتی اداروں کو فعال کریں نئے ٹائونز کے جو مسائل ہیں ان کو فوری طور پر حل کریں، محرم الحرام آ رہا ہے تمام بلدیاتی ادارے اپنے متعلقہ علاقوں میں نکاسی آب، اسٹریٹ لائیٹس اور سڑکوں کو بہتر بنائیں،

پاکستان پیپلزپارٹی آزادی صحافت کی حمایت جاری رکھے گی۔

عثمان مرزا کی جانب سے لڑکی اور لڑکے پر تشدد کے بعد نوجوان جوڑے نے ایسا کام کیا کہ پولیس بھی دیکھتی رہ گئی

نور مقدم کیس، فنڈ ریزنگ اور مبشر لقمان کے انکشاف، بیٹا اور بیٹی نے نوازشریف کو ڈبودیا تاریخی رسوائی، شلپا شیٹھی، فحش فلمیں اور اصل کہانی؟

وزیر اطلاعات سندھ شرجیل میمن نے کراچی پریس کلب میں میڈیا سے گفتگو کرتے ہوئے کہا ہے کہ تاریخ گواہ ہے کہ پیپلزپارٹی نے صحافیوں کی مدد کی ہے،

شرجیل میمن کا کہنا تھا کہ معاشی چیلنجز کا ہمیں علم ہے، صحافیوں کے مسائل حل کرنے کے لئے ہمیشہ پہلی صف میں کھڑے رہے، ہر مشکل گھڑی میں جمہوریت کے لیے پیپلزپارٹی نے صحافیوں کے ساتھ کوشش کی ہے، سب سے زیادہ پیپلزپارٹی پر تنقید ہوئی ہے ، پیپلزپارٹی نے کھبی میڈیا سے لڑائی نہیں کی، پیپلزپارٹی نے تنقید کو ہمیشہ پیار سے فیس کیا، پیپلزپارٹی کی صحافیوں دوست پالیسی ہے، سابق وزیراعظم انٹرویو اپنے پسند کے لوگوں کو دیتے تھے، چند مخصوص لوگوں کو بلا کر انٹرویو دیتے تھے، آزاد صحافت کو مضبوط کرنا چاہیئے، صحافیوں کے لئے سب سے پہلے سندھ میں قانون بنا ہے، سندھ میں صحافیوں کے تحفظ کیلئے کمیشن بنا ہے، جس کو مینڈیٹ عوام کے رائے کے برعکس دیا جائے اس کا حشر سب نے دیکھ لیا، چیئرمین پی ٹی آئی کہتے ہیں کہ انہیں بولنے کا موقع نہیں دیا جا رہا، چیئرمین پی ٹی آئی مخالفین کو جیلوں میں بھیجتے تھے، چیئرمین پی ٹی آئی نے جو بویا وہ کاٹ رہے ہیں،پیپلزپارٹی جمہوریت پر یقین رکھتی ہے

پاکستان پیپلزپارٹی آزادی صحافت کی حمایت جاری رکھے گی۔

عثمان مرزا کی جانب سے لڑکی اور لڑکے پر تشدد کے بعد نوجوان جوڑے نے ایسا کام کیا کہ پولیس بھی دیکھتی رہ گئی

نور مقدم کیس، فنڈ ریزنگ اور مبشر لقمان کے انکشاف، بیٹا اور بیٹی نے نوازشریف کو ڈبودیا تاریخی رسوائی، شلپا شیٹھی، فحش فلمیں اور اصل کہانی؟

دوسری جانب وزیر اطلاعات, ٹرانسپورٹ و ماس ٹرانزٹ شرجیل انعام میمن کی جانب سے سینئر صحافی شمس کیریو کے بہنوئی کے انتقال پر اظہار تعزیت کی گئی، شرجیل انعام میمن کی جانب سے مصنف اور صحافی علی بخش پٹھان کی والدہ کے انتقال پر بھی تعزیت کی گئی، صوبائی وزیر شرجیل انعام میمن نے مرحومین کے لئے مغفرت اور لواحقین کے لئے صبرِ جمیل کی دعا کی اور کہاکہ دکھ کی اس گھڑی میں شمس کیریو اور علی بخش پٹھان کے ساتھ ہیں, اللہ تعالٰی مرحومین کی مغفرت کرے اور اہل خانہ کو صبر جمیل عطا فرمائے۔ آمین