Category: کراچی

کراچی میں زمان ٹاؤن اور لانڈھی تھانے کی پولیس مخبروں کو ملزمان کو گرفتار کرنے کے لیے استعمال کرنے کے بجائے گھروں میں لوٹ مار کے لیے استعمال کرنے لگی۔

کورنگی میں لوگوں کے ہتھے چڑھنے والے مخبر نے سارا پول کھول دیا اور بتایا کہ اس نے زمان ٹاؤن تھانے کے اسپیشل پارٹی انچارج عثمان کے ساتھ کام کیا ہے، لانڈھی تھانے کے جعلی پولیس اہلکار بھی گھروں میں چھاپے مارتے ہیں۔

مخبر کا کہنا تھا کہ چھاپے کے دوران پولیس اہلکار قیمتی چیزیں لوٹتے تھے اور گھروں سے محنت کش افراد کو حراست میں لے کر راستے میں ہی جوڑ توڑ کرکے 50 ہزار سے ایک لاکھ روپے تک لے کر چھوڑ دیتے تھے۔

مخبر نے مزید بتایا کہ عابد بھایا ان کا سرغنہ ہے جو کہ انہیں پولیس پارٹیوں کے ساتھ بھیجتا ہے، تنویر،عبدالرحمان،عادل سمیت دیگر مخبر عابد بھایا کے لیے کام کرتے ہیں اور ہر چھاپے کے بعد ہمیں 5 ہزار روپے ملتے تھے۔

ایس ایس پی کورنگی شاہ جہان خان کا کہنا تھا کہ سوشل میڈیا پر وائرل ویڈیو میں نظر آنے والے مخبر کی تلاش جاری ہے، اس ویڈیو سے منسلک افسران اور اہلکار اب ضلع کورنگی میں نہیں ہیں۔

ویڈیو سے سابق ایس ایچ او لانڈھی سب انسپکٹر احمد خان نیازی ، سابق ایس ایچ او زمان ٹاؤن ملک عامر اور اہلکار عثمان اکبر منسلک ہیں جب کہ احمد خان نیازی کو اگست کے مہینے میں معطل کردیا گیا اور ان کے خلاف انکوائری چل رہی ہے۔

ملک عامر کو بھی ڈی آئی جی ایسٹ نے ستمبر میں ڈسمس کردیا ہے جب کہ پولیس اہلکارعثمان اکبر گلشن اقبال سے ساتھیوں کے ہمراہ اغوا کے کیس میں گرفتار ہوا اور اب جیل میں ہے۔

سابق وزیرِ اعلٰیٰ سندھ قائم علی شاہ نے کہا ہے کہ پیپلز پارٹی کی تاریخ قربانیوں سے بھری پڑی ہے۔
تفصیلات کے مطابق سابق وزیرِ اعلٰیٰ سندھ قائم علی شاہ نے باغ جناح جلسہ گاہ میں آمد کی اور وہاں خطاب کرتے ہوئے کہا کہ 18 اکتوبر سیاسی تاریخ کا سب سے بڑا دن ہے۔
قائم علی شاہ کا کہنا تھا کہ پیپلز پارٹی کی تاریخ قربانیوں سے بھری پڑی ہے۔ سانحہ کارساز میں کارکنان پیٹھ دکھا کر بھاگے نہیں جیسے حکومت نے کیا۔ 18 اکتوبر 2007 کو سانحے کے بعد بھی حکومت نے مدد نہیں کی۔ ہمارے کارکنان میدان میں تھے اور انہوں نے ہی قربانی دی۔
قائم علی شاہ کا کہنا تھا کہ سیاست میں 50 سال ہو چکے ہیں پر 18 اکتوبر 2007 جیسا بڑا اجتماع آج تک نہیں دیکھا۔
سابق وزیرِ اعلٰیٰ سندھ قائم علی شاہ کا مزید کہنا تھا کہ پی ٹی آئی کو کسی کی پرواہ ہی نہیں، حکومت کو کوئی پرواہ نہیں کہ لوگ مر رہے ہیں۔

پیپلز پارٹی سندھ کے صدر نثار کھوڑو نے کہا ہے کہ 18اکتوبر کو بڑا سانحہ ہوا تھا۔
تفصیلات کے مطابق پیپلز پارٹی سندھ کے صدر نثار کھوڑو باغ جناح جلسہ گاہ میں آمد کی اور وہاں خطاب کرتے ہوئے کہا کہ پاکستان میں 18 اکتوبر کو بڑا سانحہ ہوا۔
نثار کھوڑو کا کہنا تھا کہ پہلے ذوالفقار علی بھٹو جیسے لیڈر اور بعد میں بینظیر بھٹو کو ہم سے چھینا گیا، اس وقت کے ڈکٹیٹر نے سوچا ان کے لیڈرز کو ختم کریں گے تو پارٹی ختم ہو گی لیکن پیپلز پارٹی آج بھی قائم ہے۔
پیپلز پارٹی سندھ کے صدر کا کہنا تھا کہ بینظیر بھٹو جلا وطنی ختم کر کے 18 اکتوبر کو پہنچیں تو کارساز پر دھماکہ کیا گیا۔ اس وقت کی حکومت اور وزیراعلیٰ نے کہا یہ 12 بجے تو باغ جناح میں جلسہ نہیں ہوتا، ٹھیک اسی وقت کارساز پر دھماکہ ہوا۔
ان کا کہنا تھا کہ ہم اس سانحے کو بھلا نہیں سکتے بلکہ 18 اکتوبر کو مناتے ہیں۔
نثار کھوڑو کا مزید کہنا تھا کہ ہم اس گرائونڈ میں تین جلسے کر چکے ہیں۔ کراچی کے علاوہ حیدرآباد سمیت دیگر شہروں میں جلسے کیے ہیں۔ 12 ربیع الاول کے باعث ہم جلسہ 18 کے بجائے 17 اکتوبر کو کر رہے ہیں۔

یڈمنسٹریٹر کراچی مرتضیٰ وہاب نے کہا ہے کہ بلاول بھٹو پاکستان کو ترقی کی راہ پر گامزن کرنے کی بھرپور صلاحیت رکھتے ہیں۔
تفصیلات کے مطابق ایڈمنسٹریٹر کراچی مرتضیٰ وہاب یادگار شہداء کارساز پہنچے ، یادگار شہداء پر پھول چڑھائے ، شہداء کے ایصال ثواب کے لئے فاتح خوانی کی اور جیالے شہداء کی یاد میں پودے لگائے۔
انہوں نے کہا کہ پیپلزپارٹی کا ایک ایک کارکن شہید بی بی اور اسکے شہید جیالوں کو سلام عقیدت پیش کرتا ہے ، اٹھارہ اکتوبر کے شہید جیالوں کی قربانی رہتی دنیا تک یاد رکھی جائیگی ، بی بی شہید کے جیالوں نے جمہوریت کی بقاء کے لیے اپنی جانوں کے نذرانے دیے۔
ایڈمنسٹریٹر کراچی مرتضیٰ وہاب نے کہا کہ شہید بی بی کا لخت جگر بلاول بھٹو زرداری پاکستان کا روشن مستقبل ہے ، بلاول بھٹو پاکستان کو ترقی کی راہ پر گامزن کرنے کی بھرپور صلاحیت رکھتے ہیں ، وہ دن دور نہیں جب شہید بی بی کا بیٹا ہمارا چیئرمین بلاول بھٹو اس ملک کا وزیراعظم ہوگا۔

ایڈمنسٹریٹر کراچی مرتضی وہاب نے کہا ہے کہ عوام کو ریلیف اس وقت ملے گا جب عمران خان گھر جائیں گے، گورنر صاحب معاشی سمجھ بوجھ اور تاریخ سے بھی دور ہیں، گورنر کے علاوہ پورے ملک کو پتہ ہے لیاقت علی خان کو راولپنڈی میں شہید کیا گیا۔کراچی کے فریئر ہال کے سبزہ زار پر نیوز کانفرنس کرتے ہوئے ایڈمنسٹریٹر کراچی نے کہاکہ مہنگائی کے طوفان نے عوام کو جکڑ رکھا ہے اور حکمرانوں کو معیشت کا پتہ ہے نہ ہی تاریخ کا پتا ہے۔

ترجمان سندھ حکومت نے وفاقی حکومت پر تنقید کرتے ہوئے کہا کہ کسان کو اگر ریلیف دیا ہوتا تو ایسا نہیں ہوتا، ان کی پالیسیوں کی وجہ سے آج ہر کوئی رو رہا ہے، کوئی ایک چیز بتائیں جس کی قیمت میں کمی آئی ہو۔مرتضی وہاب نے کہا کہ خان صاحب آپ کے ارسطو جو باتیں کرتے تھے اس میں سے کسی نے کوئی وعدہ پورا نہیں کیا۔مرتضی وہاب نے کہا کہ وفاق نے انوائرمنٹ فرینڈلی پروجیکٹ کا قلع قمع کر دیا گیا ہے، شمسی توانائی کے پروجیکٹس چلنے دیں تو سستی بجلی عام آدمی کو مل جائے گی، لیکن ان کے مفادات کچھ اور ہیں، یہ اپنے اے ٹی ایمز بھرنا چاہتے ہیں۔

سندھ حکومت نے زیادتی کا شکار لڑکی کو جرگہ کرانے کا مشورہ دے دیا۔رپورٹ کے مطابق پنوعاقل میں سکول کی طالبات کے ساتھ زیادتی کے بعد نازیبا ویڈیو بنا کر انہیں بلیک میل کرنے کے معاملے پر سندھ حکومت میں شامل سندھ چائلڈ پروٹیکشن اتھارٹی کی چیئرپرسن شمیم ممتاز نے متاثرہ لڑکی کو انصاف دلانے کی بجائے وڈیروں کو علاقے کا باپ قرار دے کر جرگہ کرنے کا مشورہ دے دیا۔
رکن سندھ اسمبلی شمیم ممتاز نے متاثرہ خاندان سے ملاقات کی اور میڈیا سے گفتگو کرتے ہوئے کہا کہ عدلیہ کی جانب سے انصاف میں دیر ہوتی ہے اس لیے بہتر ہے دونوں فریقین آپس میں بیٹھ کر صلح کرلیں۔وڈیرہ گاؤں کا باپ ہوتا ہے انہیں دعوت دیتی ہوں کہ وہ معاملے کا فیصلہ کروائیں سندھ حکومت ان کے ساتھ ہوگی۔

سندھ حکومت کے عہدیدار کی جانب سے اس بیان کے بعد بچی کے ورثہ میں مایوسی پھیل گئی ہے جبکہ سول سوسائٹی نے معاملے کی سخت لفظوں میں مذمت کی ہے۔

سندھ حکومت کی جانب سے وڈیروں کی معرفت معاملات حل کرانے کے بیان کو وکلاء اور سول سوسائٹی توہین عدالت قرار دے رہے ہیں۔دوسری جانب ضلع سکھر کی تحصیل پنو عاقل میں زیادتی کے بعد قتل ہونے والے بچے کے کیس میں اہم پیشرفت سامنے آئی ہے۔تفصیلات کے مطابق پنو عاقل میں چودہ سالہ بچے کو 4 ماہ بدفعلی کے بعد قتل کیا گیا، جس پر پولیس نے مقدمہ درج کر کے تحقیقات کا آغاز کیا ور تیس سے زائد ملزمان کو حراست میں لے کر تفتیش کی۔
تفتیشی ٹیم نے گرفتار ملزم سمیت 30 ملزمان کے نمونے حاصل کر کے انہیں تصدیق کے لیے لیبارٹری بھیجا، جس میں سے ایک گرفتار شخص شفیق جتوئی کا ڈی این اے میچ ہوگیا۔یاد رہے کہ چار ماہ قبل سکھر کی تحصیل پنو عاقل کے رہائشی بچے کی لاش برآمد ہوئی تھی، جس پر اہل خانہ اور علاقہ مکینوں نے احتجاج کیا اور زیادتی کے بعد قتل کا دعوی کیا تھا۔ پولیس نے مقتول کی لاش کو تحویل میں لے کر اسپتال منتقل کیا تو میڈیکل میں بھی زیادتی ثابت ہوئی۔

یوٹیلیٹی اسٹورز کے بعداوپن مارکیٹ میں بھی گھی 38روپے فی کلو مہنگا کر دیا گیا، قیمت 361 روپے سے بڑھ کر 399 روپے کلوتک پہنچ گئی۔تفصیلات کے مطابق ملک بھر میں مہنگائی کا طوفان روز بروز بڑھ رہا ہے،یوٹیلیٹی سٹورز پر اشیائے خورو نوش، بجلی کیساتھ پٹرولیم مصنوعات کی قیمتوں میں بھی ہوشربا اضافہ کر دیا گیا ہے۔
یوٹیلیٹی اسٹورز کے بعد اوپن مارکیٹ میں گھی و خوردنی تیل مہنگا کر دیا گیا ہے، درجہ دوم کا گھی 5 روپے فی کلو تک مہنگا کردیا گیا ہے، درجہ دوم کا گھی 325 روپے سے مہنگا کرکے 330 روپے کلو کردیا گیا، درجہ دوم کا کونگ آئل 15 روپے لٹر تک مہنگا کیا گیا، درجہ دوم کا خوردنی تیل 325 روپے سے مہنگا کرکے 340 روپے فی لیٹر کردیا گیا۔مختلف کمپنیوں اور برانڈز کی جانب سے درجہ اول کا گھی 38 روپے کلو تک مہنگا کیا گیا، قیمت 361 روپے سے مہنگا ہو کر 399 روپے کلو ہو گئی ہے، خوردنی تیل 48 روپے لٹر تک مہنگا کیا گیا، قیمت 361 روپے سے بڑھا کر 409 روپے فی لٹر ہو گئی ہے۔

پاکستان پیپلزپارٹی ڈسٹرکٹ ایسٹ پی ایس 102،یوسی 23کچھی پاڑہ شاہ لطیف شادی ہال میں سابقہ جنرل کونسلر علی سمیجوکے فرزند محمداسحاق سمیجو،مبارک مغل، رمضان سمیجو، عمر سمیجو، علی نوازمنگریو، عبداللہ گجر ودیگر سمیت کچھی کمیونٹی کے سینئر شخصیات کی جانب سے ناراض جیالوں کی شمولیت وعزم عہد وفاکے حوالے سے عظیم الشان تقریب کا اہتمام کیاگیا جس میں وزیراعلیٰ سندھ کے معاون خصوصی اقبال ساند، PS-102کے صدر ریاض بلوچ ایوب عتیق، وہاب ایڈوکیٹ، عبدالحکیم بلوچ، فائق خان، اکرم بلوچ، باب جان، خلیل بلوچ، نوازرند بلوچ، قاسم باراج، وسیم خلیفہ، عرس سمیجو، پیپلزیوتھ پی ایس 102کے صدر وسیم بروہی ودیگر سمیت بڑی تعداد میں جیالوں نے شرکت کی۔
اس موقع پر خطاب کرتے ہوئے اقبال ساند نے کہاکہ پیپلزپارٹی نے ہمیشہ جیالوں کو سرفہرست خدمات کو سراہا،ہم اسحاق سمیجواور کچھی برادری کوشمولیت کرنے پر خوش آمدید کرتے ہیں اور وعدہ کرتے ہیں کہ آئندہ الیکشن میں جیت پیپلزپارٹی کی ہوگی کل بھی بھٹوزندہ تھاآج بھی بھٹوزندہ ہے کے نعروں کی گونج نے دوردورتک مخالفین کو بے چین کردیا ہے۔ آخر میں محمداسحاق اقبال ساند ودیگر مہمانان گرامی کی آمد پر شکریہ اداکیا اور پاکستان پیپلزپارٹی کو مزید مستحکم کرنے کا عزم کرتے ہوئے اپنی برادری کی جانب سے مکمل تعاون کی یقین دہانی کروائی

گورنر سندھ عمران اسماعیل نے راولپنڈی کے بجائے کراچی کو لیاقت علی خان کی جائے شہادت قرار دیا جس کی وجہ سے سوشل میڈیا پر ان کا مذاق بنایا جا رہا ہے۔

گورنر سندھ عمران اسماعیل نے پاکستان کے پہلے وزیراعظم و شہیدِ ملت لیاقت علی خان کی 70ویں برسی کے موقع پر ان کی قبر پر حاضری اور فاتحہ خوانی کی اور انہیں خراج عقیدت پیش کیا۔

بعد ازاں میڈیا سے گفتگو کرتے ہوئے گورنر سندھ عمران اسماعیل نے کہا کہ آج کے دن ’فرزندِ کراچی‘ لیاقت علی خان کی شہادت کراچی میں ہی ہوئی، لیاقت علی خان قائد اعظم محمد علی جناح کے افکار کو آگے لے کر چلے۔
عمران اسماعیل نے کہا کہ لیاقت علی خان کی شہادت ایک افسوسناک واقعہ تھا، ان کی شہادت سے ملک کی سیاست میں تبدیلی آئی، ان کے قتل کے پیچھے جو عناصر تھے وہ نہیں پکڑے گئے۔

صوبائی وزیر اطلاعات سعید غنی نے دعوی کرتے ہوئے کہا ہے کہ لگتا ہے حکومت پٹرول کی قیمتیں 250 سی300 روپے فی لٹر پر لیکر جائے گی، حکومت ڈالرکی قیمت بھی 250 پر لیکر جائے گی۔صوبائی وزیر اطلاعات نے کہاکہ ملک پرمسلط کی گئی حکومت کی سزاعوام اٹھا رہی ہے۔ یہ ایسی منحوس حکومت ہے کہ لوگوں کی تنخواہیں کم ہورہی ہیں اورمہنگائی میں اضافہ ہو رہا ہے۔
انہوں نے کہاکہ پیپلزپارٹی کے دور حکومت کے دوران عالمی مارکیٹ میں تیل کی قیمتیں 140ڈالرفی بیرل سے اوپرگئیں، پیپلزپارٹی کی حکومت نے پٹرولیم مصنوعات کی قیمتیں آج کی قیمتوں سے کم رکھیں۔سعید غنی نے کہاکہ بدقسمتی سیکراچی کی پہچان اسکی روشنیاں اور تعلیم و ترقی نہیں رہی، کراچی شہرکی پہچان دہشتگردی بن گئی، اب شہر قائد میں امن وامان قائم ہونے سے کاروباری سرگرمیاں دوبارہ شروع ہوگئی ہیں۔