Category: کراچی

سندھ میں پولیو کے قطرے پلانے سے انکار کرنے والے والدین کے خلاف کارروائی پر غور کیا جارہا ہے۔

وزیراعلیٰ سندھ مراد علی شاہ نے جمعہ کو وزیراعلیٰ ہاؤس میں پولیو کے خاتمے سے متعلق اجلاس کی صدارت کی جس دوران انہوں نے کہا کہ میرے پاس کوئی دوسرا راستہ نہیں بچا، سوائے اس کے کہ ان لوگوں کو سزا دوں جو پولیو کے خاتمے کی اپنی قومی ذمہ داری سے پہلو تہی کرتے ہیں، ایسے والدین کے خلاف سخت اقدامات کیے جائیں گے جو اپنے بچوں کو پولیو کے قطرے پلانے سے انکار کرتے ہیں جن میں ان کے موبائل فون کی سمز بند کرنا، قومی شناختی کارڈ اور پاسپورٹ معطل کرنا شامل ہے تاکہ وہ مواصلاتی اور سفری سہولتوں سے محروم رہیں،وزیراعلیٰ سندھ سید مراد علی شاہ نے وزیراعلیٰ ہاؤس میں پولیو ویکسین انکار سیل قائم کرنے کا حکم دیا۔

گورنر سندھ کامران ٹیسوری نے کہا ہے کہ ملک کے سیاسی حالات اور بڑھتی ہوئی مہنگائی نے معاشرے کی قدریں، رویے اور سوچ سب کچھ بدل کر رکھ دیا ہے۔ سیاست دان ووٹ لینے کے وقت کراچی کے لوگوں کو یاد کرتے ہیں، لیکن جب عملی کام کرنے کا وقت آتا ہے تو یہی لوگ "بائے کراچی” کہہ کر رخصت ہو جاتے ہیں۔

گورنر سندھ کراچی میں فنونِ لطیفہ اور ادبی سرگرمیوں کے فروغ کے حوالے سے منعقدہ ایک تقریب سے خطاب کر رہے تھے۔ انہوں نے کہا کہ فنونِ لطیفہ کا ہر شعبہ زوال کا شکار ہے، اور آہستہ آہستہ ہم ادب و ثقافت سے دور ہوتے جا رہے ہیں۔ ان کے مطابق "ہم نے اپنی تہذیب، اپنے الفاظ، اپنی زبان، اور اپنی فنکارانہ روایات کو پسِ پشت ڈال دیا ہے، جس کا نتیجہ معاشرتی بے سمتی کی صورت میں نکل رہا ہے۔”کامران ٹیسوری نے افسوس کا اظہار کرتے ہوئے کہا کہ آج ملک کا تھیٹر اس سطح پر پہنچ گیا ہے کہ اسے فیملی کے ساتھ جا کر نہیں دیکھا جا سکتا۔ انہوں نے کہا کہ "ادب اور ثقافت وہ ستون ہیں جو قوموں کو جوڑے رکھتے ہیں، لیکن بدقسمتی سے ہم ان ستونوں کو خود ہی کمزور کر رہے ہیں۔”انہوں نے مزید کہا کہ اردو زبان کے فروغ کے لیے سب سے زیادہ کام پنجاب میں ہو رہا ہے، جبکہ کراچی جو کبھی اردو ادب کا گہوارہ سمجھا جاتا تھا، وہاں ادبی سرگرمیوں میں نمایاں کمی آئی ہے۔ اس صورتحال کو بہتر بنانے کے لیے گورنر سندھ نے اعلان کیا کہ گورنر ہاؤس میں ہر ماہ باقاعدہ مشاعرہ منعقد کیا جائے گا، تاکہ شہر میں ادبی روایت کو دوبارہ زندہ کیا جا سکے۔

مہنگائی کے موضوع پر بات کرتے ہوئے گورنر سندھ نے کہا کہ عوام پر معاشی بوجھ بڑھنے سے ان کی روزمرہ زندگی بری طرح متاثر ہوئی ہے۔ انہوں نے کہا کہ "سیاسی بے یقینی اور مہنگائی نے عوام کی ترجیحات بدل دی ہیں، اب لوگ فنون اور ادب سے زیادہ دو وقت کی روٹی کی فکر میں ہیں۔” اگر معاشرے کو دوبارہ جاندار اور متوازن بنانا ہے تو ہمیں سیاست کے ساتھ ساتھ فن، ادب، اور اخلاقیات کو بھی اہمیت دینا ہوگی، کیونکہ یہی وہ عناصر ہیں جو قوموں کی اصل پہچان ہوتے ہیں۔

کراچی ائیرپورٹ پر کسٹمز نے بغیر ڈیوٹی ادا کیے 10 کروڑ 30 لاکھ روپے مالیت کے لیپ ٹاپس، آئی پیڈز، آئی فونز، میک بُکس، پلے اسٹیشنز اور میموری کارڈز ضبط کر لیے۔

ایف بی آر کی طرف سے جاری کردہ اعلامیے کے مطابق کلکٹوریٹ آف کسٹمز ائیرپورٹ کراچی نے فوری طور پر دو ایف آئی آر درج کروا کر اس جرم میں ملوث کمپنی کے ملازمین کو گرفتار کر لیا،یہ الیکٹرانک سامان کو گڈز ڈیکلریشن جمع کرائے بغیر غیر قانونی طور پر کسٹمز ڈیوٹی اور ٹیکس ادا کیے بغیر باہر نکالی جا رہی تھیں، اس فراڈ میں ایک غیر ملکی گراؤنڈ ہینڈلنگ کمپنی کے ملازمین اور بدعنوان درآمد کنندگان ملوث پائے گئے،جعلی طریقہ کار سے مجموعی طور پر پانچ کھیپیں غیر قانونی طور پر باہر نکالی گئیں، یہ تمام کھیپیں میسرز پیر جیلانی جنرل ٹریڈنگ ایل ایل سی دوبئی نے بھیجی تھیں، ان کھیپوں کو کسٹمز کے WeBOC سسٹم سے چھپایا گیا اور جی ڈی دائر نہ کرکے جعلی گیٹ پاسز کے ذریعے کلیئرنس ممکن بنائی گئی۔،پانچوں کھیپوں کی غیر قانونی کلیئرنس پر کسٹمز ڈیوٹی اور ٹیکس چوری کی کُل تخمینہ شدہ مالیت 38 کروڑ 40 لاکھ روپے ہے، کمپنی ملازمین نے قیمتی الیکٹرانکس اشیا کو غیر قانونی طور پر باہر نکالنے کیلئے اپنے کمپیوٹرائزڈ iCargo سسٹم کو استعمال کیا۔

حکام نے بتایاکہ صرف 1 کنسائنمنٹ سے 258 آئی فون 16، 101 لیپ ٹاپس، 246 ٹیبلیٹس، 102 آئی پیڈز، 46 پلے اسٹیشنز اور 20 ہزار میموری کارڈ برآمد کیے گئے،گیٹ پاس جاری کرنے والی خاتون زیرحراست ہیں، خاتون کے مطابق انہیں اوپر سے ہدایات مل رہی تھیں جبکہ نجی کارگو ٹرمینل کا ایک ماہ سے زائد سی سی ٹی وی ریکارڈ دینے میں ہچکچاہٹ سے کام لے رہا ہے، مزید ایف آئی آرز اور گرفتاریاں بھی متوقع ہیں۔ چئیرمین ایف بی آر راشد لنگڑیال نے کہا ہے کہ اپنی ذمہ داریاں پوری کرنے میں ناکام رہنے والے کسٹمز اہلکار کسی رعایت کے مستحق نہیں ہوں گے

کراچی: وزیر زراعت سندھ سردار محمد بخش مہر کی یو اے ای قونصل جنرل کراچی بخیت عتیق الرمیثی سے ملاقات ہوئی ہے
ملاقات میں ترجمان سندھ حکومت و میئر سکھر ارسلان اسلام شیخ بھی موجود تھے،ملاقات میں زرعی شعبے میں تعاون کے امکانات اور باہمی دلچسپی کے امور پر تبادلہ خیال کیا گیا،سردار محمد بخش مہر کا کہنا تھا کہ زرعی پیداوار کو جدید خطوط پر استوار کرنا ناگزیر ہے، سندھ حکومت کسانوں کی فلاح و بہبود کے لئے ہر ممکن اقدامات کر رہی ہے

یو اے ای قونصل جنرل کراچی بخیت عتیق الرمیثی کا کہنا تھا کہ سندھ کے زرعی شعبے میں تعاون بڑھانے کے وسیع امکانات ہیں، باہمی تعاون سے تجارتی تعلقات مزید مضبوط ہوں گے، ترجمان سندھ حکومت کا کہنا تھا کہ سندھ اور دوست ممالک کے درمیان تعلقات مزید بہتر ہوں گے،میئر سکھر ارسلان اسلام شیخ کا کہنا تھا کہ شہروں کی ترقی اور اربن ڈویلپمنٹ حکومت کی ترجیحات میں شامل ہے، سکھر میں ترقیاتی منصوبوں اور انفراسٹرکچر کی بہتری پر خصوصی توجہ دی جا رہی ہے،

اسلام آباد ہائی کورٹ کے جسٹس طارق محمود جہانگیری کی جامعہ کراچی کی جانب سے ڈگری منسوخی کے خلاف درخواست پر سماعت ہوئی

رجسٹرار جامعہ کراچی عدالت میں پیش ہوئے،سندھ ہائیکورٹ نے جامعہ کراچی کا جسٹس طارق محمود جہانگیری کی ڈگری منسوخی کا فیصلہ معطل کردیا،عدالت نے سنڈیکیٹ اور ان فیئر مینز کمیٹی کی سفارشات پر مزید کسی کارروائی سے بھی روک دیا. رجسٹرار جامعہ کراچی نے کہا کہ ہمیں بدھ کو نوٹس ملا ہے، جواب کے لئے مہلت دی جائے، جسٹس اقبال کلہوڑو نےکہا کہ جواب کے لئے آپکو کتنا وقت چاہیے؟وکیل درخواست گزار نے کہا کہ فریقین کو جواب کے لئے مہلت دیدیں لیکن تب تک آرڈر معطل کردیں، عدالت نے کہا کہ آپ کو مہلت دیتے ہیں لیکن اگر اس دوران درخواست گزار کے خلاف کوئی کارروائی ہو گئی تو کیا ہوگا؟اگر بعد ازاں آرڈر واپس ہوگیا تو درخواست گزار کو پہنچنے والے نقصان کا ازالہ کیسے ہوگا؟ڈگری کے معاملے پر کیا متاثرہ فریق کو نوٹس دیا گیا تھا؟ رجسٹرار نے کہا کہ میری پوسٹنگ نئی ہے، مجھے اسکا علم نہیں، عدالت نے کہا کہ آپ اگر عدالت آئے ہیں تو جواب تو دینا پڑے گا،ہوسکتا ہے ذاتی مفاد کے وجہ سے درخواست گزار کے خلاف کارروائی کی گئی ہو، تیس پینتیس سال بعد اگر کوئی درخواست دیتا ہے تو متاثرہ فرد کو بلانا چاہیئے ،فریقین کو سنے بغیر کئے گئے عدالتی فیصلے کی بھی اہمیت نہیں ہوتی، ایکس پارٹی ججمنٹ کو اچھا ججمنٹ نہیں سمجھا جاتا،عدالت نے درخواست کی مزید سماعت 20 نومبر تک ملتوی کردی