Category: کراچی

کراچی کے ایک رہائشی سماجی کارکن ولی اللہ کی کوششوں سے پاکستان میں قیام پذیر ہندوستانی خاتون کا 20 سال بعد اپنے رشتے داروں سے رابطہ ہو ا ہے جو ایجنٹ کے فراڈ‌ سے روزگار کے سلسلے میں دبئی کی بجائے پاکستان پہنچ گئیں تھیں-

باغی ٹی وی : تفصیلات کے مطابق کراچی کے علاقے منگھوپیر کے رہائشی اور سماجی کارکن ولی اللہ نے ہندوستانی خاتون حمیدہ بانو کا ایک ویڈیو بیان اپنے یوٹیوب چینل پر شیئر کیا تھا جس میں انہوں نے تفصیل سے بتایا کہ کیسے وہ ہندوستان سے دبئی کے لیے روانہ ہوئیں اور پھر دھوکے سے پاکستان پہنچ گئیں-

بھارت: سانپ کے کاٹنے سے دو بھائیوں کی موت

یہ ویڈیو پوسٹ کرنے کے بعد سوشل میڈیا پر اپنے رشتے داروں سے بچھڑنے والی حمیدہ خاتون کو اپنے پیاروں سے ملوانے کے لیے ایک مہم شروع ہوگئی اور بالآخر ولی اللہ کی کوششیں رنگ لائیں اور حمیدہ بانو کا انڈیا میں اپنے اہل خانہ سے رابطہ ہوگیا۔

اردو نیوزسے بات کرتے ہوئے یوٹیوبر اور سماجی کارکن ولی اللہ نے بتایا کہ حیدر آباد سے حمیدہ نامی خاتون میرے گھر آئیں اور بتایا کہ 20 سال قبل وہ اپنے ملک سے دبئی روزگار کے لیےجانا چاہتی تھیں،لیکن کسی ایجنٹ کے جھانسے میں آکر دبئی جانے کے بجائے پاکستان پہنچ گئیں اور اس وقت بہت مشکل حالات میں زندگی گزار رہی ہیں۔

ولی اللہ کے مطابق انہوں نے یوٹیوب چینل پر ایک ویڈیو اپ لوڈ کی جس میں حمیدہ بانو کی پوری کہانی اور تصاویر جاری کیں اور ایک مہم شروع کی کہ انڈیا میں اگر کوئی انہیں جانتا ہے تو رابطہ کرے۔

ولی اللہ کے مطابق یوٹیوب پر ویڈیو اپ لوڈ کرنے کے بعد ہندوستان کے شہر ممبئی سے ایک یوٹیوبر نے مجھ سے رابطہ کیا اور خاتون کے اہل خانہ کے بارے میں تفصیلات فراہم کیں جس کے بعد ویڈیو کال کے ذریعے حمیدہ بانو کی ان کی بیٹی اور دیگر عزیرواقارب سے بات چیت ہوئی حمیدہ بانو اپنے اہل خانہ کو دیکھتے ہی آبدیدہ ہوگئیں اور وہ ان سے ملنے کے لیے بہت بے قرار ہیں-

بھارت: حیدرآباد میں میونسپل اتھارٹیز کے عملے نے رات گئے مسجد کو شہید کردیا

ولی اللہ نے کہا کہ اب ان کی کوشش ہے کہ جلد سے جلد حمیدہ بانو کو ان کے عزیرواقارب کے پاس واپس بھیجوایا جائے اس سلسلے میں دونوں ممالک سے کاغذی کارروائی کا آغاز کردیا گیا ہے۔ انڈین ہائی کمیشن سے بھی رابطہ ہوا ہے۔ امید ہے جلد ہی کوئی راستہ نکلے گا اور وہ اپنے خاندان کے پاس واپس جا سکیں گی۔

دوسری جانب حمیدہ بانو کا ایک ویڈیو بیان اس وقت سوشل میڈیا پر گردش کر رہا ہے جس میں وہ بتاتی ہیں کہ یہ 20 سال بہت مشکل گزرے، اپنے بچوں کا خیال بار بار آتا تھا کہ نہ جانے وہ کس حال میں ہوں گے؟ ان سے کبھی مل بھی سکوں گی یا نہیں؟ اس مشکل صورت حال میں پاکستان کے شہر حیدر آباد میں 2010 میں شادی کی اور خاموشی سے زندگی گزارنے لگی ان کا ایک بیٹا بھی پیدا ہوا بعد ازاں شوہر کا انتقال ہو گیا-

حمیدہ بانو نے بتایا کہ کہیں سے معلوم ہوا کہ کراچی شہر میں کوئی نوجوان ہے جو فلاحی کام کرتا ہے اور میری طرح اپنے وطن اور رشتے داروں سے بچھڑے افراد کو اپنے پیاروں سے ملوانے میں مدد کرتا ہےمیں امید لے کر میں نے ولی اللہ سے ملاقات کی اور گذشتہ ماہ مجھے اپنے اہل خانہ کا پتا لگا اور میری ان سے بات ہوگئی۔

حمیدہ بانو نے حکومت پاکستان سے مطالبہ کیا ہے کہ انہیں اپنے ملک انڈیا بھجوانے کے لیے فوری اقدامات کیے جائیں-

بھارت میں جڑواں پہاڑوں پر واقع غاروں میں پہلی صدی قبل مسیح کی درسگاہیں دریافت

جامشورو:سندھ کے ضلع جامشورو کےتعلقہ کوٹری میں زوردار دھماکےمیں ایک شخص جاں بحق ہوگیا ۔ تفصیلات کے مطابق کوٹری میں زوردار دھماکہ ہوگیا ہے جس کی آواز دور دور تک سنی گئی ہے جبکہ دھماکے میں ایک شخص جاں بحق بھی ہوگیا ہے۔

دھماکے کی جگہ پولیس، رینجرز پہنچ گئی اور بم ڈسپوزل اسکواڈ بھی طلب کر لی گئی ہے۔

کوٹری پولیس کا کہنا ہے کہ دھماکہ ڈپٹی کمشنر جامشورو کی آفیس کے سامنے ہوا ہے۔
انچارج بم ڈسپوزل اسکواڈ نے کہا کہ دھماکہ کس نوعیت کا ہے اور کتنا مواد استعمال ہوا ہے اس کا تعین کیا جارہا ہے۔

اپ ڈیٹ جاری ہے

کراچی :امیر جماعت اسلامی کراچی حافظ نعیم الرحمان کا کہنا ہے کہ وائٹ کال کے مجرموں نے شہر قائد کو برباد کردیا ہے۔

کراچی میں میڈیا سے گفتگو کرتے ہوئے حافظ نعیم الرحمان نے کہا کہ بلدیاتی انتخابات وقت پر ہونے چاہئیں، کسی کو بھاگنے نہیں دیں گے، کراچی کو ڈیڑھ ارب روپے کے خیرات کی ضرورت نہیں، اپنا حق لینا جانتے ہیں۔ .

حافظ نعیم الرحمن کا تحریک بحالی ناظم آباد احتجاجی فیملی واک کے شرکا سے خطاب

انہوں نے کہا کہ آدھی گنتی سے کراچی کے مسائل بڑھ رہے ہیں، مردم شماری پرانے طریقوں سے ہو گی تو کوئی فائدہ نہیں ہوگا۔ ایم کیو ایم اور پی ٹی آئی نے سندھ حکومت کی جعلی مردم شماری کی منظوری دے دی جب کہ دونوں جماعتیں کوٹہ سسٹم کے نفاذ میں شریک تھیں۔

حافظ نعیم الرحمان نے کہا کہ کے الیکٹرک بجلی کے بلوں سے ایف بی آر ٹیکس ختم کرے ورنہ بل نہیں دیں گے، انہوں نے مطالبہ کیا کہ کے الیکٹرک کو فوری طور پر سرکاری تحویل میں لے کر فرانزک آڈٹ کرایا جائے، ایک مخصوص طبقے کے خلاف عدالتوں میں مقدمات ہیں۔ اگر نہیں تو انصاف کہاں سے آئے گا؟

امیر جماعت اسلامی کراچی حافظ نعیم الرحمن کی پریس کانفرنس

امیرِ جماعتِ اسلامی کراچی حافظ نعیم الرحمٰن کا کہنا ہے کہ نیپرا اور کے الیکٹرک کا شیطانی اتحاد ہے۔پریس کانفرنس کرتے ہوئے امیرِ جماعتِ اسلامی کراچی حافظ نعیم الرحمٰن نے کہا کہ ایک مرتبہ پھر کے الیکٹرک نے لوڈشیڈنگ بڑھا دی ہے۔

ان کا کہنا ہے کہ ڈیمانڈ میں کمی کے باوجود بجلی کی لوڈشیڈنگ ہو رہی ہے، کے الیکٹرک اپنے پلانٹس نہیں چلا رہی لیکن بل پورا لیتی ہے۔حافظ نعیم الرحمٰن نے کہا کہ حکومت کے الیکٹرک اور دیگر کمپنیاں چلا رہی ہے، کے الیکٹرک کا لائسنس کیوں کینسل نہیں ہو رہا؟

حافظ نعیم الرحمن نے بلدیاتی ترمیمی بل پر وزیر اعلیٰ سندھ کو قانونی نوٹس دے دیا

ان کا مزید کہنا ہے کہ عارف نقوی سب کو مراعات سے نوازتے رہے، حکومت یا اپوزیشن کے الیکٹرک پر بات نہیں کر رہیں۔امیرِ جماعتِ اسلامی کراچی حافظ نعیم الرحمٰن کا یہ بھی کہنا ہے کہ ایم کیو ایم نے بھی اپنا حصہ لے کر کے الیکٹرک کے خلاف نہ بولنے کا حلف لیا ہے۔

گرینڈ ڈیموکریٹک الائنس (جی ڈی اے) اور ایم کیو ایم بحالی کمیٹی نے بلدیاتی انتخابات کے دوسرے مرحلے سے قبل انتخابی اتحاد کرلیا جبکہ جی ڈی اے نے این اے 245 پر ہونے والی ضمنی انتخاب میں ڈاکٹر فاروق ستار کی حمایت کا اعلان کیا ہے۔ ایم کیو ایم بحالی کمیٹی کے سربراہ ڈاکٹر فاروق ستار نے فنکشنل لیگ ہاؤس کراچی میں جی ڈی اے کے سیکرٹری اطلاعات سردار عبدالرحیم، سید محمد اسماعیل شاہ راشدی، ایم پی اے حسنین مرزا سمیت دیگر رہنماؤں سے ملاقات کی۔

بعد ازاں پریس کانفرنس کے دوران جی ڈی اے کے سیکرٹری اطلاعات سردار عبدالرحیم نے کہا کہ پیپلز پارٹی اپنی شکست کو دیکھتے ہوئے بلدیاتی انتخابات سے فرار چاہتی ہے۔انہوں نے کہا کہ ایم کیو ایم بحالی کمیٹی سے جی ڈی اے کا بلدیاتی انتخابات کے دوسرے مرحلے میں اتحاد ہوا ہے، ایک دوسرے کے سامنے امیدوار کھڑے نہیں کیے جائیں گے۔ انہوں نے کہا کہ این اے 245 پر ہونے والے ضمنی انتخاب میں ڈاکٹر فاروق ستار سے بہتر کوئی امیدوار نہیں لہٰذا جی ڈی اے انہیں بھرپور سپورٹ کرے گی۔اس موقع پر ڈاکٹر فاروق ستار نے کہا کہ 15 سالوں سے حکمرانی کرتے ہوئے ایک جماعت نے سندھ کو تباہ کردیا ہے،سندھ کی عوام کو مزید تقسیم کرنے کی سازش کی جارہی ہے جسے ناکام بنادیں گے۔

دوسری جانب متحدہ قومی موومنٹ (ایم کیو ایم) پاکستان کےکنوینر خالد مقبول صدیقی کا کہنا ہے کہ دوبارہ مردم شماری میں ہمیں ٹھیک نہ گِنا گیا تو سڑکوں پر آکے خود کو گِنوائیں گے، اس ضمنی الیکشن میں ڈنڈی ماری گئی تو ڈنڈے لے کر نکلیں گے۔کراچی کے علاقے جمشید روڈ پر این اے 245 کے مرکزی الیکشن آفس کے افتتاح کے موقع پر گفتگو کرتے ہوئے خالد مقبول صدیقی کا کہنا تھا کہ اس ضمنی الیکشن میں ڈنڈی ماری گئی تو ڈنڈے لے کر نکلیں گے، غیرجمہوری طاقتوں کی خواہش ہےکہ کراچی کا مینڈیٹ تقسیم رہے۔

خالد مقبول صدیقی کا کہنا تھا کہ شہرمیں جعلی نظریات کی بنیاد پرووٹ تقسیم ہوا، ہمارا ووٹ بینک چرایا گیا، ہم پر غلط نتیجے تھوپے گئے، اس لیے عوام سیاسی نظام سے غیر متعلق ہو رہے ہیں، ووٹ کی عزت کو عوام اپنے ہاتھوں سے بچائیں۔ان کا کہنا تھا کہ پراجیکٹ پی ٹی آئی ناکام ہوگیا، تحریک انصاف آئندہ اقتدار میں آئے تو ایم کیوایم کے بغیر حکومت بنائے۔

تحریک انصاف کے خلاف الیکشن کمیشن کے فیصلے پر ان کا کہنا تھا کہ کوئی مقدس گائے نہیں سب کے ساتھ یکساں سلوک کیاجائے، ایسانہیں ہوسکتا کہ کچھ لوگوں کو ہر غلط کام کی کھلی چھوٹ دے دی جائے۔