پولیس نے نیوکراچی سیکٹر فائیو جے میں چھری کے پے در پے وارکرکے نوجوان لڑکی کو قتل کرنے والے ملزم کوآلہ قتل سمیت گرفتار کرلیا ہے-
باغی ٹی وی : 14 دسمبر کو بلال کالونی تھانے کے علاقے نیو کراچی میں اقصیٰ مسجد کے قریب گھر سے سٹی کورٹ جانے کے لیے نکلنے والی نوجوان لڑکی 27 سالہ سماجی کارکن صباء اسلم کو اس کے پڑوسی غضنفر نے گھر سے چند قدم کے فاصلے پر چھری کے پے در پے وارکرکے قتل کردیا تھا اورملزم غضنفر خود فرار ہونے میں کامیاب ہو گیا تھا۔
کراچی:کچرا پھینکنے اور گٹر کی صفائی کے مسئلے پر قتل،صبا کو انصاف دو ،مطالبہ ٹوئٹر پر ٹاپ ٹرینڈ
پولیس نے سرکاری مدعیت میں مفرور ملزم غضنفرکے خلاف قتل کامقدمہ درج کر کے تفتیش شروع کردی تھی گزشتہ روز بلال کالونی پولیس نے نوجوان لڑکی کے قتل میں ملوث ملزم غضنفرکو گرفتارکرکے اس کے قبضے سے آلہ قتل چھری برآمد کر لی۔
شادی کے جھانسے میں آ کر تعلق قائم کر لیا، اب بلیک میل کیا جا رہا،سٹیج اداکارہ
پولیس کے مطابق گرفتار ملزم نے ابتدائی تفتیش میں انکشاف کیا ہے کہ مقتول صباء نے محلے میں ایک ویلفیئر بنائی ہوئی تھی اور وہ لوگوں کے کام کیا کرتی تھی ملزم کا کہنا ہے کہ اسے صباءکا ویلفیئر کا کام کرنا اچھا نہیں لگتا تھا ،لوگ اسکی تعریفیں کرتے تھے مقتولہ صباءکی شہرت سے جلن ہوتی تھی اس وجہ سے قتل کرنے کا منصوبہ بنایا۔
کراچی: ایک اور بینک کیش وین لوٹ لی گئی، مسلح ملزمان ڈیڑھ کروڑ سے زائد رقم لے کر فرار
واضح رہے کہ ایس ایچ اوبلال کالونی نواز بروھی نے بتایا تھا کہ ماضی میں مقتولہ لڑکی کے بھائی اورمفرورملزم کے درمیان گلی میں کچرا پھینکنے اور گٹر کی صفائی کے معاملے پرتلخ کلامی اورجھگڑا بھی ہوا تھا ملزم نے مقتولہ لڑکی کے ساتھ بھی تلخ کلامی کی تھی اورمحلے کی خواتین نے بھی اس بات کی تصدیق کی ہے کہ ملزم غضنفر ایک بد تمیزآدمی ہے اور ہرکسی سے برے لہجے میں بات کرتا ہے اوراپنا تعلق بھی مذہبی جماعت سے ظاہر کرتا ہے ۔
مفرور ملزمان کو وطن واپسی پر حفاظتی ضمانت دی جاسکتی ہے؟
ایس ایچ او نے بتایا تھا کہ ملزم غضنفر نشے کا عادی اورایک جنونی شخص بھی ہے پولیس نے ملزم کے دو بھائیوں احسن اوردانش کو حراست میں لیا ہے جن سے پوچھ گچھ کی جا رہی ہے انھوں نے بتایا کہ ممکنہ طور پرمفور ملزم نے مقتولہ کو گلی میں کچرا پھینکنے اور گٹر کی صفائی کے مسئلے پر حملہ کرکے قتل کیا ہے-
