Category: کراچی

صدر مملکت آصف علی زرداری سے مسلم لیگ (ن) کے اعلیٰ سطحی وفد نے زرداری ہاؤس میں ملاقات کی، جس میں ملکی سیاسی صورتِ حال، حکومتی امور اور باہمی اعتماد کی بحالی پر گفتگو ہوئی۔

وفد میں نائب وزیراعظم و وزیرِ خارجہ اسحاق ڈار، اسپیکر قومی اسمبلی ایاز صادق اور وزیرِ داخلہ محسن نقوی شامل تھے۔ ذرائع کے مطابق ملاقات میں پیپلز پارٹی اور مسلم لیگ (ن) نے حالیہ لفظی محاذ آرائی ختم کرنے اور آئندہ ایک دوسرے کے خلاف بیان بازی سے گریز کرنے پر اتفاق کیا۔وزیرِ داخلہ محسن نقوی نے صدر زرداری کو بتایا کہ ان کی وزیراعظم شہباز شریف سے ملاقات ہوئی ہے اور جلد اس پیش رفت پر میاں نواز شریف کو بھی اعتماد میں لیا جائے گا۔ امکان ظاہر کیا جا رہا ہے کہ آنے والے دنوں میں نواز شریف اور آصف زرداری کی ملاقات ہوگی، جس میں مستقبل کی سیاسی حکمتِ عملی طے کی جائے گی۔

مزید برآں یہ طے پایا کہ لندن، امریکا اور سعودی عرب کے حالیہ دوروں اور معاہدوں پر پیپلز پارٹی کو ان کیمرہ بریفنگ دی جائے گی، جبکہ حکومتی وزرا نے قومی پالیسی معاملات میں پیپلز پارٹی کو پیشگی اعتماد میں لینے کی یقین دہانی کروائی۔ملاقات میں اتحادی جماعتوں سے مشاورت اور باہمی رابطے مزید بہتر بنانے پر بھی اتفاق کیا گیا۔ یہ ملاقات ایسے وقت میں ہوئی ہے جب سیاسی ماحول میں تناؤ کم کرنے اور حکومت و اتحادیوں کے درمیان ہم آہنگی بڑھانے کی ضرورت محسوس کی جا رہی ہے۔

سعودی کاروباری وفد کا پاکستان مٰیں سرمایہ کاری اور تجارتی روابط کے فروغ پر زور

اسرائیل اور حماس میں آج جنگ بندی ممکن ہے، ترک وزیرِ خارجہ

ویمنز ورلڈ کپ: آسٹریلیا نے پاکستان کو 107 رنز سے شکست دے دی

کراچی میں فائر سیفٹی کا بحران، 80 فیصد عمارتیں غیر محفوظ قرار

کراچی (سعد فاروق) شہر قائد میں فائر سیفٹی کا سنگین بحران پیدا ہوگیا ہے، جہاں 80 فیصد عمارتوں میں آگ سے بچاؤ کا کوئی نظام موجود نہیں جبکہ 90 فیصد عمارتوں میں ایمرجنسی راستے تک نہیں، جس کے باعث لاکھوں شہری روزانہ خطرے کے سائے میں زندگی گزارنے پر مجبور ہیں۔

فائر پروٹیکشن ایسوسی ایشن آف پاکستان کے زیر اہتمام تیسری نیشنل فائر سیفٹی کانفرنس اور رسک بیسڈ ایوارڈز کی تقریب میں ماہرین نے خبردار کیا کہ بدعنوانی، غفلت اور قوانین پر عملدرآمد نہ ہونے کے باعث کراچی کسی بھی وقت بڑے سانحے سے دوچار ہوسکتا ہے۔آباد کے چیئرمین حسن بخشی نے کہا کہ جن عمارتوں کی تعمیر میں فائر سیفٹی کوڈز کو نظرانداز کیا گیا، انہیں این او سی جاری نہیں ہونا چاہیے۔ ان کے مطابق غیر محفوظ عمارتوں کو اجازت دینا شہریوں کی زندگیاں خطرے میں ڈالنے کے مترادف ہے۔

ریسکیو 1122 کے سی ای او ڈاکٹر عابد جلال نے بتایا کہ نومبر 2024 سے اب تک کراچی میں 1700 سے زائد آگ لگنے کے واقعات رپورٹ ہوئے، جن کی بڑی وجہ شارٹ سرکٹ اور ناقص وائرنگ ہے۔ انہوں نے کہا کہ جب تک آگ کی روک تھام کو ترجیح نہیں دی جائے گی، یہ واقعات بڑھتے رہیں گے۔ریسکیو 1122 کی رپورٹ کے مطابق سندھ بھر میں اب تک 2700 سے زائد آگ کے واقعات، 1041 ٹریفک حادثات، 10 لاکھ سے زیادہ میڈیکل ایمرجنسیز اور 448 ڈوبنے کے واقعات رپورٹ ہوچکے ہیں۔

فائر پروٹیکشن ایسوسی ایشن کے صدر کنور وسیم نے بتایا کہ سندھ بلڈنگ کنٹرول اتھارٹی (ایس بی سی اے) پہلے ہی 500 سے زائد عمارتوں کو غیر محفوظ قرار دے چکی ہے۔ ان کا کہنا تھا کہ کئی عمارتیں چند گھنٹوں میں آگ سے زمین بوس ہو جاتی ہیں، اگر احتیاط نہ کی گئی تو جانی نقصان کئی گنا بڑھ جائے گا۔انہوں نے مزید کہا کہ 80 فیصد آگ کے واقعات کی وجہ ناقص وائرنگ ہے جبکہ گیس سلنڈر دھماکوں میں بھی تیزی سے اضافہ دیکھنے میں آرہا ہے۔ ان کا کہنا تھا کہ "اصل حل فائر فائٹنگ نہیں بلکہ فائر پریوینشن ہے۔”

مسجد اقصیٰ اور ابراہیمی مسجد پر اسرائیلی یلغار، فلسطینیوں میں شدید غم و غصہ

چکلالہ گیریژن میں لیفٹیننٹ کرنل جنید طارق اور میجر طیب راحت کی نمازِ جنازہ ادا

کراچی انسدادِ دہشت گردی کی عدالت نے دھماکا خیز مواد رکھنے کے مقدمے میں کالعدم تحریک طالبان پاکستان (ٹی ٹی پی) کے 3 کارندوں کو دو، دو بار عمر قید کی سزا سنا دی۔

عدالت نے مجرموں پر 2، 2 لاکھ روپے جرمانہ بھی عائد کیا۔پراسیکیوشن کے مطابق تینوں ملزمان کو خفیہ اطلاع پر قائدآباد روڈ سے گرفتار کیا گیا تھا، جن کے قبضے سے دستی بم برآمد ہوئے۔ پولیس نے بروقت کارروائی کرتے ہوئے دہشت گردی کی منصوبہ بندی کو ناکام بنایا اور سی ٹی ڈی تھانے میں مقدمہ درج کیا گیا۔عدالت نے جرم ثابت ہونے پر فیصلہ سناتے ہوئے مجرموں کو سخت سزا سنائی۔

منڈی بہاؤالدین: پنجاب فوڈ اتھارٹی کی کارروائی، بیمار و مردار جانوروں کا 500 کلوگرام گوشت برآمد

چکلالہ گیریژن میں لیفٹیننٹ کرنل جنید طارق اور میجر طیب راحت کی نمازِ جنازہ ادا

پاکستان پیپلزپارٹی کے چیئرمین بلاول بھٹو زرداری نے پارٹی کی سینٹرل ایگزیکٹو کمیٹی (سی ای سی) کا اجلاس طلب کرلیا ہے۔

بلاول بھٹو زرداری نے سی ای سی کا اجلاس 18 اکتوبر، ہفتہ کے روز بلاول ہاؤس کراچی میں طلب کیا ہے۔ اجلاس میں پارٹی کی اعلیٰ قیادت شریک ہوگی اور موجودہ ملکی سیاسی صورتحال پر مشاورت کی جائے گی۔ترجمان پیپلزپارٹی کے مطابق اس اجلاس میں ملکی سیاست سے متعلق اہم فیصلے متوقع ہیں، جبکہ سیاسی حکمتِ عملی، عوامی رابطہ مہم اور آئندہ کے لائحہ عمل پر غور کیا جائے گا۔ذرائع کے مطابق اجلاس میں حالیہ سیاسی تبدیلیوں، اپوزیشن جماعتوں سے روابط، اور پارلیمانی امور پر بھی بات چیت ہوگی۔ اس کے ساتھ ساتھ عوامی مسائل، معیشت اور صوبوں کو درپیش چیلنجز پر بھی پارٹی رہنماؤں سے رائے لی جائے گی۔

واضح رہے کہ پیپلزپارٹی کی سینٹرل ایگزیکٹو کمیٹی پارٹی کا اعلیٰ ترین فیصلہ ساز فورم ہے جو سیاسی پالیسی اور آئندہ کے اقدامات طے کرتا ہے۔

سندھ پولیس کا بھتہ خوری کے بڑھتے واقعات پر ردعمل، تاجروں کو مکمل تحفظ کی یقین دہانی

سندھ میں کاروباری برادری کی جانب سے بھتہ خوری کے بڑھتے ہوئے واقعات پر تشویش کے بعد آئی جی سندھ غلام نبی میمن نے کہا ہے کہ تاجروں کے تعاون سے صوبے میں معاشی و تجارتی سرگرمیوں کو مکمل تحفظ فراہم کیا جائے گا۔

کراچی میں جرائم کے اعداد و شمار پر مبنی رپورٹ کا جائزہ لینے کے دوران آئی جی سندھ نے کہا کہ معاشی سرگرمیوں میں رکاوٹ ڈالنے والے عناصر کو تاجروں کے تعاون سے ختم کیا جائے گا۔ یہ رپورٹ ایڈیشنل آئی جی آپریشنز نے پیش کی۔پولیس کے مطابق رواں سال اب تک کراچی میں بھتہ خوری کے 118 واقعات رپورٹ ہوئے، جن میں سے 44 حقیقی بھتہ خوری کے کیسز تھے جبکہ 74 ذاتی جھگڑوں اور کاروباری تنازعات سے متعلق نکلے۔ ان 44 مقدمات میں سے 39 حل کر لیے گئے، یوں کامیابی کی شرح 87 فیصد رہی۔

ترجمان پولیس سید سعد علی کے مطابق ان کیسز میں ملوث 78 ملزمان کی شناخت ہوئی، جن میں سے 43 گرفتار اور 5 مبینہ طور پر پولیس مقابلوں میں مارے گئے۔ بیان میں مزید کہا گیا کہ تقریباً 10 روز قبل تاجروں سے ملاقات کے بعد 4 بھتہ خور پولیس کارروائی میں ہلاک ہوئے۔آئی جی سندھ نے کہا کہ تاجروں کے تعاون سے صوبے میں امن و امان اور کاروباری ماحول مستحکم ہو رہا ہے۔ انہوں نے تاجروں کی جانب سے اپنے مراکز پر سی سی ٹی وی کیمرے نصب کرنے کے فیصلے کو سراہا اور یقین دلایا کہ حکومت سندھ، پولیس اور دیگر قانون نافذ کرنے والے ادارے تاجروں کے ساتھ کھڑے ہیں۔

پولیس کے مطابق حکومت سندھ کی جانب سے فراہم کردہ وسائل کے تحت روزانہ کی بنیاد پر جرائم پیشہ عناصر کے خلاف مؤثر کارروائیاں جاری ہیں جبکہ گزشتہ سال کے مقابلے میں رواں سال اسٹریٹ کرائمز میں نمایاں کمی ریکارڈ کی گئی ہے۔

پنجاب میں الیکشن کمیشن کا بلدیاتی انتخابات کے انعقاد کاحکم خوش آئند ہے،حافظ طلحہ سعید

بریکنگ،وزیراعلیٰ خیبر پختونخوا علی امین گنڈا پور مستعفی

کراچی پولیس نے ایئرپورٹ پر برطانیہ کے ایک پولیس افسر کا قیمتی سامان گمشدگی کی اطلاع ملتے ہی برآمد کرکے ان کے حوالے کر دیا۔

ایس ایچ او ایئرپورٹ تھانہ کلیم خان موسیٰ کے مطابق برطانوی ڈیٹیکٹو ڈنکن ویر وے اپنی پاکستانی اہلیہ کے ہمراہ کراچی ایئرپورٹ پہنچے تھے اور ایئرپورٹ پر موجود ایک فاسٹ فوڈ ریسٹورنٹ میں اپنا کوٹ گم کر بیٹھے، جس میں بٹوہ اور چابیاں موجود تھیں۔پولیس نے اطلاع ملنے پر فوری سرچ آپریشن کیا اور سامان برآمد کر کے ڈنکن ویر وے کے حوالے کر دیا۔

کراچی پولیس کی جانب سے جاری ویڈیو پیغام میں ڈنکن ویر وے نے پولیس کی تیز کارروائی اور بہترین رویے کی تعریف کرتے ہوئے کہا کہ خوش قسمتی سے کراچی پولیس نے میرا سامان نہایت تیزی سے ڈھونڈ نکالا، میں ان سب کا بے حد شکر گزار ہوں۔

راولپنڈی میں آپریشن، انتہائی مطلوب افغان ڈکیت سمیت 3 ملزمان ہلاک

جاسوس کی گرفتاری پر بھارتی میڈیا نے وسیم اکرم کی تصویر دیکھا دی

بنوں میں دہشتگردوں کے حملے، 2 اساتذہ اور بی آئی ایس پی کے 2 اہلکار اغوا