Baaghi TV

Category: کراچی

  • تیسری جماعت تک کے بچوں کو بغیرامتحان پاس کرنے کا فیصلہ

    تیسری جماعت تک کے بچوں کو بغیرامتحان پاس کرنے کا فیصلہ

    کراچی:محکمہ تعلیم سندھ کی اسٹیرنگ کمیٹی نے کراچی سمیت سندھ بھر کے نجی تعلیمی اداروں میں پہلی سے تیسری جماعت کے بچوں کو بغیر امتحانات کے اگلی جماعتوں میں پروموٹ کرنے کا فیصلہ کیا ہے۔محکمہ تعلیم سندھ کی اسٹیرنگ کمیٹی کا اجلاس آج بروز جمعرات 9 فروری کو کراچی میں ہوا۔ اجلاس میں محکمہ تعلیم سندھ کی اسٹیرنگ کمیٹی کیجانب سے نجی تعلیمی اداروں کو ہدایات جاری کی گئیں۔

    کمیٹی کے مطابق نجی تعلیمی اداروں میں تعلیمی سال یکم اگست سے شروع کیا جاٸیگا، جب کہ پہلی سے تیسری جماعت تک بچوں کو اگلی کلاس میں پروموٹ کیا جاٸے۔ پرائیویٹ انسٹیٹیوٹ آف سندھ ایجوکیشن ڈیپارٹمنٹ کی جانب سے نجی اسکولوں کیلئے اہم مراسلہ جاری کردیا گیا ہے۔ جس کے تحت سردیوں کی وجہ سے جو اسکولز کی ٹائمنگ میں تبدیلی کی گئی تھی اس کو منسوخ کردیا گیا ہے۔جاری کردہ مراسلے کے مطابق اب سندھ کے تمام اسکول اپنے پرانے اوقات کار پر کھلیں گے جبکہ سندھ بھر میں تعلیمی سال کا آغاز یکم اگست 2023 سے ہوگا۔

    محکمہ تعلیم سندھ کی اسٹیئرنگ کمیٹی نے فیصلہ کیا ہے کہ پہلی کلاس سے لیکر تیسری کلاس تک کے طلباء کو بغیر امتحان اگلی کلاس میں پروموٹ کردیا جائے گا جبکہ جماعت ششم سے ہشتم تک کے طلباء کے امتحانات عیدالفطر کے بعد ہوں گے۔ اس حوالے سے نوٹیفکیشن جاری کردیا گیا ہے۔

    امتحانات کے حوالے سے کمیٹی نے فیصلہ کرتے ہوئے کہا ہے کہ چوتھی سے آٹھویں جماعت تک طلبہ کے امتحان عید الفطر کے بعد لٸے جاٸیں گے۔ تعلیمی سال تمام نجی اسکولوں میں یکم اگست سے شروع کیا جاٸیگا۔ڈاٸیریکٹوریٹ آف پراٸیوٹ اسکولز کی جانب سے ایڈیشنل ڈاٸیریکٹر نے ہدایت نامہ جاری کردیا۔

  • کیماڑی: زہریلی گیس سےمبینہ ہلاکتوں پر10مقدمات درج،عدالت سے قبرکشائی کی اجازت طلب

    کیماڑی: زہریلی گیس سےمبینہ ہلاکتوں پر10مقدمات درج،عدالت سے قبرکشائی کی اجازت طلب

    کیماڑی: زہریلی گیس سے مبینہ ہلاکتوں پر 10 مقدمات درج کرنے کے ساتھ ساتھ قبرکشائی کے لیے اجازت طلب کرلی ہے ،سندھ ہائی کورٹ کی جانب سے انسپکٹر جنرل پولیس (آئی جی پی) کو کیماڑی میں ہونے والی 18 اموات کا کیس درج کرکے تحقیقات کرنے کے حکم کے بعد پولیس نے 10 ایف آئی آرز درج کرلیں۔ رپورٹ کے مطابق اس کے علاوہ مبینہ طور پر زہریلی گیس خارج کرنے والی 5 فیکٹریوں کو سیل کردیا اور عدالت سے متاثرین کی قبر کشائی کی اجازت دینے کی درخواست کردی۔

    قصوراورشیخوپورہ میں پیٹرول کے ذخیرہ اندوزوں کے خلاف گرینڈ آپریشن کروڑوں روپے…

    آئی جی نے ڈی آئی جی جنوبی عرفان علی بلوچ کی سربراہی میں ایک کمیٹی قائم کردی ہے جو ہائی کورٹ کی ہدایات کے مطابق معاملے کی تحقیقات کرے گی۔ان کا کہنا تھا کہ متاثرین کے ورثا کی شکایات پر علی محمد گوٹھ اور اس کے آس پاس کے علاقے میں کام کرنے والی فیکٹریوں اور صنعتی یونٹس کے مالکان کے خلاف 10 مقدمات درج کرلیے گئے ہیں۔شکایت گزاروں خادم حسین، میر حسن، شکور احمد، محمد حسن، شبیر احمد، عبدالوہاب، ریاض احمد، وزیر احمد اور غلام قادر نے موچکو پولیس تھانے میں تعزیرات پاکستان کی دفعات 322، 384 اور 34 کے تحت مقدمات درج کرائے۔

    خانیوال:سی ٹی ڈی اور دہشتگردوں کے درمیان فائرنگ کا تبادلہ، انتہائی مطلوب دہشتگرد…

    تفتیش کاروں کا کہنا تھا کہ پولیس ٹیم نے 5 فیکٹریوں اور صنعتی یونٹس کو سیل بھی کردیا ہے جبکہ متعدد دیگر کو ان کے مالکان نے گرفتاری سے بچنے کے لیے پہلے ہی تالے لگادیے تھے۔بدھ کے روز ایس ایس پی انویسٹیگیشن کیماڑی سلیم شاہ نے صنعتی یونٹس کا دورہ کیا اور علاقے میں صنعتی یونٹس کے مقام اور گوداموں کی تفصیلات اکٹھی کیں جبکہ متاثرین کے اہلِ خانہ سے ملاقات کر کے ان کی بھی معلومات حاصل کیں۔

    زلزلےنےترکیہ کی معیشت کوبھی تباہ کردیا:پہلی بارتجارتی سرگرمیاں معطل

    دریں اثنا ایک فیکٹری مالک کے خلاف مقدمے کے تفتیشی افسر ڈی ایس پی سلیم شاہ نے جوڈیشل مجسٹریٹ (مغربی) کے سامنے ایک درخواست دائر کی جس میں مقتولین کی قبر کشائی کی اجازت مانگی گئی تاکہ ان کی موت کی اصل وجہ کا پتا لگانے کے لیے پوسٹ مارٹم کرایا جا سکے۔انہوں نے عرض کیا کہ قانونی ورثا نے متاثرہ افراد کی لاشیں، جن میں تقریباً 16 بچے بھی شامل تھے، جنہیں طبی اور قانونی تقاضے پورے کیے بغیر دفن کر دیا تھا جو کہ تفتیش مکمل کرنے کے لیے ضروری تھا۔آئی او نے مزید کہا کہ موت کی اصل وجہ معلوم کرنے کے لیے قانون کے مطابق متاثرین کی لاشوں کو نکالنے کی اجازت دی جا سکتی ہے۔

    مجسٹریٹ نے متاثرین کے قانونی ورثا یعنی شکایت کنندگان کو نوٹس جاری کیا کہ عدالت میں حاضر ہوں تاکہ وہ متاثرین کی لاشیں نکالنے کے لیے اپنی رضامندی ریکارڈ کرائیں۔پولیس نے خیر محمد عرف شیر محمد کو گرفتار کیا تھا اور اس کے ساتھ دو بھائیوں اور شریک مالکان شاہد حسین اور سعید خان کے خلاف ان کے مبینہ غفلت برتنے پر مقدمہ درج کیا تھا جس کے نتیجے میں زہریلے دھوئیں کا اخراج ہوا تھا جس کے نتیجے میں علی احمد گوٹھ کے رہائشی 18 افراد ہلاک ہوئے تھے۔

  • نازیبا ویڈیو کیس: سندھ ہائیکورٹ نے دانیہ شاہ کی گرفتاری کیخلاف درخواست مستردکردی

    نازیبا ویڈیو کیس: سندھ ہائیکورٹ نے دانیہ شاہ کی گرفتاری کیخلاف درخواست مستردکردی

    سندھ ہائیکورٹ نے معروف ٹی وی اینکر پرسن عامر لیاقت حسین کی نازیبا ویڈیوز وائرل کرنے کے مقدمے میں دانیہ شاہ کی گرفتاری کے خلاف درخواست مسترد کردی۔

    باغی ٹی وی: عامر لیاقت حسین کی نازیبا ویڈیوز وائرل کرنے کے کیس میں گرفتاری کے خلاف درخواست کی سماعت سندھ ہائی کورٹ میں ہوئی۔

    نازیبا ویڈیو کیس،دانیہ شاہ پر فرد جرم عائد

    دانیہ شاہ کے وکیل ایڈووکیٹ لیاقت گبول کا کہنا تھا کہ دانیہ شاہ کولودھراں سے غیر قانونی طریقے سےگرفتارکیا گیا، دانیہ شاہ کی گرفتاری کے وقت قانونی تقاضے پورے نہیں کیے گئے۔

    عدالت کے استفسار پر وکیل نے بتایا کہ کیس کا عبوری چالان جمع ہوچکا ہے، ٹرائل کورٹ نے ایف آئی اے کے تفتیشی افسر کو جاری شوکاز نوٹس پرکارروائی نہیں کی، ٹرائل کورٹ کو ہدایت جاری کی جائے کہ ایف آئی اے کے خلاف کارروائی کرے۔

    دانیہ شاہ کی گرفتاری کے خلاف درخواست مسترد کرتے ہوئےسندھ ہائی کورٹنے کہا کہ ملزمہ کے خلاف کیس کا چالان جمع ہو چکا ہے، مداخلت کا کیس نہیں بنتا۔

    واضح رہےکہ 15 دسمبر 2022 کو ایف آئی اے سائبرکرائم سرکل کی جانب سے پنجاب کے علاقے لودھراں میں کارروائی کرتے ہوئے مرحوم ایم این اے اور ٹی وی میزبان عامر لیاقت حسین کی تیسری بیوہ کوعامر لیاقت حسین کی نازیبا ویڈیوز وائرل کرنے کے کیس میں گرفتار کیا گیا تھا، جس کے بعد انہیں کراچی کی عدالت میں ریمانڈ کے لیے لے کر گئے تھے لیکن عدالت کا وقت ختم ہونے کی وجہ سے واپس لاک اَپ میں لے گئے تھے۔

    ایف آئی اے حکام کے مطابق مرحوم عامر لیاقت کی بیٹی نے ملزمہ کے خلاف شکایت درج کروائی تھی جس پر کارروائی کی گئی۔

    نازیبا ویڈیو کیس،دانیہ شاہ کی درخواست ضمانت پر فیصلہ محفوظ

    آیف آئی اے کی جانب سے کہا گیا تھا کہ دانیہ شاہ کے خلاف دعا عامر کی شکایت مرحوم عامر لیاقت کی فحش ویڈیو پھیلانے پر موصول ہوئی، شکایت کی تصدیق کی گئی اور معاملے کی مزید تحقیقات کے لیے انکوائری شروع کردی گئی ہے۔

    وفاقی تحقیقاتی ادارے کی جانب سے مزید کہا گیا کہ دوران تفتیش یہ بات ریکارڈ پر آئی کہ ملزمہ دانیہ شاہ نے مرحوم عامر لیاقت کی تذلیل کی نیت سے ان کی نازیبا وڈیو ریکارڈ کی اور کئی یوٹیوب انٹرویوز کے دوران وہ ویڈیو دکھائی گئی۔

    ایف آئی اے کے مطابق ان الزامات کے تحت دانیہ شاہ کے خلاف پیکا ایکٹ 2016 کی دفعہ 20، 21، 24 کے تحت 10 اکتوبر 2022 کو مقدمہ درج کیا گیا تھا۔

    ٹک ٹاکر دانیہ شاہ انسٹاگرام پر تو موجود تھیں لیکن اب وہ ٹویٹر اکائونٹ پر بھی آگئی 

    عامر لیاقت رات رو رہے تھے، کہہ رہے تھے میں مر جاؤں گا، ملازم

    اناللہ واناالیہ راجعون، ڈاکٹر عامر لیاقت انتقال کر گئے ،آخر وجہ کیا بنی ؟

    ایف آئی اے کے مطابق یکم نومبر 2022 کو مفرور ملزمہ دانیہ شاہ کے خلاف عبوری چارج شیٹ عدالت میں جمع کرائی گئی اور اب مفرور ملزمہ دانیہ شاہ کو ضلع لودھراں سے گرفتار کر لیا گیا۔

    یاد رہے کہ فروری 2022 میں عامر لیاقت نے پنجاب کی رہائشی 18 سالہ دانیہ ملک سے تیسری شادی کرلی تھی، جنہوں نے محض تین ماہ بعد مئی میں تنسیخ نکاح کے لیے پنجاب کی عدالت میں درخواست دائر کی تھی مگر ان کی خلع ہونے سے قبل ہی مبینہ طور پر دانیہ شاہ کی جانب سے عامر لیاقت کی مبینہ آڈیو اور نازیبا ویڈیوز لیک کی گئی تھیں، جس کے کچھ عرصے بعد 9 جون کو عامر لیاقت انتقال کر گئے تھے بعد ازاں عامر لیاقت حسین کے بچوں اور پہلی بیوی بشریٰ اقبال نے دانیہ ملک کے خلاف وفاقی تحقیقاتی ادارے میں شکایت درج کرائی تھی۔

    ڈاکٹر عامر لیاقت کا پوسٹ مارٹم روکنے کے حکم امتناعی میں سندھ ہائیکورٹ نے مزید توسیع کر دی ہ

    پولیس نےرکن قومی اسمبلی (ایم این اے) اورمشہور ٹیلی ویژن میزبان عامر لیاقت حسین کی موت کی تحقیقات شروع کردی

    عامر لیاقت کے انتقال کی خبر سن کر مولانا طارق جمیل کا اظہار افسوس ۔

    عامر لیاقت کی غیر اخلاقی ویڈیو وائرل کرنے کا معاملہ ،

  • سیکرٹری پنجاب اسمبلی کی گمشدگی کیخلاف سندھ ہائیکورٹ میں درخواست دائر

    سیکرٹری پنجاب اسمبلی کی گمشدگی کیخلاف سندھ ہائیکورٹ میں درخواست دائر

    سیکرٹری پنجاب اسمبلی محمد خان بھٹی کی گمشدگی کے خلاف سندھ ہائی کورٹ میں درخواست دائر کردی گئی۔

    باغی ٹی وی: درخواست محمد خان بھٹی کے داماد عمر افتخار بھٹی ایڈووکیٹ نے دائر کی ہے درخواست میں کہا گیا ہےکہ محمد خان بھٹی 6 فروری کو مٹیاری کے قریب سے غائب ہوئے، ان پر تشدد کا اندیشہ ہے، عدالت میں فوری پیش کرنےکا حکم دیا جائے۔

    سیکرٹری پنجاب اسمبلی محمد خان بھٹی گرفتار

    عدالت نے آئی جی سندھ، ڈی جی رینجرز اور وزارت داخلہ سے 10 روز میں جواب طلب کرلیا ہے۔

    خیال رہے کہ 6 فروری کو سابق وزیر اعلیٰ پنجاب چوہدری پرویز الہٰی کا کہنا تھا کہ سیکرٹری پنجاب اسمبلی محمد خان بھٹی کو سندھ کے علاقے مٹیاری سے حراست میں لے لیا گیا ہے۔

    پرویز الہیٰ نے بتایا تھا کہ محمد خان بھٹی کو اس وقت حراست میں لیا گیا جب وہ حفاظتی ضمانت کے لیے سندھ ہائی کورٹ جا رہے تھے، خدشہ ہے کہ محمد خان بھٹی کو ویسے ہی لاپتہ کردیا جائےگا –

    پنجاب الیکشن کی تاریخ سےمتعلق درخواست، گورنر پنجاب کی طرف سے تحریری جواب عدالت میں جمع

    پرویزالہی نے کہا کہ ہمارے لیگل ایڈوائزر عامر سعید راں ابھی تک لاپتہ ہیں،ایسے واقعات صوبوں میں نفرت کا باعث بنیں گے،وزیر اعلی ٰسندھ اس لاقانونیت کا فوری نوٹس لیں،یقین ہے وزیر اعلی ٰسندھ ایسے اقدامات کا راستہ روکیں گے-

    جبکہ ایس ایس پی مٹیاری کلیم ملک کا کہنا تھا کہ پولیس نے محمد خان بھٹی کو حراست میں نہیں لیا۔

  • کراچی:بیٹےنےماں کوچھریوں کےوارکرکےقتل کردیا

    کراچی:بیٹےنےماں کوچھریوں کےوارکرکےقتل کردیا

    کراچی:شہرقائد کے علاقے کورنگی میں بیٹے نے چھریوں کے وار کرکے ماں کو قتل کردیا جبکہ بھائی زخمی ہوگیا۔پولیس کے مطابق کورنگی کے علاقے زمان ٹاؤن میں ایک نوجوان چھریوں کے وار کرکے بیدردی سے اپنی ماں کو قتل کردیا، 50 سالہ نسرین کو قتل کرنیوالے ملزم شاکر کو گرفتار کرلیا گیا۔

    پولیس کے مطابق ملزم نے اپنے بھائی کو بھی چھری کا وار کرکے زخمی کیا۔پولیس کا کہنا ہے کہ اہل خانہ کے مطابق گرفتار ملزم شاکر گزشتہ کافی عرصے سے بیروزگار اور ذہنی تناؤ کا شکار تھا۔

    ادھر اس سے پہلےقائد پولیس نے لانڈھی میں 7 سالہ بچی کو زیادتی کے بعد قتل کرنیوالے ملزم کی گرفتاری بدھ کو ظاہر کردی۔سندھ اور خیبرپختونخوا پولیس نے مانسہرہ کے علاقے جلال آباد میں مشترکہ کارروائی کرکے ملزم کو گرفتار کیا۔متاثرہ بچی منیبہ 16 نومبر 2022ء کو اپنے گھر سے باہر جانے کے بعد پراسرار طور پر لاپتہ ہوگئی تھی۔اس کی لاش لانڈھی کے مسلم آباد کے رہائشی نے اس کے لاپتہ ہونے کے 2 دن بعد 18 نومبر کو اپنے گھر کی چھت پر دیکھی۔

    بچی کی لاش کو پوسٹ مارٹم کیلئے جناح پوسٹ گریجویٹ میڈیکل سینٹر (جے پی ایم سی) منتقل کیا گیا جہاں خاتون میڈیکولیگل افسر نے لاش کا پوسٹ مارٹم کیا۔ایم ایل او کا کہنا تھا کہ انہیں مقتول بچی کے جسم پر ہر حصے بالخصوص سر پر بے تحاشہ زخم ملے۔

    ان کے مطابق ابتدائی جانچ پڑتال نے اس بات پر سختی سے اکسایا کہ بچی کے ساتھ بدترین زیادتی کی تحقیقات کی جائے۔ پولیس سرجن کا کہنا ہے کہ نتائج کے مطابق موت کی ممکنہ وجہ دم گھٹنا ہے جبکہ ٹوکسیکولویکل اسکریننگ کیلئے بھی نمونے محفوظ کرلئے گئے ہیں۔قائد آباد پولیس نامعلوم شخص کیخلاف زیادتی اور قتل کی دفعات کے تحت مقدمہ درج کرچکی ہے۔

  • سوشل میڈیا پروائرل زلزلے سے متعلق پیشگوئیوں کی کوئی سائنسی بنیاد نہیں،ڈائریکٹر محکمہ موسمیات

    سوشل میڈیا پروائرل زلزلے سے متعلق پیشگوئیوں کی کوئی سائنسی بنیاد نہیں،ڈائریکٹر محکمہ موسمیات

    محکمہ موسمیات نے سوشل میڈیا پر زیر گردش زلزلے سے متعلق پیش گوئیوں کو مسترد کردیا۔

    باغی ٹی وی: 5 فروری کی صبح 4 بج کر 17 منٹ پر ترکیہ اور شام میں خوفناک زلزلہ آیا تھا مجموعی طور پر دونوں ملکوں میں زلزلے سے اموات کی تعداد 11 ہزار 200 سے بڑھ گئی ہے۔ ترک صدر طیب اردگان کا کہنا ہے کہ ترکیہ میں زلزلے سے اموات کی تعداد 8 ہزار 574 ہوگئی ہے۔

    جاپانی پروفیسر کی مشرقی وسطی میں مزید زلزلوں کی پیشگوئی

    ترکیہ میں زلزلے کے حوالے سے غیر ملکی میڈیا کے مطابق نیدرلینڈ سے تعلق رکھنے والے تحقیق کار فرینک ہوگر بیٹس نے سوشل میڈیا پر اپنی ٹوئٹ میں کچھ روز پہلے ہی اس خطے میں بڑے زلزلے کی پیشگوئی کی تھی-

    فرینک ہوگر بیٹس نے 3 فروری کو ایک ٹوئٹ کی جس میں انہوں نے بتایا تھا کہ جلد یا بدیر جنوبی وسطی ترکیہ، اردن، شام اور لبنان میں 7 اعشاریہ 5 شدت کا زلزلہ آئے گا، ان کی زلزلے سے متعلق پیشگوئی 3 روز بعد ہی سچ ثابت ہوئی۔

    اب سوشل میڈیا پر ان ہی کے حوالے سے پاکستان اور بھارت میں زلزلے کی پیشگوئی کی پوسٹس وائرل ہو رہی ہیں جنہیں اب محکمہ موسمیات نے مسترد کردیا ہے۔

    ترکیہ و شام زلزلہ: ماہر موسمیات نے سوشل میڈیا پر 3 دن قبل ہی خبردار کردیا تھا

    اس حوالے سے ڈائریکٹر محکمہ موسمیات کا کہنا ہے کہ زلزلہ قدرتی آفت ہے، اس کا علم پہلے سےنہیں ہوسکتا، پہلے سے زلزلےکا علم ہوتا تو ترکیہ میں اتنا جانی ومالی نقصان نہ ہوتا۔

    محکمہ موسمیات کا کہنا ہے کہ پاکستان میں ہلکی نوعیت کے زلزلے آتے رہتے ہیں اور آتے رہیں گے، ترکیہ اور پاکستان کی فالٹ لائنز میں کوئی مماثلت نہیں، زیر گردش زلزلے سے متعلق پیشگوئیوں کی کوئی سائنسی بنیاد نہیں۔

    گلیشیئرز پگھلنے سے پاکستان اور بھارت کوشدید خطرہ

  • آئی ایم ایف سیلاب میں ڈوبےلوگوں کو مہنگائی میں نہ ڈبوئیں،وزیر خارجہ بلاول بھٹو

    آئی ایم ایف سیلاب میں ڈوبےلوگوں کو مہنگائی میں نہ ڈبوئیں،وزیر خارجہ بلاول بھٹو

    چیئرمین پیپلز پارٹی اور وزیر خارجہ بلاول بھٹو زرداری نے عالمی مالیاتی فنڈ (آئی ایم ایف) سے مطالبہ کیا ہےکہ سیلاب کی تباہ کاریوں سے متاثرہ قوم کے ساتھ شرائط نرم کرے-

    باغی ٹی وی: کراچی میں ڈونرکانفرنس سے خطاب کرتے ہوئے بلاول بھٹو زرداری کا کہنا تھا کہ سیلاب جیسی قدرتی آفت ہمارے لیے قیامت سے پہلے قیامت تھی، تاریخ میں ایسی آفت پہلے کبھی نہیں آئی، سندھ میں سیلاب سے ہر سات میں سے ایک پاکستانی متاثر ہوا، مشکل گھڑی میں یو این سیکرٹری جنرل کی کوششوں کو سراہتے ہیں۔

    انسولین، کینسراورڈپریشن کی ادویات کی شدید کمی:دل کےمریضوں کی جان کوخطرات لاحق ہوگئے

    بلاول بھٹو زرداری کا کہنا تھا کہ حکومت کی کامیابی ہے کہ ہم نے عالمی اداروں سے جتنا مانگا اس سے زیادہ ملا، ہمیں عالمی اداروں بالخصوص عالمی بینک سے تعاون ملا، ہمارے وزیر خزانہ اور آئی ایم ایف کے درمیان مذاکرات ہو رہے ہیں سندھ میں گھروں کی تعمیر کے لیے 1.5 ارب ڈالر کی ضرورت ہے،تاریخ میں اس سے پہلے ایسی آفت کبھی نہیں آئی،ہمیں کہاگیاکہ دنیا سے امیدیں کم رکھیں مشکل میں مدد کرنے پرسب کےمشکور ہیں-

    وزیر خارجہ کا کہنا تھا کہ امید ہے آئی ایم ایف سے بات چیت مثبت رہےگی، آئی ایم ایف کی ذمہ داری ہےکہ سیلاب متاثرین کو بھی تحفظ دلائے، آئی ایم ایف کےکہنے پر قوم پر مہنگائی کا بوجھ ڈال رہے ہیں، آئی ایم ایف سے مطالبہ ہے کہ سیلاب کی تباہ کاریوں سے متاثرہ قوم کے ساتھ شرائط نرم کرے، عالمی ادارے اور آئی ایم ایف سے مطالبہ ہے کہ سیلاب میں ڈوبےلوگوں کو مہنگائی میں نہ ڈبوئیں۔

    کراچی: سی ٹی ڈی کی کارروائی،کالعدم تنظیم داعش کا کمانڈر گرفتار

    ان کا کہنا تھا کہ ہم چاہتے ہیں کہ سیلاب متاثرہ علاقوں کے لیے ٹارگٹڈ ریلیف ہو، یہ ریلیف زراعت، توانائی اور کھاد کے لیے ہونی چاہیے، یہ تب ممکن ہوگا جب آئی ایم ایف کی شرائط میں نرمی ہوگی، درپیش امتحان اور مسائل کا حل اور منصوبے ہمارے پاس ہیں۔

    سندھ حکومت نے 250 ملین ڈالر مہیا کرنے کا بندوبست کیا ہے،وزیراعظم شہباز شریف نے بھی 250 ملین ڈالر دینے کا اعلان کیا ہے، اب ہم صرف گھر نہیں بنا رہے ہیں ، متاثرین کو گھروں کے مالک بھی بنا رہے ہیں، لینڈ ریفارمز پر بھی کام کررہےہیں-

    وزیراعلیٰ سندھ کو ہدایت کی کہ مالکانہ حقوق گھر کےخاتون کے نام کریں، خواتین کو مالکانہ حقوق دینے سے انکی معاشی سطح پر بڑا انقلاب آئے گا،مالکانہ حقوق ملنے سے لوگ قرض لے کر کاروبار بہتر کرسکیں گے،دیہی علاقوں میں معیشت بحال ہوگی،ہم اپنی کوششوں میں ضرور کامیاب ہوں گے ، کمزور اور غریب طبقے کو بااخیتار بنائیں گے ،بلوچستان میں بھی سندھ طرز کا ماڈل اپنا یا جائے-

    وعدہ کیا کہ وقت درکار ہوگا لیکن ضرور ہم گھر بنا کر دیں گے،بلاول

  • اداکارہ سنبل اقبال کے قابلِ ضمانت وارنٹ گرفتاری جاری

    اداکارہ سنبل اقبال کے قابلِ ضمانت وارنٹ گرفتاری جاری

    کراچی کی عدالت نے اداکارہ سنبل اقبال کے قابلِ ضمانت وارنٹ گرفتاری جاری کردیئے۔

    باغی ٹی وی: ایف آئی اے کے مطابق سنبل اقبال نے 2020 میں شکایت درج کرائی تھی جس کے بعد ندیم کیانی و دیگر کے خلاف پاکستان الیکٹرانک کرائم ایکٹ کے تحت مقدمہ درج ہے،اداکارہ کی جانب سے الزام عائد کیا گیا تھا کہ ندیم کیانی و دیگر نے میرے خلاف سوشل میڈیا پر مہم چلائی ہے ۔

    کیسے سینز کرنے سے پہلے روینہ ٹنڈن شرائط رکھتی تھیں؟ اداکارہ نے بتا دیا

    ملزم کے وکیل کے مطابق سنبل اقبال نے ندیم کیانی و دیگر کے خلاف ایف آئی اے میں شکایت درج کرائی تھی اور ندیم کیانی نے کیس میں ضمانت کرارکھی ہے اداکارہ سنبل اقبال گواہی کے لیے عدالت میں پیش نہیں ہورہی۔

    تاہم اب کراچی کے جوڈیشل مجسٹریٹ جنوبی کی عدالت نے گواہی اور شواہد پیش نا کرنے کے معاملے پر اداکارہ کے 10 ہزار روپے مالیت کے قابلِ ضمانت وارنٹ گرفتاری جاری کیے ہیں اور انہیں گرفتار کرکے 15 فروری کو پیش کرنے کا حکم دیا گیا ہے۔

    میں نے کبھی عادل پر ہاتھ نہیں اٹھایا اپنے بچائو میں کبھی دھکا دیا ہو گا راکھی ساونت

  • وعدہ کیا کہ وقت درکار ہوگا لیکن ضرور ہم گھر بنا کر دیں گے،بلاول

    وعدہ کیا کہ وقت درکار ہوگا لیکن ضرور ہم گھر بنا کر دیں گے،بلاول

    باغی ٹی وی کی رپورٹ کے مطابق پیپلز پارٹی کے چیئرمین ، وفاقی وزیر داخلہ بلاول زرداری نے کہا ہے کہ سندھ حکومت کی جانب سے اہم کانفرنس کا انعقاد خوش آئند ہے،

    بلاول زرداری کا مزید کہنا تھا کہ گزشتہ دنوں دو اہم واقعات ہوئے جس پر غمزدہ ہیں،پشاور سانحے کے بعد برادر ملک ترکی میں زلزلے سے بڑی جانیں ضائع ہوئیں، کانفرنس ایک مستحکم سندھ کے وژن کو عملی جامہ پہنانے کی کامیاب کوشش ہے، مون سون بارش نے ملک میں تباہی مچائی،سیلاب سے 5 لاکھ ایکڑ پر پھیلی فصلیں تباہ ہوئیں،سیکریٹری جنرل اقوام متحدہ نے سیلاب متاثرہ علاقوں کا دورہ کیا،سیلاب سے 3 کروڑ سے زائد لوگ متاثر ہوئے سیلاب نے سندھ میں زندگی کے ہر پہلو کو متاثر کیا،ہر7میں سے ایک پاکستانی سیلاب سے متاثر ہوا،دنیا نے ہماری امید سے بڑھ کر مدد کی، تاریخ میں اس سے پہلے ایسی آفت کبھی نہیں آئی،ہمیں کہاگیاکہ دنیا سے امیدیں کم رکھیں مشکل میں مدد کرنے پرسب کےمشکور ہیں،

    بلاول زرداری کا مزید کہنا تھا کہ ورلڈ بینک اور ایشیائی ترقیاتی بینک کے تعاون کے بھی مشکور ہیں،جنیوا کانفرنس میں بھی لوگ کہہ رہےتھے خالی ہاتھ لوٹیں گے ،جنیوا کانفرنس میں بھی ہماری مدد کے لیے آواز اٹھائی گئی ، ہمیں تمام متاثرہ شعبوں کو جلد بحال کرنا ہوگا،ہم نے وعدہ کیا کہ وقت درکار ہوگا لیکن ضرور ہم گھر بناکر دیں گے،جنیوا کانفرنس میں پہنچا تو تب عالمی بینک کے 2ارب ڈالر آچکے تھے،2ارب ڈالر اس لیے منظور ہوئے کہ وزیراعلیٰ سندھ نے تیاری مکمل کرلی تھی،ہمیں گھروں کی تعمیر کیلئے 1.5 بلین ڈالر کی ضرورت ہے،سندھ حکومت نے 250 ملین ڈالر مہیا کرنے کا بندوبست کیا ہے،وزیراعظم شہباز شریف نے بھی 250 ملین ڈالر دینے کا اعلان کیا ہے، اب ہم صرف گھر نہیں بنا رہے ہیں ، متاثرین کو گھروں کے مالک بھی بنا رہے ہیں، لینڈ ریفارمز پر بھی کام کررہےہیں،وزیراعلیٰ سندھ کو ہدایت کی کہ مالکانہ حقوق گھر کےخاتون کے نام کریں، خواتین کو مالکانہ حقوق دینے سے انکی معاشی سطح پر بڑا انقلاب آئے گا،مالکانہ حقوق ملنے سے لوگ قرض لے کر کاروبار بہتر کرسکیں گے،دیہی علاقوں میں معیشت بحال ہوگی،ہم اپنی کوششوں میں ضرور کامیاب ہوں گے ، کمزور اور غریب طبقے کو بااخیتار بنائیں گے ،بلوچستان میں بھی سندھ طرز کا ماڈل اپنا یا جائے،

    بلاول بھٹو نےسیلاب متاثرین کے گھروں کی تعمیرکیلئے فنڈزکا اجرا کردیا

    خواتین کی تصاویر اور ویڈیوز بنانے والے اوباش ملزمان گرفتار

    حکومت پورے ادارے کو آگ لگانے کی دھمکی لگا رہی،کوئی پوچھنے والا نہیں، مریم

    نو سالہ بچی سے زیادتی کی کوشش کرنیوالا سگا پھوپھا گرفتار

     عمران خان کی طرف سے الزام تراشییوں کا سلسلہ پرانا نہیں عمران یو ٹرن لینے کی بجائے قلابازیاں کھا رہا ہے

  • ویڈیو: آپ چورن، منجن بیچنے آ گئے ،شہلا رضا کا علی زیدی سے مکالمہ

    ویڈیو: آپ چورن، منجن بیچنے آ گئے ،شہلا رضا کا علی زیدی سے مکالمہ

    باغی ٹی وی کی رپورٹ کے مطابق ضمنی الیکشن کے لئے کاغذات نامزدگی جمع ہو رہے ہیں، کراچی میں تحریک انصاف کے رہنما علی زیدی اور پیپلز پارٹی کی رہنما شہلا رضا الیکشن کمیشن دفتر پہنچے تو ملاقات ہو گئی،

    علی زیدی اور شہلا رضا کی ملاقات اور گفتگو کی ویڈیو وائرل ہو رہی ہے، شہلا رضا اورعلی زیدی کے درمیان الیکشن دفتر میں مکالمہ ہوا شہلا رضا نے علی زیدی پر طنز کرتے ہوئے کہا کہ آپ چورن، منجن بیچنے آ گئے ،علی زیدی نے جواب دیتے ہوئے کہا کہ نہیں، منجن صرف دانت صاف کرنے کے کام آتا ہے، وائرل ویڈیومیں دیکھا جا سکتا ہے کہ اس موقع پر علی زیدی اور شہلا رضا نے اپنے ساتھ آنے والے افراد کا ایک دوسرے سے تعارف کروایا شہلا رضا نے تعارف کے دوران کہا کہ علی زیدی میرا چھوٹا بھائی ہے بڑا ہوگیا ہے اب اس کے بال سفید ہو گئے ہیں

    بعد ازاں میڈیا سے بات کرتے ہوئے شہلا رضا کا کہنا تھا کہ اب تک تو تحریک انصاف جیب بھرو تحریک کر رہی تھی،میں نہیں سمجھتی پی ٹی آئی والے ایڈوانس ضمانتیں کروانے جیل بھی بھریں گے، اب تک تو پی ٹی آئی کی اعلیٰ قیادت جیل سے روتی ہوئی آئی ہے ،میں بھی جیل گئی تھی لیکن مجھے روتے ہوئے نہیں دیکھا ہوگا،سیاسی کارکن اور جماعت ہمیشہ الیکشن کے لیے تیار رہتے ہیں،اب صرف عوام کا آپشن ہی رہنا چاہیے، طاقت کا سرچشمہ عوام کو ہی سمجھتے ہیں،

    عمران خان کی محبت بھری شاموں کا احوال، سب پھڑے جان گے، گالی بریگیڈ پریشان

    عمران خان، تمہارے لئے میں اکیلا ہی کافی ہوں، مبشر لقمان

    عمران خان کو آرمی چیف سے کیا چاہئے؟ مبشر لقمان نے بھانڈا پھوڑ دیا

    عمران خان سے ڈیل کی حقیقت سامنے آ گئی