Category: کراچی

کراچی : آرٹس کونسل آف پاکستان کراچی کی جانب سے ماہنامہ میگزین ”مٹی کی دیوار“ کی پانچویں سالگرہ حسینہ معین ہال میں کی گئی جس کی صدارت ڈاکٹر عالیہ امام نے کی، تقریب میں مہمانِ خصوصی رحمت اللہ شیخ سمیت پروفیسر ڈاکٹر ساجدہ پروین، شاہدہ کنول خورشید ، رانی آپا، سید مشتاق محمد، شعیب احمد ملک، محمد سلیم نے بھی شرکت کی۔
اس موقع پر صدارتی خطبہ میں ڈاکٹر عالیہ امام نے کہاکہ مٹی پر ہمارا بہت بڑا قرض ہے مٹی ہماری سب سے بڑی دولت، خزینہ اور امانت ہے، مجلہ بہت حسین ہے اور امید کرتی ہوں کہ یہ ہماری اور آپ کی فکر کو آگے بڑھاتا رہے گا، انہوں نے کہاکہ ”مٹی کی دیوار“ کی سالگرہ آپ کے ذہنوں کو آگے بڑھائے گی، ذہنی بدنظمی کو نظم اور بے ترتیبی کو ترتیب دے گی، اندھیروں کو ختم کرے گی، مہمانِ خصوصی رحمت اللہ شیخ نے کہاکہ آج کے اس پرفتن دور میں ادب کے لیے جس طرح حنا اور مشتاق کام کررہے ہیں وہ تعریف کے قابل ہیں، پروفیسر ڈاکٹر ساجدہ پروین نے گفتگو کرتے ہوئے کہاکہ ”مٹی کی دیوار“ گرین ماحول کی نشاندہی کرتا ہے، حنا اس مہندی کو کہتے ہیں جو بہت پسنے کے بعد رنگ لاتی ہے میں حنا آپ نے ہمت نہیں ہارنی، جب رنگ آئے گا تو دنیا دیکھے گی، انہوں نے کہاکہ اگر عورت استقلال سے کام کرے تو وہ زمانوں کو بدل دیتے ہیں، اتنی نفرتوں کے باوجود ہمیں اچھے کام کرنے والوں کی قدر کرنی چاہئے ۔
شاہدہ کنول خورشید نے کہاکہ مشتاق اپنی مٹی سے اس قد رمحبت کرنے والا انسان ہے کہ اس کی 12 کتابوں میں مٹی سے دیوانہ پن نظر آتا ہے، ہمیں ایسے لوگوں کی حوصلہ افزائی کرنی چاہیے، معروف ہربلسٹ رانی آپا نے اظہارِ خیال کرتے ہوئے کہاکہ آج کے ان نامساعد حالات میں ماہانہ میگزین کا باقاعدگی سے نکلنا بہت بڑی بات ہے،اس مشن کو جاری رہنا چاہیے جس کے لیے حنا کی خدمات کو فراموش نہیں کیا جاسکتا ، سید مشتا ق محمد نے کہاکہ شروع شروع میں لوگ ”مٹی کی دیوار“ کے نام کا مذاق اڑایا کرتے تھے جیسے جیسے لوگوں میں شعور بیدار ہورہا ہے مٹی کے لفظی معنی بھی سمجھ آرہے ہیں میں صدر آرٹس کونسل محمد احمد شاہ کا شکریہ ادا کرتا ہوں جنہوں نے ہر قدم پر ہماری رہنمائی کی۔
آخر میں ایوارڈ اور تحائف بھی پیش کیے گئے۔

عامر لیاقت کو چوتھی شادی کی اجازت بھی مل گئی

کراچی: پاکستان تحریک انصاف کے رہنما اور رکن پارلیمنٹ عامر لیاقت حسین کی تیسری اہلیہ سیدہ دانیہ شاہ نے کہا ہے کہ انہوں نے اپنے شوہر کو چوتھی شادی کی اجازت دے دی ہے۔

عامر لیاقت اپنی تیسری اہلیہ سیدہ دانیہ شاہ کے ہمراہ حال ہی میں ایک نجی چینل کے مارننگ شو میں شریک ہوئے۔ مارننگ شو کا ایک مختصر کلپ سوشل میڈیا پر وائرل ہورہا ہے جس میں ان کی نئی بیگم عامر لیاقت کی چوتھی شادی کے بارے میں بات کرتی ہوئی نظر آرہی ہیں۔

ویڈیو میں دیکھا جاسکتا ہے کہ سیدہ دانیہ شاہ میزبان سے کہتی ہیں میں نے ’ان‘ کو یہ بھی اجازت دی ہوئی ہے کہ اگر آپ نے شادی کرنی ہے تو کرلیں۔ جس پر میزبان حیرانی سے پوچھتے ہیں کیا آپ نے عامر لیاقت کو چوتھی شادی کی اجازت دے دی ہے جس پر دانیہ کہتی ہیں ہاں۔

عامر لیاقت کی تیسری شادی کی خبر اور اس کے بعد سوشل میڈیا پر کچھ ویڈیوز سامنے آنے کے بعد مثبت اور منفی تبصروں کا نا ختم ہونے والا سلسلہ شروع ہو گیا۔عامر لیاقت اپنے سسرال میں نکاح کے بعد گانا گاتے بھی دیکھے جا سکتے ہیں۔ ایک اور ویڈیو میں وہ لودھراں سے کراچی آتے ہوئے خوشگوار سفر کے لمحات دیکھے جا سکتے ہیں۔

واضح رہے کہ عامر لیاقت حسین نے تیسری شادی کا اعلان سماجی رابطے کی ویب سائٹ ٹوئٹر پر اپنے ٹوئٹ میں کرتے ہوئے کہا گزشتہ رات میں 18 سالہ سیدہ دانیہ شاہ سے رشتہ ازدواج میں منسلک ہوا۔ دانیہ کا تعلق جنوبی پنجاب کے علاقے لودھراں کے معزز نجیب الطرفین ’’سادات‘‘ خاندان سے ہے۔

عامر لیاقت نے مزید بتایا کہ ان کی بیوی سرائیکی، دلکش، سادہ اور پیاری ہے۔ انہوں نے کہا میں اپنےتمام خیرخواہوں سے ہمارے لیے دعا کرنے کی درخواست کرتا ہوں۔ میں ابھی حال ہی میں اپنی زندگی کے سیاہ دور سے گزرا ہوں جو کہ ایک غلط موڑ تھا۔

عامر لیاقت نے اپنی تیسری نئی نویلی بیوی کے ساتھ ایک خوبصورت تصویر بھی سوشل میڈیا پر شیئر کی۔

گزشتہ روز ہی عامر لیاقت کی سابق دوسری اہلیہ طوبیٰ انور نے عامر لیاقت سے خلع لینے کی تصدیق کی تھی اور خلع کے محض ایک روز بعد ہی عامر لیاقت نے تیسری شادی کرنے کا اعلان کردیا

واضح رہے پی ٹی آئی کے رہنما عامر لیاقت نے 2018 میں سیدہ طوبیٰ سے شادی کی تھی۔ یہ ان کی دوسری شادی تھی ان کی پہلی بیوی سیدہ بشریٰ اقبال نے دسمبر 2020 میں اپنی انسٹاگرام پوسٹ میں کہا تھا کہ انہیں ان کے سابقہ شوہر نے طلاق دے دی تھی انہوں نے دعویٰ کیا تھا کہ ڈاکٹر عامر لیاقت نے انہیں طلاق طوبٰی انور کے کہنے پر ایک فون کال پر دی تھی۔

لاک ڈاؤن ختم کیا جائے، شوہر کے دن رات ہمبستری سے تنگ خاتون کا مطالبہ

لاک ڈاؤن، فاقوں سے تنگ بھارتی شہریوں نے ترنگے کو پاؤں تلے روند ڈالا

کرونا مریض اہم، شادی پھر بھی ہو سکتی ہے، خاتون ڈاکٹر شادی چھوڑ کر ہسپتال پہنچ گئی

کرونا لاک ڈاؤن، رات میں بچوں نے کیا کام شروع کر دیا؟ والدین ہوئے پریشان

پولیس اہلکار نے لڑکی کو منہ بولی بیٹی بنا کر زیادتی کا نشانہ بنا ڈالا، نازیبا ویڈیو بھی بنا لیں

نوجوان لڑکی سے چار افراد کی زیادتی کی ویڈیو وائرل ہونے کے بعد پولیس ان ایکشن

خاتون سے زیادتی اور زبردستی شادی کی کوشش کرنے والا ملزم گرفتار

کرونا میں مرد کو ہمبستری سے روکنا گناہ یا ثواب

لاہور میں زیادتی کیسز میں مسلسل اضافہ،نوکری کی بہانے خاتون کے ساتھ ہوٹل میں زیادتی

ماں بیٹی سے زیادتی کیس میں اہم پیشرفت سامنے آ گئی

لاہور میں رواں برس جنسی زیادتی کے 369 کیسز، کسی ایک ملزم کو بھی سزا نہ مل سکی

لاہور میں حوا کی دو اور بیٹیاں لٹ گئیں،اغوا کے بعد جنسی زیادتی

شوہر نے بھائی اور بھانجے کے ساتھ ملکر بیوی کے ساتھ ایسا کام کیا کہ سب گرفتار ہو گئے

لڑکیوں سے بڑھتے ہوئے زیادتی کے واقعات کی پنجاب اسمبلی میں بھی گونج

لاہور میں خواتین سے زیادتی کے بڑھتے واقعات،ملزمہ کیا کرتی؟ تہلکہ خیز انکشاف

نو سالہ بچی سے زیادتی کی کوشش کرنیوالا سگا پھوپھا گرفتار

خواتین کو دست درازی سے بچانے کیلئے سی سی پی او لاہور میدان میں آ گئے

خواتین کی تصاویر اور ویڈیوز بنانے والے اوباش ملزمان گرفتار

یہ ہے پنجاب،ایک روز میں ایک شہر میں جنسی زیادتی کے چھ کیسزسامنے آ گئے

عامر لیاقت کا جھوٹ پکڑا گیا، تیسری بیوی سید کی بجائے کون؟ حق مہر کتنا دیا

عامر لیاقت کی تیسری نہیں چوتھی شادی،میرا بھی تعلق رہا،ہانیہ خان

عامر لیاقت کی تیسری بیوی کے ہمراہ بیڈ روم سے ویڈیو وائرل

کراچی: کراچی پولیس چیف کا عہدہ ایک مرتبہ پھر غلام نبی میمن کے حوالے کردیا گیا جبکہ عمران یعقوب منہاس اب ایڈیشنل آئی جی سی ٹی ڈی کی ذمے داریاں سنبھالیں گے۔

اس سلسلے میں نوٹی فکیشن بھی جاری کردیا گیا جس کے مطابق ایڈیشنل آئی جی کراچی عمران یعقوب منہاس کو کراچی پولیس چیف کے عہدے سے ہٹا کر ایڈیشنل آئی جی سی ٹی ڈی تعینات کردیا گیا۔

نوٹی فکیشن کے مطابق ایڈیشنل آئی جی اسپیشل برانچ غلام نبی میمن کو کراچی پولیس چیف کا عہدہ ایک مرتبہ پھر سونپ دیا۔ خیال رہے کہ وہ اس سے قبل بھی کراچی پولیس کے چیف رہ چکے ہیں۔
نوٹی فکیشن کے مطابق ایڈیشنل آئی جی ریسرچ اینڈ ڈیولپمنٹ جاوید اختر اوڈھو کو ایڈیشنل آئی جی اسپیشل برانچ کی ذمے داریاں تفویض کردی گئی ۔

کراچی : عامر لیاقت کی دوسری اہلیہ طوبیٰ نے تہمت سے متعلق آیت شیئر کر دی ۔
عامر لیاقت حسین کی جانب سے تیسری شادی کا اقرار کیے جانے کے بعد ان کی سابقہ دوسری بیوی سیدہ طوبیٰ انور نے ٹوئٹ میں ایک آیت مبارکہ شیئر کی جس میں تہمت لگانے والوں کے لیے بڑے عذاب کا ذکر ہے۔

انہوں نے سماجی روابط کی ویب سائٹ ٹوئٹر پر قرآن پاک کی ایک آیت شیئر کی جس کا ترجمہ ہے کہ ’جو لوگ پاک دامنوں بے خبر ایمان والیوں پر تہمت لگاتے ہیں ان پر دنیا اور آخرت میں لعنت ہے اوران کے لیےبڑا عذاب ہے۔
اس سے قبل سیدہ طوبیٰ انور نے انسٹاگرام پر جاری ایک پوسٹ میں تصدیق کی تھی کہ انہوں نے عامر لیاقت حسین سے خلع لے لی ہے اور اس بارے میں میرے قریبی رشتہ دار جانتے ہیں کہ انہوں نے 14 ماہ قبل ہی شوہر سے علیحدگی اختیار کرلی تھی۔

بعدازاں عامر لیاقت حسین کی سابقہ پہلی بیوی بشریٰ اقبال نے بھی انسٹاگرام پر اپنی تصویر شیئر کرتے ہوئے کہا کہ ’جودل کے صاف ہوتے ہیں وہ رب کے خاص ہوتے ہیں‘۔

علاوہ ازیں ڈاکٹر بشریٰ اقبال کی بیٹی دعا عامر نے بھی انسٹاگرام اسٹوری لگاتے ہوئے کہا تھا کہ ’میرے خاندانی معاملات سے متعلق مجھے کسی پوسٹ میں ٹیگ نہ کریں اور اگر ایسا نہ کرسکیں تو ان فلو کردیں ۔

کراچی: شہر قائد میں فائرنگ کے واقعات میں سیاسی جماعت پاک سرزمین پارٹی کے کارکن سمیت دو افراد جاں بحق ہوگئے جبکہ فائرنگ کے مختلف واقعات میں تین شہری زخمی بھی ہوئے۔

تفصیلات کے مطابق نارتھ کراچی میں فائرنگ کے واقعے میں مرنے والے شخص پاک سرزمین پارٹی کا کارکن نکلا جبکہ واقعے میں اس کا آٹھ سالہ بیٹا زخمی بھی ہوا ہے، قائد آباد میں جاں بحق ہونے والا پولیس اہلکار کا باپ تھا۔

نارتھ کراچی میں پیلا اسکول کے قریب نامعلوم افراد کی فائرنگ سے ایک شخص جاں بحق جبکہ اس کا بیٹا زخمی ہوگیا ، ہلاک و زخمی کو فوری طور پر چھیپا ایمبولینسوں کے ذریعے عباسی شہید اسپتال منتقل کیا گیا۔

ایس پی نیو کراچی حمید خان کے مطابق مقتول کی شناخت سلمان ولد وکیل کے نام سے کی گئی جبکہ زخمی ہونے والا آٹھ سالہ عبدالصبور اس کا بیٹا ہے اور اسپتال میں زیر علاج ہے۔ مقتول سلمان گاڑی میں سوار تھا اور اسکول سے اپنے بیٹے کو لینے آیا تھا کہ موٹر سائیکل سوار ملزمان آئے اور اس پر فائرنگ کرکے فرار ہوگئے۔ پاک سرزمین پارٹی کے ترجمان کے مطابق مقتول سلمان ان کی پارٹی کا سرگرم کارکن تھا اور ڈسٹرکٹ سینٹرل کمیٹی کا ممبر تھا۔

پاک سرزمین پارٹی کے چیئرمین مصطفیٰ کمال نے پارٹی کارکن کے جنازے میں شرکت کی اور میڈیا سے گفتگو کرتے ہوئے کہا کہ سلمان وکیل کو انہوں نے شہید کیا جنہیں اس ملک میں 22 اگست کے بعد جگہ دی گئی ہے، پچس سال سے راء کا سسٹم چلانے والے ملک میں انتشار پھیلا رہے ہیں، را فنڈنگ کررہی ہے تو ملک کے خلاف کام ہورہا ہے، سلمان وکیل کو شہید بھی کسی را کے سلیپر سیل سے ہی کرایا گیا ہے۔ انہوں نے کہا کہ سلمان ہمارے ساتھ پہلے دن سے جڑے ہوئے تھے، کراچی میں ہمارا آج آٹھواں ساتھی شہید ہوا۔

علاوہ ازیں قائد آباد کے علاقے شیرپاؤ کالونی علی خیر اسکول کے قریب نامعلوم افراد کی فائرنگ سے معمر شخص جاں بحق ہوگیا، جس کی لاش کو فوری طور پر ضابطے کی کارروائی کے لیے جناح اسپتال لے جایا گیا۔ ایس ایچ او قائد آباد ملک اشرف کا کہنا ہے کہ مقتول کی شناخت سرخ تاج ولد عمران خان کے نام سے کی گئی۔پولیس نے جائے وقوعہ سے تیس بور کے دو خول قبضے میں لے لیے ہیں ، مقتول پولیس اہلکار سکندر کا بیٹا ہے جو کہ آج کل ابراہیم حیدری تھانے میں تعینات ہے۔

ابتدائی معلومات کے مطابق واقعہ ذاتی دشمنی کا شاخسانہ ہے تاہم واقعے کی مزید تحقیقات جاری ہے، دریں اثنا لیاری کے علاقے کھڈا مارکیٹ میں نامعلوم افراد کی فائرنگ سے پچپن سالہ اکرام اللہ ولد محمود زخمی ہوگیا جسے طبی امداد کے لیے سول اسپتال لے جایا گیا ، پولیس حکام کا کہنا ہے کہ ابتدائی معلومات کے مطابق واقعہ ڈکیتی کے دوران مزاحمت کا شاخسانہ ہے تاہم پولیس واقعے کی مزید تحقیقات کررہی ہے ۔