Category: کراچی

صدر مملکت ڈاکٹر عارف علوی سے عید کے موقع پر مختلف شعبہ ہائے زندگی سے تعلق رکھنے والے افراد نے گورنر ہاؤس کراچی میں ملاقات کی.صدر مملکت نے مہمانوں کا پرتپاک استقبال کیا اور انہیں عید الاضحٰی کے پر مسرت موقع پر مبارکباد پیش کی.مہمانوں نے بھی صدر مملکت کو اس خوشی کے موقع پر مبارکباد پیش کی.

اس موقع پر خاتون اول بیگم ثمینہ عارف علوی بھی صدر مملکت ڈاکٹر عارف علوی کے ہمراہ تھیں،عید ملن میں اراکین پارلیمنٹ، سفارتکاروں، سول سوسائٹی کے نمائندوں اور زندگی کے مختلف شعبوں سے تعلق رکھنے والے افراد نے شرکت کی، صدر مملکت سے ملاقات کرنے والوں میں امریکہ، افغانستان، ایران، کویت ، جرمنی، انڈونیشیا، بنگلہ دیش اور ترکی کے قونصل جنرلوں کے جنرل شامل ہیں جبکہ رکن قومی اسمبلی صائمہ ندیم، غزالہ سیفی اور رکن سندھ اسمبلی خرم شیر زمان نے بھی صدر مملکت سے ملاقات کی.

دوسری جانب پی ڈی ایم اے نے کراچی میں گزشتہ 24 گھنٹوں کے دوران ہونے والی بارش کے اعداد و شمار جاری کردیے۔پی ڈی ایم اے کی جانب سے جاری ڈیٹا کے مطابق گزشتہ 24 گھنٹوں کے دوران ڈسٹرکٹ کیماڑی میں سب سے زیادہ 231.75 ملی میٹر بارش ریکارڈ کی گئی، اس کے بعد ڈسٹرکٹ ایسٹ میں 203.3 ملی میٹر بارش ہوئی۔

پی ڈی ایم اے کے مطابق ڈسٹرکٹ کورنگی میں 191 ملی میٹر، ڈسٹرکٹ ساؤتھ 132، ڈسٹرکٹ سینٹرل 129.8، ڈسٹرکٹ ملیر 98 اور ڈسٹرکٹ ویسٹ میں 53.9 ملی میٹر بارش ریکارڈ کی گئی۔

علاوہ ازیں کراچی میں گزشتہ 24 گھنٹوں کے دوران کورونا کی شرح میں غیر معمولی اضافہ دیکھنے میں آیا ہے۔محکمہ صحت کے مطابق گزشتہ 24 گھنٹوں کے دوران کراچی میں کورونا کے 408 ٹیسٹ کیے گئے جن میں سے 161 افراد میں وائرس کی تصدیق ہوئی۔ محکمہ صحت کے مطابق شہر میں گزشتہ 24 گھنٹوں کے دوران کورونا کی شرح 39.46 فیصد رہی۔

کراچی : سنت ابراہیمی کا حقیقی فلسفہ اللہ تعالیٰ کی ہر حال میں اطاعت ہے،دوسری جانب راضی بہ رضاکے ساتھ ساتھ والد کی فرمانبرداری کا عظیم الشان مظاہرہ ہے جو ان لوگوں کے لئے لمحہء فکریہ ہے جن کے والدین اولاد سے بات کرنے کو ترستے ہیں اور بیٹاقیمتی ترین بیل خرید کر قربانی کرتاہے۔یہ باتیں جماعت غوثیہ اہلسنّت پاکستان کے امیر مفتی محمدفیض احمدقادری نے دارالعلوم غوثیہ طفیلیہ گلفشاں سوسائٹی عظیم پورہ،شاہ فیصل کالونی میں اجتماعی قربانی کے گوشت کی تقسیم کے موقع پر خطاب کرتے ہوئے کہیں۔

انہوں نے کہاکہ قربانی عاجزی اور انکساری کا درس دیتی ہے، سنت ابراہیمی کا مقصد صرف اورصرف اللہ کی خوشنودی کے لئے اپنی پسندیدہ اور عزیز ترین شے کو قربان کردینا ہے۔قربانی کے گوشت پر غریب اور نادار افراد کا حق ہے، گوشت کی تقسیم سے ہی سنت ابراہیمی کا حق ادا ہوگا۔
انہوں نے کہاکہ گوشت کی منصفانہ تقسیم سے حقوق العباد بھی ممکن ہے۔مخیر حضرات سفید پوش خاندانوں کا خصوصی خیال رکھیں۔

انہوں نے کہا کہ ملک میں مہنگائی کا طوفان آنے سے عوام فاقوں پر مجبور ہوچکے ہیں۔ کرپشن کے خاتمے کے بعد ہی خوشحالی ممکن ہے۔انہوں نے کہا کہ عیدالاضحی کے موقع پر عید گاہیں کچرا کنڈی کا منظر پیش کرتی ر ہیں،عید سے پہلے ہونے والی بارشوں کے پانی کی نکاسی نہیں کی گئی جس کی وجہ سے متبادل مقامات پر عیدالاضحی کی نماز اداکی گئی،دوسری جانب علاقوں میں جمع پانی سے عوام پریشان ہیں اورحیرت کی بات ہے کہ کوئی پرسان حال نہیں ہے۔عیدالاضحی کے موقع پر صفائی ستھرائی کے لئے سنجیدہ اقدامات کرنے کی ضرورت تھی لیکن اداروں نے سنجیدگی کا مظاہرہ نہیں کیا۔

انہوں نے مطالبہ کیاکہ حکومت فوری طور پر مہنگائی میں کمی لائے تاکہ غریب عوام کو ریلیف مل سکے،موجودہ دورمیں بدترین اور ہوش ربا مہنگائی عوام پر عذاب بن کر نازل ہوئی ہے۔ بڑھتی ہوئی مہنگائی اور بے روزگاری کی وجہ سے جرائم میں مسلسل اضافہ ہورہا ہے۔ عوام غربت کے ہاتھوں تنگ آکر خودکشی پر مجبور ہیں ایسے میں حکومت کوچاہئے کہ غریب عوام کی داد رسی کے لئے فوری طور پر پیکیج کا اجراء کرے۔

کراچی : کراچی میں بارش رُکنے کے بعد بجلی کا شدید بحران جاری ہے، مختلف علاقوں میں 20 تا 36 گھنٹے سے بجلی تاحال غائب ہے۔

ڈیفنس فیز 4، گلستانِ جوہر، محمود آباد، شاہراہِ لیاقت، کورنگی، کلفٹن بلاک 5، ڈی ایچ اے خیابانِ بادبان، سندھی مسلم سوسائٹی کے علاقے بارش کے بعد بدترین لوڈشیڈنگ سے متاثر ہیں ۔

علامہ کوکب نوارانی اوکاڑی کے مطابق سندھی مسلم سوسائٹی بلاک بی میں 24 گھنٹوں سے بجلی نہیں ہے۔

دوسری جانب کورنگی کے رہائشیوں کو بھی گزشتہ دن 16 گھنٹوں کی لوڈشیڈنگ کا سامنا رہا۔

اسی طرح ڈی ایچ اے خیابان بادبان میں بھی 36 گھنٹوں سے بجلی کی فراہمی معطل ہے۔

علاقہ مکینوں کے مطابق ڈی ایچ اے خیابانِ بادبان سے تاحال برساتی پانی کی نکاسی بھی نہیں کی جا سکی ہے ۔

کراچی : ایڈمنسٹریٹر کراچی مرتضیٰ وہاب عالمی وباء کورونا وائرس کا شکار ہو گئے ہیں۔

مرتضیٰ وہاب نے مائیکرو بلاگنگ ویب سائٹ ٹوئٹر پر کورونا وائرس میں مبتلا ہونے سے متعلق خبر شیئر کی ہے۔

مرتضیٰ وہاب نے اپنے ٹوئٹ میں لکھا ہے کہ ’کورونا کی علامات ظاہر ہونے پر خود کو آئسولیٹ کر لیا ہے ۔

مرتضیٰ وہاب کا یہ بھی کہنا ہے کہ میں نے کورونا کا ٹیسٹ کروایا ہے ۔

کراچی : کراچی کے چار انڈر پاسز بارش کے پانی کی نکاسی نہ ہونے کے باعث ٹریفک لیے بند ہیں۔

ٹریفک پولیس کے مطابق، کے پی ٹی انڈر پاس، 3 تلوار انڈرپاس اور سب میرین انڈر پاس میں بارش کا پانی جمع ہے جس کے باعث تینوں انڈر پاسز کو ٹریفک کے لیے بند رکھا گیا ہے۔

اس کے علاوہ غریب آباد انڈر پاس میں بھی بارش کا پانی جمع ہونے سے ٹریفک کی آمدورفت بند ہے۔

ٹریفک پولیس کا بتانا ہےکہ انڈرپاسز بند ہونے پر ٹریفک کو متبادل راستوں سے گزارا جارہا ہے۔

کراچی : کراچی کے معاشی مرکز اور ڈیفنس کے پوش رہائشی علاقوں سے بارش کاپانی تاحال نہ نکالاجاسکا۔

کراچی میں بارش سے جامع کلاتھ اور بولٹن مارکیٹ کی دکانوں میں پانی داخل ہونے سے تاجروں کو بھاری نقصان ہوا ہے۔

آئی آئی چندریگر روڈ، شاہین کمپلیکس سے گورنر ہاؤس اور وزیراعلیٰ ہاؤس جانے والی سڑکوں پر پانی جمع ہے جب کہ آرٹس کونسل، سندھ اسمبلی اور ہائیکورٹ کے اطراف بھی ریلہ موجود ہے۔

ڈیفنس کے مختلف علاقوں میں پانی گھروں میں داخل ہے جب کہ کلفٹن اور دہلی کالونی میں بھی پانی جمع ہے۔

اس کے علاوہ کے پی ٹی انڈرپاس سے پانی کی نکاسی نہیں کی جاسکی اور غریب آباد انڈر پاس بھی تاحال بند ہے، مبارک ولیج کا شہر سے رابطہ کٹ گیا ہے اور سڑک زیرآب ہے۔

کراچی : دعا زہرا کی چھوٹی بہن نے بڑی بہن کی واپسی کے لیے روتے ہوئے پیغام جاری کیا جو سوشل میڈیا پر وائرل ہے۔

عید الاضحٰی کے موقع پر سوشل میڈیا پر دعا زہرا کی چھوٹی بہن کی ویڈیو وائرل ہو رہی ہے جس میں دعا کی بہن کو والد مہدی علی کاظمی کے سوالوں کے جواب میں بڑی بہن کو ’واپس آجائیں‘ کا پیغام دیتے دیکھا جاسکتا ہے۔

دعا زہر اکی بہن نے بڑی بہن کو واپس آنے کا کہتے ہوئے کہا کہ ’ہم دونوں بہنیں دعا کو یاد کرتے ہیں اور ہم نے اب تک عید نہیں منائی اور جب دعا واپس آجائیں گی تب ہی عید منائیں گی‘۔

یاد رہے کہ اس سے قبل دعا زہرا کے والد نے بیٹی کے لیے عید الاضحیٰ کے موقع پر خصوصی ویڈیو پیغام جاری کیا تھا۔

ویڈیو میں مہدی کاظمی نے کہا کہ ‘بچیاں سب کی سانجھی ہوتی ہیں، اللہ تعالیٰ سے دعا کرتا ہوں کہ تمام ماں باپ کے ساتھ ان کی بچیوں کا ساتھ رہے، یہ دوسری عید ہے جب میری بیٹی دعا میرے پاس نہیں ہے، اللہ سے دعا ہے کہ یہ آخری عید ہو جب میری بیٹی میرے پاس نہیں ہے’۔

کراچی: لیاری ایکسپریس وے گلشن اقبال کے قریب ٹریفک حادثے میں ڈی آئی جی گوادر اظفر مہیسر کا بیٹا اور گن مین زخمی ہوگئے۔

تفصیلات کے مطابق گلشن اقبال کے علاقے لیاری ایکسپریس وے جمالی کالونی کے قریب ٹریفک حادثے میں ڈی آئی جی گوادر اظفر مہیسر کا بیٹا ارشد مہیسر اور ان کا گن مین پولیس کانسٹیبل 40 سالہ عبد الحمید ولد محمد خلیل زخمی ہوگئے۔

زخمیوں کو طبی امداد کے لیے سول اسپتال منتقل کیا گیا۔ زخمی اہلکار پولیس ہیڈ کوارٹر گارڈن ساؤتھ میں تعینات اور ڈی آئی جی اظفر مہیسر کا گارڈ ہے۔