Category: کراچی

کراچی: ملیر ندی میں ڈوبنے والی گاڑی مل گئی، لیکن اس میں سوار 7 افراد لا پتا ہیں لواحقین کے مطابق گاڑی میں ڈرائیور اور 4 بچوں سمیت 7 افراد سوار تھے۔

باغی ٹی وی : کراچی کے علاقے ملیر میں لنک روڈ پر ندی میں ڈوبنے والی سفید رنگ کی کار ریسکیو نے تلاش کر لی لیکن گاڑی میں کسی شخص کی لاش موجود نہیں تھی گزشتہ رات ہونے والی بارش کے بعد ایم نائن لنک روڈ پر ملیر ندی کا سیلابی پانی آ گیا تھا سیلابی پانی کو پار کرنے کے دوران گاڑی سیلابی ریلے میں بہہ کر ندی میں جا گری تھی۔

ریسکیو حکام کے مطابق کار میں میاں بیوی اور ان کے 4 بچوں سمیت ڈرائیور بھی سوار تھا، کار سوار افراد کی لاشیں پانی کے بہاؤ سے آگے بہہ گئی ہوں گی، جن کی تلاش کے لیے ریسکیو آپریشن جاری ہے-

واقعے کو تقریباً 12 گھنٹے ہو چکے ہیں، آدھی رات کو اندھیرے کے باعث ریسکیو آپریشن روک دیا گیا تھا، صبح ہوتے ہی آپریشن دوبارہ شروع کر دیا گیا، اور اس دوران ط گاڑی تو مل گئی لیکن اندر کوئی موجود نہیں تھا۔

ایدھی ذرائع کے مطابق گاڑی میں سوار خاندان کا تعلق حیدر آباد سے ہے کراچی سے حیدر آباد جا رہے تھے۔

لنک روڈ پر حادثے کا شکار ہونے والی مذکورہ کار کے ڈرائیور کے بھائی حافظ عبدالحئی نے کہا کہ میرا بھائی حیدر آباد آ رہا تھا کہ ایک فیملی نے کہا کہ ہمیں بھی لے جائیں قائد آباد سے میاں بیوی اور ان کے 4 بچوں کو لے کر بھائی حیدر آباد آ رہا تھا، تاہم شام 6 بجے کے بعد بھائی سے دوبارہ رابطہ نہیں ہوا۔

دوسری جانب ملیر ندی میں پانی کی سطح کم ہونے کے بعد ایم نائن لنک روڈ پر ٹریفک بحال کر دیا گیا ہے سپر ہائی وے سے نیشنل ہائی وے تک ہیوی ٹریفک کی آمد و رفت بحال ہو گئی ہے کئی گھنٹے سڑک بند ہونے کے باعث لنک روڈ پر ٹریفک کا دباؤ ہے۔

ادھر کراچی میں جاری حالیہ بارشوں کے باعث کورنگی کاز وے اور کراسنگ روڈ پر سیلابی صورت حال ہے، ایک بڑا ریلا روڈ پر گزر رہا ہے، جس سے قریبی آبادی مہران ٹاؤن میں پانی داخل ہونے کا خدشہ ہے۔

ٹریفک پولیس نے کورنگی کازوے اور کراسنگ مکمل طور پر ٹریفک کے لیے بند کر دیے ہیں، جب کہ مہران ٹاؤن میں حفاظتی اقدامات کے لیے انتظامیہ سے رابطہ کیا گیا ہے۔

کراچی میں بارش کی پیشگوئی کے بعد سندھ حکومت کا آج تمام تعلیمی اداروں میں چھٹی کا اعلان کردیا، کراچی کے مختلف علاقوں میں شدید بارش کا سلسلہ وقفے وقفے سے جاری ہے اور 19 اگست تک شدید بارشوں کی پیش گوئی کی گئی ہے.

کراچی میں مزید بارش کی پیش گوئی کے بعد سندھ حکومت نے آج تمام تعلیمی اداروں میں چھٹی کا اعلان کردیا۔کراچی کے مختلف علاقوں میں شدید بارش کا سلسلہ وقفے وقفے سے جاری ہے اور 19 اگست تک شدید بارشوں کی پیش گوئی کی گئی ہے۔

وزیرتعلیم سندھ کے مطابق وزیراعلیٰ سندھ مراد علی شاہ نے محکمہ تعلیم کو چھٹی دینے کی ہدایت دی ہے۔ بارش کے باعث کراچی میں انٹربورڈ نے آج ہونے والے تمام امتحانات ملتوی کردیے ہیں۔ کراچی انٹر بورڈ کی جانب سے جاری بیان میں کہا گیا ہے کہ آج کے تمام امتحانات ملتوی کردیے گئے ہیں، ملتوی پرچے 25 اگست کو ان ہی امتحانی مراکز پر شیڈول اور وقت پر لیے جائیں گے۔اعلامیے کے مطابق عملی امتحانات ری شیڈول کرنے کیلئے کالجوں کو ہدایت جاری کردی گئی ہیں۔

سکھر:سندھ:ہائی کورٹ نے تعلیمی اداروں کے سامنے دھرنا دینے یا احتجاج کرنے پر پابندی عائد کردی ،اطلاعات کے مطابق آج ایک اہم سماعت میں سندھ ہائی کورٹ سکھر بینچ نے تعلیمی اداروں کے سامنے دھرنا دینے یا احتجاج کرنے پر پابندی لگادی ہے ، عدالت نے اس فیصلے پرسختی سے عمل کرنے کی بھی ہدایات جاری کردیں‌

سکھر سے آمدہ اطلاعات میں بتایا گیا ہے کہ ہائی کورٹ نے گھوٹکی ٹیکنیکل کالج کے ملازمین اور انتظامیہ کی جانب سے دائر کردہ پٹیشنز کی سماعت کی۔ہائی کورٹ میں ہونے والی اس سماعت میں سندھ حکومت کی طرف سے ڈی آئی جی سکھر اور محکمہ تعلیم کے حکام سماعت پرعدالت میں پیش ہوئے۔

ہائی کورٹ میں کیس کی سماعت کے دوران کالج انتظامیہ نے عدالت میں کالج کے سامنے دیئے گئے دھرنے کی تصاویر پیش کردیں۔اس موقع پر سندھ ہائی کورٹ کے سکھربینج کی عدالت نے دھرنے کےدوران کالج کے مرکزی دروازے کوبند کرنے پر برہمی کا اظہار کیا۔

یہ بھی معلوم ہوا ہے کہ اس دوران جسٹس ظفر احمد راجپوت اور جسٹس شمس الدین عباسی پر مشتمل ڈویژنل بینچ نے فیصلہ سنایا۔عدالت نے سختی سے ہدایت کی کہ کسی بھی تعلیمی ادارے کو بند کرنے اور تعلیم کو متاثر کرنے کی اجازت نہیں دی جائے گی۔عدالت نے کہا کہ اگر ملازمین کی برطرفی کا معاملہ ہے تو وہ قانونی راستہ اختیار کریں۔

عدالت نے حکم دیا کہ کسی کو بھی تعلیم کو متاثر کرنے کی اجازت نہیں دی جائے گی اورانتظامیہ اس پابندی پرسختی سےعمل درآمد کرائے۔ڈی آئی جی جاوید جسکانی نے عدالت کو احکامات پر عمل کرانے کی یقین دہانی کرادی۔

دوسری طرف عوام الناس نے سندھ ہائی کورٹ کے اس فیصلے کو بہت سراہا ہے اور کہا ہے کہ اس فیصلے سے تعلیمی اداروں میں احتجاج کی روش میں کمی آئے گی اورمعاشرے میں اس سے بہتری آئے گی

کراچی میں بارشوں سےعلاقوں میں سوئی سدرن گیس کی لائنیں بیٹھ گئیں۔

باغی ٹی وی : تفصیلات کے مطابق اہل علاقہ کا کہنا ہے کہ کئی علاقوں میں گیس کی لیکج کی شکایات ہیں تو کہیں گیس کی لائنوں میں پانی بھر جانے سے گھریلو صارفین کو گیس نہیں مل رہی۔

کراچی کے مختلف علاقوں میں بارش کا سلسلہ جاری

کراچی کے علاقے گلستان جوہر بلاک 17، محمود آباد ،کشمیر کالونی ،اختر کالونی، صدر، آئی آئی چندریگر روڈ، سٹی ریلوے کالونی اور لیاری کے مختلف علاقوں کو گیس کی بندش کا سامنا ہے۔

اہل علاقہ کا کہنا ہے کہ سوئی سدرن گیس کے دفاتر میں شکایات درج کروانے کے باوجود فالٹ ٹھیک نہیں کیے جا رہے اور نہ ہی کوئی سنوائی ہورہی ہے مہنگائی کے دور میں ہوٹل سے کھانے کیسے کھائیں-

کراچی چڑیا گھرمیں دانتوں کی تکلیف میں مبتلا ہتھنیوں کی سرجری

دوسری جانب شہر میں آج بھی تیز بارش کا امکان ہے اور محکمہ موسمیات نے شہریوں کو خبردار کیا ہےشہر کے کئی علاقوں میں بارش کا سلسلہ جاری ہے جب کہ گلشن حدید، ائیر پورٹ کےاطراف میں تیز بارش ہورہی ہےاس کےعلاوہ کارساز، کالا پُل،کیماڑی، گلستان جوہر، فیڈرل بی ایریا، طارق روڈ اور پی ای سی ایچ ایس میں بھی تیز بارش کا سلسلہ جاری ہےملیر الفلاح اور ملیر ہالٹ کے علاقے میں بوندا باندی ہورہی ہے۔

محکمہ موسمیات نے خبردار کیا ہے کہ شہر میں آج بھی تیز بارش ہوگی جب کہ یہ سلسلہ کل تک جاری رہے گا۔کشمیر،سندھ،مشرقی بلوچستان میں موسلادھار بارش متوقع ہے بالائی وجنوبی پنجاب، جنوبی خیبرپختونخوامیں بھی موسلادھار بارش کاامکان ہے۔

خیبرپختونخوا: پولیو ٹیم پرنامعلوم مسلح افراد کا حملہ،2 پولیس اہلکار جاںبحق

کراچی :پاکستان میں ڈالرکی قیمت بڑھتی ہے تو ہر چیز کی قیمت بڑھ جاتی ہے، ڈالرکی قیمت کم ہوتی ہے تو کم ہی چیزیں سستی ہوتی ہیں ،مگراس بار معاملہ اس سے مختلف ہے ، پہلے ڈالر کی قیمت اتنی بڑھ گئی کہ آٹوز گاڑیاں بنانے والی کمپنیوں نے پیدوار ہی روک دی یا کم کردی

ڈالر کی قدر میں کمی کے بعد پاک سوزوکی نے بھی گاڑیوں کی قیمتوں میں کمی کااعلان کردیا ہے۔ملک میں کار اسمبلرز گزشتہ 10 ماہ کے دوران گاڑیوں کی قیمتیں 4 مرتبہ بڑھا چکے ہیں تاہم اب ملک میں ڈالر سستا ہوا تو گاڑیاں بھی سستی ہونے لگیں۔ انڈس موٹرز کے بعد اب پاک سوزوکی نے بھی اپنی گاڑیوں کی قیمتیں 2 لاکھ روپے تک کم کردی ہیں۔

پاک سوزوکی نے اپنے ڈیلرز کو نئی قیمتوں سے متعلق آگاہ کردیا ہے جس کے مطابق آلٹو وی ایکس (Alto VX) کی قیمت 90 ہزار روپے کمی کے بعد 17 لاکھ 89 ہزار روپے سے گھٹ کر 16 لاکھ 99 ہزار روپے ہوگئی ہے۔اسی طرح 20 لاکھ 79 ہزار روپے والی آلٹو وی ایکس آر (Alto VXR) کی قیمت ایک لاکھ 3 ہزار کم ہوکر 19 لاکھ 76 ہزار روپے ہوگئی ہے۔

سوزوکی ویگن آر کے مختلف ویرینٹز میں ایک لاکھ 47 ہزار روپے، کلٹس کے مختلف ویرینٹس میں ایک لاکھ 45 ہزار روپے تک اور سوزوکی سوئفٹ کے مختلف ویرینٹ میں ایک لاکھ 99 ہزار روپے تک کمی کی گئی ہے۔اس کے علاوہ سوزوکی بولان اور راوی کے ویرینٹس میں بھی 75 سے 79 ہزار روپے کمی کی گئی ہے۔

اس سے پہلے انڈس موٹرز نے بھی ایسا ہی اعلان کیا تھا ، اب کچھ حالات سدھرنے شروع ہوئے ہیں اور جولائی کے مہینے میں 7 لاکھ 60 ہزار سے31 لاکھ 60 ہزار روپے قیمت کے زبردست جھٹکے کے بعد انڈس موٹر کمپنی (آئی ایم سی) نے ڈالر کے مقابلے روپے کی بحالی کا حوالہ دیتے ہوئے گاڑیوں کی قیمتوں میں 2 لاکھ 60 ہزار سے 11 لاکھ 40 ہزار روپے تک کی کمی کردی۔

انڈس موٹر کمپنی کے سربراہ علی حبیب انتقال کر گئے ، انا للہ و انا الیہ رجعون

اس حوالے سے معلوم ہوا ہے کہ اپنے ڈیلرز کو جاری کردہ سرکلر میں آئی ایم سی کہا کہ ٹویوٹا کرولا کے تمام ماڈلز کی قیمتوں میں 3 لاکھ 30 ہزار سے 4 لاکھ 40 ہزار روپے تک کی کمی کی جارہی ہے۔اس کے علاوہ ٹویوٹا یارس کے مختلف ماڈل کی قیمت میں بھی 2 لاکھ 60 ہزار روپے سے 3 لاکھ 10 ہزار روپے تک کی کمی کی گئی۔اسی طرح ٹویوٹا ہائی لکس ریو اور فارچیونر کی قیمتوں میں بالترتیب 6 لاکھ 50 ہزار روپے سے 8 لاکھ 20 ہزار سے روپے اور 9 لاکھ 10 ہزار روپے سے 11 لاکھ 40 ہزار روپے تک کی کمی کی گئی۔

آٹو موبائل انڈسٹری سازش کا شکار ،ہنڈا اٹلس اور انڈس موٹرز نے پیداوار روکنے کا

مزیں برآں کرولا 1.6 ایم ٹی، اے ٹی اور یو پی ایس پی ای سی کی نئی قیمتیں 45 لاکھ 69 ہزار 47 لاکھ 89 ہزار روپے اور 52 لاکھ 79 ہزار روپے ہے، جبکہ سی وی ٹی 18، ایس آر اور ایس آر بلیک ماڈلز کی قیمتیں اب 52 لاکھ 69 ہزار، 57 لاکھ 9 ہزار اور 57 لاکھ 49 ہزار روپے ہے۔

سرکلر کے مطابق یارس ایم ٹی 1.3 کی نئی قیمت 35 لاکھ 39 ہزار، سی وی ٹی 37 لاکھ 69 ہزار، اے ٹی آئی وی ایم ٹی 37 لاکھ 29 ہزار، اے ٹی آئی وی سی وی ٹی 39 لاکھ 29 ہزار، اے ٹی آئی وی ایم ٹی 1.5 کی قیمت 40 لاکھ 9 ہزار اور اے ٹی آئی وی سی وی ٹی 1.5 کی نئی قیمت 42 لاکھ 59 ہزار روپے ہوگئی ہے۔

ٹویوٹاانڈس نےپاکستان میں پیداواربندکرنےکا فیصلہ کرلیا

اس کے علاوہ ریو 2.8 ایم ٹی کی قیمت 91 لاکھ 69 ہزار، آٹو 2.8 ایم ٹی 96 لاکھ 9 ہزار، فائیو آٹو اینڈ روکو بالترتیب ایک کروڑ 5 لاکھ 99 ہزار اور ایک کروڑ 11 لاکھ 79 ہزار روپے میں دستیاب ہوں گی۔

ساتھ ہی ساتھ فارچیونر 2.7 جی کی قیمت کم ہو کر ایک کروڑ 15 لاکھ 79 ہزار روپے، 2.7 وی کی ایک کروڑ 32 لاکھ 59 ہزار، سگما 4 کی ایک کروڑ 39 لاکھ 69 ہزار اور لیجنڈر کی نئی قیمت ایک کروڑ 46 لاکھ 99 ہزار روپے ہوگئی ہے۔

کراچی :شہر قائد میں ایک بار پھر طوفانی بارشوں کا سلسلہ شروع ہوگیا ہے اور یہ بھی اطلاعات ہیں کہ بارشوں کا یہ سلسلہ 19 اگست تک جاری رہے گا،ادھر کراچی میں منگل کو بارش کا آغاز گلشن معمار، پورٹ قاسم، گلشن حدید اور اطراف کے علاقوں سے ہوا جس کے بعد شہر کے دیگر علاقوں کو بھی بتدریج بارش شروع ہوگئی۔

کراچی بارشیں: پاک فوج کے جوان خدمت میں‌مصروف : شاہراہ فیصل پر انڈر پاس کلیئر

محکمہ موسمیات کے مطابق شہر میں دن بھر وقفے وقفے سے کہیں ہلکی اور کہیں تیز بارش کا سلسلہ جاری رہے گا۔ رواں برس موسم برسات میں غیر معمولی بارشوں کے باوجود انتظامیہ بدستور صرف دعوے ہی کرتی نظر آرہی ہے۔ شہر کی تمام اہم سڑکیں دور افتادہ علاقوں کے کچے راستوں کا منظر پیش کررہی ہیں۔ جگہ جگہ گڑھوں اور کھلے مین ہولز کی بدولت عوام کو شدید مشکلاتے کا سامنا ہے۔

دوسری جانب محکمہ موسمیات نے بھارتی ریاست راجستھان میں موجود ہوا کے کم دباؤ کی بدولت منگل کی شام سے بارشوں کے نئے سلسلے کی پیش گوئی کی ہے۔محکمہ موسمیات کا کہنا ہے کہ مون سون کے نئے اسپیل سے کراچی سمیت سندھ کے بیشتر اضلاع میں 19 اگست جب کہ بلوچستان کے شمال مشرقی اور ساحلی اضلاع میں 20 اگست موسلادھار بارشوں کا امکان ہے، جس سے نشیبی علاقے زیر آب اور مقامی برساتی ندی نالوں میں طغیانی آسکتی ہے۔

کراچی بارشیں:عروہ حسین حکومت کے خلاف بولنے والوں برہم

ادھرکراچی میں سرجانی ٹاؤن گرین بس سٹاپ کے قریب چار منزلہ بلڈنگ گر گئی جس کے نتیجے میں ایک شخص جاں بحق جبکہ 10 افراد زخمی ہو گئے ہیں۔

کراچی بارشیں، شہری برقی آلات کے استعمال میں احتیاط کریں اور کھمبوں سے دور رہیں، کے…

تفصیلات کے مطابق کراچی کے علاقے سرجانی ٹاؤن میں گرین بس سٹاپ کے قریب واقع چار منزلہ عمارت اچانک منہدم ہوگئی جس کے ملبے تلے متعدد افراد دب گئے۔

ریسکیو ٹیموں نے موقع پر پہنچ کر 11 افراد کو زخمی حالت میں ملبے سے نکالا، زخمیوں کو بعد ازاں ہسپتال منتقل کر دیا گیا جن میں سے ایک شخص ہسپتال میں دم توڑ گیا، علاقہ مکینوں کا کہنا ہے کہ اب بھی کئی افراد ملبے تلے دبے ہوئے ہیں۔ریسکیو ذرائع کا کہنا ہے کہ مزید عمارت گرنے والے ملبے تلے دبے بچ جانے والوں کی تلاش کے لیے جائے وقوعہ پر آپریشن جاری ہے۔

کراچی : چڑیا گھر میں دو ہتھنیوں مدھو بالا اور نورجہاں کا آج ہونےوالا دانتوں کاعلاج ملتوی ہو گیا تاہم اب ہتھنیوں کے دانتوں کی سرجری کل ہو گی۔

باغی ٹی وی : کراچی کے چڑیا گھر کی ہتھنیاں دانتوں کی تکلیف میں مبتلا ہو گئی ہیں، جنہیں اس تکلیف سے نجات دلانے کے لیے روٹ کینال کیا جائے گا کراچی چڑیا گھر کی 16 سالہ مدھو بالا اور 17سالہ نور جہاں نامی ہتھنیوں کا روٹ کینال ہوگا دونوں ہتھنیاں دانتوں کی تکلیف میں مبتلا ہیں۔

چڑیا گھر انتظامیہ کے مطابق موسم کے باعث دو سرجنز کی کراچی آمد میں تاخیر ہوئی فور پاز ٹیم کے مطابق سرجری اب بدھ کے روز صبح 10 بجے پرفارم کی جائے گی۔

آسٹریا سے آنے والے انٹرنیشنل فور پاز نامی تنظیم کے ڈاکٹرز روٹ کینال آپریشن کریں گے مدھو بالا کا دانت گل چکا ہے، جس کا آپریشن آج کیا جانا تھاغیر ملکی ڈاکٹرزکی ٹیم نے دونوں ہتھنیوں کامعائنہ کر لیا ہےڈاکٹرز نے بتایا کہ دونوں ہتھنیوں کے دانتوں کا انفیکشن خطرناک مرحلے تک پہنچ گیا ہے اور وہ مسلسل درد میں مبتلا ہیں۔

واضح رہے کہ کراچی میں چار ہاتھی ہیں جن میں سونو اور ملکہ جو سفاری پارک میں رہتے ہیں جبکہ دو ہتھنیاں نورجہاں اور مدھو بالا چڑیا گھر میں ہیں۔

قبل ازیں گزشتہ برع نومبر میں انکشاف ہوا تھا کہ کراچی کے چڑیا گھر میں مدھوبالا اور نورجہاں ہتھنیوں کے دانت غائب ہوگئےتھے جن کے بارے میں انتظامیہ بھی لاعلم تھی فور پاوز نامی بین الاقوامی این جی او کے ماہرین سفاری پارک پہنچے جہاں انہوں نے دونوں ہاتھیوں کے رہن سہن کا جائزہ لیا بلکہ کچھ ٹیسٹ بھی کیے تھے جس پر پتہ چلا تھا کہ سونو کہلانے والا ہاتھی ہتھنی نکلی جبکہ ہتھنیوں کے ناخنوں میں فنگس بھی پایا گیا تھا اور ناخن بڑنے ہونے پر بھی نہیں کاٹے گئے تھے-

فور پاوز نامی بین الاقوامی این جی او نے کراچی چڑیا گھر کا بھی دورہ کیا تھا جس پر انکشاف ہوا تھا کہ 17 سالہ نورجہاں کے دانت ٹوٹ گئے ہیں جس سے وہ شدید تکلیف میں ہے اور اسے فوری علاج کی ضرورت ہے اس کے ساتھ ہی 16 سالہ مدھو بالا بھی عمر پوری ہونے کے باوجود اب تک بالغ نہیں ہو پارہی اور وجہ دیکھ بھال کا ٹھیک نہ ہونا جبکہ اطراف میں موجود شورو غل ہے جس سے دونوں ہاتھی ذہنی دباؤ کا شکار بھی ہیں۔

اس حوالے سے چڑیا گھر انتظامیہ کا کہنا تھا کہ ہتھنیوں کے دانت گنا اور درختوں کی شاخیں کھانے سے جھڑ گئے ہیں۔دوسری جانب سندھ ہائیکورٹ میں این جی او نے اپنی سفارشات بھی جمع کروائیں تھیں جس میں ہتھنیوں میں خون کی کمی کا بھی بتایا گیا تھا-