Category: قصور

قصور
منشیات فروش رنگے ہاتھوں گرفتار

تفصیلات کے مطابق قصور کی تحصیل چونیاں کے شہر کنگن پور میں
بدنام زمانہ ریکارڈ یافتہ منشیات فروش طفیل عرف طوطی ڈوگر 1245 گرام چرس سمیت گرفتار ہوا ہے
ایس ایچ او تھانہ کنگن پور عابد محمود چھینہ نے میڈیا نمائندوں سے بات کرتے ہوئے بتایا کہملزم طفیل عرف طوطی عرصہ دراز سے منشیات فروشی کے دھندہ میں ملوث تھا جس کے سبب علاقہ کے ہزاروں نوجوانوں کی زندگیاں نشہ کی لت کے سبب برباد ہو گئیں
ملزم کی گرفتاری پر اہل علاقہ نے سکھ کا سانس لیا ھے اور اس سے قبل بھی علاقہ کے کئی منشیات فروشوں کو رنگے ھاتھوں گرفتار کیا گیا

علاقہ کو منشیات فروشوں سے پاک کرنے کا مشن جاری ھے اور جرائم پیشہ عناصر کے خلاف بلا امتیاز سخت کارروائیاں جاری رھیں گیں

قصور
مغوی،گم شدہ 35 سالہ عورت کی تلاش جاری،تھانہ صدر قصور نے ڈی پی او قصور و ہائیکورٹ لاہور کے حکم پہ تلاش کا عمل تیز کر دیا

تفصیلات کے مطابق مورخہ 10/10/22 کو سعید آباد کالونی پیرو والہ روڈ قصور پہ عارضی سکونت اختیار کئے مہوش بی بی دختر غلام میراں لاپتہ ہوئی جس کی تلاش کی گئی مگر پتہ نا چلا کہ مذکورہ عورت اغواء ہوئی ہے کہ گم
مذکورہ عورت کوٹ عبدالمالک ضلع شیخوپورہ کی رہائشی ہے اور قصور میں عارضی مقیم تھی ورثا نے ہائیکورٹ لاہور میں کیس دائر کیا جس کے تحت لاہور ہائیکورٹ نے ڈی پی او قصور و تھانہ صدر قصور کو تحریری حکم جاری کیا کہ تمام ریکارڈ چیک کئے جائیں اور عورت کی برآمدگی کو یقینی بنایا جائے
تھانہ صدر قصور نے مذکورہ عورت کی تلاش شروع کر دی ہے

قصور
اپنی زندگیوں کو خطرے میں ڈال کر امانت داری سے کام کرنے والے پولیس افسران و اہلکاران کی حوصلہ افزائی کا سلسلہ مستقل بنیادوں پہ جاری رکھا جائے گا، ڈی پی قصور کی طرف سے ایس ایچ اوز میں نقد انعامات و تعریفی سرٹیفکیٹ تقسیم

تفصیلات کے مطابق ڈسٹرکٹ پولیس آفیسر قصور سید عمران کرامت بخاری و ایس پی انویسٹیگیشن خالد محمود تبسم نے ماہ اکتوبر کی کارکردگی پہ ضلع بھر کے
پولیس اہلکاروں میں نقدی انعامات و تعریفی سرٹیفکیٹ تقسیم کئے
ڈی پی او قصور نے کہا کہ اپنی زندگیوں کو خطرے میں ڈال کر پوری ذمہ داری و امانت داری سے کام کرنے والے پولیس افسران و اہلکاران کی حوصلہ افزائی کا سلسلہ مستقل بنیادوں پہ جاری رہے گا
ماہ اکتوبر میں ڈسٹرکٹ پولیس نے 61 ڈاکوؤں سمیت 941 جرائم پیشہ عناصر کو گرفتار کیا اور اور کروڑوں روپیہ کا مال مسروقہ برآمد کیا
ضلع بھر سے سات ایس ایچ اوز کو بہترین کارکردگی پہ انعامات سے نوازا گیا
بہترین ایس ایچ اوز میں میاں جسیم،ک طارق،امجد ڈوگر،عاطف نزیر،ڈاکٹر ذوالفقار ،وحید عارف اور ادریس چڈھر شامل ہیں

قصور
کھڈیاں کے علاقہ میں چند دن قبل 12 سالہ معصوم لڑکے کے اندھے قتل کا معاملہ حل، سفاک ملزم گرفتار کر لیا گیا

تفصیلات کے مطابق قصور کے نواحی علاقے کھڈیاں میں 5 روز قبل نواحی گاؤں ڈھولن میں 12 سالہ آصف کی کھیتوں سے نعش ملی جس کی اطلاع پا کر ڈی پی او سید عمران کرامت بخاری،ایس پی انویسٹیگیشن خالد محمود اور مقامی پولیس فوری موقعہ پر پہنچی اور جائے وقوعہ سے شواہد اکٹھے کرنے کیلئے فرانزک ٹیموں اور کرائم سین یونٹ کو موقعہ پر طلب کیا گیا تاکہ نامعلوم ملزمان کی گرفتاری عمل میں لائی جائے
اس سارے کام کیلئے ایس پی انویسٹیگیشن کی سربراہی میں تین سپیشل ٹیمیں تشکیل دی گئیں اور انہی پولیس ٹیموں کی تین دن کی مسلسل محنت کے بعد مقتول آصف کے قاتل ملزم شہزاد کو گرفتار کر لیا گیا ہے جس نے اعتراف جرم کیا ہے کہ اس نے 12 سالہ آصف کو بدفعلی کے انکار پہ قتل کیا تھا
پولیس مذید تفتیش کر رہی ہے

قصور
شہر قصور و گردونواح میں سموگ کا راج،آنکھوں،جلد و گلہ کی بیماریاں عام،عوام پریشان

تفصیلات کے مطابق قصور شہر اور گردونواح میں سموگ کا راج ہو چکا ہے جس کے باعث لوگ گلہ،جلد و آنکھوں کی بیماریوں کا شکار ہو رہے ہیں
گورنمنٹ نے کسانوں پہ دھان کی باقیات جلانے پہ پابندی تو لگا دی مگر دھواں چھوڑتی گاڑیوں,زہر آلود دھواں چھوڑنے والی فیکٹریوں ،کارخانوں و گاڑیوں کو پابند نہیں کیا گیا جس کے باعث ماحولیاتی آلودگی بڑھ رہی ہے اور سموگ پیدا ہونے سے لوگ مختلف بیماریوں کا شکار ہو رہے ہیں
شہر قصور میں اگر گاڑیوں کو چیک کیا جائے تو پبلک ٹرانسپورٹ و نجی گاڑیاں تو ایک طرف خود سرکار کی گاڑیاں بشمول پولیس و دیگر اداروں کی گاڑیاں تک خرابی کے باعث زہریلا دھواں چھوڑ رہی ہیں جس سے سموگ پیدا ہو رہی ہے

شہریوں نے ڈپٹی کمشنر قصور سے مطالبہ کیا ہے کہ سموگ کو بڑھنے سے روکنے کیلئے اقدامات کئے جائیں تاکہ لوگ بیماریوں سے بچ سکیں

قصور
سنیئر صحافی چوہدری مشتاق پر قاتلانہ حملہ کی مذمت کرتے ہیں، محمد عمران سلفی ،ملزمان کے خلاف دہشت گردی ایکٹ کے تحت مقدمہ درج کرکے انہیں فوری گرفتار کیا جائے، مطالبہ

تفصیلات کے مطابق الہ آباد کے سنیئر صحافی مشتاق چوہدری پر دن دہاڑے غنڈا گرد عناصر کی طرف سے قاتلانہ حملہ پر پریس کلب مصطفی آباد للیانی رجسٹرڈ، یونین آف جرنلسٹ، ایمرا جرنلسٹ فرینڈ گروپ قصور، الیکٹرونک میڈیا مصطفی آباد کا ہنگامی اجلاس صدر پریس کلب محمد عمران سلفی کی زیر صدارت منعقد ہوا، اجلاس میں غنڈا گرد عناصر کے خلاف اپنے قلم سے جہاد کرنے پر قاتلانہ حملہ کیا گیا، قاتلانہ حملہ کرکے غنڈا گرد عناصر نے ثابت کر دیا کہ مشتاق چوہدری جو کچھ لکھ رہا تھا وہ حقیقت پر مبنی تھا ، اس واقع پر پریس کلب مصطفی آباد سمیت ضلع بھر کے صحافی سراپہ احتجاج ہیں، دن دہاڑے قاتلانہ حملہ قصور پولیس کی کارگردگی پر سوالیہ نشان ہے، ہم آئی جی پنجاب، وزیر اعلی پنجاب، آر پی او شیخوپورہ رینج ودیگر اعلی حکام سے مطالبہ کرتے ہیں کہ ملزمان کو جلد ازجلد مقدمہ درج کرکے حوالات میں بند کیا جائے ، اس واقع کی وجہ سے ضلع بھر کے صحافیوں میں شدید بے چینی پائی جا رہی ہے،دن دہاڑے قاتلانہ حملہ کرنے والے با اثر ملزمان کو با اثر شخصیات کی پشت پناہی حاصل ہے جس کی وجہ سے پولیس تا حال خاموش تماشائی بنی ہوئی ہے، ہنگامی اجلاس میں جزل سیکرٹری سہیل قمر سندھو، سرپرست اعلی ڈاکٹر اصغر علی شہزاد ،چیئرمین بابا طارق مقبول ،چیئرمین سپریم کونسل ملک محمد اقبال،سنیئر نائب صدر سیٹھ محمد حسین ، زرار علی خاں صدر یونین آف جرنلسٹ، ارشد علی شامی صدر الیکٹرونک میڈیا،شاہد عمر، عمر حیات خاں، محمد طاہر میو ، محمد جمیل سندھو، مہر مراد علی ایڈووکیٹ، عبدالقیوم ،ناصر سندھو ، چوہدری اشتیاق ،محمد اکمل کھوکھر، جمشید رشید میو،الیاس ملک ، واحد ملک، محمد جمیل رحمانی ، ارشد علی جوئیہ، رانا توقیر احمد، ملک اصغرعلی ، عبدالمنان سلفی، مہر علی مہران، حافظ محمد طاہر اقبال، حاجی عبدالقادر ، آصف امین، عمر شاہین، مہر صداقت علی ، عادل نعمان مہر ودیگر صحافیوں نے ہنگامی بنیادوں پر کاروائی کا مطالبہ کیا۔
٭٭٭٭٭٭٭٭٭٭٭

قصور
مونجی کی باقیات کو آگ لگانے سے سموگ کے بڑھنے کا خدشہ،باقیات کو آگ لگانے پہ 50 ہزار جرمانہ اور دو سال قید،مساجدوں میں اعلانات

تفصیلات کے مطابق ملک بھر کی طرح قصور میں بھی مونجی ( دھان) کی کٹائی جاری ہے
مونجی کی کٹائی کے بعد بچ جانے والی باقیات کو آگ لگانے سے اٹھنے والے دھوئیں سے سموگ میں اضافے کا خدشہ ہے اور اسی کے پیش نظر ضلعی انتظامیہ نے کسانوں کو خبر دار کیا ہے کہ اگر کسی نے مونجی کی باقیات کو آگ لگائی تو اس کے خلاف پرچہ کاٹا جائے گا جس سے 50 ہزار جرمانہ اور دو سال تک کی قید کا سامنا کرنا پڑ سکتا ہے
ضلعی انتظامیہ اور محکمہ زراعت کی طرف سے گاؤں گاؤں جا کر اعلانات کئے جا رہے ہیں کہ مونجی کی باقیات کو آگ نا لگائی جائے تاکہ سموگ کو بڑھنے سے روکا جا سکے
نیز پٹواری صاحبان کو بھی متحرک کیا گیا ہے اور خلاف ورزی کرنے والوں کے خلاف کاروائی کا حکم دیا گیا ہے

قصور
تھانہ صدر پتوکی پولیس کی کاروائی،قصور پولیس کے شہید اے ایس آئی محمد رفیق کا قاتل گرفتار،ناجائز اسلحہ و چرس برآمد

تفصیلات کے مطابق قصور کے تھانہ صدر پتوکی کے ایس ایچ او طارق محمود کی سربراہی میں پولیس ٹیم نے کامیاب کاروائی میں تھانہ سرائے مغل کی چوکی کے اے ایس آئی محمد رفیق کو شہید کرنے والا انتہائی مطلوب اشتہاری ملزم گرفتار کر لیا
ملزم وارث نے کچھ عرصہ قبل اے ایس آئی محمد رفیق کو شہید کر دیا تھا اور اشتہاری تھا
دوران مفروری ملزم وارداتیں کرتا رہا اور منشیات فروشی بھی کرتا رہا
ملزم کے قبضہ سے 3 کلوگرام چرس بھی برآمد کی گئی ہے
ملزم وارث تھانہ سٹی پتوکی،تھانہ صدر پتوکی،تھانہ مصطفی آباد،تھانہ سرائے مغل،تھانہ الہ آباد کو درجنوں وارداتوں میں مطلوب تھا

قصور
ڈینگی سکواڈ غیر فعال،قوم کا لاکھوں ماہانہ خرچ کرنے والا سکواڈ کئی ماہ سے مچھر مار سپرے نا کر سکا،پورے شہر میں ڈینگی مچھروں کی پروازیں

تفصیلات کے مطابق ڈینگی سکواڈ قصور لاکھوں روپیہ ماہانہ قوم کا کھا کر ڈکار بھی نہیں رہا
سارا کام خاموشی سے کئے جا رہا ہے
عرصہ دراز سے ڈینگی سکواڈ قصور کی طرف سے مچھر مار سپرے نہیں کی گئی جس کے باعث مچھروں کی افزائشِ نسل بہت تیزی سے بڑھ رہی ہے خاص کر ڈینگی مچھر کی بہتات ہو رہی ہے اور قصور شہر و قرب و جوار میں ڈینگی مچھروں کی پروازیں دیکھی جا رہی ہیں
ڈینگی سکواڈ قصور نے محض گلی محلوں میں اعلانات اور سیمینارز کروا لینا ہی اپنا اصل کام سمجھ لیا ہے اور عملی کچھ نا کرنے کی قسم کھا لی ہے جس کے باعث درجنوں لوگ ڈینگی کا شکار ہو کر ہسپتال میں پڑے ہیں
شہریوں نے ڈپٹی کمشنر قصور سے ازخود نوٹس لے کر کاروائی کا مطالبہ کیا ہے