Category: کراچی

کراچی: بجلی گیس کے بحران، درآمدات پر قدغن، بلند پیداواری لاگت اور سرمائے کی قلت کی وجہ سے ٹیکسٹائل انڈسٹری میں ڈیفالٹ کا خطرہ بڑھ گیا۔آل پاکستان ٹیکسٹائل ملز ایسوسی ایشن کی جانب سے وزیر اعظم شہباز شریف کو ارسال کردہ ہنگامی مکتوب میں انڈسٹری کی نمائندہ انجمن نے حکومت کو آگاہ کیا ہے کہ سپلائی چین میں تعطل، سرمائے اور توانائی کی قلت ، خام مال ، پلانٹ مشینری، پرزہ جات کی درآمدات میں مشکلات نے ٹیکسٹائل کی صنعت کو بحران سے دوچار کردیا ہے۔

خط میں بتایا گیا ہے کہ ٹیکسٹائل کی صنعت 50فیصد پیداواری گنجائش پر کام کررہی ہے آئندہ ماہ سے ٹیکسٹائل کی ماہانہ برآمدات ایک ارب ڈالر سے بھی کم ہونے کا خدشہ ہے۔

ایسوسی ایشن نے وزیر اعظم کو مطلع کیا کہ سیلاب سے کپاس کی فصل شدید متاثر ہوئی ٹیکسٹائل انڈسٹری کو ایک کروڑ40لاکھ کپاس کی گانٹھیں درکار ہیں صرف50لاکھ گانٹھیں دستیاب ہیں، زرمبادلہ کے بحران کی وجہ سے کپاس اور دیگر ان پٹس کی درآمد میں مشکلات کا سامنا ہے اس غیریقینی صورتحال میں ایکسپورٹرز نئے برآمدی آرڈرز لینے میں تذبذب کا شکا ر ہیں، روپے کی قدر میں گزشتہ سال کے مقابلے میں 60فیصد تک کمی کی وجہ سے ٹیکسٹائل انڈسٹری کو سرمائے کی شدید قلت کا سامنا ہے ، ری فنڈز کی بروقت ادائیگیاں نہ ہونے کی وجہ سے انڈسٹری مالی مشکلات کا شکار ہے۔

اپٹما کے مطابق ان عوامل کی وجہ سے سپلائی چین بری طرح متاثر ہورہی ہے او ر انڈسٹری کی پروڈکشن، آپریشنز اور کیش فلو کو برقرار کھنا دشوار تر ہوگیا ہے۔ ایکسپورٹ انڈسٹری بہت زیادہ دباﺅ کا شکار ہے اور اسے قرضوں کی واپسی میں مشکلات کا سامنا ہے جس سے برآمدی یونٹس کے ڈیفالٹ ہونے کا خطرہ ہے یہ صورتحال ٹیکسٹائل انڈسٹری کی ایکسپورٹ کی گنجائش کو کم کرنے کے ساتھ بینکوں کے لیے بھی بحران کا سبب بن سکتی ہے۔

اپٹما کے مطابق سندھ کی صنعتوں کے مقابلے میں پنجاب کی صنعتوں کو مہنگی آر ایل این جی دی جارہی ہے جس کی وجہ سے پنجاب کی صنعتوں کے لیے مسابقت دشوار ہوگئی ہے جبکہ نئے آر ایل این جی کنکشنز بھی نہیں دیے جارہے۔ اسی طرح ٹیکسٹائل انڈسٹری کو بجلی کی فراہمی میں بھی تعطل کا سامنا ہے مینٹی نینس کے نا م پر مہینے میں پانچ سے چھ روز بجلی نہیں مل رہی جس سے بجلی پر چلنے والی صنعتوں کی پیداواری گنجائش 25فیصد تک کم ہوچکی ہے، سندھ کے مقابلے میں پنجاب کی ٹیکسٹائل ملوں کو مہنگی بجلی مل رہی ہے۔ اپٹما نے ٹیکسٹائل انڈسٹری میں نئے یونٹس لگنے اور توسیعی منصوبوں کے رک جانے کو بھی صنعت اور پاکستان کی معیشت کے لیے ایک خطرہ قرار دیا۔

خط میں کہا گیا کہ ٹیکسٹائل کی صنعت نے گزشتہ 2سال کے دوران نئی فیکٹریاں لگانے کے لیے 5ارب ڈالر کی سرمایہ کاری کی ہے جن میں سے متعدد فیکٹریاں تکمیل کے قریب ہیں اور مزید زیر تکمیل ہیں ان فیکٹریوں کے لیے درآمد کیے جانے والے پلانٹ مشینری پورٹ سے کلیئر نہیں ہورہے جبکہ اسپیئر پارٹس کی درآمد کے لیے لیٹر آف کریڈٹ نہیں کھولے جارہے اور جو یونٹس نئے قائم ہوئے انہں بجلی اور گیس مہیا نہیں کی جارہی۔ بہت سی فیکٹریوں کے لیے مشینری پورٹ پر آچکی ہے جو کلیئر نہ ہونے سے یہ منصوبے تاخیر او ر التوا کا شکار ہورہے ہیں اور ان کی لاگت بڑھ رہی ہے۔

اپٹما نے وفاقی حکومت سے اپیل کی ہے کہ ٹیکسٹائل صنعت کے بینکوں سے لیے گئے یکم جولائی 2022سے 30جون 2023تک ادائیگیوں کو معطل کیا جائے۔ پورٹ پر جو پلانٹ مشینری پہنچ چکی ہے اسے فی الفور کلیئر کیا جائے نئے اور توسیع کے پراجیکٹس کے لیے آر سی ای ٹی میں توسیع دی جائے۔ جن منصوبوں کے لیے ایل سی کھل چکی ہیں اور بینکوں سے منظوری مل چکی ہے ان کے لیے طویل مدتی قرضوں کی سہولت مہیا کی جائے۔

خط میں یہ بھی کہاگیاہے کہ ایکسپورٹ یونٹس کو مساوی بنیادوں پر رعایتی ٹیرف پر بجلی گیس کی بلاتعطل فراہمی یقینی بناتے ہوئے توانائی کے مسئلے کے حل کے لیے انڈسٹری کے نمائندوں پر مشتمل ٹاسک فورس تشکیل دی جائے۔

کراچی :مشہور ٹی وی میزبان اور سوشل میڈیا ایکٹوسٹ وقار ذکا نے کرپٹو کرنسی اسکینڈل اور منی لانڈرنگ میں ملوث ہونے کے الزامات ک

نازیبا ویڈیو سامنے آنے پر بھائیوں نے بھائی کو مار کر سر دھڑ سے کیا الگ

و مسترد کردیا ہے۔وقار ذکاء نے میڈیا پر چلنے والی خبروں پر وضاحت دیتے ہوئے کہا ہے کہ اگر کسی نے منی لانڈرنگ کرنی ہوگی تو وہ بینکنگ چینل سے پاکستان میں پیسے کیوں لائے گا؟۔

وقار ذکا نے ٹوئٹر پر جاری اپنے ویڈیو پیغام میں کہا کہ کورٹ آرڈر میں کرپٹو کا کوئی ذکر نہیں، فنانشل مانیٹرنگ یونٹ نے یہ کیس بنایا ہے کہ وقار ذکا کے بینک میں باہر سے پیسے آئے ہیں۔ کیا آپ یہ کہنا چاہتے ہیں کہ پاکستانی بینک میں باہر سے پیسے نہیں لانے چاہئیں؟۔وقار ذکا کے مطابق ان کی تمام ٹرانزیکشن ایف بی آر کے پاس ظاہر کی گئی ہیں، ایف آئی اے سائبر کرائم یہ ثابت کرنے کی کوشش کر رہی ہے کہ قانونی چینل کے ذریعے پاکستان لائی گئی رقم غلط تھی۔

ویسے آپ عدالت کے بلانے پر گئے کیوں نہیں تھے یہ نوبت ہی نہ آتی
خبر میں تو یہی لکھا تھا

— Simm (@cast_awayyyy) December 24, 2022

کراچی کی ایک عدالت نے جمعہ کو 173 ملین روپے کے کرپٹو کرنسی اسکینڈل میں ان کے ناقابل ضمانت وارنٹ گرفتاری جاری کیے تھے۔وقار ذکاء کے خلاف فنانشل مانیٹرنگ یونٹ (ایف ایم یو) کی رپورٹ پر وفاقی تحقیقاتی ادارے (ایف آئی اے) نے منی لانڈرنگ کی تحقیقات شروع کی تھی۔وقار ذکاء نے ٹوئٹر پر ایک صارف کے سوال کا جواب دیتے ہوئے لکھا کہ انہیں عدالت میں پیشی کیلئے کوئی نوٹس یا فون کال موصول نہیں ہوئی۔

بھارتی اسٹیٹ بینک سے چوروں نے سرنگ کھود کر کروڑوں روپے مالیت کا سونا چرا لیا

واضح رہے کہ وقار ذکاء اس وقت کرپٹو کرنسی سے متعلق اپنی کمپنی کی رجسٹریشن کے سلسلے میں امریکا میں موجود ہیں۔وقار ذکا نے اپنے خلاف جعلی خبریں پوسٹ کرنے پر تمام ڈیجیٹل پلیٹ فارمز اور نجی میڈیا ادارے کے خلاف ہتک عزت کا مقدمہ دائر کرنے کا بھی اعلان کیا ہے۔

کراچی:حکمرانوں کی عدم دلچسپی کے باعث عوام زندگی کی بنیادی سہولیات کو ترس گئے، شہر کے مختلف علاقوں میں پانی ، بجلی اور گیس کی عدم فراہمی پر علاقہ مکین سراپا احتجاج بن گئے۔تفصیلات کے مطابق ماڑی روڈ دعا ہوٹل کے قریب علاقہ مکینوں کی بڑی تعداد نے احتجاج کرتے ہوئے سڑک کے دونوں ٹریک پر دھرنا دے کر ٹریفک معطل کر دیا جس کے باعث ماڑی پور روڈ پر ٹریفک کی روانی معطل ہوگئے اور دونوں جانب گاڑیوں کی طویل قطاریں لگ گئیں۔

ترجمان ٹریفک پولیس کے مطابق علاقہ مکین پانی ، بجلی اور گیس کی عدم فراہمی پر احتجاج کر رہے تھے جبکہ احتجاج کی اطلاع ملتے ہی ٹریفک اور علاقہ پولیس موقع پر پہنچ گئی اور جو دستیاب متبادل راستے تھے وہاں سے گاڑیوں کو نکالنے کا عمل شروع کر دیا تاہم احتجاج کی وجہ سے ٹریفک کی روانی میں شدید خلل واقع ہوا۔مظاہرین کا کہنا تھا کہ گھروں میں نہ تو بجلی آرہی ہے اور نہ ہی گیس جبکہ رہی سہی کسر پانی کی عدم فراہمی نے بھی پوری کر دی ہے، گرمیوں کے ساتھ ساتھ اب سردیوں میں بھی بجلی کی بندش اور سوئی گیس کی لوڈشیڈنگ کا سامنا کرنا پڑ رہا ہے۔

شہریوں کا کہنا تھا کہ گیس کی لوڈشیڈنگ پر شہری گیس سلنڈر خرید کر اس میں مہنگی ایل پی جی گیس خریدنے پر مجبور ہیں اور گیس سلنڈر کی خریداری میں بھی ناقص میٹریل کے گیس سلنڈرز کے پھٹنے کے بھی ممکنہ واقعات جنم لے رہے ہیں جس کے وجہ سے گھروں میں موجود مکینوں کی زندگی بھی داؤ پر لگی ہے۔

ماڑی پور روڈ کے دونوں ٹریک پر ایک گھنٹے تک جاری رہنے والے احتجاج نے ٹریفک کا نظام درہم برہم کر دیا جس کی وجہ سے مال بردار سمیت دیگر گاڑیوں کی قطاریں لگ گئیں، پولیس نے مظاہرین کو مذاکرات کے بعد پرامن طور پر منتشر کر کے ٹریفک بحال کرا دیا۔

لیاقت آباد کے علاقے غریب آباد کے قریب بھی سوئی گیس کی لوڈشیڈنگ سے تنگ علاقہ مکینوں نے احتجاج کرتے ہوئے ٹریفک معطل کر دیا۔احتجاج کی وجہ سے لیاقت آباد اور غریب آباد سمیت ملحقہ علاقوں میں بدترین ٹریفک جام ہوگیا اور گاڑیوں کی طویل قطاریں لگ گئیں۔لیاری کے علاقے میراں ناکہ چوک پر بھی علاقہ مکینوں نے سوئی گیس کی لوڈشیڈنگ کے خلاف احتجاج کیا جس کی اطلاع پر پولیس موقع پر پہنچ گئی اور مظاہرین کو بات چیت کے بعد منتشر کر کے ٹریفک بحال کرا دیا۔

ماڑی پور روڈ پر احتجاجی مظاہرے کے حوالے سے ترجمان کے الیکٹرک کا کہنا ہے کہ لیاری کے علاقوں میں بلوں کی عدم ادائیگی سے واجبات مجموعی طور پر 7 ارب 90 کروڑ تک پہنچ چکے ہیں، بجلی کی سپلائی بلوں کی بروقت ادائیگی کے بغیر ممکن نہیں ہے۔

کراچی:سندھ کے پچاس کرپٹ افسران کے خلاف کارروائی کا فیصلہ،اطلاعات کے مطابق چیف سیکریٹری کی منظوری کے بعد سندھ حکومت نے 50 کرپٹ افسران کے خلاف کارروائی کا فیصلہ کیا ہے۔ تفصیلات کے مطابق چیف سیکریٹری سندھ سہیل راجپوت کی زیر صدارت ہونے والے اجلاس میں 50 کرپٹ افسران کے خلاف تحقیقات کی منظوری دی گئی ہے۔

کرکٹ بورڈ کا آئین منسوخ کیوں کیا گیا:کابینہ کی منظوری کے ساتھ ہی نیا آئین نافذ…

اجلاس میں نیو سندھ سیکریٹریٹ منصوبے میں کرپشن اور سیسی کے مختلف منصوبوں میں کرپشن میں ملوث افسران کے خلاف ایف آئی آر درج کرانے کی منظوری دی گئی ہے۔

سیٹھارجہ، سوبھو دیرو اور چونڈ کو میں 40 ہزار گندم کی بوریاں غائب ہونے پر سابق ڈپٹی ڈائریکٹر خوراک نصر اللہ چانڈیو ، سابق ڈی ایف سی خیرپور عرفان جوکھیو کے خلاف اوپن انکوائری جبکہ فوڈ انسپیکٹر مختیار ہیسبانی اور ارشاد کلہوڑو کے خلاف کرپشن انکوائری کی منظوری دی گئی۔

پی سی بی نے پاک نیوزی لینڈ سیریز کیلئے کمنٹری پینل کا اعلان کردیا۔

حیدرآباد میں غیر قانونی تعمیرات میں ملوث ایس بی سی اے کے سابق ریجنل ڈاریکٹر نوید عاصم کے خلاف بھی تحقیقات کا آغاز کیا جائے گا۔ایس بی سی اے ریجنل ڈائریکٹر حیدرآباد عبدالحمید زرداری اور سابق ڈپٹی ڈاریکٹرز عمران حسین خان کے خلاف بھی کارروائی کا آغاز ہو گا۔

پاکستان رینجرز (سندھ) اورپو لیس نے انٹیلی جنس معلومات کی بنیاد پر مشترکہ کارروائی کرتے ہوئے کراچی کے علا قے گولیمار سے اسٹریٹ کرائم اور ڈکیتی میں ملوث ملزم محمد کاشف کائی عرف علی کو گر فتار کر لیا۔ملزم کے قبضے سے ڈکیتی میں استعمال ہونے والا 30بور پسٹل بھی برآمد کر لیا گیا۔

دوران تفتیش ملزم نے کراچی کے مختلف علاقوں گارڈن، ڈیفنس اور طارق روڈ میں اسٹریٹ کرائم اور ڈکیتی کی 100سے زائد وارداتوں میں ملوث ہونے کا اعتراف کیا ہے۔ ملزم متعدد بار گرفتار ہو کر جیل بھی جا چکا ہے۔ملزم کے دیگر ساتھیوں کی گرفتاری کے لیے چھاپے مارے جا رہے ہیں۔

گرفتار ملزم کو بمعہ اسلحہ مزید قانونی کاروائی کے لیے پولیس کے حوالے کر دیا گیا ہے۔ ترجمان رینجرز کا کہنا ہے کہ عوام سے اپیل ہے کہ ایسے عناصر کے بارے میں اطلاع فوری طور پر قریبی رینجرز چیک پوسٹ، رینجرز ہیلپ لائن 1101 یا رینجرز مددگار واٹس ایپ نمبر 03479001111 پر کال یا ایس ایم ایس کے ذریعے دیں۔ آپ کا نام صیغہ راز میں رکھا جائے گا۔

دوسری جانب ڈسٹرکٹ سٹی پولیس نے مختلف کاروائیاں کرتے ہوئے 05 ملزمان کو گرفتار کر لیا, ملزمان میں 2 منشیات فروش, 2 جواری اور 1 گٹکا ماوا فیکٹری چلانے والے شامل ہیں. ملزمان سے چرس, آئس گٹکا/ماوا, چھالیہ, سٹہ پرچیاں اور جوا کی رقم برآمد کی گئی. ملزمان کی شناخت سجاد علی, شہزاد عرف مچھر, محمد رضوان, شہباز اور قادر کے ناموں سے ہوئی ہے.: ملزمان کو علاقہ تھانہ کلری, کلاکوٹ اور نیپئر کی حدود سے گرفتار کیا گیا. ملزمان عادی/پیشہ ور ہیں اور اس سے قبل بھی متعدد مقدمات میں گرفتار ہوکر جیل جا چکے ہیں,ملزم قادر اس سے قبل بھی گٹکا/ماوا کے مقدمہ میں گرفتار ہوکر جیل جا چکا ہے.

عمران خان چوری کے مرتکب پارٹی سربراہی سے مستعفی ہونا چاہیے،عطا تارڑ

پی ڈی ایم اجلاس،عمران خان کے خلاف کارروائی سے متعلق غور

حامد زمان کے خلاف فارن فنڈنگ کیس میں ایف آئی اے تحقیقات سے متعلق رپورٹ

،عمرا ن خان لوگوں کو چور اور ڈاکو کہہ کے بلاتے تھے، فیصلے نے ثابت کر دیا، عمران خان کے ذاتی مفادات تھے

اکبر ایس بابر سچا اور عمران خان جھوٹا ثابت ہوگیا،چوھدری شجاعت