Category: کراچی

جماعت اسلامی کراچی کے امیر حافظ نعیم الرحمان نے کہا ہے کہ پیپلز پارٹی کے نمبر پورے نہیں ہوئے تو الیکشن کمیشن سے رزلٹ رکوائے ،

حافظ نعیم کا کہنا تھا کہ پیپلزپارٹی نے آراوز اور الیکشن کمیشن پر زور دے کر نتائج رکوائے 6 یونین کونسلز کے نتائج کو رکوا کر جعل سازی کی انتہا کر دی فیلکن ہاوس پولنگ اسٹیشن سے جماعت اسلامی کے ووٹ کم کیے گئے الیکشن کمیشن کو ری کاونٹنگ میں جعل سازی کے حوالے سے بتایا گیا یہ کیا دہشتگردی ہے کہ الیکشن کمیشن کے نتائج بدلے جا رہے ہیں، یہ الیکشن کمیشن کا کام تھا انہیں جعل سازی سے روکتے اصل پیپر کو بدل کر جعلی کاغذ استعمال ہوا،ہم خاموش نہیں بیٹھے گے ،جمہوری حق استعمال کرینگے جماعت اسلامی ایک ووٹ سے بھی دستبردار نہیں ہوگی،گلشن حدید میں ری کاونٹنگ کے نتائج آنا ہے ان میں بھی جعل سازی کا امکان ہے چیف الیکشن کمشنر 11 یوسیز کے فیصلے فوری سنائے مردم شماری کا کام شروع نہیں ہوسکا ،کراچی کی کاونٹنگ نہیں ہورہی

 پیپلز پارٹی اور جماعت اسلامی کا کراچی بلدیاتی الیکشن کے بعد رابطہ

شوکت ترین ، تیمور جھگڑا ،محسن لغاری کی پاکستان کے خلاف سازش بے نقاب،آڈیو سامنے آ گئی

فوج اور قوم کے درمیان خلیج پیدا کرنا ملک دشمن قوتوں کا ایجنڈا ہے،پرویز الہیٰ

بیانیہ پٹ گیا، عمران خان کا پول کھلنے والا ہے ،آئی ایم ایف ڈیل، انجام کیا ہو گا؟

کراچی کو ایسے فرد کی ضرورت ہے جو اسٹیک ہولڈرز کو ساتھ لیکر چلے۔

، جماعت اسلامی کو چاہیے پیپلزپارٹی کی اکثریت کو مانے

کراچی میں جماعت اسلامی بلدیاتی انتخابات میں دوسرے نمبر پر آئی ہے، پیپلز پارٹی کے وفد نے دو روز قبل ادارہ نور حق کا دورہ کیا تھا، کراچی کا میئر حافظ نعیم بننا چاہتے ہیں اسکے لئے تگ و دو جاری ہے،پیپلز پارٹی اپنا میئر لانا چاہتی ہے، تحریک انصاف کو کم سیٹیں ملیں اور میئر لانے کی پوزیشن میں نہیں،تحریک انصاف نے جماعت اسلامی کے امیدوار کی حمایت کرنے کا فیصلہ کر رکھا ہے اگر جماعت اسلامی پیپلز پارٹی کے ساتھ اتحاد کرتی ہے تو تحریک انصاف حمایت نہیں کرے گی، بحرحال آنیوالے دنوں میں فیصلہ ہو جائے گا کہ کون بنے گا کراچی کا میئر

کراچی: سندھ ہائیکورٹ نے تحریک انصاف کراچی کے مستعفی ایم این ایز کی استعفوں کی منظوری کیخلاف فوری سماعت کی درخواست پر الیکشن کمیشن کو نوٹس جاری کردیئے۔

باغی ٹی وی: چیف جسٹس سندھ ہائیکورٹ جسٹس احمد علی شیخ کی سربراہی میں 2 رکنی بینچ نے تحریک انصاف کراچی کے مستعفی ایم این ایز کی استعفوں کی منظوری کیخلاف درخواست پر سماعت کی۔ پی ٹی آئی کے مستعفی ارکان اسمبلی نے فوری سماعت کی استدعا کی۔

چیف جسٹس نے استفسار کیا کہ آپ کو کیا ایمرجنسی ہے کیوں آئے ہیں؟ پی ٹی آئی کے وکیل نے موقف دیا کہ ضمنی الیکشن 16 مارچ کو ہے ہماری درخواست فوری سنی جائے آپ نے 21 مارچ کی تاریخ مقرر کی ہے جب تک الیکشن ہوجائیں گے بیلٹ پیپرز چھپ گئے تو عوام کے کروڑوں روپے ضائع ہوں گے۔

چیف جسٹس نے ریمارکس دیئے کہ ہم درخواست کو سن کر فیصلہ کریں گے آپ جذباتی ماحول کیوں بنارہے ہیں ہم قانون کے مطابق سن کر فیصلہ کردیں گے عدالت نے فوری سماعت کی درخواست پر الیکشن کمیشن کو نوٹس جاری کردیئے عدالت نے 7 مارچ کے لئے درخواست کی سماعت مقرر کردی۔

واضح رہے کہ پی ٹی آئی رہنماؤں نے درخواست دائر کی تھی ایم این اے علی زیدی، آفتاب جہانگیر، فہیم خان، عطاء اللہ ایڈووکیٹ، سیف الرحمان محسود، آفتاب صدیقی، اسلم خان، نجیب ہارون اور عالمگیر خان شامل ہیں۔

دائر درخواست میں موقف اپنایا گیا تھا کہ ارکین قومی اسمبلی کو غلط طور پر ڈی ناٹفائی کیا گیا ہے اور قانونی طریقہ کار اختیار نہیں کیا گیا۔ اسپیکر قومی اسمبلی نے استعفوں کی منظوری کا پروسیس قانون کے مطابق پورا نہیں کیا۔

درخواست میں استعفیٰ دینے والے ارکان سے ان کے استعفوں کی تصدیق نہیں کی گئی الیکشن کمیشن نے بھی اس فیصلے کی روشنی میں ایم این ایز کو ڈی نوٹیفائی کردیا استعفوں کی منظوری کے الیکشن کمیشن کے نوٹیفکیشن کو غیر قانونی اور کالعدم قرار دیا جائے۔

سندھ ہائیکورٹ سکھر بینچ میں امن و امان سے متعلق کیس کی سماعت ہوئی

سیکریٹری داخلہ سعید منگنیجو،آئی جی سندھ غلام نبی میمن عدالت میں پیش ہوئے،عدالت نے ریمارکس دیتے ہوئے کہا کہ سکھر میں 3 ہزار100 اہلکاروں میں سے 1600 وی وی آئی پی پروٹوکول میں مامور ہیں ،لاڑکانہ سکھر ریجن میں کاروکاری سمیت دیگر جرائم سے کیسے نمٹا جاسکتا ہے؟ آئی جی سندھ نے عدالت میں کہا کہ محکمہ پولیس تمام مسائل سے بہتر طریقے سے نمٹنے کی کوشش کررہا ہے پولیس کو کچے میں اغوا برائے تاوان،اسٹریٹ کرائم اور نارکوٹیکس کیسز کا سامنا ہے

جسٹس صلاح الدین پنہور نے ریمارکس دیتے ہوئے کہا کہ ایس ایس یو کمانڈو گھوٹکی اور کشمور میں تعینات نہیں ہوسکے ہیں،آر آر ایف کمانڈز کی پلٹون ٹرانسفر کردی گئی ہے جو لڑنے میں ماہر ہیں،ایس ایس یو کا رول ہے کہ وی وی آئی پی پروٹوکول اور عمارتوں پر تعینات ہوں،جسٹس صلاح الدین پنہور نےآئی جی سندھ سے سوال کیا کہ کیا یہ قانون کے تحت ہے یا کابینہ کا فیصلہ ہے؟ آئی جی سندھ نے عدالت میں جواب دیا کہ میرا خیال ہے کہ قانون کے تحت نہیں کابینہ کا فیصلہ ہے، عدالت نے ریمارکس دیتے ہوئے کہا کہ یہاں ہر چیز صرف وی وی آئی پیز کیلئے ہے عام آدمی کیلئے کچھ نہیں ہے،ایس ایس یو جی کے پانچ ہزارجونواں میں سے کیا سب وی وی آئی پیز کے ساتھ تعینات ہیں؟ یہاں اغوا،زیادتی ،اسٹریٹ کرائم ہوتا رہے ،ایس ایس یو جوان صرف وی آئی پی اور میچز پر تعینات ہوں گے؟ وی وی آئی پی ذاتی گارڈز بھی رکھ سکتے ہیں،ایک ہزارایس ایس یو جوان سکھر اورایک ہزار لاڑکانہ میں کیوں تعینات نہیں کیے جاتے؟ ہمیں تین ماہ کیلئے آرمی،رینجرز سمیت بہترین فورس چاہیے،ہمارے پاس دو آپشن ہیں یا جدید ہتھیار دیں یا جوائنٹ آپریشن کریں، جب سیلاب میں آکر مدد کرسکتے ہیں تو یہ مسئلہ توبہت بڑا ہے،یہاں پر ہر محکمے میں سیاسی مداخلت موجود ہے،جو خرابی کی وجہ ہے،

ایڈوکیٹ جنرل سندھ نے عدالت میں کہا کہ امن و امان قائم کرنے کیلئے لانگ ٹرم اور شارٹ ٹرم پلان اپنانے کی ضرورت ہے،آئی جی سندھ نے عدالت میں کہا کہ 275 ڈاکووں کی سر کی قیمت 52 کروڑ روپے رکھی گئی ہے،ڈاکووں کی سر کی قیمت تو رکھ دی جاتی ہے مگر مل نہیں پاتے،اب فیصلہ ہوا ہے کہ ان سر کی قیمت الگ سے رکھی جائے گی،عدالت نے کہا کہ آئی جی سندھ کو ایک ماہ کےلیے یہاں کیمپ لگانا چاہیے،

لاہور میں حوا کی دو اور بیٹیاں لٹ گئیں،اغوا کے بعد جنسی زیادتی

شوہر نے بھائی اور بھانجے کے ساتھ ملکر بیوی کے ساتھ ایسا کام کیا کہ سب گرفتار ہو گئے

لڑکیوں سے بڑھتے ہوئے زیادتی کے واقعات کی پنجاب اسمبلی میں بھی گونج

لاہور میں خواتین سے زیادتی کے بڑھتے واقعات،ملزمہ کیا کرتی؟ تہلکہ خیز انکشاف

نو سالہ بچی سے زیادتی کی کوشش کرنیوالا سگا پھوپھا گرفتار

خواتین کو دست درازی سے بچانے کیلئے سی سی پی او لاہور میدان میں آ گئے

خواتین کی تصاویر اور ویڈیوز بنانے والے اوباش ملزمان گرفتار

یہ ہے پنجاب،ایک روز میں ایک شہر میں جنسی زیادتی کے چھ کیسزسامنے آ گئے

کراچی: سندھ حکومت نے سندھ میں آٹا چکیوں اور ڈیفالٹر فلور ملز کے خلاف کریک ڈاؤن شروع کر دیا۔

باغی ٹی وی :چیف سیکریٹری سہیل راجپورت کی ہدایت پر افسران و متعلقہ ڈویڑنز کے اسسٹنٹ کمشنرز نے کراچی اور شہید بینظیرآباد ریجن کی مختلف فلور ملز پر چھاپے مارے کاروائیاں کرتے ہوئے 6 فلور ملز کو سیل کر دیا ہے۔

چیف سیکریٹری سندھ سہیل راجپوت کا کہنا ہے کہ سندھ حکومت نے سرکاری گندم کے ذخیرے اور آٹے کی قیمت کو نوٹیفائیڈ کرچکی ہے زائد قیمتوں اور منافع خوری کرنے والوں کے خلاف قانونی کارروائی کرتے ہوئے چار فلور ملز کو سیل کردیا گیا-

چیف سیکریٹری کا کہنا تھا کہ لانڈھی ڈسٹرکٹ کورنگی کراچی میں چھاپہ مارکر چار فلور ملز کو سیل کیا گیا ہے عادل فلور ملز، فرحان فلور ملز، حمزہ فلور ملز اور حیدری فلور ملز کو سیل کیا گیا ہے۔

انہوں نے مزید کہا کہ شہید بینظیرآباد کی دو فلور ملز کو سیل کیا گیا، قلندری فلور ملز، نواب شاہ اور انڈس فلور ملز نواب شاہ شامل ہیں فلور ملز کے لائسنس منسوخ ہونے پر مزید کارروائی محکمہ خوراک کرے گا-

دبئی: سرمایہ کاری گروپ ڈی پی ورلڈ نے اعلان کیا ہے کہ اس نے پاکستانی مشہور شخصیت اور طویل عرصے سے متحدہ عرب امارات کے رہائشی فخر عالم کو پاکستان میں اپنی اربوں ڈالر کی سرمایہ کاری کی حکمت عملی کو آگے بڑھانے کے لیے بطور وائس چیئرمین شامل کیا ہے۔

باغی ٹی وی: ڈی پی ورلڈ نے اپنی پریس ریلیز میں پاکستان کے لیے عالم کے جذبے اور ان مشکل وقتوں میں پاکستان میں سرمایہ کاری کی حوصلہ افزائی میں ان کے مثبت کردار کا خاص طور پر ذکر کیا۔

فخر عالم نے اپنے نئے عہدے کی تصدیق پر کہا کہ یہ موقع فراہم کرنے پر میں دبئی کے حکمران عزت مآب شیخ محمد، عزت مآب سلطان احمد بن سلیم اور ڈی پی ورلڈ کی قیادت کا بے حد مشکور ہوں –

فخر عالم نے کہا کہ میں متحدہ عرب امارات اور پاکستان کے درمیان اور اس سے آگے نئے مضبوط اقتصادی پلوں کی تعمیر کا منتظر ہوں۔ پاکستان کو جن چیلنجز کا سامنا ہے ان کے لیے ڈی پی ورلڈ جیسے سرمایہ کاروں کے لیے بہت زیادہ ترقی پسندانہ سوچ کی ضرورت ہے ہم ایک ساتھ مل کر عظیم قدر اور دولت پیدا کر سکتے ہیں جس سے پاکستانی عوام کو فائدہ پہنچے گا اور پورے خطے میں تجارت بڑھے گی۔

اس وقت تقریباً 90 بلین ڈالر کی قیمت ہے اور بڑھتی ہوئی، ڈی پی ورلڈ دبئی کا کراؤن جیول انٹرپرائز ہے جس کی قیادت ایک انتہائی متحرک چیئرمین سلطان احمد بن سلیم کر رہے ہیں۔

کمپنی کے پاس دنیا بھر میں کچھ انتہائی سٹریٹجک اثاثے ہیں اور وہ ایک سرکردہ سمارٹ لاجسٹکس حل فراہم کرنے والے کے طور پر ابھری ہے جو عالمی تجارتی بہاؤ کو سہولت فراہم کرتی ہے۔

ڈی پی ورلڈ کا عالمی غلبہ تیز رفتاری سے بڑھ رہا ہے، نئی مراعات حاصل کرنا، نئی شراکت داریوں کو ترتیب دینا، قدر میں اضافہ کرنا، کاروبار، کمیونٹیز، ممالک کو جوڑنا، نئی ملازمتیں پیدا کرنا اور دنیا بھر میں زندگیوں کو بہتر بنانا وغیرہ ان سب میں ڈی پی ورلڈ نے بڑی کامیابی حاصل کی ہے۔

فخر عالم نے کہا کہ میں پاکستان کے تباہ کن سیلاب کے بعد ڈی پی ورلڈ کی قیادت کے ساتھ بہت قریب سے کام کر رہا ہوں جس کے نتیجے میں ڈی پی ورلڈ نے پاکستان کو 25 لاکھ ڈالر کا عطیہ دیا۔

واضح رہے کہ فخرِ عالم متحدہ عرب امارات کے گولڈن ویزہ حاصل کرنے والے پہلے پاکستانی اداکار ہیں انہوں نے یہ اعزاز سال 2021 میں حاصل کیا-

فخرِ عالم نے خوشی کا اظہار کرتے ہوئے کہا تھا کہ میں اماراتی حکام کا اس بڑے اعزاز سے نوازنے پر شکرگزار ہوں، جنہوں نے میرے کام کو سمجھا اور شوبز، کاروباری سرگرمیوں اور اس سے بڑھ کر پرواز مشن سے متعلق میرے پورے کام کو تسلیم کیا،دبئی میرا دوسرا گھر ہے، میں یہاں 17 سال سے رہ رہا ہوں اور مجھے یہاں رہنا پسند ہے-

انہوں نے کہا تھا کہ میں گولڈن ویزے سے نوازنے پر بے حد خوشی اور بہت فخر محسوس کررہا ہوں۔دبئی میرا دوسرا گھر ہے، میں یہاں 17 سال سے رہ رہا ہوں اور مجھے یہاں رہنا پسند ہے، میں گولڈن ویزے سے نوازنے پر بے حد خوشی اور بہت فخر محسوس کررہا ہوں۔

وزیرٹرانسپورٹ سندھ شرجیل میمن نے پنک بس کے نئے روٹ کا افتتاح کردیا

اس موقع پر وزیر سندھ شرجیل میمن کا کہنا تھا کہ پنک بس کی تعداد بڑھائی جارہی ہے،پنک بسز کے روٹس بھی بڑھائے گئے ہیں پنک بس سروس صرف خواتین کے لیے ہے، خواتین کو اختیار دینے کے حوالے سے پہلا قدم ہے،خواتین اچھی سہولت سے اسکول ،کالجز اور دیگر مقامات جاسکتی ہیں،خواتین اپنے کام باآسانی بس سروس کے ذریعے انجام دے سکتی ہیں پوری دنیا میں10 سے 12ممالک ہیں جہاں ایسی بس سروسز ہیں ہم سکھر، لاڑکانہ اور باقی اضلاع میں بھی ایسی بس سروس شروع کرنا چاہتے ہیں،یہی ہمارا مقصد ہے اور پیپلزپارٹی کا یہی منشور رہا ہے،سپریم کورٹ فیصلے پر 4ججز نے اعتراض کیا ہے دو سے زائد ججز نے کہا کہ معاملہ سوموٹو نہیں بنتا،پیپلز پارٹی انصاف کی حامی ہے آج تک ذوالفقار علی بھٹو کیس کا فیصلہ نہیں ہوا،ملک میں انصاف کے 2نظام نہیں چل سکتے

شرجیل میمن کا مزید کہنا تھا کہ ذوالفقارعلی بھٹو کا فیصلہ اب تک التو ا میں کیوں ہے ؟خواتین کو اختیار دینے کے حوالے سے پہلا قدم ہے،انتخابات وقت پر ہونے چاہییں مگر صورتحال کومد نظر رکھنا ضروری ہے،عدالتوں میں گارڈز کے ساتھ اسلحہ کے ساتھ جارہا ہے،جو مولا جٹ بنا ہوا ہے ،کوئی اس پر بات نہیں کررہا ہے،ہم نے بھی جیلیں دیکھی ہیں ،ہمیں تو رعایت نہیں ملی،ججز نے کلیئر کہہ دیا کہ کیس کو سننا سپریم کورٹ کا دائرہ کار ہی نہیں انتخابات جب بھی ہوں گے عمران خان نتائج تسلیم نہیں کریں گے عمران خان نے جو بھی روش اپنائی اس نے ملک تباہ کردیا عمران خان کو گرفتار کرنا چاہیے ،عمران خان نے آئین و قانون کی دھجیاں اڑائی ہیں،

مستعفی ایم این ایز کی استعفوں کی منظوری کے خلاف درخواست پر جواب طلب

سندھ ہائیکورٹ،پی ٹی آئی کراچی کے مستعفی ایم این ایز کی استعفوں کی منظوری کے خلاف درخواست پر سماعت ہوئی

سندھ ہائیکورٹ نے کراچی میں 16مارچ کو ہونے والے ضمنی الیکشن روکنے کی استدعا مسترد کردی ، چیف جسٹس سندھ ہائیکورٹ نے وکیل سے سوال کیا کہ سپریم کورٹ میں کیا ہوا ہے یہ بتائیں ،وکیل پی ٹی آئی نے کہا کہ سپریم کورٹ میں بھی ہے لیکن لاہور ہائی کورٹ کا آرڈر موجود ہے ،وکیل درخواست گزار نے کہا کہ استعفیٰ منظور کرنے کا اسپیکر کے پاس اختیار نہیں ہے ،انہیں غلط طور پر ڈی نوٹیفائی کیا گیا قانونی طریقہ کار اختیار نہیں کیا گیا عدالت نے الیکشن کمیشن ،اسپیکر و دیگر کو نوٹس جاری کرتے ہوئے 21 مارچ کو جواب طلب کرلیا

درخواست گزارکا کہنا تھا کہ اسپیکر قومی اسمبلی نے استعفوں کی منظوری کا پروسیس قانون کے مطابق پورا نہیں کیا،
آفتاب صدیقی، اسلم خان، نجیب ہارون اور عالمگیر خان بھی درخواست گزاروں میں شامل ہیں،

واضح رہے کہ عمران خان کے خلاف عدم اعتماد کامیاب ہونے کے بعد تحریک انصاف نے قومی اسمبلی سے استعفے دیئے تھے جن کی منظوری تاخیر سے ہوئی تا ہم استعفے منظور ہو گئے،اسکے بعد پی ٹی آئی نے یوٹرن لیا اور استعفوں کی منظوری کے عمل کو عدالت میں چیلنج کردیا اوراعلان کیا کہ اب ہم اسمبلیوں میں جا کر بیٹھیں گے