سندھ حکومت نے مردم شماری نتائج کو ایک بار پھر مسترد کرتے ہوئے معاملے کو پارلیمنٹ میں اٹھانے کا فیصلہ کیا ہے وزیراعلیٰ سندھ پارلیمنٹ کا مشترکہ اجلاس بلانے کے لیے اسپیکر قومی اسمبلی کو خط لکھیں گے۔
تفصیلات کے مطابق سندھ حکومت کے مردم شماری نتائج پر اعتراضات کے سبب صوبے میں بلدیاتی حلقہ بندیاں اور بلدیاتی الیکشن زیر التواء ہیں، سندھ حکومت نے مردم شماری نتائج کے خلاف رواں سال مئی میں پارلیمنٹ کو ریفرنس بھیجا تھا تاہم تین ماہ گزرنے کے باوجود سندھ حکومت کے ریفرنس پر پارلیمنٹ کا مشترکہ اجلاس نہیں بلایاگیا، اب وزیراعلیٰ سندھ مرادعلی شاہ مردم شماری سے متعلق مشترکہ مفادات کونسل کے فیصلے پر ایک اور خط اسپیکر قومی اسمبلی کو لکھیں گے۔
سندھ حکومت کے ذرائع کے مطابق آئین پاکستان کی شق 154کے تحت صوبائی حکومت مشترکہ مفادات کونسل کے فیصلے کو پارلیمان میں چیلنج کرسکتی ہے، اسی لیے پارلیمنٹ کا مشترکہ اجلاس بلانے کے لیے سندھ حکومت کا دوسرا خط رواں ہفتے چیئرمین سینیٹ، اسپیکر قومی اسمبلی کو ارسال کیا جائےگا۔
واضح رہے کہ سندھ کابینہ نے الیکشن کمیشن کی مجوزہ بلدیاتی حلقہ بندیوں پر بھی تحفظات کا اظہار کیا ہے۔

سی ویو کے ساحل پر پھنسے مال بردار بحری جہاز کو نکالنے کے آپریشن کا پہلا مرحلہ کامیاب ہوگیا ہے۔
تفصیلات کے مطابق کراچی میں سی ویو کے ساحل پر پھنسے جہاز کو نکالنے کے آپریشن کا پہلا مرحلہ کامیابی سے مکمل ہوگیا ہے، جہاز کو پلان کے مطابق دو ٹگز، کرین بردار بوٹ، آپریشنل بوٹس اور خصوصی رنچز کے ذریعے جہاز کو ساحل سے 100 میٹر دور تک کھینچ لیا گیا ہے۔ پیر کی رات گیارہ بجے اور منگل کی صبح بھی سمندر میں اونچی لہریں اٹھیں گی، اس دوران مزید 100 میٹر تک کھینچا جائے گا، گہرے پانی میں آنے کے بعد جہاز کو براہ راست ٹگ سے کھینچا جائے گا جہاز گہرے سمندر میں لے جانے کے اگلے روز برتھ پر لے جایا جائے گا۔
جہاز کے شپ ایجنٹ کیپٹن عاصم اقبال کے مطابق جہاز کے دونوں انجن اسٹارٹ کردیے گئے ہیں، جہاز کے دونوں پروپائلرز بھی ٹھیک کام کررہے ہیں، ری فلوٹ کرنے اور برتھ تک لے جانے میں انجن کو بھی استعمال کیا جائے گا۔
مشیر برائے وزارت ساحلی امور محمود مولوی نے میڈیا سے بات کرتے ہوئے کہا کہ جہاز کے کپتان نے بروقت مطلع نہیں کیا تھا جب تک اطلاع ملی جہاز ساحل پر پھنس گیا تھا۔ جہاز کو منگل کو گہرے پانی میں لےجایا جائے گا، ساحل سمندر سے کامیابی کے ساتھ ری فلوٹ ہونے کے بعد جہاز کو بندرگاہ پر لنگرانداز کیا جائے گا، اس دوران جہاز کی تکنیکی جانچ اور مرمت کی جائے گی تاکہ اسے بحری سفر کے لیے موزوں بنایا جاسکے۔ جہاز حکومتی تحویل میں ہے، جہاز کا عملہ بھی جہاز پر موجود رہے گا۔ کراچی پورٹ اینکریج اور دیگر سہولتوں کی فراہمی کے چارجز وصول کرے گی جبکہ میرین مرکنٹائل ڈپارٹمنٹ سے کلیئرنس لینا ہوگی، جہاز کی سی وردی رپورٹ تک جہاز کو جانے کی اجازت نہیں ہوگی۔

سندھ حکومت نے کراچی میں 8 سال سے التوا کا شکار ریڈ لائن بس منصوبہ شروع کرنے کا اعلان کردیا ہے۔

سندھ حکومت کے ریڈ لائن بس منصوبے کے آغاز میں تمام رکاوٹیں دور ہوگئیں جس کے بعد اب 78 ارب روپے کی خطیر لاگت کے ریڈ لائن بس منصوبے کی تعمیر کا آغاز 90 روز میں ہوگا، ریڈ لائن بس منصوبے کے لئے ایشیائی ترقیاتی بینک اور دیگر انٹرنیشنل ڈونرز نے فنڈنگ کی ہے، کراچی ریڈ لائن ماس ٹرانزٹ بس پاکستان میں اپنی نوعیت کا پہلا اور منفرد منصوبہ ہوگا جس کے معاہدے پر ٹرانس کراچی اور کنسٹرکشن فرم کے نمائندے نے دستخط کیے۔

ریڈ لائن بس منصوبہ گزشتہ 8 سال سے زیر التوا تھا، 2020 میں محکمہ ٹرانسپورٹ سندھ کی کوششوں سے ایشیائی ترقیاتی بینک نے قرض کی فراہمی کا معاہدہ کیا تھا۔
وزیر ٹرانسپورٹ سندھ اویس شاہ نے اس ضمن میں کہا کہ ماڈل کالونی براستہ ایئرپورٹ، صفورہ چورنگی، موسمیات، یونیورسٹی روڈ سے نمائش چورنگی تک ریڈ لائن میٹرو چلے گی، 26 کلومیٹر طویل ریڈ لائن بی آر ٹی میں 24 اسٹیشنز ہوں گے جس میں 213 بسیں چلیں گی۔ انہوں نے کہا کہ کلائمٹ فنڈ نے ریڈ لائن بس منصوبے کے لیے 11 ملین ڈالر کی گرانٹ دی ہے، ریڈ لائن میٹرو بس کے لئے بھینس کے گوبر سے ایندھن بنایا جائے گا، بھینس کالونی کراچی میں بائیو گیس پلانٹ لگایا جائےگا جو یومیہ 20 ہزار کلو گیس کی پیداوار فراہم کرے گا۔

اویس شاہ نے کہا کہ ریڈ لائن بس منصوبے میں سندھ حکومت کا شیئر 75ملین ڈالر ہے، کراچی میں پہلی مرتبہ طویل ترین سائیکلنگ ٹریک بنایا جائے گا، ریڈ لائن، بی آرٹی کے روٹ کے ساتھ سائیکلنگ ٹریک بھی ہوگا، پاکستان میں پہلی مرتبہ تھرڈ جنریشن بی آرٹی سسٹم ریڈ لائن بی آرٹی میں استعمال ہوگا، ریڈ لائن بی آرٹی کے روٹ پر ڈرینج لائن کے ساتھ سڑکوں کی تعمیر بھی ہوگی۔

اسٹیل ٹاؤن پولیس نے شہر میں منشیات کی سپلائی ناکام بناتے ہوئے اسنیپ چیکنگ کے دوران مشکوک کار کی تلاشی لینے پرمیاں بیوی ملزمان کو گرفتار کرکے بیس کلو سے زائد فائن کوالٹی چرس برآمدکرلی ۔تفصیلات کے اسٹیل ٹاؤن پولیس نے اسنیپ چیکنگ کے دوران خاتون سمیت 3ملزمان کو گرفتار کرکے بھاری مقدار میں منشیات برآمد کرلی ہے ۔
گرفتار ملزمان میں میاں، بیوی اپنے 4/5 سالہ بچے کو بھی واردات میں ساتھ رکھتے تھے۔گرفتار ملزمان پولیس کو دھوکہ دینے اور منشیات کی محفوظ ترسیل کیلئے فیملی کا استعمال کرتے تھے۔پولیس نے ملزمان کے زیر استعمال کار بھی تحویل میں لے لی ہے۔پولیس نے ملزمان کے موبائل فونز بھی ضبط کر لئے تاکہ رابطہ کرنے والے منشیات فروشوں کی معلومات حاصل کی جا سکی.گرفتار ملزمان نے شہر کے مختلف علاقوں میں چرس پہنچانا تھی۔گرفتار ملزمان کیخلاف مقدمہ درج کرکے تفتیش کا آغاز کردیا گیا ہے ۔گرفتار ملزمان میں ارشاد، حمیدہ زوجہ ارشاد، محبت خان اور غلام عباس شامل ہیں۔

سابق صدر آصف علی زرداری کی صاحبزادی بختاور بھٹو نے ایک بار پھرمطالبہ کیاہے کہ مردوں کو اپنی فیملی کے بغیر عوامی مقامات پر جانے کی اجازت نہیں دینا چاہیے۔
سوشل میڈیا کی ویب سائٹ ٹوئٹر پراپنے پیغام بختاور بھٹو زرداری نے لکھا کہ وہ عوامی مقامات پر مردوں کے داخلے پر پابندی سے متعلق مطالبے پر اب بھی قائم ہیں۔انہوں نے کہا کہ مردوں کا اپنے بہنوں، ماں، بیٹیوں اور بیویوں کے بغیر اکیلے عوامی مقامات پر جانے کی اجازت نہیں دینی چاہیے کیونکہ پھر وہ خواتین پر حملہ کرنے متعلق کئی بار سوچیں گے۔بختاور بھٹو نے مزید لکھا کہ خواتین پر پے در پے بڑھتے ہوئے اس طرح کے واقعات کو روکنے کا اور کوئی بہتر آپشن نہیں ہے۔

آرٹس کونسل آف پاکستان کراچی کی جانب سے شہنشائے غزل مہدی حسن کے دو صاحبزادوں گلوکار آصف مہدی حسن،عارف مہدی حسن اور طبلہ نواز اُستاد خورشید حسین کا تعزیتی ریفرنس بروز منگل 24اگست 2021ء شام 6بجے جون ایلیا لان آرٹس کونسل آف پاکستان کراچی میں منعقد کیا جائے گا۔

پاکستان تحریک انصاف کے مرکزی ڈپٹی سیکریٹری اطلاعات ہنس مسرور نے کہاکہ کرونا کی آڑمیں پیپلز پارٹی کی سندھ حکومت کا تعلیم دشمن اقدام نا قابل برداشت ہوتا جارہا ہے سندھ حکومت کے لوٹ مار کے سارے دھندے عروج پر ہیں اور کرونا صرف تعلیمی اداروں پر وار کررہا ہے وزیر اعلیٰ سندھ تعلیم دشمن اور عوام دشمن اقدام سے باز رہیں اور فوری طور پر صوبے بھر میں تعلیمی اداروں کو کھولنے کا اعلان کریں ان خیالات کا اظہار انہوںنے کراچی میں نجی اسکولوں کے ایک وفد سے گفتگو کرتے ہوئے کیا ہنس مسرور نے کہاکہ صوبہ سندھ میں پہلے ہی عوام مسائل سے شدید اذیت میں مبتلا ہیں سہولتوں کا فقدان اور بیڈ گورنس سندھ حکومت کی پہچان بن چکی ہے انہوںنے کہاکہ پیپلز پارٹی نے سندھ میں تعلیم کا جنازہ نکال دیا ہے جہالت کو جان بوجھ کر پروان چڑھا یا جارہا ہے گزشتہ 2سال سے صرف سندھ میں کرونا کا آڑ لیکر تعلیمی اداروں کی بے جا بندش کو وطیرہ بنا لیا گیا ہنس مسرور نے کہاکہ سندھ میں تعلیم کے شعبے کو مکمل تباہ کردیا گیا اگر سندھ حکومت نے اپنی تعلیم دشمن اور عوام دشمن پالیسی ختم نہ کی تو صوبے کے عوام کے ہمراہ پاکستان تحریک انصاف بھی لٹیرے سندھ حکومت کے خلاف سڑکوں پر احتجاج کی بھر پور حمایت کرے گی ۔

15سال بعد پبلک ٹرانسپورٹ کا سب سے بڑا منصوبہ شروع ہونے کو تیار ہے ، ریڈ لائن بس منصوبے کی تعمیر کا آغاز 90روز میں شروع ہوجائے گا ، یہ پاکستان میں اپنی نوعیت کا پہلا اور منفرد منصوبہ ہوگا۔

تفصیلات کے مطابق سندھ حکومت کے ریڈ لائن بس منصوبے کے آغاز میں تمام رکاوٹیں دور کردیں ، 78ارب روپے کی خطیر لاگت کے ریڈ لائن بس منصوبے کی تعمیر کا آغاز 90روز میں شروع ہوگا۔

اس حوالے سے پبلک ٹرانسپورٹ کے سب سے بڑے ریڈ لائن بس منصوبے کے لئے معاہدے پر دستخط کی تقریب کا انعقاد کیا گیا ، وزیر ٹرانسپورٹ اویس قادر شاہ تقریب کےمہمان خصوصی تھے۔

ریڈ لائن بی آر ٹی کے تعمیراتی کام کے معاہدے پر ٹرانس کراچی اورکنسٹرکشن فرم کےنمائندے نے دستخط کیے، کراچی کے ریڈ لائن بس منصوبے کے لئے ایشیائی ترقیاتی بینک اور دیگر انٹرنیشنل ڈونرز نے فنڈنگ کی ہے، کراچی ریڈ لائن ماس ٹرانزٹ بس پاکستان میں اپنی نوعیت کا پہلا اور منفرد منصوبہ ہوگا۔

اس موقع پر وزیر ٹرانسپورٹ سندھ اویس قادر شاہ نے کہا کہ ماڈل کالونی براستہ ایئرپورٹ، صفورہ چورنگی ، موسمیات، یونیورسٹی روڈ سے نمائش چورنگی تک ریڈ لائن میٹرو چلے گی، 26کلومیٹر طویل ریڈ لائن بی آر ٹی میں 24اسٹیشنز ہونگے 213 بسیں چلیں گی۔

اویس قادر شاہ کا کہنا تھا کہ گرین کلائمٹ فنڈ نے ریڈ لائن بس منصوبے کے لئے 11ملین ڈالر کی گرانٹ دی ہے، ریڈ لائن میٹرو بس کے لئے بھینس کے گوبر سے ایندھن بنایاجائے گا، بھینس کالونی کراچی میں بائیو گیس پلانٹ لگایا جائے گا یومیہ 20ہزار کلو گیس کی پیداوار ہوگی۔

انھوں نے مزید کہا کہ ریڈ لائن بس منصوبے میں سندھ حکومت کا شیئر 75ملین ڈالر ہے، کراچی میں پہلی مرتبہ طویل ترین سائیکلنگ ٹریک بنایاجائے گا، ریڈ لائن اور بی آرٹی کے روٹ کے ساتھ سائیکلنگ ٹریک ہوگا۔

وزیر ٹرانسپورٹ سندھ کا کہنا تھا کہ پاکستان میں پہلی مرتبہ تھرڈ جنریشن بی آرٹی سسٹم ریڈ لائن بی آرٹی میں استعمال ہوگا جبکہ ریڈ لائن بی آرٹی کے روٹ پر ڈرینج لائن کے ساتھ سڑکوں کی تعمیر بھی ہوگی۔

خیال رہے ریڈ لائن بس منصوبہ گزشتہ 8سال سے زیر التوا تھا ، 2020میں محکمہ ٹرانسپورٹ سندھ کی کوششوں سے ایشیائی ترقیاتی بینک نے قرض کی فراہمی کا معاہدہ کیا تھا۔

‏لگتا ہے کورونا نے سندھ میں پیپلزپارٹی میں شمولیت کرلی ہے۔

حلیم عادل شیخ نے بیان میں کہا کورونا پی پی کے مخالفین، اسکولوں میں ہی دورے کررہا ہے وزیرتعلیم سندھ وزیراعلیٰ مافیا کے سامنے بے بس ہیں

جیالوں کی منظم مافیا سندھ کی تعلیم پر تالے لگانا چاہتی ہے.‏پرچی پر آئے قائدین سندھ کے بچوں کو جہالت میں دھکیل رہے ہیں،

سابق وزیرتعلیم نے کل سیاسی طلباء کو بلاکر نشست لگائی. پیپلزپارٹی کے جلسوں اور میٹنگز میں کورونا نہیں آتا

کورونا کی آڑ میں صوبائی حکومت سندھ سے تعلیم کا خاتمہ چاہتی ہے.‏اگر نوجوان پڑھ گئے تو وہ بھٹو کا چورن نہیں بیچیں گے.

معیشت کے بعد اب تعلیم پیپلزپارٹی کی تیر کے نشانے پر ہے.سندھ حکومت کے سندھ دشمن اور تعلیم دشمن فیصلے قبول نہیں

سندھ حکومت نے اپنا قبلہ درست نہیں کیا تو سخت عوامی و سیاسی رد عمل سامنے آئے گا.