Category: قصور

قصور
تحصیل کوٹ رادھا کشن میں کوٹ رادھاکشن بلڈ ڈونرز سوسائٹی کے زیر اہتمام بلڈ ڈونیشن کیمپ لگایا گیا ،درجنوں لوگوں نے خون عطیہ کیا،خون عطیہ کرنے کے فوائد اجاگر کئے گئے

تفصیلات کے مطابق قصور کی تحصیل کوٹ رادھا کشن میں کوٹ رادھاکشن بلڈ ڈونرز سوسائٹی کے زیر اہتمام ایک روزہ بلڈ ڈونیشن کیمپ کا انعقاد کیا گیا جس میں درجنوں لوگوں نے خون عطیہ کیا اور 50 سے زائد بوتل خون عطیہ کیا

کوٹ رادھا کشن بلڈ ڈونرز سوسائٹی عرصہ دراز سے لوگوں کو مفت خون مہیا کر رہی ہے اور مستحق مریضوں کو خود جا کر خون مہیا کرتی ہے
بلڈ ڈونرز سوسائٹی کے سینئیر عہدیداروں محمد آصف جٹ،محسن عبداللہ قصوری نے زیادہ سے زیادہ لوگوں کو خون عطیہ کرنے کی اپیل کی اور کہا کہ شہری زیادہ سے زیادہ خون عطیہ کریں تاکہ لوگوں کی زندگیاں بچائی جا سکیں کیونکہ فرمان الہی ہے جس نے ایک انسان کی جان بچائی گویا اس نے ساری انسانیت کو بچایا

ڈونرز سوسائٹی کی طرف سے خون عطیہ کرنے کے فوائد بارے لوگوں کو معلومات بھی دی گئیں
شہریوں نے کوٹ رادھا کشن بلڈ ڈونرز سوسائٹی کے کام کو سراہا اور مذید تعاون کی یقین دہانی کروائی

قصور
تمام سیاسی و مذہبی جماعتیں مظلوم کشمیریوں سے اظہار یکجہتی کیلئے کل ضلع بھر میں مشترکہ پروگرام کرینگے، بھارت کی طرف سے کشمیر کی خصوصی حیثیت ختم کئے 914 دن ہو گئے

تفصیلات کے مطابق قصور ضلع بھر میں یوم یکجہتی کشمیر 5 فروری بھرپور طریقے سے منایا جائے گا
ضلع بھر کی تمام سیاسی و مذہبی تنظیمیں ایک ہو کر پورے ضلع میں کشمیریوں کے حقوق کیلئے بھارت کے خلاف پروگرام کرینگی
قصور،نور پور،الہ آباد کھڈیاں،پتوکی،چونیاں،کوٹ رادہاکشن،پھولنگر،کنگن پور و دیگر ضلع بھر کے تمام گاؤں دیہات،قصبوں و شہروں میں تمام جماعتیں یک جان ہو کر کشمیریوں سے اظہار یکجہتی کرینگی
پورے ضلع بھر میں کشمیریوں کی حمایت پر مبنی بینرز لگ گئے ہیں جس میں بھارت کی فوجوں کی واپسی اور مقبوضہ کشمیر کی خصوصی حیثیت کی بحالی کا مطالبہ کیا گیا ہے
واضع رہے کہ بھارت کی طرف سے ریاست مقبوضہ کشمیر کی خصوصی حیثیت کو ختم کرتے ہوئے آرٹیکل 370 اے کو 5 اگست 2019 کو منسوخ کیا گیا تھا

قصور
‏پٹرول ڈالنے والی مشینوں میں مقدار کو ریموٹ کنٹرول سے کم کیا جانے والا آلہ شرقپور میں پکڑا گیا،قصور میں بھی کاراوئیاں کی جائیں تو سینکڑوں پیٹرول پمپوں سے یہ آلے برآمد ہونگے، شہریوں کی ڈی سی قصور سے پیٹرول پمپوں کی خفیہ نگرانی کروانے کا مطالبہ
تفصیلات کے مطابق پرائس کنٹرول مجسٹریٹ شرقپور شریف نے کاروائی کے دوران پیٹرول پمپ سے سیل مین سے ریموٹ کنٹرول آلہ برآمد کیا جو پیٹرول پمپ کی مشین کو کنٹرول کرتا تھا
جیب میں رکھے ریموٹ سے پیٹرول و ڈیزل کی مقدار پوری و کم کی جا سکتی ہے
چیکنگ آفیسر نے یہ اعلی گزشتہ دنوں خفیہ اطلاع پر حراست میں لیا اور پیٹرول پمپ کے خلاف کارروائی کی
ضلع قصور کے بیشتر پمپوں پر بھی شہریوں نے پیٹرول کی کم مقدار کے ملنے کی متعدد بار شکایات کی ہیں
یقیناً یہ طریقہ کار قصور میں بھی آزمایا جا رہا ہے اور لوگوں کو لوٹا جا رہا ہے جس پر شہریوں نے ڈپٹی کمشنر قصور،چاروں تحصیلوں کے پرائس کنٹرول مجسٹریٹ صاحبان سے استدعا کی ہے کہ پیٹرول پمپوں کی خفیہ مانیٹرنگ کی جائے اور کم مقدار پیٹرول ڈالنے والے پمپوں کے خلاف کاروائی کی جائے جن سے یہ آلے لازمی برآمد ہونگے

قصور
محکمہ ہیلتھ ،پنجاب رورل سپورٹ پروگرام ( پی آر ایس پی) کے تحت بھرتی ہونے والے ایل ایچ ڈبلیو،نائب قاصد،چوکیدار،ہیلتھ ٹیکنیشن،ڈاکٹرز،ایل ایچ وی ،مالی سویپر اور ڈسپنسر وغیرہ عرصہ 18 سال سے انصاف کے متلاشی،18 سال سے ریگولر نہیں کیا گیا،ہر سال کنٹریکٹ بڑھا دیا جاتا ہے

تفصیلات کے مطابق محکمہ ہیلتھ میں پی آر ایس پی پروگرام ( پنجاب رورل سپورٹ پروگرام) 2004 میں بنایا گیا تھا جس میں ڈاکٹرز،ایل ایچ ڈبلیو،ایل ایل وی،ہیلتھ ٹیکنیشن،ڈسپنسر،مالی چوکیداروں کو بھرتی کیا گیا
پی آر ایس پی کا یہ پروگرام 2004 سے 2016 تک جاری رہا تاہم سابقہ دور حکومت نے 2016 میں اسے پروگرام کی بجائے کمپنی قرار دے دیا
2004 سے ابتک 18 سال سے اس پروگرام کے تحت بھرتی ہونے والوں کو نا تو ریگولر کیا گیا ہے اور نا ہی دیگر مراعات دی گئی ہیں بلکہ پروگرام کو کمپنی قرار دیا گیا ہے
کمپنی ایکٹ کے تحت جو ملازم تین سال مسلسل نوکری کر لے اسے ریگولر کیا جانا لازم ہے مگر ابھی تک کسی کو بھی ریگولر نہیں کیا گیا
اپنے ساتھ ہوئی اس نا انصافی کی آواز جب پی آر ایس پی ملازمین نے سیکریٹری ہیلتھ پنجاب تک پہنچائی تو سیکریٹری ہیلتھ نے کہا کہ میں اس معاملہ میں کچھ نہیں کر سکتا آپ وزیراعلی پنجاب سے رابطہ کریں
پی آر ایس پی ملازمین نے وزیراعلی پنجاب سے استدعا کی ہے کہ انہیں ریگولر کیا جائے اور مراعات دی جائیں

قصور
میڈیسن و سرجیکل پراڈکٹس پر گورنمنٹ کی طرف سے 20 فیصد تک جی ایس ٹی لگنے سے مہنگائی کا نیا طوفان،میڈیسن و سرجیکل پراڈکٹس کی قیمتیں بڑھ گئیں،سرنجیں نایاب

تفصیلات کے مطابق گورنمنٹ کی طرف سے شعبہ میڈیسن اور سرجیکل پر 17 سے 20 فیصد ٹیکس لگنے سے مہنگائی کا نیا طوفان آ گیا ہے
گورنمنٹ کی طرف سے فائلرز پر سیل ٹیکس 17 فیصد لگایا گیا ہے اور نان سیل فائلرز پر 20 فیصد جس کے باعث ادویات و سرجیکل پراڈکٹس مذید مہنگی ہو گئی ہیں اور سرنجز کی شدید قلت ہو گئی ہے 100 سرنج کی پیکنگ 400 روپیہ سے بڑھ کر 800 روپیہ کر دی گئی ہے
لوگوں کا کہنا ہے کہ موجودہ گورنمنٹ نے اپنے پورے دور حکومت میں سوائے نئے ٹیکس لگانے کے اور کچھ بھی نہیں کیا جس کے باعث مہنگائی بڑھتی ہی جا رہی ہے