کراچی :مہاجروں کےمینڈیٹ کا سوداکرنا ایم کیو ایم کا وتیرہ،بلدیاتی انتخابات ملتوی نہیں ہونے دیںگے:اطلاعات کے مطابق لانڈھی میں قائد کے شہر کے باسیوں سے خطاب کرتے ہوئے پاک سرزمین پارٹی کے چیئرمین سید مصطفیٰ کمال نے کہا ہے کہ ایم کیو ایم کا یہی وتیرہ ہے کہ وہ ہر بار مہاجروں کے مینڈیٹ کا سودا کرتی ہے اور اپنے حصے کی بوٹی کی خاطر پوری مہاجر قوم کو قربان کر دیتی ہے،ایم کیو ایم آج اسی پیپلز پارٹی کے ساتھ اقتدار کا حصہ ہے جن سے مہاجروں کے لیے نیا صوبہ لینا تھا،
سید مصطفیٰ کمال نے اس موقع پر کہا کہ مہنگائی اور بلدیاتی اختیارات پر مگرمچھ کے آنسو بہانے والی ایم کیو ایم وزارتوں اور حرام کمائی کی خاطر کل عمران خان کی غلط معاشی پالیسیوں کی بھی حصہ دار تھی اور آج پی ڈی ایم کی موجودہ حکومت کی معاشی پالیسیوں کا بھی حصہ ہے، اسی طرح اکتوبر 2013 میں اپنے ہاتھوں سے بلدیاتی اختیارات پیپلزپارٹی کی متعصب سندھ حکومت کو سونپ دیئے اور قوم کے سامنے اختیارات اور وسائل کا رونا روتے رہے لیکن آج پھر اسی پیپلزپارٹی کے ساتھ ہیں۔
این اے 240 کے ضمنی الیکشن کے سلسلے میں لانڈھی میںچیئرمین پاک سرزمین پارٹی سید مصطفیٰ کمال کا امیدوار برائے حلقہ این اے 240 شبیر احمد قائم خانی کے ہمراہ سیکٹر 4/D, لانڈھی نمبر 6 یوسی 20 میں خواتین کی کارنر میٹنگ سے خطاب کیا
چیئر مین پی ایس پی سید مصطفیٰ کمال نے کہا ہے کہ کراچی کو کراچی کے چوکیدار ایم کیو ایم نے لوٹا ہے،اگر عوام کے حق پر ڈالا گیا تو پی ایس پی سڑکوں پر ہوگی،بلدیاتی انتخابات کو ملتوی کرنے کے حیلے بہانے مسترد کرتے ہیں۔ ایم کیو ایم پیپلز پارٹی کے گٹھ جوڑ سے غیر منتخب کرپٹ سیاسی ایڈمنسٹریٹر لگا کر بلدیاتی انتخابات سے بھاگنا چاہتی ہے۔ جب شہباز شریف، آصف زرداری اور مولانا فضل الرحمان ووٹ مانگنے آئے تھے، ایم کیو ایم کو تب صوبائی اسمبلی کھلوا کر بلدیاتی نظام کی قانون سازی کروانی تھی لیکن تب مہاجروں کو ہر بار کی طرح اس بار بھی فروخت کر کے اپنی حرام کمائی، وزارتیں اور گورنر شپ کا وعدہ لیا گیا۔
مصطفیٰ کمال نے اس موقع پر کہا کہ ان سب کے خاندان بیرون ملک آباد ہیں یہ لوگ یہاں سے کما کر پیسے باہر بھیجتے ہیں۔عمران خان کی حکومت میں ایم کیو ایم کا وزیر ہی مہاجروں کا نام لے کر حکومت گرانے کے لیے آصف زرداری، شہباز شریف سے مذاکرات کر رہا تھا۔ مہنگائی پر مگرمچھ کے آنسو بہاتی ایم کیو ایم عمران خان کی خراب معاشی پالیسیوں کی حصے دار تھی اور اب پی ڈی ایم کے بھی فیصلوں کیساتھ ہے۔
ضمنی انتخاب براۓ این اے 240 مییں الیکشن کی ذمہ داریاں نبھانے والے سرکاری ملازمین کوتنبہیہ کرتے ہوئے مصطفیٰ کمال نے کہا کہ
"کسی بھی قسم کی سیاسی مہم جوئی پر شدید عوامی ردعمل کا سامنا کرنا ہوگا اور ایم کیو ایم آپ کو بچانے نہیں آئے گی!”
اس موقع پرسید مصطفیٰ کمال سے پیپلز پارٹی لانڈھی سے تعلق رکھنے والے ذمہ دران احسن انصاری یو سی 20 انچارج،فرخ جنرل سیکریٹری،سہیل عباس جنرل سیکریٹری،عبدالرزاق رابطہ سیکریٹری،عبدالرحمن نائب صدراور عظیم نعمان زوبیر حسنین یوسف نے ملاقات کرکے شمولیت کا اعلان کیا
