Category: قصور

قصور
مقامی صحافی ڈسٹرکٹ رپورٹر باغی ٹی وی قصور عبدالغفار ریاض ( جرار شاکر) کی دعوت ولیمہ میں سول سوسائٹی و صحافی برادری تحریک اللہ اکبر اور عوام دوست اتحاد کے عہدیداران کی شرکت،صحافی کو شادی کی مبارکباد

تفصیلات کے مطابق گزشتہ دن مقامی صحافی ڈسٹرکٹ رپورٹر باغی ٹی وی قصور عبدالغفار ریاض ( جرار شاکر) کی دعوت ولیمہ کی تقریب المکہ سٹی اڈا نور پور نہر ہوئی
جس میں سول سوسائٹی و صحافی برادری کے علاوہ عوام دوست اتحاد قصور اور تحریک اللہ اکبر پاکستان کے عہدیداران نے بھی شرکت کی
دعوت ولیمہ کے موقع پر کالم نگار و ڈسٹرکٹ رپورٹر باغی ٹی وی قصور غنی محمود قصوری،عبدالستار شیر محمد،سماجی کارکن حماد اسماعیل یزدانی،ابتسام الہی ظہیر،احسن جمال،حافظ بلال،علامہ احسان اکبر ظہیری،اللہ اکبر تحریک پاکستان پی پی 176 یوتھ ونگ کے چئیرمین عمر مغل ،عبداللہ طاہر،محمد نوید،محمد یوسف سلفی،ساجد مقبول و دیگر نے شرکت کی
شرکاء نے صحافی کو شادی کی مبارکباد پیش کی اور نیک تمناؤں کا اظہار کیا

قصور
ڈسٹرکٹ پریس کلب قصور کا کرناٹک میں حجاب پر پابندی پر اظہار افسوس اور ظالموں کے سامنے کلمہ حق کہنے والی مسکان خان کو داد تحسین

تفصیلات کے مطابق ڈسٹرکٹ پریس کلب قصور کے بانی سردار شریف سوہڈل،ڈاکٹر فضل رحیم،ڈسٹرکٹ پریذیڈنٹ ظفر اقبال چوہدری،فنانس سیکریٹری سید عابد حسین شاہ بخاری،سیکریٹری جنرل سید تنویر حسین شاہ،ڈسٹرکٹ وائس پریزیڈنٹ رانا عدنان خان بوبی،کونسل ممبران غنی محمود قصوری،سردار سعید سوہڈل،محمد غلام رسول،ڈاکٹر ظفر اقبال،ڈاکٹر آصف حنیف،عامر تقوی،ماجد فاروق انجم،عبدالرحمن وہابی،فیض ملک,عرفان سندھو،حافظ شریف اشرف،عمران نجفی،حسن نظامی،اکرم شہکی،کامران اشرف و ڈسٹرکٹ پریس کلب کے 500 ممبران نے اپنا مشترکہ مذمتی بیان جاری کرتے ہوا کہا کہ انڈین کرناٹک گورنمنٹ کی طرف سے حجاب پر پابندی لگانا انتہائی افسوسناک اور قابل مذمت ہے جس کی جتنی مذمت کی جائے اتنی ہی کم ہے
ممبران نے مطالبہ کیا کہ انٹرنیشنل لیول پر اس مسئلہ کو اٹھایا جائے اور حجاب پر لگائی گئی اس پابندی کو ختم کروایا جائے کیونکہ حجاب نا صرف مسلمانوں کی ایک رسم ہے بلکہ ایک عبادت بھی ہے
نیز ہندو انتہاہ پسندوں کے سامنے کلمہ حق بیان کرنے والی مسلم طالبہ مسکان خان کو داد تحسین پیش کی گئی

قصور
بلہے شاہ پیکجز قصور میں بدھ کی شام لگنے والی آگ پر قابو پا لیا گیا،ڈی جی ریسکیو پنجاب ڈاکٹر رضوان نصیر ، ڈسٹرکٹ آفیسر ریسکیو قصور انجینئر سلطان محمود نے خود نگرانی کی،علاقہ کلئیر

تفصیلات کے مطابق قصور میں ایشیاء کی سب سے بڑی مل بلہے شاہ پیکجز مل قصور میں بدھ کی شام کو لگنے والی شدید آگ پر قابو پا لیا گیا ہے
ریسکیو 1122 کے فائر فائٹرز نے بڑی محنت اور لگن سے اپنی جان خطرے میں ڈال کر بڑے منظم طریقے سے مل کے ڈیزل سٹور اور ایل پی جی لائین کو محفوظ کیا اور آگ کو مذید پھیلنے سے روکا خدانخواستہ اگر آگ ڈیزل سٹور یا ایل پی جی لائن کو پکڑ لیتی تو بہت بڑی تباہی کا سامنا کرنا پڑنا تھا
اس سارے ریسکیو آپریشن کی نگرانی ڈی جی ریسکیو پنجاب ڈاکٹر رضوان نصیر اور ڈسٹرکٹ آفیسر ریسکیو 1122 قصور انجینئر سلطان محمود نے خود کی ریسکیو آپریشن کے دوران ضلعی انتظامیہ اور دیگر رفاعی فلاحی تنظیمیں بھی موجود رہیں
فائر فائٹننگ کے بعد اب کولنگ کا عمل تاحال جاری ہے تاہم پورا علاقہ خطرے سے پاک ہو گیا ہے

قصور
براعظم ایشیاء کی سب سے بڑی مل بلہے شاہ پیکجز بمقام حویلی پھاڑیانولی حدود تھانہ تھ شیخم میں گزشتہ شام لگنے والی آگ تاحال برقرار،2 افراد کے جھلس کر فوت ہونے کی اطلاع،دیگر درجنوں ملازم مذید جھلسنے کی بھی اطلاع،ریسکیو آپریشن جاری،تحریک اللہ اکبر پاکستان سٹی قصور کے کارکنان بھی ریسکیو آپریشن میں پیش پیش

تفصیلات کے مطابق قصور کے علاقےحویلی پھاڑیانولی حدود تھانہ تھ شیخم میں واقع براعظم ایشیاء کی سب سے بڑی مل بلہے شاہ پیکجز مل میں کل شام ساڑھے چھ بجے کے قریب وئیر ہاؤس نمبر 1_2_3 میں شدید آگ بھڑک اٹھی
آگ لگنے کی وجہ وئیر ہاؤس کا خراب لفٹر بنا جسے مرمت کرکے اسٹارٹ کیا گیا تو لفٹر کو آگ لگنے سے وئیر ہاؤس کے شیڈ کو آگ لگ گئی جس سے وئیر ہاؤس میں پڑے سلنڈر پھٹ گئے اور دیکھتے ہی دیکھتے آگ نے شدت اختیار کر لی جسے کئی میلوں دور سے بھی دیکھا گیا
اطلاع پا کر ریسکیو 1122 کی گاڑیاں اور ضلعی انتظامیہ موقع پر پہنچ گئی نیز دیگر این جی اوز بھی آگ بجھانے کا کام کر رہی ہیں جن میں تحریک اللہ اکبر پاکستان سٹی قصور کے کارکنان پیش پیش ہیں
آگ لگنے کے وقت مل میں ہزاروں ملازمین موجود تھے
باوثوق ذرائع سے جھلس کر دو افراد کے جانبحق ہونے کی اطلاع ہے جن میں سے ایک کا تعلق کوٹ رادھا کشن اور دوسرے کا تعلق لاہور سے ہے
نیز درجنوں مذید افراد بھی جھلس گئے ہیں
آگ کی شدت کچھ کم ہوئی ہے تاہم آگ پر ابھی تک قابو نہیں پایا جا سکا اور معتبر ذرائع کا کہنا ہے کہ یہ آگ اگلے دو روز تک بمشکل کنٹرول کی جا سکے گی