Baaghi TV

Category: قصور

  • سرکاری سکول اساتذہ کو کئی ماہ سے تنخواہیں نا ملیں،سکول بند

    سرکاری سکول اساتذہ کو کئی ماہ سے تنخواہیں نا ملیں،سکول بند

    قصور
    تحصیل پتوکی کے نواحی قصبہ حبیب آباد کے گاؤں تھڑہ کا 1976 سے قائم شد دو کمروں پر مشتمل 300 بچوں کی تعداد والا سکول PEF کی طرف سے اساتذہ کو کئی ماہ سے تنخواہیں نا دینے پر بند کر دیا گیا،گورنمنٹ خواب خرگوش کے مزے لینے میں مصروف

    تفصیلات کے مطابق قصور میں نظام تعلیم کی دھجیاں اڑا دی گئی ہیں
    تحصیل پتوکی کے نواحی قصبہ حبیب آباد کے گاؤں تھڑہ میں 1976 میں عارضی بلڈنگ بنا کر پرائمری سکول قائم کیا گیا جس کی بلڈنگ 1993 میں محض دو کمروں پر مشتمل تعمیر کی گئی
    اس سکول میں 300 بچے زیر تعلیم ہیں اور کل عملہ 5 افراد پر مشتمل ہے
    اس سکول کو 15_3_2017 کو PEF کے انڈر رجسٹریشن نمبر 35130153 کیا گیا

    لوگوں نے بارہا گورنمنٹ کو سکول کی زبو حالی بارے درخواستیں دیں مگر بے سود رہا
    بلاآخر اہلیان علاقہ نے 17_2_2020 کو ڈپٹی ڈسٹرکٹ ایجوکیشن آفیسر مردانہ کو تحریری درخواست لکھی جنہوں نے باقاعدہ خود وزٹ کرکے سکول کی خستہ حالی دیکھی تاہم کوئی کاروائی نا کی گئی
    اس کے بعد اہلیان علاقہ نے سابق ڈپٹی کمشنر قصور کو بھی آگاہ کیا جنہوں نے سوائے تسلی دینے کے کچھ نا کیا
    بالآخر کئی ماہ کی تنخواہیں نا ملنے، سکول کی چھت گری ہونے اور بچوں کیلئے فرنیچر نا ہونے کے باعث اس سکول کو گزشتہ ماہ کی 28 تاریخ کو بند کر دیا گیا جس پر اہل علاقہ کے 300 غریب بچے گھروں میں بیٹھ گئے ہیں

  • ڈائر یکٹر جنرل احساس کفالت پروگرام پنجاب ریجن لاہور فضیلت نعیم کا اچانک دورہ

    ڈائر یکٹر جنرل احساس کفالت پروگرام پنجاب ریجن لاہور فضیلت نعیم کا اچانک دورہ

    ڈائر یکٹر جنرل احساس کفالت پروگرام پنجاب ریجن لاہور فضیلت نعیم نے پتوکی میں احساس کفالت پروگرام کا اچانک دورہ کیا انہوں نے میڈیا سے گفتگو کرتے ہوئے کہا کہ احساس پروگرام میں كرپٹ لوگوں کا خاتمہ اولین ترجیح ہے احساس پروگرام میں سفارشیوں اور ٹاوٹوں کا داخلہ بند کردیا ہے صحافیوں کے سوالوں پر جواب دیتے ہوئے کہا کہ احساس پروگرام میں بہتر انتظامات کرنے کی ہدایت جاری کردی ہے خواتین زیادہ تر ڈسپلن کی خلاف ورزی کر رہی ہیں اور خواتین سے پیسے بٹورنے والوں کیخلاف کارروائیاں عمل میں لائی جائیں گی احساس کفالت پروگرام میں ٹائیگر فورس کی تعیناتی کا اختیار اسسٹنٹ کمشنر پتوکی کے پاس ہے احساس کفالت پروگرام میں موجود خواتین نے ڈائر یکٹر جنرل کو سفارشیوں اور ٹاوٹوں کے متعلق شکایات کے انبار لگا دئے جس پر ڈی جی نے خواتین کو شکایات دور کرنے کی یقین دہانی کرائی دوسری جانب ڈی جی نے ٹائیگر فورس کے دفتر کا وزٹ کیا اور وہاں پر خاتون کے ساتھ پیش آنے والے واقع کی تحقیقات کرکے ذمہ داران کیخلاف کارروائی کی جائے گی انہوں نے مزید بتایا کہ چونیاں میں احساس پروگرام کو فعال کردیا گیا اور پھولنگر میں ایک دو روز تک بحال کردیا جائے گا
    کیمرہ ٹیم کے ساتھ مہر بشارت صدیقی باغی ٹی وی قصور

  • ریسیکو 1122 تحصیل پتوکی نے ماہ اکتوبر کی کارکردگی رپورٹ جاری کر دی

    *ریسیکو 1122 تحصیل پتوکی نے ماہ اکتوبر کی کارکردگی رپورٹ جاری کر دی۔ 589 ایمرجنسیز میں 656 متاثرین کو ریسیکو اور ابتدائی طبی امداد دی گئ*

    پنجاب ایمرجنسی سروسز ڈیپارٹمنٹ ریسیکو 1122 تحصیل پتوکی کا ماہانہ اجلاس ڈسٹرکٹ ایمرجنسی آفیسر قصور انجئنیر سلطان محمود کی قیادت میں ریسیکو آفس پھولنگر میں منعقد ہوا جسکی صدارت ریسیکو اینڈ سیفٹی آفیسر تحصیل پتوکی میڈم رابعہ خلیل اور اسٹیشن کوآرڈینٹیر محمد اعجاز نے کی۔ میڈم رابعہ خلیل نے میڈیا نمائیندگان کو بتایا کہ ریسیکو 1122 تحصیل پتوکی کو ماہ اکتوبر میں ٹوٹل (589) ایمرجنسی کالز موصول ہوئیں۔جن میں (387) روڈ ایکسیڈنٹ (137) میڈیکل ایمرجنسیز (07) آگ لگنے کے واقعات (21) لڑائی جھگڑے کے واقعات کے علاوہ دیگر نوعیت کی ایمرجنسیز شامل تھیں۔ میڈم رابعہ خلیل نے بتایا کہ ریسیکو1122 نے 7 منٹ کے ریسپانس ٹائم کو برقرار رکھا اور (589) ایمرجنسیز میں (656) لوگوں کو ریسیکو کیا۔جن میں دیگر زخمیوں کو ابتدائی طبی امداد دینے کے بعد مختلف ہسپتالوں میں شفٹ کیا اسکے علاوہ ریسیکو1122 نے ڈاکٹرز کی طرف سے ریفر ہونے والے (45) مریضوں کو لاہور کے مختلف ہسپتالوں میں شفٹ کیا۔
    کیمرہ مین ٹیم کے مہر بشارت صدیقی باغی ٹی قصور

  • ڈی ایچ کیو میں ڈینگی ٹیسٹ کی فیس زیادہ،پرائیویٹ میں کم

    ڈی ایچ کیو میں ڈینگی ٹیسٹ کی فیس زیادہ،پرائیویٹ میں کم

    قصور
    ڈینگی کے مریضوں کو ڈی ایچ کیو ہسپتال قصور میں لوٹا جانے لگا ،پرائیویٹ ٹیسٹ فیس 100 روپیہ جبکہ سرکاری ہسپتال میں اسی ٹیسٹ کی فیس 200 روپیہ وصول کی جا رہی ہے

    تفصیلات کے مطابق قصور ڈی ایچ کیو ہسپتال میں ڈینگی کے مریضوں کو دونوں ہاتھوں سے لوٹا جانے لگا ہے
    ڈینگی فیور ٹیسٹ کی فیس سرکاری ہسپتال میں 200 روپیہ وصول کی جارہی ہے جبکہ اسی طرح کی پرائیویٹ لیب پر فیس 100 روپیہ لی جا رہی ہے
    سرکاری ہسپتال میں بجائے عوام کو ریلیف دینے کے الٹا دونوں ہاتھوں سے لوٹا جا رہا ہے
    بیماری سے پریشان مریضوں کو ٹیسٹوں پر زائد فیسیں لے کر مذید پریشان کیا جا رہا ہے
    اسی طرح مین ڈینگی ٹیسٹ کی فیس ڈی ایچ کیو میں 1800 روپیہ لی جا رہی ہے اور پراٸیویٹ لیب والے 1200 روپیہ میں کر کے دے رہے ہیں
    عوام پریشان ہے کہ سرکاری ہسپتال لوگوں کو ریلیف دینے کیلئے ہوتا ہے کہ لوٹنے کیلئے ؟
    شہریوں نے وزیراعلی پنجاب و وزیر صحت پنجاب سے نوٹس لینے کی استدعا کی ہے

  • قصورموسم سرما کی آمد سے قبل چوری ڈکیتی کی وارداتوں پر قابو پانے کے لیے اہم میٹنگ

    قصورموسم سرما کی آمد سے قبل چوری ڈکیتی کی وارداتوں پر قابو پانے کے لیے اہم میٹنگ

    قصورموسم سرما کی آمد سے قبل چوری ڈکیتی کی وارداتوں پر قابو پانے کے لئیے ڈی ایس پی چونیاں لال محمد کھوکھر متحرک،تھانہ کنگن پور میں نمبرداران،معززین اور تاجروں سے ملاقات شہر اور دیہاتوں میں ٹھکری پہرے لگانے کا فیصلہ

    ،تفصیلات کے مطابق ڈی ایس پی چونیاں لال محمد کھوکھر اور ایس ایچ او نصراللہ بھٹی نے تھانہ کنگن پور میں مختلف دیہاتوں کے نمبرداران،تاجروں اور معززین سے ملاقات کی ڈی ایس پی چونیاں نے گفتگو کرتے ہوئے کہا کہ ہم سب کی اجتماعی زمہ داری یہ ہے کہ پولیس اور شہری مل کر جرائم پر قابو پانے کے لئیے کردار ادا کریں کیوں کہ موسم سرما میں دھند کے باعث چوری چکاری کی وارداتوں میں اضافہ ہو جاتا ہے کرائم کی روک تھام کے لئیے تمام نمبرداران مل کر کنگن پور شہر اور ارد گرد کے دیہاتوں میں ٹھکری پہروں کا اہتمام کریں انہوں نے تاجروں سے بھی گزارش کی کہ وہ مارکیٹوں میں چوکیداروں اور سی سی ٹی وی کیمروں کا مناسب بندو بست کریں علاقہ بھر کے تمام نمبرداران نے ڈی ایس پی چونیاں لال محمد کھوکھر کو یقین دہانی کروائی کہ وہ پولیس کے ساتھ مکمل تعاون کریں گے تاکہ علاقہ میں امن و امان کی فضا قائم رہ سکے،
    مہر بشارت صدیقی باغی ٹی وی قصور

  • بیکری میں واردات،شہری شدید پریشان

    بیکری میں واردات،شہری شدید پریشان

    قصور میں ڈکیتی کی وارداتوں کا سلسلہ نہ رک سکا،مشہور چوک بھٹہ گوریانوالا پر بیکری میں واردات،ڈاکو بے لگام،عوام پریشان

    تفصیلات کے مطابق قصور اور گردونواح میں کئی ماہ سے وارداتوں کا سلسلہ تیز سے تیز تر ہوتا جا رہا ہے
    گزشتہ رات قصور کے مشہور بارونق چوک بھٹہ گوریانوالا میں عمر بیکرز پر تین ڈاکوؤں نے رات ساڑھے دس بجے ڈکیتی کی واردات کی
    ڈاکوؤں نے اسلحہ کے زور
    لاکھوں روپیہ نقدی لوٹی اور بیکری کے اندر موجود گاہکوں سے بھی نقدی لوٹ کر فرار ہو گئے

    شہریوں کا کہنا ہے کہ آخر پولیس ان ڈاکوؤں کو پکڑنے میں کیوں ناکام ہے
    واضع رہے کہ گزشتہ چند دنوں سے قصور و گردونواح میں وارداتوں کا سلسلہ عروج پر ہے جس کے باعث لوگ سخت پریشان ہیں
    شہریوں نے ڈی پی او قصور سے امن و امان کی صورتحال یقینی بنانے کی استدعا کی ہے

  • کھاد ڈیلروں کیخلاف ایکشن

    کھاد ڈیلروں کیخلاف ایکشن

    قصور: اسسٹنٹ کمشنر پتوکی عمر سرور کا کھاد ڈیلروں کیخلاف ایکشن مہنگی کھاد فروخت کرنے والے ایک کی دوکان کو سیل کر دیا اور متعدد کو وارننگ دیکر ریکارڈ طلب کر لیا

    دوسری جانب اسسٹنٹ کمشنر پتوکی عوامی شکایات پر احساس کفالت پروگرام پہنچے اور وہاں پر تمام صورت حال کا جائزہ لیا سیکورٹی انتظامات بہتر اور سخت بنانے کیلئے متعلقہ پولیس افسران کو ہدایت کی اس موقع پر اسسٹنٹ کمشنر پتوکی عمر سرور نے کہا کہ وزیر اعلی پنجاب کے احکامات کی روشنی میں ذخیرہ اندوزی اور بلیک میں مہنگی کھاد فروخت کرنے والوں کے خلاف کارروائیاں جاری رہیں گی اور احساس كفالت پروگرام میں بہتر انتظامات کئے جا رہے ہیں تاکہ احساس کفالت سنٹر پر آنے والی خواتین ذلیل و خوار نہ ہوں
    مہر بشارت صدیقی باغی ٹی وی قصور

  • قصور/ریسیکو 1122 تحصیل پتوکی کے اہلکاروں کے ماہانہ فزیکل ٹیسٹ اور تحریری امتحان کا انعقاد

    قصور/ریسیکو 1122 تحصیل پتوکی کے اہلکاروں کے ماہانہ فزیکل ٹیسٹ اور تحریری امتحان کا انعقاد

    *قصور/ریسیکو 1122 تحصیل پتوکی کے اہلکاروں کے ماہانہ فزیکل ٹیسٹ اور تحریری امتحان کا انعقاد کیا گیا جس میں تمام ریسیکو اہلکاروں نے شرکت کی*

    پنجاب ایمرجنسی سروس ڈیپارٹمنٹ ریسیکو 1122 تحصیل پتوکی کے تمام اہلکاروں کا ماہانہ فزیکل فٹنس ٹیسٹ اور تحریری امتحان ریسیکو 1122 کے آفس میں لیا گیا۔جسکی قیادت ریسیکو اینڈ سیفٹی آفیسر تحصیل پتوکی میڈم رابعہ خلیل اور اسٹیشن کوآرڈینٹیر محمد اعجاز نے کی۔فزیکل ٹیسٹ اور تحریری امتحان میں تمام ریسیکو اہلکاروں نے حصہ لیا۔ٹیسٹ میں ایک میل کا فاصلہ 7 منٹ میں طے کرنے کے ساتھ ساتھ جسمانی مشقیں اور تحریری امتحان بھی پاس کرنا ضروری تھا۔ اس موقع پر ریسیکو اینڈ سیفٹی آفیسر پتوکی میڈم رابعہ خلیل کا کہنا تھا کہ ماہانہ فزیکل ٹیسٹ منعقد کروانے کا مقصد ریسیکو اہلکاروں کو جسمانی طور پر فٹ رکھنے اور تحریری امتحان کے ذریعے اہلکاروں کے علم میں اضافہ کرنا ہے۔تاکہ کسی بھی ناگہانی صورتحال میں متاثرین کو بہتر انداز میں ریسیکو کیا جاسکے

    مہر بشارت صدیقی باغی ٹی وی قصور

  • ڈینگی کا وار تیز، کئی شہری ہسپتال پہنچ گئے

    ڈینگی کا وار تیز، کئی شہری ہسپتال پہنچ گئے

    قصور
    ڈینگی کا وار تیز ،کئی شہری ڈینگی سے متاثر ہو کر ہسپتال پہنچ گئے،انتظامیہ نے تاحال تدراک ڈینگی سپرے نہیں کی،نا ہی ڈینگی سے بچاؤ کی مہم شروع کی

    تفصیلات کے مطابق ملک بھر کی طرح قصور و گردونواح میں بھی ڈینگی کا وار تیز ہو گیا ہے جس کے باعث چند دنوں میں ہی کئی شہری ڈینگی کا شکار ہو کر ہسپتال پہنچ چکے ہیں جن کا علاج مختلف ہسپتالوں میں جاری ہے
    قابل افسوس بات یہ ہے کہ انتظامیہ نے نا تو ابھی تک ڈینگی سے بچاؤ کی آگاہی مہم شروع کی ہے اور نا ہی ابھی تک ڈینگی سے بچاؤ کی سپرے کی ہے جس کے باعث ڈینگی مچھر کی تیزی سے افزائش کا خدشہ ہے جبکہ شہر بھر میں جگہ جگہ کچرے کے ڈھیر بھی ڈینگی مچھر کی افزائش کا سبب ہیں جنہیں اٹھایا نہیں جا رہا

    شہریوں نے ڈی سی قصور و سی ای او ہیلتھ قصور سے مطالبہ کیا ہے کہ فوری طور پر ڈینگی سے بچاؤ کی مہم اور ڈینگی مچھر ختم کرنے کی سپرے کی جائے تاکہ لوگ ڈینگی جیسے خطرناک مرض سے محفوظ رہ سکیں

  • چار لاکھ روپیہ کی واردات،ڈاکو باآسانی فرار

    چار لاکھ روپیہ کی واردات،ڈاکو باآسانی فرار

    قصور
    وارداتیں عروج پر ،لوگ شدید پریشان ،رات نو سے دس بجے کے درمیان حسین خانوالہ چک نمبر 8 تحصیل پتوکی میں دکان پر واردات ، دو ڈاکو چار لاکھ روپیہ گن پوائنٹ پر لوٹ کر فرار

    تفصیلات کے مطابق ضلع قصور میں وارداتوں کا سلسلہ عروج پر ہے جس سے لوگ غیر محفوظ ہو کر رہ گئے ہیں گزشتہ رات نو سے دس بجے کے درمیان دو ڈاکو طارق کسٹمر سنٹر حسین خانوالہ چک نمبر 8 تحصیل پتوکی پر آئے اور دکان مالک و عملہ کو گن پوائنٹ پر یرغمال بنا کر چار لاکھ روپیہ لوٹ کر باآسانی فرار ہو گئے
    ضلع قصور میں چند ماہ سے وارداتوں کا سلسلہ عروج پر ہے جسکے باعث شہری سخت پریشان ہیں اور خود کو غیر محفوظ محسوس کرتے ہیں

    بڑھتی ہوئی وارداتوں کے پیش نظر شہریوں نے ڈی پی او قصور و آئی جی پنجاب سے امن و امان کی صورتحال یقینی بنانے کی استدعا کی ہے