بیٹے کے خواب کی تکمیل کے لیے باپ نے تعبير تک ہر قدم پر ساتھ ديا اور وہ دن آگيا جب اُن آنکھوں ميں خوشی کے آنسو امڈ آئے۔

دوہزار سات کی بات ہے جب وہ ابھی چھوٹا سا لڑکا تھا باپ کے ساتھ موٹرسائيکل پرکرکٹ سيکھنے گراؤنڈ جایا کرتا تھا، وہ کھيلتا رہا اور باپ ہرقدم پرساتھ ديتا رہا۔

یہ کسی اور کی نہیں بلکہ بابر اعظم کی بات ہے جو پندرہ سال ميں پاکستان کی قومی کرکٹ ٹيم تک پہنچ گئے اور نہ صرف بہترين بيٹسمين بلکہ کپتان بھی بن گئے۔

جس باپ نے اپنے بيٹے کی آنکھوں کے خواب کی برسوں پرورش کی تعبير ملنے پر رو پڑا، جن آنکھوں ميں خواب پلے تھے اُن آنکھوں سے خوشی کے آنسو بہہ نکلے۔

مگر يہ خوشی صرف باپ بيٹے کی نہ تھی اُس ماں کی بھی تھی کہ جس کی دعائيں ساتھ ساتھ سفر ميں رہيں اور يہ خوشی ساری قوم کی خوشی بھی تھی۔

پاکستانی اداکارہ عتیقہ اوڈھو نے بھارتی کرکٹ ٹیم کی تاریخی شکست کے بعد بھارتی وزیر اعظم نریندر مودی کے لئے خصوصی پیغام جاری کردیا۔

عتیقہ اوڈھو نے اپنی ٹوئٹ میں دونوں ٹیموں کے کپتان کی ایک ساتھ تصویر شیئر کرتے ہوئے لکھا کہ اس سے یہ واضح ہورہا ہے کہ کس طرح کھیل، فن اور ثقافت اقوام کو متحد کرتی ہے، مجھے اُمید ہے مسٹر مودی، اس تصویر سے کچھ سیکھیں گے۔

عتیقہ اوڈھو نے مودی کو پیغام کے آخر میں کہا کہ خوشیاں پھیلائیں جنگ نہیں، اس طرح یہ دنیا رہنے کے لئے بہت بہتر جگہ ہوگی۔

واضح رہے کہ گزشتہ روز پاکستان نے ورلڈکپ مقابلوں میں بھارت سے شکست کا جمود توڑ کر اسے چاروں شانے چت کرتے ہوئے 10 وکٹوں سے ہرادیا۔

پاکستان پیپلزپارٹی کے چیئرمین بلاول بھٹو کی ہدایت پرحکومت کی عوام دشمن پالیسیوں مہنگائی،پیٹرولیم،گیس،بجلی کی قیمتوں میں ہوشربا اضافہ کے خلاف پیپلزپارٹی نے 29 اکتوبرجمعہ کوکراچی سمیت سندھ کے تمام اضلاع میں مظاہروں کا اعلان کردیا ہے۔یہ اعلان پاکستان پیپلزپارٹی سندھ کے صدرنثارکھوڑو، سیکریٹری جنرل وقارمہدی نے پارٹی قیادت کی ہدایت پرکیا ہے۔
نثارکھوڑوکا کہنا ہے کہ پیپلز پارٹی مہنگائی کے خلاف 29 اکتوبر کو نماز جمعہ کے بعد سندھ کے تمام اضلاع میں احتجاج کرے گی۔کراچی سمیت سندھ کے ہر ضلعے کے احتجاج میں پارٹی کے ھزاروں کارکنان ، پارٹی عہدیداروں سمیت ایم این ایز، ایم پی ایز، سینیٹرز شرکت کرینگے،تبدیلی کا جنازہ نکلنے والا ہے اور اس یزیدی وفاقی حکومت سے جلد نجات حاصل کرینگے۔
پاکستان پیپلزپارٹی کراچی ڈویژن کے خصوصی اجلاس سے خطاب کرتے ہوئے سندھ کے سیکریٹری جنرل وقارمہدی نے کہاہے کہ عمران نیازی کی سلیکٹڈ حکومت کی عوام دشمن پالیسیوں مہنگائی،پیٹرولیم،گیس،بجلی کی قیمتوں میں ہوشربا اضافہ کی وجہ سے غریب اورمتوسط طبقہ کے لوگ خود کشیاں کرنے پرمجبورہیں،چیئرمین بلاول بھٹوکی ہدایت پرپیپلزپارٹی عوام کوان حالات میں تنہا نہیں چھوڑسکتی،29 اکتوبرکوکراچی کے تمام اضلاع میں حکومت کی عوامی دشمن پالیسیوں کے خلاف مظاہرے کریں گے۔
اجلاس میں مرزا مقبول،نجی عالم،سردارخان،ذوالفقارقائمخانی،آصف خان،شکیل چوہدری،نوید بھٹی،خیل ہوت اسلم سموں لیاقت آسکانی،شاہینہ شیرعلی،جاوید شیخ،کرم اللہ وقاصی،شیخ عقیل،لالہ رحیم،ساجد جوکھیو،جاوید شیخ،چوہدری اصغر،دل محمد،مدنی رضا ،مشتاق مٹو دیگرنے شرکت کی۔ وقارمہدی نے کہاکہ چیئرمین بلاول بھٹوزرداری نے کہاہے کہ ہم ملک کے عوام کوموجودہ مشکل حالات میں تنہانہیں چھوڑسکتے، پیپلزپارٹی اوراس کی قیادت مہنگائی ،بیروزگاری اورمعاشی بدحالی کی شکارعوام کے ساتھ ہے ملک اورعوام کے حقوق کے لیے پیپلزپارٹی کی قیادت کسی قربانی سے دریغ نہیں کرے گی۔

امیر جماعت اسلامی کراچی حافظ نعیم الرحمن کی قیادت میں جماعت اسلامی کے وفد نے نادرا ہیڈ کوارٹر کراچی میںڈی جی نادرا سندھ بریگیڈئر (ر)خالد لطیف سے ملاقات کی ۔وفد میں نائب امیر راجہ عارف سلطان اور پبلک ایڈ کمیٹی نادرا سیل کے طاہر امیر الحسن بھی موجود تھے ،ملاقات میں نادرا میگا سینٹرز اورنیشنل رجسٹریشن سینٹرزمیں عوام کو درپیش مشکلات و پریشانیوں کے فوری حل کے لیے تفصیلی گفتگو کی گئی اور مطالبہ کیا گیا کہ میگا سینٹر ز پر عوام کی لمبی قطاریں اور رش کو ختم کرنے کے لیے فوری اقدامات کیے جائیں ، شہریوں سے ناروا سلوک اور درخواست گزاروں سے غیر ضروری کاغذات طلب کرنے کا سلسلہ بند کیا جائے ۔ نیشنل رجسٹریشن سینٹرز کو ایوننگ شفٹ میں بھی فعال کیا جائے ۔
نئے دفاتر قائم کیے جائیں اور موجودہ سینٹرز کے اوقات کار بڑھائے جائیں ، زونل بورڈز اور V&Rاور UVبورڈز(بلاک شناختی کارڈ کے کیسز ) کے لیے لمبی مدت کی تاریخیں نہ دی جائیں ،قومی شناختی کارڈ اور سکسیشن سرٹیفیکیٹ (وراثتی سرٹیفیکیٹ)کے حصول میں آسانی پیدا کی جائے ۔ نادرا سینٹرز میں اسٹاف کو پابند کیا جائے کہ وہ نادرا ایس او پیز کے مطابق کام کرے۔

موبائل وین کی فراہمی کو یقینی بنایا جائے ، اس موقع پر ڈی جی نادرا بریگیڈئر (ر)خالد لطیف نے جماعت اسلامی کے وفد کو یقین دلایا کہ عوام کے تمام تر جملہ مسائل ترجیحی بنیادوں پر حل کیے جائیں گے ۔ اس ضمن میں فوری طور پر ضروری اقدامات کیے جا رہے ہیں ۔عوام کی پریشانیوں کو کم کرنے کے لیے شہر میں نادرا کے مزید سینٹرز بنائے جا رہے ہیں ۔

متحدہ قومی موومنٹ پاکستان کے مرکز بہادرآباد میں پاکستانی کرکٹ ٹیم کے میچ جیتنے کی خوشی میں تقریب کا انعقاد کیا گیا۔اس موقع پر کنوینر ڈاکٹر خالد مقبول صدیقی و اراکین رابطہ کمیٹی نے پاکستانی ٹیم کی کامیابی کی خوشی میں کیک کاٹا۔اس تقریب میں سینئر ڈپٹی کنوینر عامر خان،ڈپٹی کنوینر وسیم اختر، کنور نوید جمیل و دیگر اراکین نے شرکت کی۔
بھارت کے خلاف میچ میں پاکستانی ٹیم کی کامیابی پر کنوینر و اراکین رابطہ کمیٹی نے قوم کو مبارکباددیتے ہوئے کہا کہ پاکستان کی کرکٹ ٹیم نے بہترین پرفارمنس کا مظاہرہ کر کے قوم کے دل جیت لئے ہیں،بھارت کے خلاف میچ میں فتح پر پوری قوم خوشیاں منا رہی ہے بہترین کارکردگی دکھانے پر کپتان بابر اعظم،وکٹ کیپر محمد رضوان اور پوری پاکستانی ٹیم خراج تحسین کے مستحق ہیں ۔
کنوینر ڈاکٹر خالد مقبول صدیقی نے پاکستانی ٹیم کے تمام کھلاڑیوں کو بہترین کارکردگی کا مظاہرہ کرنے پر شاباش اور مبارکباددیتے ہوئے پاکستانی کرکٹ ٹیم کیلئے نیک تمناں کا اظہار کیا اور مزید فتوحات کیلئے دعائیں کی اور کہا کہ قوم کی دعائیں قومی کرکٹ ٹیم کے ساتھ ہیں اور ہمیں امید ہے کہ انشا اللہ پاکستانی ٹیم ورلڈ کپ جیت کردنیا بھر میں پاکستان کا نام مزید روشن کریں گے۔

پاکستان پیپلز پارٹی کے چیئرمین بلاول بھٹو زرداری نے کہا ہے کہ مہنگائی کی وجہ سے پاکستان کی عوام ایک سخت دور سے گزر رہی ہے۔

تفصیلات کے مطابق پاکستان پیپلز پارٹی کے چیئرمین بلاول بھٹو زرداری نے لاڑکانہ میں محلہ غریب آباد میں پارٹی عہدیداران و کارکنان کے اجلاس کی سربراہی کی، اجلاس کے دوران پاکستان پیپلز پارٹی کی جانب سے جمعہ 29 اکتوبر کو ملک بھر کے اضلاع میں مقامی پریس کلبوں کے سامنے مہنگائی کے خلاف احتجاج کا اعلان کردیا۔

اجلاس میں پاکستان پیپلز پارٹی کے چیئرمین بلاول بھٹو زرداری نے کہا کہ مہنگائی کی وجہ سے پاکستان کی عوام ایک سخت دور سے گزر رہی ہے، عمران خان جس معاملے میں ہاتھ ڈالتے ہیں، وہاں تبدیلی نہیں بلکہ تباہی آتی ہے، آئین نے عوام کو جو آزادیاں دی ہیں، عمران خان نے ان کو چھین لیا ہے۔

بلاول ھٹو زرداری کا کہنا تھا کہ ووٹ کے تحفظ سے لے کر بولنے کی آزادی اور میڈیا کی آزادی کو عمران خان نے چھیننے کی کوشش کی ہے، پی ٹی آئی ایم ایف بجٹ کے خلاف پہلے دن سے پاکستان پیپلز پارٹی نے احتجاج کیا، ہم اقتدار کے لئے سیاست نہیں کرتے، عوامی مسائل کا حل ہماری سیاست کا محور ہے۔

چیئرمین بلاول بھٹو زرداری نے اجلاس کے دوران کارکن غوث بخش بروہی کے انتقال پر ان کے صاحبزادے بلال بروہی اور علی مدد ٹگڑ کے انتقال پر ان کے پوتے ایڈووکیٹ وقار تگڑ سے تعزیت کی، چیئرمین بلاول بھٹو نے یوسی 02 کے صدر راجہ ریاض چوہان سے بھی ان کے والد اور بھانجے کے انتقال پر اظہار افسوس کیا۔

بلاول بھٹو نے اپنے حلقہ انتخاب میں واقع محلہ غریب آباد میں کارکنان و عہدیداران کی جانب سے علاقے کے مسائل اور ان کے حل کی تجاویز کو سنا، بلاول بھٹو زرداری نے مسائل کے حل کے حوالے سے فوری عمل درآمد کی ہدایات کیں۔

اس موقع پرچیئرمین بلاول بھٹو زرداری کے ہمراہ پی پی پی سندھ کے صدر نثار کھوڑو ودیگر بھی موجود تھے