کراچی:مختلف علاقوں میں بارش کا سلسلہ وقفے وقفے سے جاری ہے-
باغی ٹی وی: گلستان جوہر،گلشن اقبال،جمشید روڈ پر بارش ہو رہی ہے سندھ اور بلوچستان میں مختلف مقامات پر گرج چمک کے ساتھ مزید بارش متوقع ہے-
محکمہ موسمیات کے مطابق پنجاب، بالائی خیبرپختونخوا میں چند مقا مات پر تیز ہواؤں کے ساتھ بارش کا امکان ہے،گلگت بلتستان اور آزادکشمیر میں بھی مختلف مقامات پر بارش کا امکان ہے،اسلام آباد میں بعض مقامات پر گرج چمک کے ساتھ بارش کا امکان ہے-
محکمہ موسمیات کے مطابق سبی،ہرنائی، نصیر آباد، خضدار،قلات ،لسبیلہ، بارکھان ، مکران اورتربت میں بارش متوقع ہے،آواران،پنجگور، جیوانی اورگوادر میں آندھی کے ساتھ موسلادھار بارش کا بھی امکان ہے،راولپنڈی ، گلیات، مری ، جہلم ، اٹک ، لاہور اورگوجرانوالہ میں بارش کا امکان ہے-
محکمہ موسمیات کے مطابق سیالکوٹ، بہاولپور،بہاولنگر، رحیم یار خان اورڈیرہ غازی خان میں بارش کا امکان ہے ،کراچی، ٹھٹھہ ،بدین ،مٹھی،حیدر آباد، سانگھڑ،دادو اور بینظیر آباد میں بارش متوقع ہے،دیر، سوات، بالا کوٹ، مانسہرہ، ایبٹ آباد، کرم اوروزیرستان میں بارش کا امکان ہے-
واضح رہے کہ گزشتہ روز کراچی کے مختلف علاقوں میں گرج چمک کے ساتھ تیز بارش ہوئی شہر قائد میں تیز بارش کے باعث نشیبی علاقے زیر آب آگئے جبکہ کچھ علاقوں میں بجلی کی فراہمی معطل ہوگئی تھی۔
