Category: کراچی

) جے یوآئی ف کے سربراہ مولانا فضل الرحمن نے پی ٹی آئی کے رہنما امیر بخش بھٹو سے ان کی رہائش گاہ پر ملاقات کی۔انہوں نے امیر بخش بھٹو سے ان کے والد سابق گورنر و وزیراعلی سندھ ممتازبھٹو کے انتقال پر تعزیت کا اظہار کیااور فاتحہ خوانی کی۔مولانا فضل الرحمن نے کہا کہ ممتاز بھٹو میرے والد کے سیاسی دوست تھے۔
ملک کی سیاست میں ممتاز بھٹو کی خدمات ہمیشہ یاد رکھی جائیں گی۔
امیر بخش بھٹو کے ترجمان انور گجر کے مطابق امیر بخش بھٹو نے مولانا فضل الرحمن کی آمد پر ان کا شکریہ ادا کیا۔بعد ازاں میڈیا سے گفتگو میں مولانا فضل الرحمن نے کہا کہ ممتاز بھٹو میرے والد صاحب کے کولیگ تھے ۔میں ان کے خاندان تعزیت سے اظہار کیا ہے۔نواز شریف کا حق ہے جہاں چاہیں علاج کرائیں ۔نواز شریف جب تک چاہیں وہاں رہ سکتے ہیں ۔نواز شریف کو حکومت نے ہی اجازت دی تھی اب کہہ رہے ہیں واپس آ۔ملک میں جابروں کی حکومت ہے اس لیے وہ یہاں سے دور ہی رہیں بہتر یے۔

کراچی میں مسلم لیگ(ن)کے دفتر پر احتجاج کے معاملے پر پارٹی کی مرکزی قیادت نے کراچی ڈویژن کے صدر انجینئرسلمان خان کواظہار وجوہ کا نوٹس جاری کردیا ہے۔سلمان خان کو 7 روز کے اندر جواب جمع کروانے کی ہدایت کی گئی ہے .
اس حوالے سے مسلم لیگ(ن)کراچی کے صدر سلمان خان نے کہا کہ مجھ پر بے بنیاد الزامات لگائے گئے ہیں۔ کارکنان4گھنٹے احتجاج کرتے رہے ان سے کوئی رہنما ملاقات کیلیے نہیں آیا۔جب کارکنان سے ملاقات کیلیے کوئی رہنما نہ آیا تو میں وہاں گیا۔ میں کارکنان کو احتجاج سے روکنے کیلیے گیا تھا۔

سرجانی ٹائون پولیس نے سات سالہ بچے سے بدفعلی میں ملوث 65 سالہ ملزم کو گرفتار کرلیا ہے۔اس ضمن میں پولیس نے بتایاکہ 65 سالہ ملزم دکاندار ہے اور بچہ جب چیز (کنفیکشنری)لینے آتا تو اسے بدفعلی کا نشانہ بناتا تھا، ملزم کے خلاف سرجانی ٹائون تھانے میں4 اگست کو بچے کے والد محمد عقیل نے مقدمہ الزام نمبر 1298/21 بجرم دفعہ 377/511 کے تحت درج کرایاتھا۔
درج مقدمے میں محمد عقیل نے کہاکہ اس کے سات سالہ بیٹے کو علاقے کا دکاندار اشرف عرف بابو بدفعلی کا نشانہ بناتا ہے، اس نے بچے کو ڈرا دھمکا کر خاموش کرایا ہوا تھا، بچے کی طبیعت جب خراب ہوئی تب اس نے اپنے اہل خانہ کو واقعے کے بارے میں بتایا۔بچے کے والد نے کہاکہ ملزم ان پر دبائو ڈال رہا ہے اور مقدمہ ختم کرنے کا کہہ رہا ہے، ہم اعلی حکام سے اپیل کرتے ہیں کہ ہمیں انصاف فراہم کیا جائے۔

ورنرسندھ عمران اسماعیل نے کوئٹہ کے علاقہ سریناچوک پر دہشت گرد حملہ کی مذمت کرتے ہوئے دو پولیس اہلکاروں کے شہید جبکہ متعدد افراد کے زخمی ہونے پر اظہار افسوس کیا ہے انہوں نے شہید پولیس اہلکاروں کی مغفرت ، درجات کی بلندی، لواحقین کے لئے صبر جمیل اور زخمیوں کی جلد صحتیابی کے لئے دعا کی ہے ۔
گورنرسندھ کا کہنا ہے کہ دہشت گردی کے اس واقعہ کے پیش نظر محرم الحرام اور جشن آزادی کے موقع پر سیکیورٹی ادارے غیر معمولی اقدامات کو یقینی بنائیں حکومت ،عوام کے تعاون سے ان مٹھی بھر دہشت گردوں کا خاتمہ کرکے رہے گی ۔

سربراہ بیت المال سندھ و رہنما تحریک انصاف حنید لاکھانی کا کوئٹہ میں سرینا ہوٹل کے قریب دھماکے کی سخت ترین الفاظ میں مذمت

دھماکے کے نتیجے میں 2 پولیس اہلکاروں کے شہید اور بعض کے زخمی ہونے پر سربراہ بیت المال سندھ و رہنما تحریک انصاف حنید لاکھانی کا اظہار افسوس۔

سربراہ بیت المال سندھ و رہنما تحریک انصاف حنید لاکھانی نے شہید اہلکاروں کے خاندانوں سے اظہارِ تعزیت کرتے ہوئے کہا کہ ملک دشمن عناصر بزدلانہ کارروائیوں سے قوم کو مرعوب نہیں کرسکتے.قوم دہشت گردی کے خلاف جنگ میں متحد ہے۔

بلوچستان میں دہشتگردی پھیلانے کی مذموم سازش کرنے والے پاکستان کو عدم استحکام سے دوچار کرنا چاہتے ہیں۔ حکومت بلوچستان دہشتگردوں کی فوری گرفتاری عمل میں لائیں اور زخمیوں کو بہترین علاج معالجے کی سہولیات فراہم کرئے۔

ثنااللہ زہری اور عبدالقادر بلوچ کو میاں صاحب نے بہت عزت دی، پہلے یہ میاں صاحب کے نعرے لگاتے تھے آج یہ لوٹے بھٹو کے نعرے لگا رہے ہیں، سینئر لیگی رہنماؤں کی پیپلزپارٹی میں شمولیت پر ن لیگ کا ردعمل سامنے آگیا۔ تفصیلات کے مطابق سماجی رابطوں کی ویب سائٹ ٹویٹر پر اپنے ایک ٹویٹ میں ن لیگ کی رہنما حنا پرویز بٹ نے کہا ہے کہ ثنااللہ زہری اور عبدالقادر بلوچ جن کو میاں صاحب نے بہت عزت دی مگر انہیں عزت راس نہ آئی۔
پہلے میاں صاحب کے نعرے لگاتے تھے آج یہ لوٹے بھٹو کے نعرے لگا رہے ہیں۔جو ن لیگ کے نہ ہو سکے،وہ پی پی پی کے کیسے ہونگے؟؟ بلاول بھٹو کو نئے لوٹے مبارک ہوں۔واضح رہے کہ پاکستان مسلم لیگ کے رہنما اور سابق وزیراعلیٰ بلوچستان نواب ثناءاللہ زہری اور سابق گورنر عبدالقادر بلوچ پاکستان پیپلز پارٹی میں شامل ہوگئے ہیں ۔

پہلے یہ میاں صاحب کے نعرے لگاتے تھے آج یہ لوٹے بھٹو کے نعرے لگا رہے ہیں، ن لیگ کا ردعمل
ثنااللہ زہری اور عبدالقادر بلوچ جن کو میاں صاحب نے بہت عزت دی مگر انہیں عزت راس نہ آئی۔ پہلے میاں صاحب کے نعرے لگاتے تھے آج یہ لوٹے بھٹو کے نعرے لگا رہے ہیں۔جو ن لیگ کے نہ ہو سکے،وہ پی پی پی کے کیسے ہوں گے، لیگی رہنما حنا پرویز بٹ
Danish Ahmad Ansari دانش احمد انصاری اتوار 8 اگست 2021 22:53

پہلے یہ میاں صاحب کے نعرے لگاتے تھے آج یہ لوٹے بھٹو کے نعرے لگا رہے ..

کراچی (اُردو پوائنٹ، اخبار تازہ ترین، 8اگست2021) ثنااللہ زہری اور عبدالقادر بلوچ کو میاں صاحب نے بہت عزت دی، پہلے یہ میاں صاحب کے نعرے لگاتے تھے آج یہ لوٹے بھٹو کے نعرے لگا رہے ہیں، سینئر لیگی رہنماؤں کی پیپلزپارٹی میں شمولیت پر ن لیگ کا ردعمل سامنے آگیا۔ تفصیلات کے مطابق سماجی رابطوں کی ویب سائٹ ٹویٹر پر اپنے ایک ٹویٹ میں ن لیگ کی رہنما حنا پرویز بٹ نے کہا ہے کہ ثنااللہ زہری اور عبدالقادر بلوچ جن کو میاں صاحب نے بہت عزت دی مگر انہیں عزت راس نہ آئی۔
پہلے میاں صاحب کے نعرے لگاتے تھے آج یہ لوٹے بھٹو کے نعرے لگا رہے ہیں۔جو ن لیگ کے نہ ہو سکے،وہ پی پی پی کے کیسے ہونگے؟؟ بلاول بھٹو کو نئے لوٹے مبارک ہوں۔واضح رہے کہ پاکستان مسلم لیگ کے رہنما اور سابق وزیراعلیٰ بلوچستان نواب ثناءاللہ زہری اور سابق گورنر عبدالقادر بلوچ پاکستان پیپلز پارٹی میں شامل ہوگئے ہیں۔
(جاری ہے)

دونوں رہنماؤں نےکوئٹہ میں ایک تقریب کے دوران چیئرمین پیپلز پارٹی بلاول بھٹو زرداری کی قیادت میں پیپلزپارٹی میں شمولیت کا اعلان کیا۔

بلاول نے دونوں رہنماؤں کو پیپلز پارٹی میں شمولیت پر خوش آمدیدکہتے ہوئے دعوٰی کیا کہ پارٹی بلوچستان سمیت پورے ملک میں حکومت بنائےگی، ہم حکومت میں آکر صوبےکے مسائل کا حل بھی نکالیں گے۔اس موقع پر ثنااللہ زہری کا کہنا تھا کہ میرے والد نے ذوالفقارعلی بھٹوکے ساتھ مل کرکام کیا ہے، آج میں اپنے والد کی پارٹی میں جارہا ہوں، نواز شریف سے کہا تھا کہ ہمیں پنجاب سےعزت چاہیے لیکن ہمیں نواز شریف نے بےعزت کیا۔
ثنااللہ زہری کا کہنا تھا کہ ماضی میں تیسرے نمبر کی پارٹی کو وزیراعلیٰ کے لیے ترجیح دی گئی، ن لیگ کے 22 سے23 اراکین کے باوجود ہمیں حکومت بنانے نہیں دی گئی۔سابق گورنر بلوچستان عبدالقادر بلوچ نے پیپلز پارٹی میں باقاعدہ شمولیت کا اعلان کرتے ہوئےکہا کہ زرداری خاندان سے بہت پرانا رشتہ ہے، مسلم لیگ ن کو ہم نے خیر بادکہہ دیا،بلوچستان میں ن لیگ کی اب کوئی قد آور شخصیت نہیں ہے۔

کاروں کی فروخت میں گزشتہ مالی سال کے دوران 90 فیصد اضافہ ہوا ہے۔ٹاپ لائن سیکورٹیز کی رپورٹ کے مطابق گزشتہ مالی سال کے دوران گاڑیوں کی فروخت دو لاکھ 38 ہزار یونٹس تک بڑھ گئی جو مالی سال 2020 کے مقابلہ میں 90 فیصد زیادہ رہی ہے۔رپورٹ کے مطابق گزشتہ مالی سال کے دوران انڈس موٹرز کی سیلز میں 102 فیصد اضافہ ہوا ہے اور اس دوران فروخت کا حجم 57 ہزار 236 یونٹس تک بڑھ گیا جبکہ مالی سال 2020 میں کمپنی نے 28 ہزار 378 گاڑیاں فروخت کی تھیں۔
اس طرح مالی 2020 کے مقابلہ میں مالی سال 2021 میں انڈس موٹرز کمپنی کی سیلز میں 28 ہزار 858 یونٹس یعنی 102 فیصد اضافہ ریکارڈ کیا گیا ہے۔ہنڈا اٹلس کارز کی فروخت میں بھی گزشتہ مالی سال میں 79 فیصد اضافہ ہوا اور مالی سال 2020 کی 16 ہزار 390 یونٹس کی فروخت کے مقابلہ میں مالی سال 2021 کے دوران کمپنی کی فروخت 29 ہزار 291 یونٹس تک پہنچ گئی۔واضح رہے کہ مالی سال 2020 کے مقابلہ میں گزشتہ مالی سال 2021 کے دوران پاک سوزوکی موٹر کمپنی کی سیلز بھی 34 فیصد اضافہ سے 65 ہزار 815 یونٹس کے مقابلہ میں گذشتہ مالی سال میں 88 ہزار 32 یونٹس تک بڑھ گئی۔

امیر جماعت اسلامی کراچی حافظ نعیم الرحمن نے کہا ہے کہ صرف جماعت اسلامی ہی واحد جماعت ہے ، جو کراچی کے گھمبیر مسائل کے حل اور عوام کے جائز اور قانونی حقوق کے حصول کے لئے موثر اور توانا آواز بلند کر رہی ہے ۔ حکمران پارٹیاں ہی کراچی کو تباہ و برباد کرنے کی ذمہ دار ہیں ، جماعت اسلامی شہر کو تباہی و بربادی سے نکالنے اور تعمیر و ترقی کے لئے جدوجہد جاری رکھے گی ، وفاقی و صوبائی حکومتوں اور حکمران پارٹیوں کے کراچی دشمن اقدامات اور طرز عمل کو بے نقاب کرے گی ، یہ شہر ایک گل دستے کی طرح ہے اسے آباد رکھنے کے لئے جماعت اسلامی سب کو ساتھ لے کر چلے گی ۔
ان خیالات کا اظہار انہوں نے گزشتہ شب ضلع گلبرگ وسطی کے تحت مسجد قباء سے متصل گرائونڈفیڈرل بی ایریا میں بلدیاتی کنونشن سے خطاب کرتے ہوئے کیا ۔
کنونشن میں ضلع گلبرگ وسطی کی 20یونین کونسلز کے چیئر مین، وائس چیئر مین اور کونسلرز کا اعلان کیا گیا ، ان کو اسٹیج پر بلا کر حوصلہ افزائی اور کامیابی کے لئے دعا کی گئی اور ضروری ہدایات دی گئیں۔

کنونشن سے سندھ اسمبلی کے رکن و امیر ضلع جنوبی سید عبدالرشید ، نعمت اللہ خان کے دور میں سٹی کونسل کے سابق سینئر پیرازائیڈنگ آفیسر مسلم پرویز ، سابق ٹائون ناظم گلبرگ و امیر ضلع فاروق نعمت اللہ ، الیکشن سیل کے نگران خالد صدیقی اور سیکریٹری ضلع کامراج سراج نے بھی خطاب کیا ، جبکہ سید حسین مدنی نے درس حدیث پیش کیا ۔ شرکاء نے کنونشن میں قومی ترانہ بھی پڑھا ۔
حافظ نعیم الرحمن نے کہا کہ بدقسمتی سے کراچی کو اونر شپ نہیں ملی ، کوئی پارٹی اسے اون نہیں کرتی ، وفاقی و صوبائی حکومتیں ایم کیو ایم ، پیپلز پارٹی ۔ پی ٹی آئی ایک دوسرے پر الزامات تو لگاتی ہیں ، مگر اپنی نااہلی اور ذمہ د اری تسلیم نہیں کرتیں ، ان کے دائرہ اختیار اور دستیاب وسائل کے تحت ہی اگر شہر میں ترقی و تعمیر کے اقدامات ہوتے تو حالات اتنے ابتر نہ ہوتے جو آج ہیں ، 162ارب ، 11سو ارب کے پیکیجز کے اعلانات تو بہت کئے گئے تھے ، لیکن شہر میں چند ارب روپے بھی خرچ نہیں کیے گئے ، کراچی ملک میں سب سے زیادہ ٹیکس اور ریونیو جمع کراتا ہے ، لیکن اس کے بدلے اسے کچھ بھی نہیں ملتا ، گزشتہ سال قومی بجٹ میں 650ارب کے ترقیاتی بجٹ میں کراچی کے لئے صرف 18ارب اور موجودہ بجٹ میں بھی 900ارب میں سے صرف اٹھارہ ارب روپے مختص کیے گئے اور وہ بھی پورے خرچ نہیں کیے جاتے ، جعلی مردم شماری میں ہماری آدھی آبادی غائب کروائی گئی ، کوٹہ سسٹم میں غیر معینہ مدت تک اضافہ کرکے ہماری حق تلفی کی گئی ، کے الیکٹرک کی لوٹ مار اور مسائل ، یہ سب تو وفاق کے ماتحت ادارے ہیں اور ایم کیو ایم اور پی ٹی آئی اس کی براہ راست ذمہ دار ہیں ، پیپلز پارٹی 10سال سے سندھ پر مسلط ہے ، کراچی دشمنی اس کے ضمیر کا حصہ ہے ، اس نے بھی کراچی کو کھانے کمانے اور مال بنانے کا ذریعہ تو بنایا ہوا ہے ، لیکن کچھ دینے اور شہر پر لگانے کوتیار نہیں ، اب اپنا پارٹی ایڈمنسٹریٹر لگا کر مزید قبضہ اور لوٹنے کا کام جاری ہے ، جماعت اسلامی ان سب کو ایکسپوز کرے گی ، جماعت اسلامی ہی شہر کی حقیقی قیادت ہے ،یہی شہر کو ترقی دے سکتی ہے اور مسائل حل کرسکتی ہے ۔

سربراہ پاکستان سنی تحریک محمد ثروت اعجاز قادری نے اپنی رہائش گاہ قادری ہاس پر جشن آزادی کے سلسلے میں قومی پرچم لہر اکر جشن آزادی منانے کے آغاز کردیا،شجر کاری مہم کے سلسلے میں معزز مہمانوں کے ہمراہ پودے لگائے گئے اس پر وقار تقریب میں تاجر رہنماں،پولیس افسران،ڈاکٹر ز اور دانشوروں نے کی شرکت کی پرچم کشائی کی تقریب کے بعد سربراہ پاکستان سنی تحریک محمد ثروت اعجاز قادری نے کہا کہ پاکستان کا یوم آزادی ماہ محرم کی آمد پر انتہائی احترام سے منارہے ہیں،پاکستان ہماری شان اور آن ہے یہاں اقلیت کے حقوق کو بھی ہم قدر کی نگاہ سے دیکھتے ہیں اس بار جشن آزادی کو شجرکاری مہم سے منصوب کرکے ملک کو سرسبز وشاداب بنانے کا عہد اور کشمیریوں سے اظہار یکجہتی کرتے ہیں،انہوں کا مزید کہنا تھا کہ ماہ محرم الحرام عقیدت واحترام سے منائینگے یکم محرم الحرام کو یوم شہادت سیدنا عمر فاروق ملک بھر میں منائینگے جبکہ محرم الحرام کا پہلا عشرہ شہدائے کربلاسیدنا امام حسین اور ان کے رفقا کی قربانیوں کو خراج عقیدت پیش اور اہل بیت اطہار سے محب کے فضائل اجاگر رکرینگے،انہوں نے کہا کہ قرآن پاک اور اہل بیت سے محبت گمراہ ہونے سے بچاتی ہے،صحابہ کرام کی عزت وحرمت کا تحفظ کرنا ہر مسلمان کا ایمانی فرض ہے انہوں کا کہنا تھا کہ پاکستان ریاست مدینہ کے بعد دنیا کی واحد ریاست ہے جس کی بنیاد کلمہ طیبہ پر رکھی گئی،پاکستان اسلام کا قلعہ ہے ملک میں نظام مصطفی کے نفاذ کیلئے جدوجہد کرتے رہینگے ش،شجر کاری مہم اور پرچم کشائی کی خوبصورت تقریب کے انعقاد پر کارکنوں کی ملک سے ولولہ انگیز محبت وجوش پر خراج تحسین پیش کرتا ہوں،پاکستان بھر میں پی ایس ٹی کے تحت شجرکاری مہم پرچم کشائی اور ریلیوں کا سلسلہ شروع ہوچکا ہے،انہوں کہا کہ ہمارے شہدا کی قربانیاں کسی طور بھی رائیگاں نہیں جائیں گی یوم آزادی کے موقع پر شہدا پاکستان،پاک فوج ورینجرز اور پولیس کے شہدا کے ساتھ سول سوسائٹی کے شہدا کو سلام عقیدت پیش کرتے ہیں،ملک سے انتہا پسندی ودہشتگردی کا مکمل خاتمہ کرکے دم لینگے،پاکستان کو اسلامی ریاست بنانے کیلئے قائد اعظم کے تصور کو عمی جامہ پہنانے کیلئے تمام مذہبی وسیاسی اکائیاں کردار ادا کریں،شجرکاری مہم اور پرچم کشائی کی تقریب میں مذہبی وروحانی اسکالر علامہ سید محمد علی شاہ،کراچی کے تاجر رہنماں شرجیل گوپلانی،جمیل احمد پراچہ،عبدالرحمن خان،اسماعیل لالپوریہ ایس پی نیو کراچی تاج الدین ودیگر معززین ڈاکٹر فرید الدین،ڈاکٹر شکیل اختر،زہرا حسن،ظفرملٹی ودیگر نے شرکت کی اس موقع پر مرکزی رابطہ کمیٹی کے ارکان فہیم الدین شیخ،محمد آفتاب قادری،محمد طیب قادری ودیگر موجود تھے،اس موقع پر روحانی مذہبی اسکالر سید محمد علی شاہ نے کہا کہ ہمارا ایک ہی مقصد ہے کہ وطن عزیز کو سرسبز وشاداب بنانا ہیپودا لگانا ہے درخت بنانا ہے پاکستان کو گرین کرنا ہے ہر پاکستانی آگے بڑھے اور پاکستان کی ترقی میں اپنا حصہ ڈالے،اس موقع پر تاجر رہنما شرجیل گوپلانی نے کہا کہ آج ہم یہ عہد کرتے ہیں ملک کی ترقی میں جو ہمارا کردار ہے وہ ہم ادا کرتے رہینگے،72سالوں سے تاجرابرادری ملک کی ترقی کیلئے کردار ادا کررہی ہے ٹمبر مارکیٹ میں بھی شجر کاری کی مہم چل رہی ہے پاکستان مضبوط ہے اور انشا اللہ مضبوط رہے گا،اس موقع پر میڈیا سے گفتگو کرتے ہوئے تاجر رہنما جمیل احمد پراچہ نے کہا کہ پودے لگا کر کراچی اور ملک کو گرین بناکر اس کی شان بڑھانی ہے قومی پرچم کے سائے تلے ہم اایک ہیں جب بھی کسی نے ہمیں اس پرچم کے سائے تلے آواز دی تو ہم موجود ہونگے،پاکستان کو معاشی طور پر بھی مستحکم دیکھنا چاہتے ہیں حکومت معاشی پالیسیوں مین تاجروں کی مشاورت کو بھی یقینی بنائے،اس موقع پر میڈیاسے گفتگو کرتے ہوئے،ایس پی نیو کراچی تاج الدین نے کہا کہ جشن آزادی کے حوالے سے ہونیوالی تقریبات ملک سے محبت کی علامت ہے جشن آزادی کی جو تقریبات پہلے رات میں ہوتی تھی وہ ابھی دن میں ہورہی ہیں عوام میں ملک سے محبت بے انتہا ہے،عوام گلی محلوں کا صافف ستھرا رکھیں قومی پرچم لگائیں قومی پرچم ہماری پہچان ہے اور یہ جھنڈا انشا اللہ ہمیشہ اونچا رہے گا۔

کراچی تاجر الائنس کے چیئر مین ایازمیمن موتی والا نے رحیم یار خان کے علاقے بھونگ میں واقع گینش مندر پر حملہ کرنے والوں کی خلاف سخت قانونی کاروائی کا مطالبہ کرتے ہوئے کہا ہے کہ اس واقعے نے ہمارے سر شرم سے جھکا دیئے ہیں، مندر پر حملہ پولیس اور انتظامیہ کی غفلت کا منہ بولتا ثبوت ہے،گینش مندر کے آس پاس ستر سے زائد ہندو گھرانے آباد ہیں جن کو تحفظ فراہم کرنا حکومت وقت کی ذمہ داری ہے ہمار ا آئین اور قانون تمام اقلیتوں کے تحفظ کا حکم دیتا ہے، ان خیالات کا اظہار انہوں اپنی رہائشگا ہ سے جاری کردہ بیان میں کیا، ایاز میمن موتی والا نے کہا کہ اس واقعے کے بعد پوری دنیا میں پاکستان کا امیج خراب ہوا ہے، اس میں کوئی شک نہیں کہ پاکستان میں اقلیتوں کو مکمل تحفظ حاصل ہے اور یہ واقعے دشمن اور شر پسند عناصر کی سازش ہے ، دشمن پاکستان کو بدنام کرنے کے لیئے کسی بھی حد تک جا سکتا ہے ، انہوں نے کہا کہ پنجاب میں بیوروکریسی صرف تنخواہیںاور مراعا ت لے رہی ہے پولیس اگر اپنا کام پوری ذمہ داری کیساتھ کرے تو ایسے واقعات ہو ہی نہیں سکتے، تین دن گزرنے کے باوجو د پولیس کسی بھی ملزم کو گرفتار کرنے میں ناکام رہی ہے اور اس معاملے پر پولیس کے اعلیٰ افسران کی شرمندگی ان کی پیشہ وارانہ کارکردگی پر سوالیہ نشان ہے، انہوں نے کہا کہ گینیش مندر کو نذرآتش کرنا ہندو برادری کے ساتھ زیادتی ہے ایسے واقعات سے ملک میں رہنے والی اقلیتوں میں عدم تحفظ کا احساس جنم لیگا، جو کہ مستقبل میں زیادہ مسائل پیدا کریگا، پاکستان کے پرچم میں موجود دونوں رنگوں کی حرمت ہم پر فرض ہے اگر ریاست کی رٹ قائم ہوتی تو ایسے شر پھیلانے والے واقعات نہ ہوتے، ریاست مدینہ کے دعویداروں کے دور حکومت میں ہونے والے واقعات کی ماضی میں مثال نہیں ملتی ، انہوں نے مزید کہا کہ کسی دوسرے مذہب کی عبادت گاہوں کی بے حرمتی اسلام کی تعلیمات کے یکسر منافی ہیں، مذہبی منافرت پھیلانے اور اقلیتوں کے خلاف اکسانے والوں کیخلاف بلا تفریق کاروائی کی جائے ہندو مندر کا واقعہ قابل مذمت اور افسوسنا ک ہے۔