Category: کراچی

کراچی : کابینہ ڈویژن نے سال 2022 کی سرکاری تعطیلات کا شیڈول جاری کردیا ہے۔

کابینہ ڈویژن کی جانب سے سال 2022 کی سرکاری تعطیلات کا شیڈول جاری کردیا ہے، جس کے مطابق 5 فروری یوم یکجہتی کشمیر، 23 مارچ یوم پاکستان، یکم مئی یوم مزدور، 3، 4، 5 مئی عید الفطر، 10، 11، 12 جولائی عید الاضحی7، 8 اگست عاشورہ محرم، 14 اگست یوم آزادی، 9 اکتوبر عید میلاد النبیؐ، 25 دسمبر یوم قائد اعظم کے موقع پر سرکاری تعطیلات ہوں گی۔

دریں اثنا 5 فروری یوم یکجہتی کشمیر کے موقع پر عام تعطیل کا باقاعدہ نوٹیفکیشن جاری کر دیا گیا ہے۔

کراچی : انٹر بینک میں روپے کے مقابلے ڈالر کی قدر گھٹ گئی جبکہ اوپن کرنسی مارکیٹ میں ڈالرکی قدر مستحکم رہی ۔

فاریکس ایسوسی ایشن آف پاکستان کی رپورٹ کے مطابق منگل کو انٹر بینک میں روپے کے مقابلے ڈالر کی قدر20پیسے گھٹ گئی جس سے ڈالر کی قیمت خرید 176.60روپے سے گھٹ کر176.40روپے اور قیمت فروخت176.70روپے سے گھٹ کر176.50روپے پر آ گئی تاہم مقامی اوپن کرنسی مارکیٹ میں ڈالر کی قیمت خرید 177روپے اور قیمت فروخت177.50روپے پر مستحکم رہی۔

فاریکس رپورٹ کے مطابق یورو کی قدر میں50پیسے کااضافہ ریکارڈکیا گیا جس سے یورو کی قیمت خرید 176روپے سے بڑھ کر197.50روپے اور قیمت فروخت 199روپے سے بڑھ کر199.50روپے ہو گئی اسی طرح50پیسے کے اضافے سے برطانوی پونڈ کی قیمت خرید 236روپے سے بڑھ کر236.50روپے اور قیمت فروخت239روپے سے بڑھ کر239.50روپے پر آ گئی ۔

MNکراچی : پاکستان اسٹاک مارکیٹ میں منگل کو تیزی کا رجحان رہا ،کے ایس ای100انڈیکس 45300پوائنٹس سے بڑھ کر45600پوائنٹس ہو گیا جبکہ مارکیٹ کے سرمائے میں 53ارب روپے سے زائد کااضافہ ریکارڈ کیا گیا جس کے نتیجے میں سرمائے کا مجموعی حجم 78کھرب روپے سے تجاوز کر گیا ۔کاروباری تیزی کی وجہ سے 60.38فیصد حصص کی قیمتیں بھی بڑھ گئیں۔
پاکستان اسٹاک مارکیٹ میں منگل کو کاروبار کا آغاز تیزی کیساتھ ہوا ،سرمایہ کاروں اور مالیاتی اداروں کی ٹیلی کام ،فوڈز سمیت دیگر منافع بخش شعبوں میں سرمایہ کاری کی بدولت ٹریڈنگ کے دوران انڈیکس 45400،45500اور45600پوائنٹس کی3بالائی حد عبور کر گیا ۔منگل کو پاکستان اسٹاک مارکیٹ میں کے ایس ای 100انڈیکس میں 299.82پوائنٹس کا اضافہ ریکارڈ کیا گیا جس سے انڈیکس 45374.68پوائنٹس سے بڑھ کر46574.50پوائنٹس ہو گیا اسی طرح 83.87پوائنٹس کے اضافے سے کے ایس ای30انڈیکس 17829.96پوائنٹس سے بڑھ کر17913.83پوائنٹس ہو گیا جبکہ کے ایس ای آل شیئرز انڈیکس 31007.64پوائنٹس سے بڑھ کر31221.63پوائنٹس ہو گیا ۔
پاکستان اسٹاک مارکیٹ میں منگل کو9ارب روپے مالیت کے 31کروڑ25لاکھ1ہزار حصص کے سودے ہوئے جبکہ پیر کو8ارب روپے مالیت کے 25کروڑ16لاکھ82ہزار حصص کے سودے ہوئے تھے ۔پاکستان اسٹاک مارکیٹ میں گذشتہ روز مجموعی طور پر366کمپنیوں کا کاروبار ہوا جس میں سی221کمپنیوں کے حصص کی قیمتوں میں اضافہ ،115میں کمی اور366کمپنیو ں کے حصص کی قیمتوں میں استحکام رہا ۔
کاروبار کے لحاظ سے غنی گلوبل 2کروڑ54لاکھ ،ورلڈ کال ٹیلی کام2کروڑ48لاکھ ،ٹریٹ کارپوریشن 1کروڑ95لاکھ ،ہم نیٹ ورک 1کروڑ89لاکھ اور یونٹی فوڈز لمیٹڈ 1کروڑ53لاکھ حصص کے سودوںسے سرفہرست رہے۔قیمتوں میں اتار چڑھا کے اعتبار سے نیلسے پاکستان کے بھا میں 108.33روپے کا اضافہ ریکارڈ کیا گیا جس کے بعد اسکے حصص کی قیمت بڑھ کر5708.33روپے ہو گئی اسی طرح 107.90روپے کے اضافے سے پاک سروسز کے حصص کی قیمت 1757.90روپے پر جا پہنچی جبکہ باٹا پاک کے حصص کی قیمت146.44روپے گھٹ گئی جس سے اسکے حصص کی قیمت کم ہوکر2001.56روپے ہو گئی اسی طرح40.50روپے کی کمی سے محمود ٹیکسٹائل کے حصص کی قیمت کم ہو کر687.50روپے پر آگئی ۔

کراچی : یوٹیلیٹی اسٹورز پر اشیائے صرف کی قیمتوں میں 47 روپے فی کلو تک کا اضافہ کردیا ہے۔

یوٹیلیٹی اسٹورز کارپوریشن کی جانب سے جاری نوٹی فکیشن کے مطابق گھی ، آئل ، صرف ، صابن ، شیمپو ، مصالحہ جات سمیت متعدد اشیا کی قیمتوں میں اضافہ کردیا گیا ہے۔
نوٹی فکیشن کے مطابق یوٹیلیٹی اسٹورز پر مختلف برانڈز کے درجہ اول اور دوئم کے مختلف گھی اور آئل کی قیمت میں اوسطا 70روپے تک اضافہ کیا گیا۔
درجہ اول کا برانڈڈ گھی 354 روپے فی کلو سے 402 روپے جبکہ پکانے کا تیل 355 روپے فی لیٹر سے 412روپے فی کلو کر دیا گیا ہے، اس طرح گھی کی فی کلو قیمت میں 47روپے اور برانڈڈ آئل کی قیمت میں 57روپے فی لیٹر اضافہ کردیا گیا ہے۔درجہ اول کے گھی کا 5 کلو والا ڈبہ ایک ہزار 795 سے بڑھ کر 2 ہزار 32 روپے ہوگیا، گھی کے ڈبے کی قیمت میں 237 روپے اضا فہ ہوا ہے۔

درجہ اول کے 5 لیٹر پکانے کے تیل کے ڈبے کی قیمت ایک ہزار 795 سے بڑھ کر 2 ہزار 85 روپے ہوگئی، اس طرح 5 لیٹر آئل کی قیمت میں 287 روپے کا اضافہ ہوا ہے۔

یوٹیلیٹی اسٹور پر دودھ کے ڈبے بھی مہنگے کردیئے گئے ہیں، ایک لیٹر برانڈڈ ڈبہ پیک دودھ 157 روپے سے بڑھ کر 162 روپے کا ہوگیا ہے۔اسی طرح مصالحہ جات کی قیمتوں میں بھی اضافہ کیا گیا ہے، 100 گرام ہلدی کا پیکٹ 35روپے سے بڑھ کر 43روپے، 50گرام گرم مصالحہ پاڈر 67 روپے سے بڑھا کر 81 روپے، سفید زیرے کا 200گرام پیکٹ 198سے بڑھا کر 230روپے اور بڑی الائچی کی 100گرام قیمت 95روپے سے بڑھا کر 98روپے کر دی گئی ہے۔
155 گرام کھیر مکس کی قیمت میں 24روپے اضافے کے ساتھ 76روپے سے بڑھ کر 100 روپے ہو گئی ہے۔نوٹی فکیشن کے مطابق مکس اچار کی فی کلو قیمت میں 65روپے اضافہ ہوا ہے، مکس اچار 285روپے سے بڑھ کر 350روپے فی کلو ہوگیا ہے، 950 گرام کیچپ کا پاوچ 242 سے بڑھ کر 268 روپے کردیا گیا ہے۔کھانے پینے کی اشیا کے علاوہ ضروریات زندگی کا دیگر سامان بھی مہنگا کردیا گیا ہے، 75 گرام ٹوتھ پیسٹ کی قیمت میں 43 روپے اضافہ کیا گیا ، جس کے بعد ٹوتھ پیسٹ 285روپے سے بڑھ کر 328 روپے ہوگیا ہے۔

کراچی : وزیراعلی سندھ کے مشیربرائے زراعت منظور حسین وسان کی صدارت میں محکمہ زراعت کا اہم اجلاس منگل کومنعقد ہوا۔اجلاس میں سیکرٹری زراعت پرویز احمد سیہڑ،ڈی جیز اور تمام اضلاع کے ڈائریکٹرز شریک ہوئے۔اجلاس میں یوریا کھاد کی قلت،سندھ ایگریکلچر واٹر ٹرانسفار میشن پروجیکٹ،انجینئرنگ،دراوڑ ڈیم اور دیگر زرعی اسکیموں کے متعلق بریفنگ دی گئی۔
مشیر زراعت منظور وسان نے کہاکہ سندھ ایگریکلچر واٹر ٹرانسفمارمیشن پروجیکٹ 120 ملین کا ہے جس میں پیسٹی سائڈمسیڈ فرٹیلائزر پر سبسڈی اور مارکیٹ کمیٹیوں, کراپ رپورٹنگ کو ڈجیٹلائز کرنے اور چھوٹے کاشتکاروں کو ٹریننگ دی جائے گی۔سندھ میں سیاپیپ منصوبہ کے تحت 500 ایڈیشنل واٹرکورسزبنائے جائیں گے۔
منظور وسان نے کہاکہ ایسی اسکیمیں متعارف کروائیں گے جن کی کاشتکاروں کو سخت ضرورت ہے اور ان پر سبسڈی دی جائے گی, زرعی ترقیاتی اسکیموں میں کوئی بھی کوتاہی برداشت نہیں کی جائے گی, جن اسکیموں پرکام چل رہا ہے انہیں جلد مکمل کیا جائی.مشیر زراعت منظوروسان کا کہناتھا کہ سندھ بہر میں یوریا کھاد ڈیلرز پر 11 لاکھ 29 ھزار روپے جرمانہ عائد کیا گیا ہی, سندھ میں گھوسٹ ڈیلرز کو کسی بھی صورت میں یوریا کھاد نہیں ملے گی اور نہ ہی ان کو بحال کیا جائیگا۔

کراچی: سندھ میں کرونا ویکسینیشن کی گھر گھر مہم کا آغاز، وزیر صحت سندھ ڈاکٹر عذرا پیچوہو نے افتتاح کردیا۔گھر گھر مہم کے پہلے مرحلے میں یکم فروری سے 14 فروری تک کرونا ویکسین لگائی جائے گی۔وزیر صحت سندھ نے بتایا کہ کرونا سے بچائو کی ویکسینیشن مہم کے دوران ایک کروڑ 27 لاکھ 48 ہزار 123 افراد کو ویکسین کا پہلا ڈوز لگایا جائے گا۔
انہوں نے کہاکہ مہم کے دوران 12 سال اور اس سے زائد عمر کے شہریوں کو کرونا سے بچا کی ویکسین لگائی جائے گی۔لوگوں کو وائرس سے اثرات سے محفوظ رکھنے کے لیے ویکسین لگانا لازمی ہے۔ ڈاکٹر عذرا پیچوہو نے کہاکہ دوران مہم 57 لاکھ 12 ہزار سے زائد افراد کو کرونا ویکسین کی دوسری ڈوز بھی لگائی جائے گی۔
وزیر صحت سندھ نے کہاکہ مجموعی طور پر کرونا ویکسین مہم کے دوران ایک کروڑ 84 لاکھ 60 ہزار 137 افراد کو ویکسین لگائی جائے گی۔

ویکسینیشن کے بعد کرونا ہونے کی صورت میں لوگوں میں وائرس کے مضر اثرات بہت کم حد تک دیکھنے میں آئے ہیں۔چاہتے ہیں وینٹیلٹر پر آنے کی نوبت کم سے کم ہو، لوگوں کو سمجھنا ہوگا کہ ویکسینیشن کیوں ضروری ہے۔ وزیر صحت سندھ نے کہاکہ کرونا ویکسین مہم کے دوران 10 ہزار 988 سے زائد ہیلتھ پروفیشنلز اور سوشل موبلائزرز کی مدد لی جائے گی۔کرونا ویکسین کی گھر گھر مہم محکمہ صحت سندھ، این سی او سی اور ای پی آئی کے اشتراک سے کی جا رہی ہے۔

کراچی : وزیراعلی سندھ سید مراد علی شاہ نے کراچی یونین آف جرنلسٹس(کے یو جی)گروپ کے نو منتخب عہدیداروں کو مبارکباد یتے ہوئے امید ظاہر کی ہے کہ نومنتخب کابینہ آزادصحافت کے فروغ اورصوبے کے عوام کی آوازبنے گی۔

کے یو جے گروپ کے انتخابات میں شاہد اقبال صدر منتخب ہوئے ہیں۔پیر کو جاری بیان میں وزیراعلی سندھ نے کہا کہ میڈیا جمہوریت کی طاقت اور عوامی مفادات کا نگران ہے اور پیپلز پارٹی کی حکومت آزادی صحافت پر یقین رکھتی ہے۔