Category: کراچی

اردو یونیورسٹی این ای ڈی یونیورسٹی کے طالب علم بلال قتل کیس کا ملزم جمعہ خان پولیس مقابلے میں ہلاک ہو گیا

ایس ایچ او تھانہ عزیز بھٹی عدیل افضال و دیگر پولیس پر حملے کا ایک ملزم بھی ہلاک ہو گیا ہے، ملزم جمعہ خان عرف لالی ولد شاہ محمد ملزم مقدمہ الزام نمبر 719/2022 بجرم دفعہ 397 302 34 پی پی سی تھانہ مبینہ ٹاؤن انتہائی مطلوب مجرم ہے ،ڈکیتی کا ایک افسوسناک واقعہ مورخہ 15.12.2022 کو پیش آیا جس میں مسلح ڈاکوؤں نے تھانہ مبینہ ٹاؤن ڈسٹرکٹ ایسٹ میں روڈ کے کنارے شہرام باغ ہوٹل میں بیٹھے چند شہریوں کو لوٹ لیا۔ اس دوران این ای ڈی کے طالب علم بلال نے انتہائی بہادری سے ڈاکوؤں کا مقابلہ کیا جنہوں نے اس پر فائرنگ کی جس کے نتیجے میں وہ جام شہادت نوش کر گئے۔ ایف آئی آر نمبر 719/2022 یو سیکشن 397 302 34 پی پی سی تھانہ مبینہ ٹاؤن میں درج کی گئی۔پولیس نے ایک ساتھی ملزم نظام الدین کو 16.12.2022 کو زخمی حالت میں گرفتار کیا گیا ملزم جمعہ خان عرف لالی فرار ہونے میں کامیاب ہو گیا۔

خفیہ اطلاع پر اردو یونیورسٹی کے قریب جمعہ خان کی گرفتاری کے لیے چھاپہ مارا گیا ملزم نے پولیس پر جان سے مارنے کی نیت سے مجرمانہ قوت سے فاٸرنگ کی۔ اپنے دفاع میں پوزیشن لینے والی پولیس پر ملزمان نے سیدھی فائرنگ کردی۔ جس کے نتیجے میں ایک ملزم جمعہ خان فائرنگ کے تبادلے دوران ہلام ہوگیا دوسرا ساتھی فرار ہونے میں کامیاب ہوگیا۔ملزم سے ایک 30 بور پستول بمع راٶنڈ برآمد کر لیا گیا ہلاک ہونے والا ملزم جمالی گوٹھ کا رہائشی اور انتہاٸی مطلوب مجرم ہے

‏موٹروے پر اجتماعی زیادتی کا سن کر دل دہل گیا ، ملوث تمام افراد کو کیفر کردار تک پہنچایا جائے ، مریم نواز

خاتون کی غیر اخلاقی ویڈیو وائرل کرنیوالا ملزم لاڑکانہ سے گرفتار

موٹروے کے قریب خاتون سے مبینہ زیادتی ،پولیس کی 20 ٹیمیں تحقیقات میں مصروف

رینجرز ہیڈکواٹرمیں ترجمان رینجرز نے صحافیوں کو سالانہ رپورٹ پربریفنگ دی ہے،

ڈکیتی کی 120 سے زائد وارداتوں میں ملوث ملزم گرفتار

پاکستان رینجرز (سندھ)اور پولیس نے انٹیلی جنس معلومات کی بنیاد پر مشترکہ کاروائی کرتے ہوئے کراچی کے علاقے عابد آباد بلدیہ ٹاؤن سے ڈکیتی اوراسٹریٹ کرائم میں ملوث 2ملزمان علی خان اور حسین کو گر فتار کر لیا۔ ملزمان کے قبضے سے 3 عددپسٹل، ایمونیشن اور چوری شدہ موٹر سائیکل بھی برآمد کرلی گئی۔

تفصیلات کے مطابق ملزمان اپنے ساتھیوں کے ہمراہ کراچی کے مختلف علاقوں میں شہریوں سے موبائل فونز اور نقدی چھیننے کی متعدد وارداتوں میں ملوث ہیں۔ ملز م علی خان جرائم پیشہ افراد کو غیر قانونی اسلحہ فراہم کرنے اور چھینے گئے موبائل فونز اور موٹر سا ئیکلوں میں اپنا کمیشن وصول کرنے میں بھی ملوث ہے۔جبکہ ملزم حسین نے اعتراف کیا کہ وہ دوران ڈکیتی عابد وکیل نامی شہری کو گولی مارنے، نقدی، موبائل فون اور لیپ ٹاپ چھیننے میں ملوث ہے۔ ملزم نے اسٹریٹ کرائم اور ڈکیتی کی 120 سے زائد وارداتوں میں ملوث ہونے کا بھی اعتراف کیا ہے۔ ملزمان پیشہ ور ڈکیت ہیں اور متعدد بار گرفتار ہو کر جیل جا چکے ہیں۔ ملزمان کے دیگر ساتھیوں کی گرفتاری کے لیے چھاپے مارے جا رہے ہیں۔

حامد زمان کے خلاف فارن فنڈنگ کیس میں ایف آئی اے تحقیقات سے متعلق رپورٹ

،عمرا ن خان لوگوں کو چور اور ڈاکو کہہ کے بلاتے تھے، فیصلے نے ثابت کر دیا، عمران خان کے ذاتی مفادات تھے

اکبر ایس بابر سچا اور عمران خان جھوٹا ثابت ہوگیا،چوھدری شجاعت

ترجمان سندھ رینجرز کے مطابق گرفتارملزمان کوبمعہ اسلحہ، ایمونیشن اور موٹر سائیکل مزید قانونی کاروائی کے لیے پولیس کے حوالے کر دیا گیا ہے۔ عوام سے اپیل ہے کہ ایسے عناصر کے بارے میں اطلاع فوری طور پر قریبی رینجرز چیک پوسٹ، رینجرز ہیلپ لائن 1101 یا رینجرز مددگار واٹس ایپ نمبر 03479001111 پر کال یا ایس ایم ایس کے ذریعے دیں۔ آپ کا نام صیغہ راز میں رکھا جائے گا۔

رینجرز ہیڈکواٹرمیں ترجمان رینجرز نے صحافیوں کو سالانہ رپورٹ پربریفنگ دی ہے،

ترجمان رینجرزنے بریفنگ میں بتایا کہ دہشت گردی ، قتل ، بھتہ خوری ، اقدام قتل ، اغواء برائے تاوان اور منشیات کے خلاف آپریشن کیے گئے،سال بھر میں مختلف 2292 آپریشن کے دوران 4213 ملزمان کو گرفتار کیا گیا ، دہشت گردی کے خلاف 181 آپریشن کے دوران 60 دہشت گرد گرفتار اور 11 جدید اسلحہ برآمد کیے گئے ٹارگٹ کلنگ میں ملوث ملزمان کی گرفتاری کے لیئے 10 آپریشن میں 6 ٹارگٹ کلرز گرفتار کیے گئے بھتہ خوری کے خلاف 48 آپریشن میں 65 بھتہ خور گرفتار کیے گئے 64 عدد اسلحہ برآمد کئے گئے،ڈکیتوں کے خلاف 506 آپریشن میں 725 ڈاکوں گرفتار کرکے 406 اسلحے برآمد کئے گئے منشیات فروشوں کے خلاف 659 چھاپوں کے دوران 738 ملزمان گرفتار 216 چھوٹے بڑے اسلحے برآمد کئے گئے، غیر قانونی اسلحے کے خلاف 18 چھاپہ مار کارروائیاں کی گئیں اور 2 ملزمان گرفتار اور 1091 اسلحہ برآمدکئے گئے سندھ رینجرز کی 2 جوانوں نے جام شہادت نوش کیا ، 5 رینجرز جوان زخمی ہوئے ،

خاتون کی غیر اخلاقی ویڈیو وائرل کرنیوالا ملزم لاڑکانہ سے گرفتار

موٹروے کے قریب خاتون سے مبینہ زیادتی ،پولیس کی 20 ٹیمیں تحقیقات میں مصروف

‏موٹروے پر اجتماعی زیادتی کا سن کر دل دہل گیا ، ملوث تمام افراد کو کیفر کردار تک پہنچایا جائے ، مریم نواز

ترجمان رینجرز کے مطابق سال نوکے موقع پرسیکیورٹی اقدامات کے لیے موٹرسائیکل اسکواڈ تشکیل دیا گیا ہے،شہربھرمیں ڈکیتی کی وارداتوں کی بڑھتی وجہ منشیات کا استعمال اوربے روزگاری ہے،کراچی اور اندرون سندھ میں منشیات فروشی کے خلاف آپریشن کے دوران مجموعی طور پر 60,000.577 کلو گرام منشیات برآمد کی گئی۔جس میں 1969.16 کلو گرام حشیش، 128.703 کلو گرام ہیروئن، 133.914 کلو گرام آئس / کرسٹل، 8.46 کلو گرام افیم، 6056 کلو گرام گٹکا اور 51705 کلو گرام چھالیہ شامل ہے۔ مختلف کاررائیوں کے دوران 6ہائی پروفائل منشیات فروشوں کو گرفتار کیا گیا ،پاکستان میں غیر قانونی طور پر مقیم غیر ملکیوں کے خلاف آپریشن کے دوران مجموعی طور پر 1719 افراد کو گرفتار کیا گیا۔ جن میں سے 1056 افراد کو پولیس کے حوالے کر دیا گیا جبکہ 663 افراد کو بلوچستان حکومت کی مدد سے واپس اپنے ملک روانہ کردیا گیا۔پاکستان رینجرز (سندھ) کی جانب سے کراچی اور اندرونِ سندھ میں لاء اینڈ آرڈر صورتحال کو کنٹرول کرنے کے ساتھ ساتھ مختلف ایونٹس کے انعقاد خاص طور پر الیکشن، IDEAS، پی ایس ایل، غیر ملکی کرکٹ ٹیموں کے دورہ پاکستان، مسلم اور دوسری کمیونٹیز کے مذہبی تہواروں کے دوران فول پروف سیکیورٹی بھی فراہم کی گئی۔ پاکستان رینجرز (سندھ) نے حالیہ سیلاب کے دوران بھر پور کردار ادا کیا اورمخیر حضرات کے تعاون سے اندرون سندھ میں سیلاب متاثرین کے لیے خوراک، کمبل، کپڑے،2223.617ٹن اشیائے خوردونوش اور 240.813 ملین روپے بھی تقسیم کیے گئے۔پاکستان رینجرز(سندھ) کی جانب سے شہریوں کے مسائل کے حل کے لیے قائم رینجرز مدد گار سیل میں مجموعی طور پر 1580 شکایات موصول ہوئیں جن میں سے 1307 شکایات کا ازالہ کیا گیا جبکہ 17 افراد کو زیر حراست لیا گیا۔

کراچی:شہرقائد میں انسداد دہشت گردی کی خصوصی عدالت نے خاتون کے اغوا و قتل کے 2 مجرموں کو پھانسی کا حکم دے دیا۔ تفصیلات کے مطابق انسداد دہشتگردی کی خصوصی عدالت نے اغوا برائے قتل کا جرم ثابت ہونے پر 2 ملزمان کو 2 مرتبہ سزائے موت کا حکم دے دیا۔

کراچی؛ ڈاکوؤں نے دکاندار اور وہاں موجود دیگر لوگوں کو لوٹ لیا

کراچی سینٹرل جیل میں انسدادہشتگردی کمپلیکس میں خصوصی عدالت نمبر 16 نے اغوا برائے قتل کے مقدمے کا فیصلہ سنادیا۔ عدالت نے 2 ملزمان عباس بنگش اور محبوب اختر کو 2 مرتبہ سزائے موت کا حکم دے دیا۔

عدالت نے ملزمان کو جرم چھپانے اور جعل سازی میں مجموعی طور پر 9 سال قید کی سزا حکم دیا ہے۔ عدالت نے ملزمان کو 2 لاکھ روپے فی کس لواحقین کو دینے کا بھی حکم دیا ہے۔

پولیس کے مطابق ملزمان نے 3 اکتوبر 2020 کو بیوٹی سیلون کی مالکہ 55 سالہ عزیز اختر کو اغوا کیا۔ جعل سازی کے ذریعہ 240 گز کے پلاٹ کے کاغذات بنائے اور بعدازاں قتل کیا۔ واقعہ کا مقدمہ تھانہ اسٹیل ٹاؤن میں درج کیا گیا تھا۔

کراچی پولیس کا منشیات فروشوں کے گرد گھیرا تنگ،ملزم گرفتار

یاد رہے کہ چند دن پہلے پولیس کے ہاتھوں ایک عام شہری قتل ہوگیا تھا ،کراچی کی انسدادِ دہشت گردی کی عدالت نے گلستانِ جوہر میں فائرنگ سے شہری کی ہلاکت کے کیس میں گرفتار 3 پولیس اہلکاروں کو 5 روزہ جسمانی ریمانڈ پر پولیس کے حوالے کر دیاہے۔

سندھ، پنجاب اور بلوچستان کے سرحدی اضلاع میں سال2022 ء کے اختتام پر بھی ڈاکو راج…

کراچی کی انسدادِ دہشت گردی کی عدالت کے منتظم جج کی عدالت میں تینوں گرفتار پولیس اہلکاروں کو پیش کیا گیا۔گرفتار پولیس اہلکاروں میں شہر یار، فیصل اور ناصر شامل ہیں۔پولیس کے مطابق گرفتار تینوں پولیس اہلکاروں کے خلاف گزشتہ رات فائرنگ کر کے نوجوان عامر حسین کو قتل کرنے کا مقدمہ تھانہ شارعِ فیصل میں درج ہے

باغی ٹی وی کی رپورٹ کے مطابق شہر قائد کراچی میں جرائم پیشہ عناصر کیخلاف پولیس کی کاروائیاں جاری ہیں

ضلع ویسٹ پولیس نے دوران ڈکیتی شہری کو بیدردی سے قتل کرنے والے ملزمان کو گرفتار کرلیا۔ملزمان نے 25 دسمبر 2022 کو سیکٹر 50A میں ہارڈ ویئر شاپ پر واردات کے دوران شہری عصمت اللّٰہ کو فائرنگ کرکے قتل کیا تھا۔واردات اور قتل کا مقدمہ الزام نمبر 1848/2022 بجرم دفعہ 397/302/34 تھانہ سرجانی میں درج ہے۔ایس ایچ او سرجانی نے ٹیکنیکل بنیادوں پر کاروائی کرکے واردات میں ملوث دو ملزمان کو گرفتار کیا۔ملزمان سے واردات میں استعمال ہونے والے 2 پسٹلز بمعہ ایمونیشن، چھینے گئے موبائل فونز اور نقدی برآمد‌ کر لی گئی، ملزمان کے زیراستعمال برآمدہ بلا نمبری موٹرسائیکل کی تفصیلات حاصل کی جارہی ہیں۔گرفتار ملزمان کے خلاف سندھ اسلحہ ایکٹ کے تحت مقدمات درج کر لئے گئے ہیں، گرفتار ملزمان میں یاسر عرف ناصر عرف گدا سرائیکی ولد احمد بخش اور محمد نواز ولد محمد خان شامل ہیں۔

دوسری جانب کورنگی پولیس نے منشیات فروشوں کیخلاف گھیرا تنگ کرتے ہوئے صنعتی ایریا پولیس نے دوسری کارواٸی میں انتہاٸی مطلوب منشیات فروش ملزم گرفتارکر لیا، تھانہ کورنگی صنعتی ایریا پولیس نے خفیہ اطلاع پر انتہاٸی مطلوب بدنام زمانہ منشیات فروش ملزم کو گرفتار کرلیا, گرفتار ملزم کے قبضے سے ایک کلو سے زاٸد منشیات چرس اور زرفروختگی کی نقدی رقم برآمد کی, گرفتار ملزم کی شناخت حسن علی ولد بشیر احمد کے نام سے ہوٸی, گرفتار ملزم عادی پیشہ مجرم ہے اور پہلے بھی بیشتر منشیات کے مقدمات میں گرفتار ہوکر جیل جاچکا ہے,گرفتار ملزم کیخلاف مقدمہ درج کرکے مذید انٹروگیشن کیلۓ تفتیشی حکام کے سپرد کردیا گیا ۔

تعلیمی ادارے میں ہوا شرمناک کام،68 طالبات کے اتروا دیئے گئے کپڑے

بیوی طلاق لینے عدالت پہنچ گئی، کہا شادی کو تین سال ہو گئے، شوہر نہیں کرتا یہ "کام”

50 ہزار میں بچہ فروخت کرنے والی ماں گرفتار

ایم بی اے کی طالبہ کو ہراساں کرنا ساتھی طالب علم کو مہنگا پڑ گیا

7 اعشاریہ 7 کلو گرام اعلیٰ کوالٹی کی ہیروئن فٹبالز میں چھپائی گئی تھی

تھانہ مبینہ ٹاٶن پولیس نے منشیات فروش ملزم کو منشیات سمیت گرفتار کرلیا۔ایس ایس پی ایسٹ سید عبدالرحیم شیرازی کے مطابق پولیس نے دوران گشت خفیہ اطلاع پر کارواٸی کرکے ملزم کو قاعداعظم کالونی رکشہ اسٹاپ سے گرفتار کرلیا۔ملزم منشیات فروخت اور سپلائی کرنے میں ملوث ہے۔ گرفتار ملزم کے قبضہ سے 01 کلو 250 گرام اعلیٰ کوالٹی چرس برآمد کی گئی ہے، ملزم سے پیکنگ مٹیریل اور زرفروختگی بھی برآمد کی گئی ہے، گرفتار ملزم کی شناخت رفیق اوڈ ولد سلیمان کے نام سے ہوئی ہے ملزم عادی مجرم ہے پہلے بھی تھانہ مبینہ سے دو مقدمہ میں گرفتار ہوکر جیل جا چکا ہے ملزم کے خلاف مقدمہ الزام نمبر 756/22 بجرم دفعہ *6/9 (c) اینٹی نارکوٹکس ایکٹ کے تحت درج کرلیا گیا ہے ملزم کو مزید کارروائی کے لیے تفتیشی افسران کے حوالے کر دیا گیا ہے

باغی ٹی وی کی رپورٹ کے مطابق شہر قائد کراچی میں جرائم پیشہ عناصر کیخلاف پولیس کی کاروائیاں جاری ہیں

گبول ٹاؤن پولیس نے اسٹریٹ کرمنلز سے مزاحمت مقابلے کے بعد ایک ڈاکو کو گرفتار کر لیا ،مقابلہ ندی کنارہ سیکٹر 16B بفرزون گبول ٹاؤن میں ہوا ،پولیس نے مشتبہ جان کر ملزمان کو روکا تو ملزمان پولیس پر فائرنگ کرتے ہوئے فرار ہوگئے ،گبول ٹاؤن پولیس نے ملزمان کے تعاقب کے گھیرا دیکر 1 ملزم کو گرفتار کر لیا دوران گرفتاری ملزم موٹر سائیکل سے گرنے کی وجہ سے زخمی ہوگیا گرفتار ملزم کی شناخت سلیم خان عرف گینڈا عرف رکشے والا ولد بادشاہ خان کے نام سے ہوئی ،گرفتار ملزم کے قبضے سے پولیس نے 1 عدد پسٹل 30 بور لوڈ میگزین اور نقد رقم برآمد کر لی ،ملزم سلیم نیو کراچی تھانہ میں ڈکیتی اور ناجائز اسلحہ کے مقدمات میں گرفتار ہوچکا ہے ،ملزم نے بلال کالونی کی حدود سے ایک پولیس والے سے 22 لاکھ روپے کی ڈکیتی کی تھی جسکے مقدمہ میں ملزم مفرور تھا ،گرفتار ملزم سے تحقیقات جاری ہے جبکہ ملزم کے خلاف پولیس مقابلہ اور ناجائز اسلحہ کے مقدمات درج کر کے تفتیش کا آغاز کردیا گیا ہے

زبانی نکاح،پھر حق زوجیت ادا،پھر شادی سے انکار،خاتون پولیس اہلکار بھی ہوئی زیادتی کا شکار

نو سالہ بچی سے زیادتی کی کوشش کرنیوالا سگا پھوپھا گرفتار

خواتین کو دست درازی سے بچانے کیلئے سی سی پی او لاہور میدان میں آ گئے

خواتین کی تصاویر اور ویڈیوز بنانے والے اوباش ملزمان گرفتار

دوسری جانب تھانہ سائیٹ سپرہائی وے کے علاقے میں پولیس کا ملزمان سے مقابلہ ہوا، دوران مقابلہ ایک ملزم زخمی خالت میں گرفتار اور دوسرا موقعہ سے فرار ہو گیا ہے، تھانہ سائیٹ سپرہائی وے پولیس کا دوران پیٹرولنگ 2 ملزمان سے مقابلہ ہوا دوران مقابلہ ملزم نصیب االلہ ولد بادشاہ جان زخمی حالت میں گرفتار کر لیا گیا، ملزم کے قبضہ سے ایک پستول 30 بمعہ 3 راؤنڈ زندہ برآمد جبکہ دوسرا موقع سے فرار ہو گیا،