Baaghi TV

Category: کراچی

  • حیدرآباد:ٹریفک حادثےمیں2خواتین جاں بحق،10افراد زخمی

    حیدرآباد:ٹریفک حادثےمیں2خواتین جاں بحق،10افراد زخمی

    کراچی :حیدرآباد میں ٹریفک حادثے میں 2 خواتین جاں بحق جبکہ 10 افراد زخمی ہوگئے۔ حادثے میں زخمی 3 خواتین کی حالت تشویشناک ہے۔تفصیلات کے مطابق تحصیل شاہ کریم بلڑی کے قریب ٹریکٹر کی گاڑی کو ٹکر کے نتیجے میں حاثہ پیش آیا۔حکام کے مطابق حادثے میں زخمی افراد کو علاج کےلیے قریبی اسپتال منتقل کردیا گیا ہے جہاں 3خواتین کی حالت تشویش ناک ہے۔

    لکی مروت: پولیس چوکی شہبازخیل پردہشتگردوں کا حملہ،کانسٹیبل شہید

    ادھرکل رات جو کہ نئے سال کےحوالے سے تقریبات اور منچلوں کی طرف سےفائرنگ کا سلسلہ جاری وساری تھا ، اس میں بڑے پیمانے پر نقصانات کی بھی اطلاعات ہیں،کراچی میں سال نوپر ہوائی فائرنگ کے واقعات میں 34 افراد زخمی ہوگئے۔

    کورونا کے مزید 21 کیسز رپورٹ، 19 مریضوں کی حالت نازک

    پولیس ترجمان کےمطابق ضلع ایسٹ اورسینٹرل میں 10,10 اورضلع جنوبی میں 9 افرادزخمی ہوئے، ضلع کورنگی میں 3 اور ضلع ویسٹ اور ضلع ملیر میں ایک ایک شخص ہوائی فائرنگ سے زخمی ہوا۔ترجمان کے مطابق ہوائی فائرنگ کرنے والے 34 افراد کو گرفتار کیا گیا،گرفتار افراد کے خلاف اقدام قتل اور دیگر دفعات کے تحت مقدمات درج کیےگئے ہیں۔

    عون چوہدری کےانکشافات پرجسٹس ریٹائرڈ ثاقب نثار کا رد عمل سامنےآگیا

    پولیس ترجمان کے مطابق ضلع ایسٹ میں 2، سینٹرل میں 7، ضلع ساؤتھ میں 11افرادکو گرفتار کیا گیا، ضلع کورنگی میں 10،کیماڑی میں 2، ضلع ساؤتھ اور ویسٹ میں ایک ایک شخص کو گرفتار کیا گیا۔

  • بوکس ووٹنگ اور جعلی حلقہ بندیاں والے الیکشن کسی کو قبول نہیں ، خالد مقبول صدیقی

    بوکس ووٹنگ اور جعلی حلقہ بندیاں والے الیکشن کسی کو قبول نہیں ، خالد مقبول صدیقی

    متحدہ قومی موومنٹ (ایم کیو ایم) پاکستان کے سربراہ خالد مقبول صدیقی نےکہا ہےکہ 15جنوری سے پہلےکراچی اور حیدرآ بادکی از سرنو حلقہ بندیاں کی جائیں، حلقہ بندیاں درست نہ ہوئیں تو سڑکوں پر احتجاج کریں گے۔

    باغی ٹی وی: کراچی میں ایم کیوایم پاکستان کی رابطہ کمیٹی کا اجلاس ہوا جس میں فیصلہ کیا گیا کہ پیپلز پارٹی کے غیر سنجیدہ رویئے اور حلقہ بندیوں کے خلاف احتجاج کیا جائےگا اور وفاق کو اپنے تحفظات سے آگاہ کرنے سمیت سخت مؤقف اختیار کیا جائےگا۔

    ٹھٹھہ : امیر جماعت اسلامی سراج الحق کا شاندار استقبال،جلسہ میں ہزاروں افرادکی شرکت

    ہم باضابطہ طور پر پیپلز پارٹی کے اتحادی نہیں ہیں، ہمارا ایک معاہدہ ہوا تھا جو سندھ کے حوالے سے پیپلز پارٹی سے تھا، آج ہمارا رابطہ کمیٹی کا اجلاس ہوا ہے جس میں اہم امور پر تبادلہ خیال ہوا ہے۔

    رابطہ کمیٹی کے اجلاس کے بعد پریس کانفرنس کرتے ہوئے خالد مقبول صدیقی کا کہنا تھا کہ وزیراعظم وعدے پورے کریں، تحفظات دور کریں ، ورنہ احتجاج پرمجبور ہوں گے یہ حلقہ بندیاں اس طرح کی گئی ہیں تاکہ اس شہر کا مینڈیٹ چرایا جاسکتا ہے، وزیراعظم صاحب! آپ نے تو اسلام آباد میں حلقہ بندیاں کرلیں اب بتائیں کہ اپنے وعدے پر عمل درآمد کب کرارہے ہیں؟

    ان کا کہنا تھا کہ وزیر اعظم کو ہم ٹیلی فون کرنے کی ضرورت محسوس نہیں کررہے، 2018ء میں شفاف الیکشن نہیں ہوئے اس کے نتائج آپ نے دیکھ لیے، اس حلقہ بندیوں کی صورت میں عوام الیکشن کیسے قبول کریں گے؟ بوکس ووٹنگ اور جعلی حلقہ بندیاں والے الیکشن کسی کو قبول نہیں۔

    راولپنڈی: سال نو کا پہلا مقدمہ درج،سینکڑوں افراد کو نوکری کا جھانسہ دے کر لوٹنے والا ملزم گرفتار

    خالد مقبول صدیقی کا کہنا تھا کہ ہم نے اس صورت حال میں فیصلہ کرنا ہےکہ حکومت کے ساتھ رہ کر الیکشن لڑيں گے یا باہر رہ کر، اب صبرکرنا مشکل ہوتا جارہا ہے، پیپلز پارٹی سے معاہدے میں ہمارا نکتہ ہی یہ تھاکہ موجودہ بلدیاتی حلقہ بندیاں درست نہیں، ان سے پری پول رگنگ واضح ہے ، 15جنوری سے پہلےکراچی اور حیدرآ بادکی از سرنو حلقہ بندیاں کی جائیں۔

    خالد مقبول صدیقی نے کہا کہ پیپلز پارٹی نے یقین سے کہاتھا کہ ہمارے مطالبات 100 فیصد جائز ہیں، حلقہ بندیاں درست نہ ہوئیں توسڑکوں پراحتجاج کے لیے مجبور ہوں گے، ہم بلدیاتی انتخابات شفاف اور دباؤ کے بغیر چاہتے ہیں، ہم چاہتےہیں کہ 15جنوری کو صاف، شفاف اور غیر جانبدارانہ بلدیاتی انتخابات ہوں،سندھ میں بلدیاتی انتخابات کے حوالےسےحلقہ بندیاں آئین وقانون کے خلاف ہیں اور ہم نے 8 ماہ کے دوران پیپلز پارٹی کے رہنماؤں سے درجنوں ملاقاتیں کی ہیں جن میں کہا ہے کہ فوری طور پر کراچی و حیدر آباد کی حلقہ بندیاں تبدیل کی جائیں۔

    پی آئی اے پر یورپ میں پروازوں کیلئےعائد پابندی ختم ہونے کے امکانات

    انہوں نے کہا کہ یہاں پری پول رگنگ ہوچکی ہے، ایم کیو ایم کے زیر اثر علاقوں میں 90 ہزار آبادی پر یوسی بنائی گئی جبکہ دوسری جانب 20 سے 25 ہزار افراد پر یوسی بنادئی گئی، الیکشن کمیشن 15 جنوری سے قبل ازسر نو حلقہ بندیاں کرے۔

    خالد مقبول صدیقی کا کہنا تھا کہ اگر حلقہ بندیاں درست نہ ہوئیں تو پھر سڑکوں پر آئیں گے اور احتجاج کری گے، یہ کارکنان کو فیصلہ کرنا ہے کہ اس الیکشن میں حکومت میں رہ کر لڑنا ہے یا حکومت سے باہر ہو کر، اگر الیکشن غیر جانب دار نہیں ہوئے تو پُرامن کس طرح ہوں گے؟ الیکشن کمیشن نے حلقہ بندیوں کی ذمہ داری سندھ حکومت کو کیوں سونپی؟-

    عادل فاروق راجہ کے ملک مخالف سرگرمیوں میں ملوث ہونے بارے اہم انکشافات

  • الیکشن کمیشن کو اختیار ہے کہ وہ کہیں سے بھی نفری لےکر الیکشن کروا سکتا ہے، حافظ نعیم الرحمان

    الیکشن کمیشن کو اختیار ہے کہ وہ کہیں سے بھی نفری لےکر الیکشن کروا سکتا ہے، حافظ نعیم الرحمان

    امیر جماعت اسلامی کراچی حافظ نعیم الرحمان نے چیئرمین پیپلز پارٹی کو مخاطلب کرتے ہوئے کہا کہ الیکشن کمیشن کو اختیار ہے کہ وہ کہیں سے بھی نفری لےکر الیکشن کروا سکتا ہے-

    باغی ٹی وی : کراچی میں پریس کانفرنس کرتے ہوئے حافظ نعیم الرحمان کا کہنا تھا کہ کل وزیراعلی ہاؤس میں پیپلز پارٹی کے اجلاس میں تقاریر ہوئیں، الیکشن کمیشن سے سوال ہےکہ کس طرح پارٹی اجلاس سی ایم ہاؤس میں ہوا؟ پبلک آفس میں اس طرح کی میٹنگ کی اجازت کیسے دی گئی؟-

    خیبر پختونخوا میں سی این جی اسٹیشنز ایک مہینے کے لیے بند کر دیئے گئے

    حکومت سندھ کو تنقید کا نشانہ بناتے ہوئےحافظ نعیم نے کہا کہ آپ کراچی کو تسلیم ہی نہیں کرتےشہر پر قبضہ کرناچاہتے ہیں، ایڈمنسٹریٹرز کی تعیناتی پر الیکشن کمیشن نے سندھ حکومت کو بارہا خط لکھے لیکن پیپلز پارٹی الیکشن کمیشن کو اپنی جاگیر سمجھتی ہے۔

    بلدیاتی الیکشن کے حوالے سے بات کرتے ہوئے امیر جماعت اسلامی کراچی کا کہنا تھا الیکشن کمیشن کو اختیار ہے کہ وہ کہیں سے بھی نفری لےکر الیکشن کروا سکتا ہے، ہمارا مطالبہ ہے کہ بلدیاتی الیکشن سے قبل فوج اور رینجرز کی تعیناتی کی جائےجماعت اسلامی کا دباؤ ہے اس لیے بلاول اب الیکشن کے اعلانات کر رہے ہیں، یہ کوشش کریٕں گے کہ بلدیاتی انتحابات ملتوی ہو جائیں لیکن ہم بلدیاتی الیکشن کو ملتوی کرنے کی سازش ناکام بنائیں گے۔

    حافظ نعیم الرحمان کا کہنا تھا بلاول صاحب نےکہا کہ ہم نےکراچی میں تاریخی کام کیے، بلاول صاحب یہ ریکارڈ کام نہیں ریکارڈ کرپشن ہے، آپ کی حکومت نے کےفور کا منصوبہ مکمل نہیں کیا، آپ لوگ صرف قبضے کے علاوہ کراچی کے لیےکچھ کرنا ہی نہیں چاہتے کراچی کے پارکوں اور کھیلوں کے میدان پر کس نے قبضے کیے؟ عباسی شہید اسپتال کچرے کا میدان بن چکا ہے، کئی جامعات کے وائس چانسلر مستقل نہیں ہیں۔

    صدر مملکت نے اسلام آباد بلدیاتی بل بغیر دستخط کے واپس بھیج دیا

    امیر جماعت اسلامی نے کہا کہ بلاول بھٹو 2007 سے حکومت میں شامل ہیں لیکن آج تک کے فور منصوبہ مکمل نہیں ہوسکا، پیپلز پارٹی کے 11 وفاقی وزراء ہونے کے باوجود ایک فیصد پانی کا کوٹہ منظور نہیں کرواسکے۔

    حافظ نعیم نے سوال اُٹھایا کہ اسٹیبلشمنٹ کہتی ہے کہ ہم غیر سیاسی ہے تو زرداری ٹیسوری ڈاکٹرائن کون کررہا ہے، ایم کیو ایم کے دھڑوں کو کون ملارہا ہے؟ یہ ڈاکٹرائن صرف کرپشن میں حصے داری کیلئے ہے۔

    انہوں نے کہا کہ پیپلز پارٹی کی پرفامنس کراچی کے عوام سے چھپی ہوئی نہیں، عباسی شہید سمیت سرکار کے تحت چلنے والے اسپتال کچرا کنڈی کا ڈھیر بن چکے ہیں، سرکاری اسکولوں کی حالت اتنی اچھی ہے کہ کوئی وزیر اپنے بچوں کو سرکاری اسکولوں میں پڑھانا نہیں چاہتا، سندھ کا تعلیمی بجٹ 326 ارب روپے ہونے کے باوجود سرکاری اسکولوں کو اصطبل بنایا ہوا ہے۔

    لکی مروت: پولیس چوکی شہبازخیل پردہشتگردوں کا حملہ،کانسٹیبل شہید

    امیر جماعت اسلامی کراچی نے کہا کہ کے الیکٹرک مافیا کو تمام حکومتی جماعتوں نے سرپرستی دی ہوئی ہے کوئی آواز اُٹھاتا ہے تو دبانے کی کوشش کی جاتی ہے، بلاول بھٹو بتائیں کہ کے الیکٹرک کا والد کون ہے؟۔

    حافظ نعیم الرحمان نے مطالبہ کیا کہ بلدیاتی انتخابات 15 جنوری کو کروائے جائیں اور صاف شفاف الیکشن یقینی بنانے کیلئے ضروری اقدامات اٹھائے جائیں۔ زرداری ٹیسوری ڈاکٹرائن کے نتیجے میں الیکشن ملتوی کرنے کی سازشیں کی جارہی ہیں، ہم ہر صورت میں ان کی سازشوں کو بے نقاب کریں گے۔

    حافظ نعیم نے اعلان کیا کہ 8 جنوری کو شاہراہ قائدین پر تاریخی جلسہ عام کیا جائے گا۔

    پی سی بی کےچیف ایگزیکٹوآفیسر’’بچت مہم‘‘کی زد میں آگئے

  • کراچی:میڈیا سے گفتگو کے دوران گورنر سندھ کامران ٹیسوری کی جانب جوتا پھینک دیا گیا

    کراچی:میڈیا سے گفتگو کے دوران گورنر سندھ کامران ٹیسوری کی جانب جوتا پھینک دیا گیا

    کراچی: میڈیا سے گفتگو کے دوران ایک شہری نے گورنر سندھ کامران ٹیسوری پر جوتا پھینک دیا۔کراچی سے ذرائع کے مطابق کراچی میں نمائش چورنگی پر سال نو کی آتش بازی کی تقریب میں شریک گورنر سندھ کامران ٹیسوری کی جانب میڈیا سے گفتگو کے دوران جوتا اچھالا گیا جو خوش قسمتی سے انھیں نہ لگ سکا اور وہ ان کے اوپر سے گزر گیا، اس دوران گورنر سندھ نے بات چیت کا عمل جاری رکھا۔

    اس موقع پر گورنر سندھ کے ہمراہ خالد مقبول صدیقی اور ایڈمنسٹریٹر ڈاکٹر سیف الرحمٰن بھی موجود تھے، دریں اثنا گورنر سندھ کامران ٹیسوری کی جانب سے نمائش چورنگی پر سال نو کی خوشی میں منائے جانے والے جشن میں اس وقت بدمزدگی پیدا ہوگئی جب پولیس نے گورنر سندھ کی آمد سے قبل آتشبازی کے لیے لایا گیا سامان ضبط کرلیا۔

    گورنر سندھ کی نمائش چورنگی آمد اور ان کے پروٹول کے عملے کی جانب سے پولیس سے بات چیت کے بعد آتشبازی کا سامان واپس کر دیا گیا جس کے بعد نمائش چورنگی پر سال نو کی خوشی میں زبردست آتشبازی کا مظاہرہ کیا گیا جسے دیکھنے کے لیے شہریوں کی بڑی تعداد موقع پر جمع تھی۔

  • سال نو کا جشن، کراچی میں ہوائی فائرنگ سے 10سے زائد افراد زخمی

    سال نو کا جشن، کراچی میں ہوائی فائرنگ سے 10سے زائد افراد زخمی

    کراچی :پاکستان میں بھی سالِ نو کا آغاز ہوگیا ہے، اس موقع پر مختلف شہروں میں شاندار آتش بازی کے ساتھ ساتھ ہوائی فائرنگ بھی کی گئی۔کراچی کے ساحل سی ویو پر لوگوں کی بڑی تعداد جمع ہوئی اور شاندار آتش بازی کا مظاہرہ کیا گیا۔

    سال نو کے موقع پر صدر، گارڈن، لائٹ ہاؤس، بورڈ آفس، فائیو اسٹار، حسین آباد اور عثمان آباد سمیت مختلف علاقوں میں ہوائی فائرنگ سے 10 افراد زخمی ہوئے، جنہیں اسپتال منتقل کیا گیا۔کراچی میں پولیس کی بھرپور انسدادی مہم کے باوجود سال نو کا استقبال شدید ہوائی فائرنگ اور زوردار پٹاخوں سے کیا گیا۔

    سال 2022 کے اختتام سے چند منٹ پہلے ہی شہر بھر میں ہوائی فائرنگ کا سلسلہ شروع ہو گیا تھا اور سال 2023 کا آغاز زبردست ہوائی فائرنگ اور پٹاخوں کے ساتھ ساتھ ہلہ گلہ کے ساتھ ہوا۔

    کراچی کے تفریحی مقام کلفٹن سی ویو، بحریہ ٹاؤن، عمار ٹاور، باغ ابن قاسم، مختلف ہوٹلوں، کلبوں اور دیگر مقامات پر سالِ نو کے استقبال کیلئے زبردست آتش بازی کی گئی۔ جس میں ہزاروں کی تعداد میں شہریوں نے شرکت کی۔ کلفٹن میں ساحل سمندر اور دو دریا پر شہریوں کی بڑی تعداد جشن منانے کے لیے پہنچی ہوئی تھی۔

    کراچی پولیس کی جانب سے سال نو کے موقع پر ممکنہ گڑبڑ سے بچنے اور امن و امان کی بحالی کیلئے خصوصی انتظامات کیے گئے ہیں اور سینئر افسران کی نگرانی میں پولیس کی بھاری نفری تعینات ہے۔ مختلف علاقوں میں ہوائی فائرنگ کرنے والوں کے خلاف پولیس کا کریک ڈاؤن اور درجنوں افراد کو حراست میں لیے جانے کی بھی اطلاعات ہیں۔

    نارتھ ناظم آباد کے ڈی چورنگی پر فائرنگ سے ایک اور نوجوان زخمی،زخمی کی شناخت 20 سالہ شاہمیر ولد خورشید عالم کے نام سے ہوئی، حسین آباد کراچی آئس کریم کے قریب ہوائی فائرنگ ہوئی ،اس فائرنگ سے 22 سالہ نوجوان زخمی ہوگیا ہے،ایسے ہی زخمی کی شناخت نوید ولد شیر حسین کے نام سے ہوئی، ناظم آباد نیا گولیمار پر ہوائی فائرنگ سے ایک شخص زخمی ،زخمی کی شناخت 36 سالہ بیدال ولد شاہ کے نام سے ہوئی، لیاقت آباد نمبر 4 پر ہوائی فائرنگ ایک شخص زخمی ہوئے ایسے ہی زخمی کی شناخت 35 سالہ عدیل ولد نثار کے نام سے ہوئی

    کراچی کے مختلف علاقوں میں ہوائی فائرنگ سے زخمی ہونے والوں کوچھیپا ایمبولینس کے زریعے ہسپتال منتقل کیا جارہاہے۔ زخمی ہونے والوں میں 1-صدر سن پیٹریک اسکول01 زخمی2-گارڈن عثمان آباد پنجوانی پلازہ 01زخمی3-لائٹ ہاؤس ٹھٹی کمپاؤنڈ01زخمی4-سول راجہ مینشن 01زخمی5-حسین آباد 01زخمی6-بورڈ آفس دلپسند 01 بچہ زخمی7-ناظم آباد پل 01زخمی 8-لیاقت آباد 4نمبر01زخمی9-فائیو اسٹار 01زخمی10-کھارادر 01زخمی11-کشمیر کالونی 01زخمی،سول ہسپتال04،جناح ہسپتال 02،اورعباسی ہسپتال میں اس وقت 05 زخمی آئے ہیں

  • کراچی کو کوئی دہشتگرد اب بند نہیں کر سکتا،وزیراعلیٰ سندھ

    کراچی کو کوئی دہشتگرد اب بند نہیں کر سکتا،وزیراعلیٰ سندھ

    باغی ٹی وی کی رپورٹ کے مطابق وزیراعلیٰ سندھ سید مراد علی شاہ نے کہا ہے کہ قائم علی شاہ کے دور میں سب سے بڑا چیلنج شہر میں امن و امان قائم کرنا تھا،

    وزیراعلیٰ سندھ سید مراد علی شاہ کا کہنا تھا کہ پیپلز پارٹی نے اقتدار میں آ کر کراچی شہر میں امن و امان کوبحال کیا، کراچی میں اسٹریٹ کرائمز کو ختم کردیں گے،کراچی کو کوئی دہشتگرد اب بند نہیں کر سکتا، کراچی سے اسٹریٹ کرائم کے خاتمے کیلئے بھرپور کارروائیاں جاری ہیں، پی ٹی آئی حکومت نے کراچی میں ایک روپیہ بھی خرچ نہیں کیا،پیپلز پارٹی کراچی کو ایک بہترین شہر بنائے گی،

    قبل ازیں وزیراعلیٰ سندھ کے مشیر برائے قانون اور ترجمان سندھ حکومت مرتضیٰ وہاب نے میڈیا کو بریفنگ دیتے ہوئے کہا کہ حکومت میں ہوتے ہوئے بھی تنقید برداشت کرنا پڑتی ہے ،حکومت اسٹریٹ کرائمز روکنے کے لیے اقدامات کررہی ہے ،اسٹریٹ کرائم قابوکرنے کے لیے پولیس پر الزامات عائد ہوئے ،ہم کراچی کو امن کا گہوارہ بنائیں گے،کوئی بھی نہیں چاہتا کہ سندھ میں امن و امان خراب ہو، مرتضیٰ وہاب کا مزید کہنا تھا کہ ایک کالم میں لکھا گیا ہے کہ عمران خان نے پیپلز پارٹی کو ڈیل فراہم کی یہ ایسی ڈیل ہے جس کے تحت صدر زرداری،ان کی بہن جیل گئے،وزیراعلی سندھ کے خلاف اسلام آباد میں کیس بنا جو کیسز آج بھی اسلام آباد میں چل رہے ہیں، یہ کیسی ڈیل ہے، آصف علی زرداری کو این آر او دینے کی باتیں کرنے اور کروانے والوں پر صرف ہنسا ہی جاسکتا ہے مرد حر اور انکی بہن فریال تالپور، وزیراعلیٰ سندھ نے ناصرف تحریک انصاف کے نیب نیازی گٹھ جوڑ کا بہادری سے مقابلہ کیا بلکہ آج بھی ان مقدمات کا سامنا عدالتوں میں کررہے ہیں

    زبانی نکاح،پھر حق زوجیت ادا،پھر شادی سے انکار،خاتون پولیس اہلکار بھی ہوئی زیادتی کا شکار

    نو سالہ بچی سے زیادتی کی کوشش کرنیوالا سگا پھوپھا گرفتار

    خواتین کو دست درازی سے بچانے کیلئے سی سی پی او لاہور میدان میں آ گئے

    خواتین کی تصاویر اور ویڈیوز بنانے والے اوباش ملزمان گرفتار

    سندھ کی جیلوں میں افغانی بچوں کی تصاویر، شرجیل میمن نے حقیقت بتا دی

  • نوجوان بیٹے کو انصاف دلانے کی جنگ لڑنے والی سعیدہ خاتون چل بسیں

    نوجوان بیٹے کو انصاف دلانے کی جنگ لڑنے والی سعیدہ خاتون چل بسیں

    نوجوان بیٹے اور سانحہ بلدیہ کے متاثرین کو انصاف دلانے کی جنگ لڑنے والی سعیدہ خاتون کینسر سے جنگ ہار گئیں

    سانحہ بلدیہ متاثرین ایسوسی ایشن کی چیئرمین سعیدہ خاتون کو گزشتہ روز گزشتہ روز سپرد خاک کردیا گیا 2012 کے سانحہ بلدیہ فیکٹری میں سعیدہ خاتون کا نوجوان اکلوتا بیٹا بھی جانبحق ہوا تھا سترہ سالہ ایان سمیت دیگر متاثرین کو انصاف دلانے کا بیڑا سعیدہ خاتون نے اٹھایا تھا گزشتہ کئی ماہ سے سعیدہ خاتون کینسر کے موذی مرض میں مبتلا تھیں، سعیدہ کے نماز جنازہ میں مقامی افراد کثیر تعداد میں شریک ہوئے، بعد ازاں مقامی قبرستان میں انکی تدفین کی گئی،

    کراچی کے علاقے بلدیہ ٹاون میں 11 ستمبر 2012 کو خوفناک آتشزدگی کا واقعہ پیش آیا تھا، جس میں 260 کے قریب ملازمین جل کر خاکستر ہوگئے تھے۔ بعد ازاں سانحہ بلدیہ کی جے آئی ٹی رپورٹ میں انکشاف کیا گیا تھا کہ فیکڑی میں آتشزدگی کا واقعہ پیش نہیں آیا بلکہ 20 کروڑ روپے بھتہ نہ دینے پر بلدیہ فیکٹری کو آگ لگائی گئی۔ عبدالرحمان بھولا نے اپنے بیان میں اعتراف کیا تھا کہ اس نے حماد صدیقی کے کہنے پر ہی بلدیہ فیکٹری میں آگ لگائی تھی،

    سانحہ بلدیہ، تفتیشی افسر کے بیرون ملک جانے پر پابندی عائد

    سانحہ بلدیہ،عدالت نے فیصلہ سنا دیا،رحمان بھولا ،زبیر چریا کو سزائے موت، ایم کیو ایم رہنما بری

    سانحہ بلدیہ فیکٹری ،مجرموں نے سندھ ہائی کورٹ میں سزا چیلنج کردی

    سانحہ بلدیہ،لگتا ہے بڑی مچھلیوں کو تحفظ دیا گیا ہے، عدالت

    واضح رہے کہ 22 ستمبر کو اے ٹی سی کراچی نے سانحہ بلدیہ کیس کا فیصلہ سنایا تھا،رحمان عرف بھولا پر فیکٹری کو آگ لگانے کا الزام ثابت ہو گیا،انسداد دہشت گردی عدالت نے رحمان بھولا اور زبیر چریا کو سزائے موت سنا دی گئی اے ٹی سی کراچی نے ایم کیو ایم کے رہنما روَف صدیقی کو بری کردیا،سانحہ بلدیہ کیس میں 400گواہان کے بیانات ریکارڈ کیے گئے عدالت نے ادیب خانم ،علی حسن قادری ،عبد الستارکو بھی بری کردیا ،اس کے علاوہ باقی چار ملزمان کو سہولت کاری میں سزا سنائی گئی ہے،سزا پانے والے سہولت کاروں میں ارشد محمود ، فضل، شاہ رخ اورعلی احمد شامل ہیں

    اے ٹی سی کراچی نے سانحہ بلدیہ کیس کا فیصلہ 8سال بعد سنایا گیا تھا،آگ لگانے کی اہم وجہ فیکٹری مالکان سے مانگا گیا بھتہ تھا،رحمان عرف بھولا اورزبیر چریا پر فیکٹری کو آگ لگانے کا الزام ثابت ہوا،2014میں فیکٹری مالکان ارشد بھائیلہ، شاہد بھائیلہ اورعبدالعزیز دبئی چلے گئے

  • ڈاکٹرز کو سیاست دانوں کا علاج کرنا چاہئے،گورنر سندھ

    ڈاکٹرز کو سیاست دانوں کا علاج کرنا چاہئے،گورنر سندھ

    کراچی کے نجی ہوٹل میں کراچی میڈیکل اینڈ ڈینٹل کالج کے اٹھویں کانووکیشن کا انعقاد کیا گیا،

    تقریب میں گورنر سندھ کو شیلڈ پیش کی گئی اور گورنر نے طلباء سے خطاب کیا ، گورنر سندھ کامران ٹیسوری نے کے ایم ڈی سی کے کانووکیشن سے خطاب کرتے ہوئے کہا ہے کہ میں چاہتا ہوں کم بات کروں اور دل سے کی جانی والی بات کروں، پچھتر سالوں سے لکھی ہوئی تقریریں پڑھیں جارہی ہے،میں آج طلباء سے ان کی اپنی بات کرنے آیا ہوں.والدین کی قربانیوں کا ثمر ہے آج کا کانوکیشن،ماں باپ کے محنت سے ڈاکٹر بنے،آج پاس ہونے والے ڈاکٹرز کو سیاست دانوں کا علاج کرنا چاہئے، ہم سیٹوں سے چمٹے ہوئے ہے،عوام مسائل کا شکار ہیں، معیشت کا شہر بنیادی سہولتوں سے محروم ہے،گورنر سندھ کا مزید کہناتھا کہ یہ شہر مجبور ہے،کراچی شہر کے حالت کی ذمہ دارریاست ہے، ڈاکٹروں نے ملک کو سنبھالنا ہے، ملک سے سب باہر چلے گئے تو اس پاکستان کون دیکھے گا، ہم بے حس ہوگئے ہیں،انسانیت کی کمی آگئی ہے،ہماری سمت کا تعین کرنا لازمی ہے،

    علاوہ ازیں ایک تقریب سے خطاب کرتے ہوئے گورنر سندھ کامران ٹیسوری کا کہنا تھا کہ ہم حصوں میں بٹے ہوئے ہیں، سمندر کے قریب رہتے ہیں مگر ایک ایک بوند کیلئے ترستے ہیں،کراچی میں نہ بجلی ہے نا گیس، اور پانی تو ہے ہی نہیں، کراچی میں ہر چیز مافیا کے اختیار میں ہے،آپ کو حق دینے کیلئے کوئی مسیحا نہیں آئےگا، آپ کو خود فیصلہ کرنا ہے کہ حق کیسے لینا ہے، لوگوں کے حالات خراب ہوگئے ہیں دو کمروں کے فلیٹ والا ایک کمرے کے فلیٹ پر آ گیا، ملک میں بیروزگاری بڑھ گئی ہے،موٹرسائیکل والے کے پاس پیٹرول ڈالنے کے پیسے نہیں ہیں،بے روزگاری کی وجہ سے نوجوان اپنا حق مانگنے کی بھی جرات نہیں رکھتے، ہم نے اپنی غلطیوں سے اپنی طاقت کو کھودیا ہے،ہم سب کراچی کو خوشحال دیکھنا چاہتے ہیں،فاروق ستار سے تعلق کسی سے ڈھکا چھپا نہیں ہے،لوگ ووٹ نہیں دینا چاہتے کیونکہ وہ بیزار ہوگئے ہیں،کراچی میں تعلیم اور صحت کا نظام صفر ہے،

    تحریک انصاف میں پھوٹ پڑ گئی، فرح گوگی کی کرپشن کی فیکٹریاں بحال

    عمران خان، تمہارے لئے میں اکیلا ہی کافی ہوں، مبشر لقمان

    عمران خان کو آرمی چیف سے کیا چاہئے؟ مبشر لقمان نے بھانڈا پھوڑ دیا

    عمران خان سے ڈیل کی حقیقت سامنے آ گئی

    عمران خان کو آرمی چیف سے کیا چاہئے؟ مبشر لقمان نے بھانڈا پھوڑ دیا

    عمران ریاض کو واقعی خطرہ ہے ؟ عارف علوی شہباز شریف پر بم گرانے والے ہیں

  • دعا زہرہ کیس،ملزم ظہیر کی کیس منتقلی کی درخواست پر سماعت ملتوی

    دعا زہرہ کیس،ملزم ظہیر کی کیس منتقلی کی درخواست پر سماعت ملتوی

    سیشن عدالت شرقی،ملزم ظہیر کی کیس منتقلی سے متعلق درخواست پر سماعت ہوئی
    فاضل جج کے رخصت کے باعث درخواست پر سماعت نہ ہو سکی عدالت نے درخواست کی مزید سماعت 5 جنوری تک ملتوی کردی ملزم ظہیر نے کیس ایڈیشنل ڈسٹرکٹ اینڈ سیشن کورٹ سے منتقل کرنے کی درخواست دائر کر رکھی ہے مبینہ مغویہ عدالتی احکامات پر شیلٹر ہوم میں ہے مقدمے میں ملزم ظہیر، شبیر سمیت 5 ملزمان ضمانت پر ہیں واقعے کا مقدمہ کراچی کے تھانہ الفلاح میں درج ہے

    دعا کیجیے گا ہماری دعا ظالموں کے چنگل سے آزاد ہو،دعا زہرہ کے والدین کی اپیل

    دعا زہرہ کیس،عمر کے تعین کیلئے ایک بار پھر میڈیکل بورڈ بنانے کا حکم

     دعا زہرہ کو عدالت نے دارالامان بھجوانے کا حکم 

    واضح رہے کہ دعا زہرہ نے گھر سے بھاگ کر شادی کر لی تھی، دعا زہرہ کے شوہر ظہیر احمد کا کہنا ہے کہ کہ دعا اور میرا رابطہ پب جی گیم کے ذریعے ہوا اور پچھلے تین سال سے ہمارا رابطہ تھا دعا زہرہ کراچی سے خود آئی ہے دعا نے میرے گھر کے باہر آکر مجھے میسج کیا وہ رینٹ کی گاڑی پر آئی تھی میرے گھر والے شادی پر آمادہ تھے میرے گھر والے بھی چاہتے تھے کہ دعاکے گھر والے رضامند ہوں لیکن دعا کے گھر والوں نے شادی کیلئے مثبت جواب نہیں دیا اسی وجہ سے یہ خود اپنا گھر چھوڑ کر آ گئی

     دعا زہرہ کی پرائیویٹ تصاویر لیک کر دی گئیں

  • سال 2022 میں اسپیشل سیکیورٹی یونٹ کی کارکردگی رپورٹ جاری

    سال 2022 میں اسپیشل سیکیورٹی یونٹ کی کارکردگی رپورٹ جاری

    سال 2022 میں اسپیشل سیکیورٹی یونٹ کی کارکردگی رپورٹ

    سال2022 میں سیکیورٹی اینڈ ایمرجنسی سروسز ڈویژن کے ماتحت اسپیشل سیکیورٹی یونٹ نے متعدد سنگ میل عبور کیے۔ ڈی آئی جی سیکیورٹی اینڈ ایمرجنسی سروسز ڈویژن ڈاکٹر مقصود احمد اور ان کے ماتحت افسران نے امن و امان کے نفاذ اور عوام کی خدمت کے لیے کوئی کسر نہیں چھوڑی۔سال 2022 میں اسپیشل سیکیورٹی یونٹ کی جانب سے اٹھائے گئے اقدامات کی کارکردگی رپورٹ جاری کی گئی ہے

    ایس ایس یوکی جانب سے کیے گئے کامیاب آپریشنز

    سال 2022 کے دوران اسپیشل سیکیورٹی یونٹ نے دیگر قانون نافذ کرنے والے اداروں کے ہمراہ چھاپہ مارکاروائیوں میں 23 ملزمان کو گرفتار کیااور ان کے قبضے سے 47 موبائل فونز، 07 لیپ ٹاپ، 03 ڈی وی آر، مصنوعی زیورات سے لدے09 ٹرک، موٹر سائیکلیں اور دیگر قیمتی سامان برآمد کیا۔اس کے علاوہ خفیہ اطلاع پر ایس ایس یو کمانڈوز نے میمن گوٹھ میں جوئے کے اڈے پر کامیاب چھاپہ مارا، جس کے نتیجے میں 105 ملزمان کو گرفتار کرکے 22 موٹر سائیکلیں اور دیگر جوئے کا سامان برآمد کیاگیا۔

    آئیڈیاز 2022 میں پہلی بار شرکت؛ بہترین اسٹال کا ایوارڈ جیتا

    سیکیورٹی اینڈ ایمرجنسی سروسز ڈویژن کے اسپیشل سیکیورٹی یونٹ نے سندھ پولیس کی جانب سے کراچی ایکسپو سینٹر میں 15سے 18 نومبر 2022 تک منعقد ہونے والے بین الاقوامی دفاعی نمائش اور سیمینار (آئیڈیاز) 2022 کے 11ویں ایڈیشن میں شرکت کی۔ بین الاقوامی نمائشی تقریب میں سندھ پولیس کی یہ پہلی شرکت تھی۔ ایس ایس یو کے ڈسپلے نے ایونٹ میں بہترین اسٹال کا ایوارڈ جیتا۔

    یوم پاکستان پریڈ اور ڈائمنڈ جوبلی کی تقریبات میں شرکت

    اسپیشل سیکیورٹی یونٹ (SSU) کے خصوصی دستوں نے 23 مارچ 2022 کو 82 ویں یوم پاکستان پریڈ اور اسلام آباد میں یوم آزادی کی ڈائمنڈ جوبلی کی تقریب میں شرکت کی۔ڈی آئی جی سیکیورٹی اینڈ ایمرجنسی سروسز ڈویژن ڈاکٹر مقصود احمد نے انتظامات اور اہلکاروں کی تیاریوں کا جائزہ لینے کے لیے پریڈ گراؤنڈ اسلام آباد کا دورہ بھی کیا۔

    کرکٹ میچوں کے دوران فول پروف اور موثر حفاظتی انتظامات

    سیکیورٹی اینڈ ایمرجنسی سروسز ڈویژن کے تحت اسپیشل سیکیورٹی یونٹ (SSU) نے کرکٹ کے متعدد مقابلوں کے دوران فول پروف سیکیورٹی انتظامات فراہم کیے اوران کاپرامن انعقاد یقینی بنایا۔آسٹریلیا اور انگلینڈ کی کرکٹ ٹیموں کا ایک دہائی کے بعد پاکستان کا دورہ کامیابی سے مکمل ہوا۔

    فلڈ ریلیف آپریشن

    آئی جی سندھ غلام نبی میمن کی ہدایت پر ڈی آئی جی سیکیورٹی اینڈ ایمرجنسی سروسز ڈویژن ڈاکٹر مقصود احمد کو فلڈ ریلیف آپریشنز کا فوکل پرسن مقرر کیا گیا۔ایس ایس یو ہیڈ کوارٹرز میں فلڈ کرائسز مینجمنٹ سینٹر قائم کیا گیاجو چوبیس گھنٹے فعال رہا۔فلڈ ریلیف کیمپوں کا قیام، سیلاب سے متاثرہ علاقوں میں راشن کی تقسیم، دادو اور کنڈیارو میں مفت گرینڈ میڈیکل کیمپس، فلاحی تنظیموں کو رضاکار اور سیکیورٹی کی فراہمی، سیلاب متاثرین کے لیے رہائشی کیمپوں میں ناشتے کی تقسیم، سیلاب متاثرین کو اسٹیڈیم لانے اور سیلاب متاثرین کی ان کے گھروں کو محفوظ واپسی ریلیف آپریشن کے قابل ذکر اقدامات تھے۔

    شوٹنگ مقابلوں میں شاندار کارکردگی

    ایس ایس یو کمانڈوز نے پاکستان نیوی شوٹنگ رینج، پی این ایس بہادر، کراچی میں منعقدہ شوٹنگ مقابلے کی مختلف کیٹیگریز میں 04 سونے، 07چاندی اور 05 کانسی کے تمغے حاصل کیے اور شاندار کارکردگی کا مظاہرہ کرتے ہوئے ایس ایس یو اور سندھ پولیس کا نام روشن کیا۔اسپیشل سیکورٹی یونٹ کے کمانڈوز نے اسلام آباد میں چوتھے پولیس شہداء میموریل شوٹنگ مقابلے میں 08 میڈلز حاصل کئے۔سیکورٹی ڈویژن ہیڈ کوارٹرز میں یوم آزادی کی ڈائمنڈ جوبلی تقریبات کے موقع پر منعقدہ یوم آزادی شوٹنگ مقابلے میں بھی SSU کمانڈوز نے نمایاں پوزیشن حاصل کیں۔

    ایس ایس یوکمانڈوز کی کرائم ہاٹ سپاٹ پر تعیناتی

    کراچی میں بڑھتے ہوئے اسٹریٹ کرائم کی وارداتوں کے پیش نظر وزیراعلیٰ سندھ سید مراد علی شاہ اور اس وقت کے ایڈیشنل آئی جی کراچی غلام نبی میمن کی ہدایات پر بڑی تعداد میں ایس ایس یو کمانڈوز بمعہ موٹرسائیکل اسکواڈز کوشہر کے مختلف کرائم ہاٹ اسپاٹ اور حساس مقامات پر تعینات کیا گیا۔ شہریوں کے جان و مال کے تحفظ کے لیے کراچی کے تمام اضلاع میں اسپیشل سیکیورٹی یونٹ کے کمانڈوز تعینات کیے گئے۔

    ڈی آئی جی ڈاکٹر مقصود احمد کا کوریا اور دبئی کی نمائشوں میں شرکت

    ڈی آئی جی سیکیورٹی اینڈ ایمرجنسی سروسز ڈویژن ڈاکٹر مقصود احمد نے GITEX (گلف انفارمیشن ٹیکنالوجی نمائش)کی سالانہ نمائش میں شرکت کی۔ نمائش دبئی ورلڈ ٹریڈ سینٹر، دبئی، متحدہ عرب امارات میں منعقد ہوئی۔ ڈاکٹر مقصود احمد نے دبئی پولیس جنرل ہیڈ کوارٹرز کا بھی دورہ کیا اور سمارٹ سیف سٹی کمانڈ اینڈ کنٹرول سینٹر کا مشاہدہ کیا۔ دبئی پولیس کے جنرل ڈپارٹمنٹ آف آپریشنز کے ڈائریکٹر میجر جنرل ڈاکٹر محمد الرزوقی نے ڈاکٹر مقصود احمد کو دبئی میں آرٹیفیشل انٹیلی جنس سیکیورٹی پروٹوکول کے بارے میں بتایا جو انسانی مداخلت کے بغیر ایک مربوط سیکیورٹی نظام کے طور پر کام کرتے ہیں۔ڈی آئی جی سیکیورٹی اینڈ ایمرجنسی سروسز ڈویژن ڈاکٹر مقصود احمد کو کوریا پولیس ورلڈ ایکسپو 2022 میں شرکت کے لیے مدعو کیا گیا تھا جسےK-COPبھی کہا جاتا ہے جس کی میزبانی کورین نیشنل پولیس ایجنسی اور انچیون میٹروپولیٹن سٹی نے جنوبی کوریا کے شہر انچیون میں 77ویں پولیس کے قومی دن پر کی تھی۔ جنوبی کوریا کے صدریون سک ویول ایکسپو کے مہمان خصوصی تھے۔

    ایس ایس یو S.W.A.T ٹیم کی یو اے ای S.W.A.T چیلنج میں شرکت

    اسپیشل سیکیورٹی یونٹ کی اسپیشل ویپنز اینڈ ٹیکٹکس (S.W.A.T) ٹیم نے دبئی پولیس کی جانب سے الروایہ رینج میں یواے ای S.W.A.T چیلنج 2022 کے بین الاقوامی ایڈیشن میں شرکت کی اور اپنی پیشہ ورانہ مہارتوں کا مظاہرہ کیا۔ایس ایس یوہیڈکوارٹرزمیں یوم شہدائے پولیس منایا گیا4 اگست یوم شہدائے پولیس کے موقع پر ایس ایس یو کمانڈوز کے خصوصی دستے نے پولیس کے شہداء کو گارڈ آف آنر پیش کیا۔ ڈی آئی جی سیکیورٹی اینڈ ایمرجنسی سروسز ڈویژن ڈاکٹر مقصود احمد نے سینئر افسران کے ہمراہ یادگار شہدا پر پھولوں کی چادر چڑھائی اورفاتحہ خوانی کی۔

    ڈی آئی جی ڈاکٹر مقصود احمد کی جانب سے افطار ڈنر کا اہتمام

    ڈی آئی جی سیکیورٹی اینڈ ایمرجنسی سروسز ڈویژن ڈاکٹر مقصود احمد نے ایس ایس یو ہیڈ کوارٹرز میں سیکیورٹی ڈویژن کے شہید پولیس اہلکاروں کے اہل خانہ کے لیے افطار ڈنر کا اہتمام کیا۔

    ڈی آئی جی سیکیورٹی ڈاکٹر مقصود احمد کا شہداء کی رہائش گاہوں کا دورہ

    ڈی آئی جی سیکیورٹی اینڈ ایمرجنسی سروسز ڈویژن ڈاکٹر مقصود احمد نے شہید ایس ایس یو کمانڈوز فرح مسرت اور زاہد جعفری کے اہل خانہ میں عید کے تحائف تقسیم کرنے کے لیے ان کی رہائش گاہوں کا دورہ کیا۔

    میرٹ پر مبنی بھرتی کا عمل

    اسپیشل سیکیورٹی یونٹ (SSU) میں کلاس IV عملے BS-01)سے(BS-04کی آسامیوں کے لیے میرٹ کی بنیاد پر بھرتی کا عمل کامیابی سے انجام پایا۔ ڈی آئی جی سیکیورٹی ڈاکٹر مقصود احمد نے کامیاب ہونے والے امیدواروں میں تقرری کے احکامات تقسیم کئے۔مزید برآں، کراچی رینج میں بھرتی کا عمل اسپیشل سیکیورٹی یونٹ ہیڈ کوارٹرز میں مکمل کیا گیا جس میں کراچی رینج میں اعلان کردہ 165 مختلف آسامیوں کے لیے 2400 امیدواروں نے درخواستیں دی تھیں۔

    مذہبی اجتماعات کے دوران حفاظتی انتظامات

    ایس ایس یو کمانڈوز کی بڑی تعداد نے یوم عاشور، شہدائے کربلا کے چہلم، یوم علی، عید میلاد النبیﷺ، عیدالفطر اور دیگر مذہبی تقریبات کے موقع پر سیکیورٹی کے فرائض سرانجام دیئے۔اس کے علاوہ ایس ایس یو کی جانب سے کراچی میں محرم الحرام کے مرکزی جلوس میں اینٹی ڈرون جیمر کی جدید ترین ٹیکنالوجی بھی استعمال کی گئی۔

    کرمنل سائیکولوجی کے بارے میں آگاہی کے حوالے سے ویبنارکا انعقاد

    انٹرنیشنل پولیس آرگنائزیشن پاکستان کے صدر ڈی آئی جی سیکیورٹی ڈاکٹر مقصود احمد نے پاکستان کے آئی پی او ممبران کے ساتھ ایس ایس یو کانفرنس ہال میں ایک ویبنار میں شرکت کی جس میں کرمنل سائیکولوجی کا مطالعہ کیا گیا جس کا مقصد مجرموں کے نظریات، خیالات، ارادوں، ردعمل اور مجرمانہ رویے کو بہترطورپر سمجھنے کے لیے آگاہی فراہم کرنا تھا۔

    وفود کا ایس ایس یوہیڈکوارٹرزکادورہ
    چین کے قونصل جنرل، چینی پولیس کے 11 رکنی وفد، صدر روٹری انٹرنیشنل مسٹر گورڈن آرمیکلنلی اور ان کی اہلیہ ہیتھر میکلنلی، نیشنل انسٹی ٹیوٹ آف مینجمنٹ (NIM)کراچی میں سینئر مینجمنٹ کورس (SMC) میں شرکت کرنے والے وفاقی اور صوبائی حکومتوں کے 35 افسران، کراچی میں 32ویں سینئر مینجمنٹ کورس (SMC) میں زیرتربیت وفاقی اور صوبائی حکومتوں کے گریڈ 19 کے (39) سینئر افسران، ایڈیشنل آئی جی کراچی جاوید عالم اوڈھو، 34ویں مڈکیریئرمینجمنٹ کورس کے زیر تربیت پاکستان کسٹمز اکیڈمی کے افسران، 49ویں اسپیشلائزڈ ٹریننگ پروگرام کے زیر تربیت ASPs اور دیگر مختلف وفود نے سال 2022 کے دوران اسپیشل سیکیورٹی یونٹ ہیڈ کوارٹرز کا دورہ کیااور یونٹ کے پیشہ وارانہ معیار کو سراہا۔

    ایس ایس یوکمانڈوزکوفراہم کی گئیں پیشہ وارانہ تربیت

    ماضی کی روایت کو برقرار رکھتے ہوئے اسپیشل سکیورٹی یونٹ (SSU) کی جانب سے کمانڈوز کو جدید پیشہ وارانہ تربیت فراہم کرنے کا عمل اس سال بھی جاری رہا۔ کمانڈوزنے ملک کے مختلف تربیتی مراکز سے جدید پیشہ وارانہ تربیت حاصل کی۔ کمانڈوزنے ا سپیشل سروسز گروپ (نیوی) کے اہلکاروں سے بھی08 ہفتوں کے انسداد دہشت گردی کورس کی تربیت حاصل کی۔

    ایس ایس یو کمانڈوز کی جانب سے فراہم کی گئی تربیت

    کراچی پورٹ ٹرسٹ (کے پی ٹی) کی 21 لیڈی سیکیورٹی گارڈز اور فیڈرل بورڈ آف ریونیو کے 54 اہلکاروں بشمول 40 مرد سپاہی اور 14 لیڈی سپاہی نے اسپیشل سیکیورٹی یونٹ سے دو ہفتوں کی ’سیکیورٹی اویئرنیس اینڈویپن سیفٹی ٹریننگ‘ کامیابی سے مکمل کی۔ SSU کے پیشہ ور اساتذہ کی ٹیم نے اہلکاروں کو تربیت دی۔

    سیلف ڈیفنس اور فائر آرمز سیفٹی کورس

    ایس ایس یو ہیڈ کوارٹرز میں سال بھر سیلف ڈیفنس اینڈ فائر آرمز سیفٹی کورس کا انعقاد جاری رہا جس میں مختلف سرکاری محکموں کے افسران اور تعلیمی اداروں کے طلباء نے شرکت کی اورمستفیدہوئے۔ڈی آئی جی سیکیورٹی اینڈ ایمرجنسی سروسز ڈویژن ڈاکٹر مقصود احمد نے ایس ایس یو افسران و اہلکاروں کی کارکردگی کو سراہا اور امید ظاہر کی کہ وہ آئندہ سال بھی اسی جوش و جذبے سے اپنی خدمات جاری رکھیں گے۔

    رینجرز ہیڈکواٹرمیں ترجمان رینجرز نے صحافیوں کو سالانہ رپورٹ پربریفنگ دی ہے،

     طالب علم بلال قتل کیس کا ملزم جمعہ خان پولیس مقابلے میں ہلاک