Category: کراچی

سردی شروع ہورہی ہے، سیلاب متاثرین کی مدد کا کام تیز کیا جائے، بلاول
چیئرمین پاکستان پیپلز پارٹی اور وزیر خارجہ بلاول بھٹو زرداری کی زیرصدارت سیلاب کی صورتحال اور امدادی کاموں کے حوالہ سے جائزہ اجلاس ہوا

اجلاس میں وزیراعلیٰ سندھ سیدمراد علی شاہ، صوبائی وزراء، چیف سیکریٹری، چیئرمین پی اینڈ ڈی، مختلف محکموں کے سیکریٹریز نے شرکت کی،وزیراعلیٰ سندھ نے چیئرمین پی پی پی کو خوش آمدید کہتے ہوئے سیلابی صورتحال اور امدادی اقدامات سے متعلق بریفنگ دی،

چیئرمین بلاول بھٹو زرداری نے وزیراعلیٰ سندھ کو ہدایت کی کہ جن علاقوں میں ابھی پانی موجود ہے اس کی نکاسی جلد کریں،گھروں کی تعمیر کا منصوبہ حتمی کر کے شروع کروائیں،ہاریوں کو بیج اور کھاد کی مد میں جو مدد کرنی ہے اس کو فوری شروع کریں،دیہی علاقوں میں سردی شروع ہورہی ہے، متاثرین کی مدد کا کام تیز کیا جائے،مجھے پہلے آگاہ کریں کہ لوگوں کو این پی ڈی ایم اے اورسندھ حکومت نے مل کر کیا سامان دیا ہے،

وزیراعلیٰ سندھ سید مراد علی شاہ نے چیئرمین پاکستان پیپلز پارٹی بلاول زرداری کو بریفنگ میں بتایا کہ سیلاب سے 12.35 ملین لوگ متاثر ہوئے ہیں،سیلاب متاثرین کیلئے 2992 ریلیف کیمپ لگائے گئے تھے، سیلاب سے 7.38 ملین لوگ بے گھر ہوئے ہیں،فلڈ کنٹرول اور آبپاشی کیلئے 48.4 بلین روپے، سڑکوں کی مرمت کیلئے 22 بلین روپے کی ضرورت ہے، واٹر سپلائی اور نکاسی آب کیلئے 11 بلین روپے، لائیواسٹاک کیلئے 16.5 بلین روپے کی ضرورت ہے، لوگوں کو 791933 خیمے، 588569 ترپالیں، 3.71 ملین مچھردانیاں، 2.2 راشن بیگز اور اب 1.13 ملین کمبل دیئے گئے ہیں سیلاب سے صوبے میں 2444 بلین روپے یعنی 11.376 بلین ڈالرز کا نقصان ہوا ہے، 1948 بلین روپے یعنی 9.06 بلین ڈالرز کا نقصان ہوا ہے، ان نقصانات میں ہاؤسنگ سیکٹر، تعلیم، آب پاشی، پانی و نکاسی آب، لائیو اسٹاک، سڑکیں اور دیگر سیکٹرز شامل ہیں

پولیس پہنچی تو میاں محمود الرشید گرفتاری کے ڈر سے سٹور میں چھپ گئے

لانگ مارچ میں فیاض الحسن چوہان کتنے بندے لے کر نکلے،ویڈیو وائرل

عمران نیازی کا ایجنڈا پاکستان میں انتشار اور انارکی پیدا کرنا ہے

لانگ مارچ، عمران خان سمیت تحریک انصاف کے رہنماؤں پر مقدمہ درج

کارکن تپتی دھوپ میں سڑکوں پرخوار،موصوف ہیلی کاپٹر پرسوار،مریم کا عمران خان پر طنز

کراچی ایکسپو سینٹر میں دفاعی نمائش آئیڈیاز 2022 کا انعقاد ،شہریوں کی راہنمائی کے لیے ٹریفک پولیس نے روٹ پلان جاری کردیا

آئیڈیاز 2022 کا گیارہویں ایڈیشن 15سے 18 نومبر 2022 کو کراچی ایکسپو سینٹر میں منعقد ہوگا۔ جس کا افتتاح وزیراعظم شہباز شریف کریں گے۔ اس سلسلے میں ڈائریکٹر جنرل کو آرڈینیشن ڈیپو بریگیڈیئر نوید اعظم چیمہ نے پریس کانفرنس کی، انھوں نے بتایا کہ اپنی روایت کے مطابق آئیڈیاز2022میں متعدد بے مثال سرگرمیوں کا انعقاد کیا جائیگا جن میں جدید دفاعی ٹیکنالوجیز کا مظاہرہ، انٹرنیشنل سیمینار، آئیڈیاز کراچی شو، نیٹورکنگ اور بزنس ٹو بزنس ، بزنس ٹو گورنمنٹ ملاقاتوں کے ذریعے کاروبار کی توسیع کے مواقع شامل ہیں۔ آئیڈیاز 2022عالمی دفاعی صنعت کو اپنی جدید اختراعات اور ٹیکنالوجیز دنیا کے سامنے پیش کرنے کا موقع فراہم کریگی۔ سینئر سول، تجارتی اور ملٹری وفود بڑی تعداد میں اس ایونٹ میں شرکت کریں گے

بین الاقوامی دفاعی نمائش کا انعقاد .ایکسپو سینٹر سے ملحقہ سڑکوں پر ہیوی اور کمرشل ٹریفک کا داخلہ ممنوع قرار دے دیا گیا، کراچی ٹریفک پولیس کی جانب سے کہا گیا ہے کہ تمام پبلک ، کمرشل اور پرائیویٹ گاڑیوں کے مالکان سے گذارش ہے کہ زحمت اور پریشانی سے بچنے کے لیے درج ذیل ہدایات پر عمل کریں ۔

ہیوی ٹریفک کے متبادل / فلٹر کے مقامات، متبادل راستے، ڈائیورژن اور اہم معلومات

ہیوی ٹریفک کے متبادل / فلٹر کے مقامات
کارساز
شارع فیصل نرسری سے آنے والی ہیوی اور کمرشل ٹریفک کو اسٹیڈیم براستہ حبیب ابراہیم رحمت اللہ روڈ جانب سر شاہ سلیمان روڈ جانے کی اجازت نہیں ہوگی۔ کارساز , ڈرگ روڈ شارع فیصل سے بائیں جانب راشد منہاس روڈ، ملینیم سے نیپا کا راستہ اختیار کریں۔ اور اسی طرح ائیرپورٹ سے آنے والے حضرات ڈرگ روڈ سے دائیں جانب راشد منہاس روڈ، ملینیم اور نیپا راستہ اختیار کر سکتے ہیں ۔
ملینیم
ملینئیم راشد منہاس روڈ سے ہیوی اور کمرشل ٹریفک کو اسٹیڈیم براستہ ڈالمیا روڈ جانے کی اجازت نہیں ہوگی۔ نیپا ، عسکری IV، ڈرگ روڈ سے شارع فیصل یا ملینیم ، نیپا سے صفورا یا گلشن چورنگی سے سہراب گوٹھ کا راستہ اختیار کر سکتے ہیں ۔
نیپا
نیپا سے پی پی چورنگی تک ہیوی اور کمرشل ٹریفک کو جانے کی اجازت نہیں ہوگی۔ نیپا ، گلشن چورنگی سے سہراب گوٹھ یا صفورہ، نیپا ،بائیں جانب راشد منہا س روڈ، ملینیم ، ڈرگ روڈ سے شارع فیصل کا راستہ اختیار کر سکتے ہیں۔

پی پی چورنگی
پی پی چورنگی سے نیپا تک ہیوی اور کمرشل ٹریفک کو جانے کی اجازت نہیں ہوگی۔ شارع قائدین سے مزار قائد یا خداد کالونی فلائی اوور ریمپ سے بائیں جانب صدر اور اسی طرح گرومندرچورنگی ، پی پی چورنگی سے دائیں جانب صدر یا عائشہ عزیز چورنگی سے دائیں جانب شارع قائدین کا راستہ اختیار کر سکتے ہیں۔

نیو ٹاؤن
یونیورسٹی روڈ پر کہیں اندرون علاقے سے آنے والی ہیوی اور کمرشل ٹریفک کو اسٹیڈیم روڈ جانے کی اجازت نہیں ہوگی۔ اس ٹریفک کو پی پی چورنگی سے شارع قائدین کی جانب موڑ دیا جائے گا۔

لیاقت آباد نمبر 10
سر شاہ سلیما ن روڈ پر لیاقت آباد نمبر 10سےحسن اسکوائر ہیوی اور کمرشل ٹریفک کو جانے کی اجازت نہیں ہوگی۔ لیاقت آباد نمبر 10 سے بائیں جانب کریم آباد یا دائیں جانب ڈاکخانہ ، تین ہٹی کی جانب جاسکتے ہیں۔

یونیورسٹی روڈ کی دونوں اطرف کی سڑکیں عام ٹریفک کے لیے کھلی رہیں گی۔تاہم لیاقت آبا، غریب آباد اور حسن اسکوائر سے شارع فیصل جانے کے لیے ٹریفک کو حسن اسکوائر سے بائیں جانب یونیورسٹی روڈ بیت المکرم سے یو ٹرن لیکر جعفری آپٹکس سے الراع ایونیو سے کے ڈی اے اسکیم سے اسٹیڈیم کے عقب سے اسٹیڈیم روڈ اور کارساز یا ملینئیم جا سکتے ہیں۔ یا یونیورسٹی روڈ سے نیپااور راشد منہاس ، ڈرگ روڈ سے اپنی منزل کی طرف جا سکتے ہیں۔

متبادل راستے
دوران نمائش سر شاہ سلیما ن روڈ ( دونوں روڈ) مکمل طور پر صبح 07:00 بجے سے شام 06:00 بجے تک ٹریفک کیلئے بند رہیں گے۔ صرف اسٹیکر(اجازت نامہ) کی حامل گاڑیوں کو جانے کی اجاز ت ہوگی۔کارساز حبیب ابراہیم رحمت اللہ روڈ،اسٹیڈیم برج کے نیچے سے سرشاہ سلیمان روڈ / ایکسپو سینٹر کی جانب صرف اسٹیکر کی حامل گاڑیوں کو جانے کی اجاز ت ہوگی۔ کارساز حبیب ابراہیم رحمت اللہ روڈ صرف اسٹیکر کی حامل گاڑیاں اسٹیڈیم برج سے کراچی ایکسپو سینٹر تک جا سکیں گی۔ کارساز حبیب ابراہیم رحمت اللہ روڈ بغیر اسٹیکر کی گاڑیوں اسٹیڈیم سے دائیں جانب ڈالمیا اور بائیں جانب نیو ٹاؤن جا سکیں گی۔کارساز حبیب ابراہیم رحمت اللہ روڈ پر کسی بھی قسم کی ہیوی کمرشل ٹریفک کو اسٹیڈیم کی طرف جانے کی اجاز ت نہیں ہوگی۔

پارکنگ
1)ایکسپو سینٹر 2) نیشنل کوچنگ سینٹر 3) نیشنل اسٹیڈیم
صرف اسٹیکر کی حامل گاڑیاں مقررہ پارکنگ کے مقامات پر پارک ہوں گی۔
سر شاہ سلیمان روڈ ، اسٹیڈیم سے حسن اسکوائر ، یونیورسٹی روڈ ، اسٹیڈیم روڈ اور دیگر مقامات پر کسی بھی قسم کی گاڑی کو پارک کرنے کی اجازت نہیں۔

حسن اسکوائر کے آس پاس رہائشیوں کے لیے ہدایات
سر شاہ سلیمان روڈ حسن اسکوائر سے اسٹیڈیم اور اسٹیڈیم سے حسن اسکوائر تک عام ٹریفک کو جانے کی اجازت نہیں ہوگی۔
عوام درج ذیل راستوں کا انتخاب کرے:
• صہبا اختر روڈ ۔ مچھلی کٹ۔ یونیورسٹی روڈ سے نیپا یا
• بیت المکرم مسجد یو ٹرن سے جعفری آپٹکس سے الراعی ایونیو سے کے ڈی اے اسکیم سے اسٹیڈیم کے عقب سے اسٹیڈیم روڈ اور کارساز یا ملینئیم جا سکتے ہیں
• یونیورسٹی روڈ بیت المکرم مسجد یو ٹرن، یونیورسٹی ، جیل ، پی پی چورنگی یا شہید ملت
• یونیورسٹی روڈ ، نیپا، راشد منہاس روڈ، ڈرگ روڈ سے بائیں جانب اسٹار گیٹ یا دائیں جانب کارساز وغیرہ
• آغا خان ہسپتال کے عقب اور اسی طرح سیویک سینٹر کے عقب کا راستہ اختیار کریں۔

عوام الناس سے گزارش ہے کہ زحمت و پریشانی سے بچنے کے لئے قانون نافذ کرنے والے اداروں اور ٹریفک پولیس سے تعاون کریں۔ درج بالا ہدایات پر عمل کریں ۔اپنی گاڑیوں /موٹر سائیکلوں کو کسی سروس روڈ یا مین روڈ پر کھڑی نہ کریں
کسی بھی پریشانی کی صورت میں رہنمائی کےلیے ٹریفک پولیس راہنما 1915 ملائیں جہاں ہمارے نمائندے آپکی رہنما ئی کے لئے موجود ہیں یا ہمارے سوشل میڈیا یونٹ (فیس بک www.facebook.com/karachitrafficpolice ۔ واٹس ایپ 03059266907 ۔ یا *ایف ایم ریڈیو 88.6 )سے تازہ ترین اپ ڈیٹ حاصل کرتے رہیں۔

باغی ٹی وی کی رپورٹ کے مطابق تحریک انصاف کی رہنما، رکن سندھ اسمبلی طاہرہ دعا بھٹو نے اپنے شوہر حلیم عادل شیخ سے سات لاکھ روپے ماہانہ کا مطالبہ کر دیا

ایم پی اے دعا بھٹو نے حلیم عادل شیخ کو دعا بھٹو کی درخواست پر نوٹس جاری کر دیا ہے، ملیر کورٹ میں پی ٹی آئی رکن اسمبلی دعا بھٹو کی درخواست پر سماعت ہوئی، درخواست میں کہا گیا ہے کہ بچے کی پرورش کیلئے ماہانہ 5 لاکھ روپے اور گھر کے اخراجات اور کرائے کی مد میں دو لاکھ روپے ،کل سات لاکھ روپے دیئے جائیں،عدالت نے خلع کی درخواست پر حلیم عادل شیخ کو 29 نومبر کا نوٹس جاری کر دیا ہے اور جواب طلب کر لیا ہے

دعا بھٹو نے خلع کی درخواست میں موقف اختیار کیا کہ حلیم عادل شیخ کے ساتھ نہیں رہنا چاہتی، بچے کی کفالت کے لئے پانچ لاکھ ماہانہ دیئے جائیں،دعا بھٹو نے عدالت سے یہ اجازت بھی مانگی ہے کہ وہ بچے کو ملک سے باہر کہیں بھی لے جا سکیں حلیم عادل شیخ سے میرا اصل شناختی کارڈ، بچے کا پیدائشی سرٹیفکیٹ اور بے فارم بھی واپس دلوایا جائے۔ حلیم عادل شیخ سے ان کی شادی 2018 میں ہوئی تھی اور 5 لاکھ روپے حق مہر مقرر کیا گیا تھا جو تاحال ادا نہیں کیا گیاجبکہ نکاح نامہ بھی حلیم عادل شیخ کے پاس ہے جو انہیں فراہم نہیں کیا گیا ،دعا بھٹو نے کہا کہ 10 ستمبر 2019 کو بیٹا کامل حلیم پیدا ہوا تھا،حلیم عادل شیخ کی پہلی شادی کے بارے میں بعد میں معلوم ہوا،حلیم عادل شیخ کی پہلی بیوی اور بچے میری زندگی میں مداخلت کرتے ہیں، روز بہ روز حلیم عادل شیخ کا رویہ تبدیل ہوتا رہا ہےاور وہ مجھے نظر انداز کرتے رہے ہیں۔

درخواست میں ان کاکہنا تھا کہ حلیم عادل شیخ کی بد تمیزی کی وجہ سےذہنی طور پریشان ہوں انہوں نے میری زندگی تباہ کردی ہے، نامناسب رویے کی بنا پر میں اپنے شوہر کے ساتھ نہیں رہنا چاہتی حلیم عادل شیخ سے خلع دلائی جائے اور ساتھ ہی 5 لاکھ روپے ماہانہ خرچے کا بھی حکم دیا جائے

حلیم عادل شیخ نے نجی ٹی وی سے گفتگو میں کہا کہ یہ انکی فیملی کا نجی معاملہ ہے

عثمان مرزا کیس،لڑکے اور لڑکی کو برہنہ کرنے کی ویڈیو عدالت میں چلا دی گئی

پسند کی شادی جرم،دو لڑکیوں کو برہنہ گاؤں میں گھما کا اجتماعی زیادتی کا نشانہ بنایا گیا

سندھ میں لڑکیوں سے برہنہ پریڈکروانے،20 افراد کی اجتماعی زیادتی پر کمیٹی قائم

سندھ میں لڑکیوں سے برہنہ پریڈ ،اجتماعی زیادتی واقعہ پر عدالت نے نوٹس لے لیا

لڑکیوں سے برہنہ پریڈ کروانے کے دو ملزم عدالت پیش

لڑکیوں سے برہنہ پریڈ،اجتماعی زیادتی کا واقعہ، ایم ایل او پر بھی لگ گیا گھناؤنا الزام

برہنہ پریڈ،اجتماعی زیادتی کیس، متاثرہ لڑکیاں عدالت پیش،بیان ریکارڈ کروا دیا

برہنہ پریڈ،اجتماعی زیادتی کیس،لڑکیوں نے ڈر کے مارے گاؤں چھوڑ دیا