Category: کراچی

عمران خان آرمی چیف کو دوسری ایکسٹینشن دینے کے حامی بن گئے

باغی ٹی وی کی رپورٹ کے مطابق سابق وزیراعظم، تحریک انصاف کے چیئرمین عمران خان نے آرمی چیف جنرل قمر جاوید باجوہ کی مدت ملازمت میں توسیع کی حمایت کر دی

نجی ٹی وی دنیا کے پروگرام آج کامران خان کے ساتھ میں عمران خان کا انٹرویو نشر ہو گا جس میں عمران خان کا کہنا ہے کہ آرمی چیف جنرل قمر جاوید باجوہ کی مدت ملازمت میں توسیع کر دی جائے،. عمران خان کہتے ہیں کہ موجودہ آرمی چیف کو ایکسٹنشن دی جائے، نیا آرمی چیف انتخابات کے بعد اگلی منتخب ہونے والی حکومت تعینات کرے،

عمران خان کے انٹرویو کے بارے میں مزید تفصیلات انٹرویو نشر ہونے کے بعد سامنے آئیں گی، تا ہم سماجی رابطے کی ویب سائٹ ٹویٹر پر ٹویٹ کرتے ہوئے صحافی و اینکر غریدہ فاروقی کہتی ہیں کہ عمران خان؛ آرمی چیف جنرل قمر جاوید باجوہ کو دوسری ایکسٹینشن دینے کے حامی بن گئے! سینئر صحافی @AajKamranKhan کیساتھ انٹرویو بھی آج نشر ہو گا۔ روکا نہیں جا رہا۔ صاف واضح لگ رہا ہے کہیں نہ کہیں کوئی پیشرفت ہوئی ہے۔ عمران/اسٹیبلشمنٹ ڈیل ۔۔۔!!!؟

عمران خان؛ آرمی چیف جنرل قمر جاوید باجوہ کو دوسری ایکسٹینشن دینے کے حامی بن گئے! سینئر صحافی @AajKamranKhan کیساتھ انٹرویو بھی آج نشر ہو گا۔ روکا نہیں جا رہا۔ صاف واضح لگ رہا ہے کہیں نہ کہیں کوئی پیشرفت ہوئی ہے۔ عمران/اسٹیبلشمنٹ ڈیل ۔۔۔!!!؟

— Gharidah Farooqi (T.I.) (@GFarooqi) September 12, 2022

عمران خان کی حکومت جانے کے بعد عمران خان نے اداروں پر تنقید کی، عمران خان نے عدلیہ پر الزامات لگائے، تحریک انصاف کی سوشل میڈیا کے لوگوں نے آرمی چیف اور اداروں پر تنقید کی اور ٹرینڈ چلائے، اداروں نے جتنے بھی لوگ گرفتار کئے سب کا تعلق تحریک انصاف سے نکلا، سب نے معافیاں مانگیں اور پھر رہا ہوئے، عمران خان نے کچھ دن قبل بھی آرمی چیف کی تعینات کے بارے میں بیان دیا تھا تا ہم اب انہوں نے حالیہ انٹرویو میں آرمی چیف جنرل قمر جاوید باجوہ کی مدت ملازمت میں توسیع کی بات کی ہے، سوال یہ ہے کہ اگر عمران خان اسوقت وزیراعظم ہوتے تو کیا وہ خود بھی توسیع دیتے ،یا عمران خان اپنی ہٹ دھرمی، ضد اور انا کی بنیاد پر کہہ رہے ہیں کہ آرمی چیف کو توسیع دی جائے کیونکہ وہ سمجھتے ہیں کہ اگلے الیکشن کے بعد پی ٹی آئی کی حکومت ہو گی اور وہ خود آرمی چیف کی تقرری کریں گے تا ہم ایسا نظر نہیں آ رہا کیونکہ عمران خان کے خلاف ایک دو نہیں بلکہ درجنوں مقدمات چل رہے ہیں، توشہ خانہ سے لے کر فارن فنڈنگ، توہین عدالت سے لے کر توہین الیکشن کمیشن تک عمران خان نااہلی کے قریب پہنچ چکے ہیں

شہباز گل کی گرفتاری، پی ٹی آئی کے ڈنڈا بردار کارکن بنی گالہ پہنچ گئے

شہباز گل کی گرفتاری پی ٹی آئی نے عدالت سے رجوع کرنے کا فیصلہ کر لیا

نعرے ریاست مدینہ کےاورغلامی امریکہ کی واہ شہبازگل باجوہ

شہباز گل پر ایسا تشدد ہوا جو بتایا جا سکتا اور نہ دکھایا جا سکتا ہے، بابر اعوان

عمران خان نے ووٹ مانگنے کیلئے ایک صاحب کو بھیجا تھا،مرزا مسرور کی ویڈیو پر تحریک انصاف خاموش

عمران خان کو آرمی چیف سے کیا چاہئے؟ مبشر لقمان نے بھانڈا پھوڑ دیا

منچھر جھیل کا سیلابی پانی تمام یوسیز میں 8 سے 10 فٹ تک موجود ہے ،وزیراعلیٰ سندھ
باغی ٹی وی کی رپورٹ کے مطابق وزیراعلیٰ سندھ سید مراد علی شاہ نے کہا ہے کہ سیہون شریف تحصیل کی 10 یونین کونسلز متاثر ہوئی ہیں،

وزیراعلیٰ سندھ مراد علی شاھ سیہون پہنچ گئے ،وزیراعلیٰ سندھ سید مراد علی شاہ نے سندھ متاثرہ علاقوں بوبک، اراضی، واہڑ کا دورہ کیا، وزیراعلیٰ مراد علی شاہ نے متاثرین میں راشن بھی تقسیم کیا، اس موقع پر وزیراعلیٰ سندھ سید مراد علی شاہ کا کہنا تھا کہ منچھر جھیل کو ہم نے کٹ دیا، اگر خود بریج ہوتی تو بہت خطرہ ہوتا،میری یونین کونسل واہڑ بھی مکمل ڈوب گئی ہے،لوگوں کی شکایات جائز ہیں، منچھر جھیل کا سیلابی پانی تمام یوسیز میں 8 سے 10 فٹ تک موجود ہے 2010 کے سیلاب سے زیادہ پانی ہے منچھر جھیل کو ہم نے کٹ دیا، اگر منچھر خود بریج ہوتی تو بہت خطرہ ہوتا، اللہ سے دعا ہے کہ ہمیں ثابت قدم رکھے تاکہ ہم لوگوں کی خدمت کر سکیں دادو کا فضائی معائنہ کیا ہے، امید ہے نقصان نہیں ہوگا،سیہون شریف تعلقہ سے سیلابی پانی اترنا شروع ہوا ہے، ہم نے منچھر کو 5 کٹ دیئے ہیں جو پانی اب دریائے سندھ میں جارہا ہے،

قبل ازیں پاک فوج اور شہری محکموں نے دادو گرڈ سٹیشن کے گرد ، دو اعشاریہ چار کلو میٹر طویل بند تعمیر کر کے اسے سیلابی پانی سے بچا لیا ہے بند سے سٹیشن ڈوبنے سے محفوظ رہا جبکہ دادو میں بجلی معطل نہیں ہوئی۔علاقے کے لوگوں نے اس بروقت اقدام پر پاک فوج کا شکریہ ادا کیا۔

وزیر اعظم شہباز شریف نے سیلابی صورتحال سے دادو میں پانچ سو ، کے وی گرڈ سٹیشن کو ممکنہ خطرے کا نوٹس لیتے ہوئے گرڈ سٹیشن کو بچانے کے لئے تمام وسائل بروئے کار لانے کی ہدایت کی

وزیراعظم شہباز شریف نے چارسدہ میں سیلاب سے متاثرہ علاقوں کا دورہ کیا

متحدہ عرب امارات کے حکام کا آرمی چیف سے رابطہ،سیلاب زدگان کیلیے امداد بھجوانے کا اعلان

آرمی چیف جنرل قمر جاوید باجوہ سے برطانوی ہائی کمشنر کرسچن ٹرنر کی ملاقات

سیلابی پانی کے بعد لوگ مشکلات کا شکار ہیں کھلے آسمان تلے مکین رہ رہے ہیں

باغی ٹی وی کی رپورٹ کے مطابق پیپلز پارٹی کے رہنما، سندھ کے صوبائی وزیر سید ناصر حسین شاہ نے کہا ہے کہ شیخ رشید کی گندم کی امدادی قیمت پر تنقید ان کی زرعی معیشت سے ناواقفیت کا ثبوت ہے گندم کی امدادی قیمت پر تنقید شیخ رشید کی زرعی معیشت سے ناواقفیت کا ثبوت ہے ،سیلابی صورتحال میں زراعت کی بحال اور کسانوں کی حوصلہ افزائی کیلئے مراعات دینا ہوں گے شیخ رشید چاہتے ہیں کہ امپورٹڈ گندم خریدیں لیکن اپنے کسانوں کو فائدہ نہ دیں پی ٹی آئی کے پسینے پونچھنے کے بجائے شیخ رشید ملکی مفاد کی بات کریں جس طرح شیخ رشید اپنا سیاسی راستہ بھٹکے ہیں لگتا ہے وہ کہیں نہیں پہنچیں گے

قبل ازیں سندھ کے صوبائی وزیر اطلاعات شرجیل میمن کا کہنا ہے کہ پیپلز بس سروس کراچی کے شہریوں کی خدمت کیلئے رواں دواں ہے پیپلز بس سروس کے نئے روٹ پر بس سروس کا آغاز کر دیا گیا ، نیا روٹ شیریں جناح کالونی سے شروع ہوکر بوٹ بیسن ، مائی کلاچی سے گزرے گا،

وزیراعظم شہباز شریف نے چارسدہ میں سیلاب سے متاثرہ علاقوں کا دورہ کیا

متحدہ عرب امارات کے حکام کا آرمی چیف سے رابطہ،سیلاب زدگان کیلیے امداد بھجوانے کا اعلان

آرمی چیف جنرل قمر جاوید باجوہ سے برطانوی ہائی کمشنر کرسچن ٹرنر کی ملاقات

سیلابی پانی کے بعد لوگ مشکلات کا شکار ہیں کھلے آسمان تلے مکین رہ رہے ہیں

شرجیل میمن کا مزید کہنا تھا کہ متاثرین کو کھانا اور راشن فراہم کیا جارہا ہے،سیلابی علاقوں میں سید مراد علی شاہ سمیت وزرا، ارکان اسمبلی کام کررہے ہیں، 2 لاکھ زائد مچھردانیاں تقسیم کی گئیں سیلاب متاثرین میں راشن بیگ 3 لاکھ 50 ہزار 868 تقسیم کیے گئے،سیلاب کے بعد جلد کی بیماریاں پھیل گئیں، سندھ حکومت کاشتکاروں کی مدد کررہی ہے، سندھ کابینہ نے گندم کی امدادی قیمت میں اضافہ کیا ہے، کچھ علاقے ایسے ہیں جس میں پانی کی نکاسی نہیں ہوپا رہی،حکومت کو سخت فیصلے کرنے پڑ سکتے ہیں، سوائے ایک سیاسی جماعت کے پوری قوم ایک ہے،

سندھ کابینہ نے مالی سال 23-2022 کے لیے گندم کی نئی سرکاری قیمت 4000 روپے فی من مقرر کردی۔کراچی میں وزیر اعلیٰ سندھ مراد علی شاہ کی سربراہی میں سندھ کابینہ کا اجلاس ہوا۔ اجلاس کے دوران صوبے میں سیلاب کی صورت حال اور دیگر امور پر تفصیلی غور کیا گیا۔ کابینہ نے صوبے میں -2022 کے لیے گندم کی نئی سرکاری قیمت 4000 روپے فی من مقرر کردی۔

اس موقع پر وزیر اعلیٰ سندھ نے کہا کہ ہم بیرون ملک سے 9000 روپے فی من کے حساب سےگندم خریدتے ہیں، ہم اپنے کاشتکار بھائیوں کو فائدہ دینے کے بجائے دوسرے ملکوں کو فائدہ دیتے ہیں۔

مراد علی شاہ نے خدشہ ظاہر کیا کہ اس سال گندم کی فصل نہ ہوئی توقحط جیسی صورتحال ہوگی۔سندھ کابینہ نے سید صلاح الدین کو چیف ایگزیکٹیو آفیسر کراچی واٹر بورڈ جب کہ اسد اللہ خان کے چیف آپریٹنگ آفیسر مقرر کرنےکی منظوری دے دی۔صوبائی کابینہ نےعمران صمد کو سندھ بینک کا سی ای او، صدر تعینات کرنےکی بھی منظوری دے دی۔

دوسری طرف اس وقت ملک بھر میں آٹے کا شدید بحران ہے ، بعض علاقوں میں آج آٹا ایک سو پندرہ روپے تک فروخت ہوتا رہا ہے ، غریب مارے مارے پھر رہے ہیں لیکن ان کو اتنا مہنگا آٹا بھی نہیں مل رہا اوراگرجیسا کہ حکومت نے چارہزارروپے فی من گندم کا ریٹ مقرر کیا ہے تو پھرغریب کیا کریں گے کسی کو کچھ سمجھ نہیں آرہی

آرمی چیف جنرل قمر جاوید باجوہ نے کانجو اور سوات کا دورہ کیا

وزیراعظم شہباز شریف نے چارسدہ میں سیلاب سے متاثرہ علاقوں کا دورہ کیا

پاک فضائیہ کی خیبر پختونخوا، سندھ، بلوچستان اور جنوبی پنجاب کے سیلاب سے شدید متاثرہ علاقوں میں امدادی کارروائیاں۔

کراچی :وزیر اعلیٰ سندھ مراد علی شاہ نے کہا ہے کہ صوبے کے سیلاب زدہ علاقوں سے پانی کی نکاسی میں 3 سے 6 ماہ کا عرصہ لگے گا۔

وزیر اعلیٰ سندھ نے کراچی میں میڈیا سے بات کرتے ہوئے صوبے کی موجودہ صورتحال اور تباہ کن سیلاب سے ہونے والے نقصانات سے آگاہ کیا۔انہوں نے کہا کہ موسمیاتی تبدیلیوں سے نمٹنے کے لیے پوری دنیا کو ایک ہونا ہوگا۔انہوں نے مزید کہا کہ اقوام متحدہ کے سیکریٹری جنرل انتونیو گوتریس نے بھی دنیا سے مطالبہ کیا ہے کہ وہ اس قدرتی آفت اور موسمیاتی تباہی سے نمٹنے میں پاکستان کی مدد کرے۔

مراد علی شاہ نے کہا کہ تقریباً 3 کروڑ 50 لاکھ لوگ بے گھر ہو چکے ہیں جب کہ لاکھوں ایکڑ زرخیز زمین بھی سیلاب کی زد میں آ چکی۔انہوں نے مزید کہا کہ سندھ میں کسانوں کو تقریباً 3 ارب 50 کروڑ روپے کا نقصان ہوا ہے جب کہ لائیو اسٹاک کے شعبے کو 50 ارب روپے کا نقصان پہنچا ہے۔ان کا کہنا تھا کہ کچھ علاقوں میں کم از کم 8 سے 10 فٹ پانی ہے، جن علاقوں میں سیلابی پانی اتر چکا ہے وہاں بھی ایسی صورتحال نہیں ہے کہ لوگ اپنے گھروں کو واپس جاسکیں، پاکستان میں اس سال غیر معمولی بد ترین بارشیں ہوئی ہیں۔

وزیر اعلیٰ نے کہا کہ رواں سال صوبے میں معمول سے 10 سے 11 گنا زیادہ بارشیں ہوئیں، عام طور پر گڈو اور سکھر کے مقام پر تقریباً 4 لاکھ کیوسک سیلابی ریلا ہوتا ہے۔انہوں نے کہا کہ حکومت لوگوں کی بحالی کے لیے کام کر رہی ہے اور صوبے کے نکاسی آب اور آبپاشی کے نظام کی بحالی کے لیے کام کر رہی ہے، ہم سمجھتے ہیں کہ پانی کے اخراج میں 3 سے 6 ماہ لگیں گے۔
مراد علی شاہ نے اعتراف کیا کہ صوبے کو خیموں اور ادویات کی کمی کا سامنا ہے، انہوں نے کہا کہ میں نے یہ مسئلہ اقوام متحدہ کے سربراہ سے ملاقات کے دوران اٹھایا تھا۔

مون سون کی بارشوں اور اس کے نتیجے میں آنے والے سیلاب سے 14 جون سے 9 ستمبر کے درمیان ملک بھر میں ایک ہزار 396 افراد جاں بحق اور 12 ہزار 728 زخمی ہوئے جب کہ 3 کروڑ سے زیادہ شہری بے گھر ہوئے ہیں۔تباہ کن سیلاب کے دوران سندھ اب تک سب سے زیادہ متاثر ہونے والا صوبہ ہے جہاں سب سے زیادہ اموات رپورٹ ہوئیں اور سب سے زیادہ شہری زخمی ہوئے۔

نیشنل ڈیزاسٹر مینجمنٹ اتھارٹی (این ڈی ایم اے) کی جانب سے جاری کردہ تازہ ترین اعداد و شمار کے مطابق ملک بھر میں ایک ہزار 396 اموات میں سے سندھ میں مجموعی طور پر 578 شہری جاں بحق ہوئے، اسی طرح صوبے میں زخمیوں کی تعداد 8 ہزار 321 ہے جب کہ ملک بھر میں زخمیوں کی مجموعی تعداد 12 ہزار 728 ہے۔

آرمی چیف جنرل قمر جاوید باجوہ نے کانجو اور سوات کا دورہ کیا

وزیراعظم شہباز شریف نے چارسدہ میں سیلاب سے متاثرہ علاقوں کا دورہ کیا

پاک فضائیہ کی خیبر پختونخوا، سندھ، بلوچستان اور جنوبی پنجاب کے سیلاب سے شدید متاثرہ علاقوں میں امدادی کارروائیاں۔

کراچی:مجھ سے ناظم جوکھیو کے قاتلوں نے صلح کے لیے زبردستی انگوٹھے لگوائے: والدہ نے اپنے بیٹے کے قاتلوں کی چالاکیوں سے پردہ اٹھا دیا ، اطلاعات کے مطابق مقتول صحافی ناظم جوکھیو کی والدہ نے عدالت میں بیان دیا ہے کہ قاتلوں نے ان سے زبردستی صلح نامے پر دستخط کرائے۔

بے گناہ قتل ہونے والے مظلوم ناظم جوکھيو کے کيس ميں نيا موڑ آگيا ہے، کیوں کہ مقتول کی والدہ نے قاتلوں سے صلح نامے کو زبردستی کرايا گيا معاہدہ قرار دے کر مسترد کرديا ہے۔ایڈیشنل ڈسٹرکٹ اینڈ سیشن جج ماڈل کورٹ ملیر میں ناظم جوکھیو قتل کیس کی سماعت ہوئی۔

ملزمان کے وکيل نے بتايا کہ مدعی افضل جوکھیو، مقتول کی بیوہ اور ان کی والدہ کی ملزمان سے مصالحت ہوچکی ہے، عدالت ملزمان کو بری کرکے ختم کردے۔سماعت کے دوران ناظم جوکھیو کی والدہ عدالت پہنچ گئیں۔ ۔ جہاں انہوں نے عدالت میں دہائياں دیں کہ بیٹے کے خون کا انصاف کیا جائے۔

مقتول کی والدہ نے عدالت کو بتايا کہ انہوں نے مجھ سے زبردستی صلح نامہ پر اور کمپرومائیز پیپر پر انگھوٹے لگوائے۔عدالت نے ملزم جام اويس کو 24 ستمبر کو طلب کرتے ہوئے سماعت ملتوی کردی۔اس سے پہلے ناظم جوکھيو کی بيوہ نے پوليس کے تاخيری حربوں اور بااثر افراد کی دھمکيوں سے خوف زدہ ہوکر ملزمان سے سمجھوتا کرليا تھا۔

ملزمان سے صلح نامے کے بعد پولیس نے کیس سے دہشت گردی کے دفعات ختم کردی تھيں، اور جام کریم سمیت 13ملزمان کے نام خارج کرنے کی سفارش کی تھی۔پولیس کی سفارش کے بعد انسداد دہشتگردی عدالت نے بھی ملزمان کی درخواست منظور کرتے ہوئے کیس سیشن عدالت منتقل کرديا تھا۔

ناظم جوکھیو کا قتل

مقامی صحافی ناظم جوکھيو کو گزشتہ سال نومبر ميں ملیر میں غیرملکیوں کو شکار سے روکنے کی ويڈيو وائرل ہونے کے بعد قتل کردیا گیا تھا۔مقدمے میں نامزد پيپلزپارٹی کے رکن قومی اسمبلی عبدالکریم جوکھیو ملک سے فرار ہوگئے تھے اور اب ضمانت پر ہيں۔ جب کہ رکن سندھ اسمبلی اویس جوکھیو کیس میں گرفتار ہيں۔

آرمی چیف جنرل قمر جاوید باجوہ نے کانجو اور سوات کا دورہ کیا

وزیراعظم شہباز شریف نے چارسدہ میں سیلاب سے متاثرہ علاقوں کا دورہ کیا

پاک فضائیہ کی خیبر پختونخوا، سندھ، بلوچستان اور جنوبی پنجاب کے سیلاب سے شدید متاثرہ علاقوں میں امدادی کارروائیاں۔

کراچی: پاک فضائیہ خیبرپختونخوا، سندھ، بلوچستان اور جنوبی پنجاب میں سیلاب متاثرین کی بحالی کے عمل میں سرگرم عمل ہے۔پاک فضائیہ کے اہلکار سیلاب زدگان کی فلاح و بہبود، خوراک، رہائش، پینے کے پانی اور طبی امداد کی بروقت فراہمی کے لیے بروقت اقدامات میں مسلسل مصروفِ عمل ہیں۔

سیلاب متاثرین کو مشکل کی اس گھڑی میں ازحد ضروری ریلیف فراہم کرنے کے لیے پاک فضائیہ کی ایمرجنسی ریسپانس ٹیموں نے گزشتہ 24 گھنٹوں کے دوران ضرورت مند خاندانوں میں 23,076 پکے ہوئے کھانے کے پیکٹ، 1103 پانی کی بوتلیں اور 1795 راشن کے پیکٹ تقسیم کیئے، جن میں بنیادی غذائی اجناس شامل ہیں۔ مزید براں مفت خوراک اور رہائش کی فراہمی کے علاوہ پاک فضائیہ کے فیلڈ میڈیکل کیمپوں میں میڈیکل ٹیموں نے 3049 مریضوں کا طبی معائنہ بھی کیا۔

ترجمان پاک فضائیہ کے مطابق پاک فضائیہ کے سی 130 طیاروں کی 90 اور ایم آئی 17 ہیلی کاپٹرز کی 92 جبکہ اے ڈبلیو 139 ہیلی کاپٹرز کی 54 پروازیں کی گئیں اور ہیلی کاپٹرز کے ذریعے 1521 افراد کو ریسکیو کیا گیا اور ہیلی کاپٹرز کے ذریعے 4800 خیمے، 2 لاکھ 16 ہزار 4 کھانے کے پیکٹ تقسیم کیے گئے۔

ترجمان نے بتایا کہ پاک فضائیہ کی ٹیموں نے 2584 ٹن راشن، ایک لاکھ 96 ہزار 677 لیٹر پینے کا پانی تقسیم کیا جبکہ پاک فضائیہ کے 19 ٹینٹ شہروں میں 18 ہزار 441 افراد مقیم ہیں، متاثرہ علاقوں میں پاک فضائیہ کے 54 ریلیف کیمپ اور 44 میڈیکل کیمپ کام کررہے ہیں۔

اس کے علاوہ پاک فضائیہ پی اے ایف سندھ کے نواب شاہ، سکھر، میرپور خاص، تلہار، جیکب آباد، سہون، پرپتھو میں امدادی کاموں میں مصروف ہے جبکہ بلوچستان کے سمنگلی، قلعہ عبداللہ اور قلعہ سیف اللہ ، پنجاب میں راجن پور اور ڈی جی خان میں امدادی کاموں میں مصروف ہیں۔ترجمان کا کہنا تھا کہ پاک فضائیہ گلگت بلتستان، اسکردو، غذر، نلتر، گانچھے اور کے پی کے میں نوشہرہ، چارسدہ، خاصگی، سیدو شریف، شانگلہ، لارام میں توجہ مرکوز کیے ہوئے ہیں۔

عطیات

سیلاب سے متاثرین کی بحالی کیلئے اب تک 6855.7 ٹن خوردنی اشیاء اور 1203 ٹن غذائی اشیاء جمع کی جا چکی ہیں، مجموعی طور پر 45 لاکھ 97 ہزار 569 مختلف ادویات جمع کی جا چکی ہیں۔اس کے علاوہ اب تک 6452.3 ٹن خوراک اور 1165.3 ٹن غذائی اشیاء تقسیم کی جا چکی ہیں، اب تک 43 لاکھ 30 ہزار 611 ادویات تقسیم کی جا چکی ہیں۔

آرمی چیف جنرل قمر جاوید باجوہ نے کانجو اور سوات کا دورہ کیا

وزیراعظم شہباز شریف نے چارسدہ میں سیلاب سے متاثرہ علاقوں کا دورہ کیا

پاک فضائیہ کی خیبر پختونخوا، سندھ، بلوچستان اور جنوبی پنجاب کے سیلاب سے شدید متاثرہ علاقوں میں امدادی کارروائیاں۔

سابق میئر کراچی اور ایم کیو ایم کے سینئر رہنما وسیم اختر کا کہنا ہے کہ پیپلرپارٹی سے معاہدوں کا تجربہ کبھی اچھا نہیں رہا اور اس بار بھی نیک نیتی نظر نہیں آرہی۔شایدیہی وجہ ہے کہ ایم کیوایم میں‌ بھی پی پی کےساتھ معاہدے پرتقسیم نظرآتی ہے

ایم کیو ایم کے سیئنر رہنما وسیم اختر کہتے ہیں کہ ایڈمنسٹریٹر کراچی مرتضی وہاب کے پاس سارے وسائل اور اختیارات ہونے کے باوجود شہر کا یہ حال ہے، وہ ڈلیور نہیں کر سکے ہیں، وہ کراچی کے ناکام ترین ایڈمنسٹریٹر ہیں۔

سابق میئر کراچی کا کہنا تھا کہ موجودہ بلدیاتی حلقہ بندیاں پیپلزپارٹی کی ‘‘جیومینڈرنگ’’ ہیں، پیپلزپارٹی حلقہ بندیوں کے ذریعے پری پول دھاندلی کرچکی ہے۔

وسیم اختر کا مزید کہنا تھا کہ ایم کیوایم کا پیپلرپارٹی سے معاہدوں کا تجربہ کبھی اچھا نہیں رہا، اور اس بار بھی پیپلزپارٹی کی نیک نیتی نظر نہیں آرہی۔

ایم کیوایم میں مزید دراڑیں پڑگئیں:بڑے بڑے نام پارٹی چھوڑنے کے لیے تیار، ایم کیوایم کی تقسیم درتقسیم کے متعلق دکھ بری خبرسنیئرصحافی مبشرلقمان نے دیتے ہوئے کہا ہے کہ وہ ایک بڑی پارٹی کے حصوں بخروں پر خوش نہیں ، ان کا کہنا تھا کہ سیاسی جماعتی ہی جمہوریت کا حُسن ہوتی ہیں اور یہ جماعتیں ہی کسی ملک اور معاشرے کی ترقی میں ممدومعاون کردار ادا کرتی ہیں

ایم کیوایم کی تقسیم درتقسیم کے متعلق دکھی دل کے ساتھ خبر دیتے ہوئے مبشرلقمان کا کہنا تھا کہ ان کے علم میں‌ آیا ہےکہ پارٹی میں ایک اور گروپ ابھرنے کو تیار ہے۔ اگر ایسا ہوتا ہے تو یہ یقینی ہے کہ ایم کیو ایم کا سیاسی اثر عملی طور پر ختم ہو جائےگا اور اس کے سیاسی مخالفین اس تقسیم پر شاید خوشی کا اظہار کریں لیکن یہ نظر آرہا ہے کہ ایم کیو ایم کواب ٹوٹنے سے کوئی نہیں بچا سکتا

مبشرلقمان کہتے ہیں کہ میں کافی دنوں سے پارٹی کی ٹوٹ پھوٹ کے متعلق خبریں سُن رہا تھا ، مجھے معلوم ہے کہ ایم کیو ایم میں لڑائی جاری ہے اوراس بار کامران ٹیسوری کی تازہ تقرری کے بعد خلیج مزید بڑھ گئی ہے۔مبشرلقمان کہتے ہیں کہ عامر خان اپنے وفاداروں سے الگ ہونے کو تیار ہیں۔یہ پارٹی کے سیاسی تابوت میں آخری کیل ثابت ہو سکتا ہے۔

یہ بھی یاد رہے کہ ایم کیوایم میں مزید تقسیم کے حوالےسے خبریں بہت عرصے آرہی تھیں پہلے ہی ایم کیو ایم تقسیم ہوچکی ہے اور سب سے پہلا دھچکا اس وقت لگا جب الطاف حسین کو پارٹی سے الگ کردیا گیا اورایم کیوایم پاکستان کی شکل میں نیا گروپ وجود میں آیا جبکہ اس سے پہلے ہی پاک سرزمین پارٹی کی شکل میں ایم کیوایم کا ایک مضبوط دھڑا سید مصطفیٰ کمال کی قیادت میں سامنے آگیا اور اس کے ساتھ ساتھ فاروق ستار بھی پھر سے متعرک ہوگئے ہیں اور وہ بھی ایک دھڑے کے سربراہ ہیں لیکن ابھی تک ان کے دھڑے کا نام سامنے نہیں آیا

آرمی چیف جنرل قمر جاوید باجوہ نے کانجو اور سوات کا دورہ کیا

وزیراعظم شہباز شریف نے چارسدہ میں سیلاب سے متاثرہ علاقوں کا دورہ کیا

پاک فضائیہ کی خیبر پختونخوا، سندھ، بلوچستان اور جنوبی پنجاب کے سیلاب سے شدید متاثرہ علاقوں میں امدادی کارروائیاں۔