Category: قصور

قصور
تھیلیسیمیا کئیر فاؤنڈیشن کنگن پور اور علی زیب فاؤنڈیشن لاہور کے زیر سایہ بلڈ کولیکشن کیمپ میں تھیلیسیمیا کے بچوں کے لئے عام شہریوں کے ساتھ پنجاب پولیس ایلیٹ فورس قصور کے جوانوں سے بھی خون کا عطیہ لیا گیا

تفصیلات کے مطابق کل قصور کی تحصیل چونیاں کے قصبہ ارزانی پور میں تھیلیسیمیا کئیر فاؤنڈیشن کنگن پور اور علی زیب فاؤنڈیشن لاہور کے زیر سایہ تھیلیسیمیا کے مریض بچوں کے لئے حصول خون کے لئے ایک بلڈ کولیکشن کیمپ کا انعقاد کیا گیا جس میں عام شہریوں کے ساتھ ساتھ پنجاب پولیس ایلیٹ فورس قصور کے جوانوں نے بھی تھیلیسمیا کے مریض بچوں کے لئے اپنا خون عطیہ کیا گیا اور اس عزم کا اعادہ کیا کہ قصور کی عوام کی جانی حفاظت کے ساتھ دیگر ضروریات کو بھی قصور پولیس اپنے طور پر پورا کرنے کی کوشش کرے گی
قصور پولیس کی جانب سے جذبہ انسانیت کی ایک اعلی مثال قائم کرنے پر شہریوں و تھیلیسیمیا سے متاثرہ بچوں نے قصور پولیس کے جذبہ کو سلام پیش کیا اور نیک خواہشات کا اظہار کیا

قصور کی تحصیل پتوکی میں احساس کفالت پروگرام کے نام پر لوٹ مار کا بازار گرم،انتظامیہ بے خبر

تفصیلات کے مطابق قصور کی تحصیل پتوکی میں احساس کفالت پروگرام کے نام پر لوٹ مار کا بازار گرم کیا جا چکا ہے
احساس کفالت پروگرام میں 12000ہزار لینے کے بدلے عوام سے 2000 سے 4000 روپے تک بطور رشوت لی جانے لگی ہے جس سے لوگ سخت پریشان ہیں
جبکہ عملہ کا رویہ بھی انتہائی غلط ہے
احساس کفالت پروگرام میں پیسے لینے کے لیےآئی ایک بزرگ عورت کے کان کی بالی ہجوم کے باعث کسی نے کھینچ لی جس کے باعث ان کے کان سے خون بہتا رہا تاہم افسوس ک اس غریب عورت کو فرسٹ ایڈ بھی نہ دی گئی مذید بے حسی کہ متاثرہ عورت کا موقع پر موجود پولیس بھی تماشہ دیکھتی رہی اور نا ہی ریسکیو کو کال کی گئی اور نا ہی خود فرسٹ ایڈ کی گئی
احساس کفالت پروگرام میں کھڑی عورتیں انکی ایجنٹ کا غریب عورتوں ہتک آمیز رویہ اور ان سے بدتمیزی سے پیش انا معمول بن گیا ہے جبکہ احساس کفالت پروگرام میں ڈیوٹی دینے والے گیٹ کیپر سے لیکر پولیس اور پیسے دینے تک سب اس رشوت کے دھندے میں برابر کے شریکِ ہو چکے ہیں اور پسند اور ناپسند کی بنا پر لوگوں کو پیسے دیئے جانے لگے ہیں
متاثرہ عورتوں نے وزیر اعلی پنجاب ڈی سی قصور اور اسسٹنٹ کمشنر پتوکی سے فوری ایکشن لیکر انکے خلاف کاروائی کا مطالبہ کیا ہے تاکہ غریب عورتوں کو ان کا پورا پورا حق مل سکے

قصور
اغواء ہونے والے عالم دین،جامع امام مدرسہ احمد بن حنبل قصور ابن بشیر الحسینوی کو بازیاب نا کروایا جا سکا

تفصیلات کے مطابق مطابق دو روز قبل دن کے وقت قصور کے معروف عالم دین ابن بشیر الحسینوی،جامع امام مدرسہ احمد بن حنبل کو ان کے گاؤں حسین خان والا کے قریب سے موٹر سائیکل پر جاتے ہوئے نامعلوم کار سواروں نے اغوا کرلیا تھا جن کا تاحال کوئی سراغ نہیں مل سکا
ابن بشیر الحسینوی عرصہ دراز سے شعبہ درس و تدریس سے منسلک ہیں اور موضع حسین خان والا کے رہائشی ہیں اور مدرسہ احمد بن حنبل قصور بائی باس نزد ڈسٹرکٹ پریس کلب قصور کے جامع امام ہیں
اہلیان شہر نے ان کے اغواء پر تشویش کا اظہار کیا ہے اور ان کو جلد سے جلد بازیاب کروانے کی استدعا کی ہے

قصور
آج واپڈا کمپلیکس چونیاں قصور میں پہلے سے طے شدہ واپڈا یونین پیغام یونین کے جلسے پر جلتے ہوئے ہائیڈرو یونین نے بھی جلسہ رکھ لیا ،دوران جلسہ ہائیڈرو نے بدمعاشی کی اور پیغام یونین کے کارکنان کو مارا پیٹا،پیغام یونین نے پہلے اپروول لے رکھی تھی مگر چونیاں سے ذلت آمیز شکست ہائیڈرو کو چین نا لینے دے رہی تھی

تفصیلات کے مطابق چند دن ہوئے واپڈا ریفرنڈم میں واپڈا یونین ہائیڈرو کو پیغام یونین سے ذلت آمیز شکست ہوئی تھی جس پر ہائیڈرو کے ارکان غصہ سے أگ بگولہ تھے
آج مورخہ 1 جولائی 2021 کو پیغام یونین نے کئی دن قبل واپڈا کمپلیکس چونیاں میں جلسہ طے کیا ہوا تھا جس کی باقاعدہ اپروول لی گئی تھی مگر سکشت سے دوچار ہائیڈرو کو پیغام کا جلسہ ہضم نا ہوا اور اپنے جلسے کا اعلان کر دیا تاکہ ہلڑ بازی اور غنڈہ گردی کی جائے اس منصوںے کو پایہ تکمیل تک پہنچانے کیلئے ہائیڈرو کے سرکل چئیرمین قصور نوید عاشق ڈوگر نے غنڈے بلوائے اور پیغام یونین کے سرکل چئیرمین مہر عبدالرزاق پر حملہ کر دیا اور دوسرے کارکنان کو بھی مارا پیٹا جس سے جلسہ روکنا پڑا
واضع رہے کہ نا صرف اس علاقے بلکہ پورے سرکل سے ہائیڈرو یونین کلین سویپ کرتی تھی مگر اس بار پیغام یونین سے سخت مقابلہ ہوا ہے جس پر ہائیڈرو سخت پریشان ہے اور اپنے مستقبل پر پریشان ہو کر انتقام کے اوچھے ہتھکنڈوں پر اتر آئی ہے
پیغام یونین و سول سوسائٹی،وکلا برادی،اور شہریوں نے ہائیڈرو کی اس بدمعاشی پر وزیراعلی پنجاب و وزیر پانی و بجلی سے نوٹس لینے کا مطالبہ کیا ہے

قصور
لیسکو واپڈا کی نااہلی،نصف صدی پرانی تاریں،ایل ٹی لائن کی بوسیدہ تار ٹوٹ کر میں بازار کی دکان پر گر گئی،بہت بڑے حادثے کا خدشہ

تفصیلات کے مطابق لیسکو واپڈا قصور کی نااہلی کی بدولت ضلع بھر کی بجلی لائنیں بوسیدہ ہو چکی ہیں اور آئے روز ٹوٹ کر گر جاتی ہیں جس سے متعدد بار نقصان ہو چکا ہے
آج صبح سویرے کھارا نزد قصور بائی پاس میں ایل ٹی لائن کی تار ٹوٹ کر مین بازار کی دکان کی چھت پر گر گئی
تاہم اہلیان علاقہ کے بار بار فون کرنے پر بھی ابھی تک تار کو درست نہیں کیا گیا
راشی واپڈا عملہ بغیر رشوت کے کام کرنا اپنی توہین سمجھتا ہے
اہلیان علاقہ نے ڈپٹی کمشنر قصور و ایس ای قصور سے نااہل کرپٹ واپڈا اہلکاران کے خلاف سخت کاروائی کا مطالبہ کیا ہے

قصور
نواحی قصبہ کھڈیاں خاص میں اوباشوں نے معذور خاتون کی جواں سالہ بیٹی کو اغوا کر لیا،مقدمہ درج ،مغوی کی والدہ زینب بی بی ٹانگوں سے معذور گھر میں اکیلی موجود تھی ملزمان نقدی 4 لاکھ 3 تولہ سونا قیمتی سامان بھی لے گئے

تفصیلات کے مطابق واقعے قصور کے قصبہ کھڈیاں کے نواحی گاؤں بیگ پور کے رہائشی محنت کش محمد منشاء کی 19 سالہ بیٹی عائشہ کو ملزمان کامران وغیرہ نے معذور والدہ کی موجودگی میں ذبردستی اغوا کر لیا اور جاتے ہوئے گھر سے نقدی 4 لاکھ 3 تولہ سونا و قیمتی سامان بھی لے اڑے
لڑکی کی معذور والدہ زینب بی بی کی مدعیت میں مقدمہ درج کر کے پولیس مصروف کاروائی ہے

قصور
قصور گنڈا سنگھ روڈ پر تجاوزات کی بھرمار،شہریوں کا ڈپٹی کمشنر قصور و ایکسیئن ہائی وے قصور سے کاروائی کا مطالبہ

تفصیلات کے مطابق گنڈا سنگھ بارڈر تا قصور روڈ پر تجاوزات کی بھرمار ہے جس کی بدولت شہری سخت پریشانی میں مبتلا ہیں
نواحی گاؤں ساندہ چستانہ کے رہائشی مہر پرویز مختیار نے ڈپٹی کمشنر قصور و ایکسیئن ہائی وے قصور کو درخواست دی جس میں مؤقف اختیار کیا کہ سڑک کے دونوں جانب 220 فٹ جگہ گورنمنٹ نے خالی چھوڑی ہے تاہم ہائی وے کے افسران نے رشوت لے کر لوگوں کو سڑک کنارے تجاوازت کی اجازت دے رکھی ہے جس کے باعث سڑک کا نقصان ہو رہا ہے اور حادثات رونما ہو رہے ہیں
لہذہ ڈپٹی کمشنر قصور و ایکسیئن ہائی وے قصور کرپٹ عملے کے خلاف کاروائی کرنے کے ساتھ تجاوزات کا خاتمہ کروائیں

قصور
اداروں کی ناک نیچے ناجائز ہاؤسنگ سکیمیں لوگ لٹنے لگے لیکن انتظامیہ خاموش

تفصیلات کے مطابق قصور ضلع بھر میں شہریوں کی جمع پونجی کا صفایا کا صفایا ہونے لگا ہے ایجنٹوں نے جگہ جگہ غیر قانونی ھاوسنگ سکیموں کی بھر مار کی ہوئی ہے جنہیں کوئی پوچھنے والا نہیں جبکہ
قصور کے بھولے بھالے شریف شہری ان کے ہتھے چڑھ کر اپنی جمع پونجی سے محروم ہو رہے ہیں حتی کہ قصور کے معصوم شریف شہری اپنا زیور بیچ کر تو کوئی پنشن کے پیسوں سے تو کوئی زندگی بھر کی کمائی سے ان جعلی ہاؤسنگ سوسائٹیوں کے چکر میں اپنی کمائی سے محروم ہو رہا ہے
جگہ جگہ بننے والی غیر قانونی ھاوسنگ سکیمیں شہریوں کو سستے اور قسطوں پر پرکشش سہانے خواب دیکھا کر لوٹ رہے ہیں جبکہ انہوں نے کسی بھی سرکاری ادارے سے کوئی بھی n o c نہیں لے رکھی
شہر اور اور گردونواح میں چند ایکڑ اراضی ایک مین گیٹ چند سڑکیں اور مشین کھڑی کر کہ ھاوسنگ سکیم شروع کر دی جاتی ہے اور ہزاروں درختوں کو چند دنوں میں کاٹ دیا جاتا ہے
اور جعلی کالونی بنا کر
شہریوں کو سہانے خواب دیکھانے اور لوٹنے کیلئے ایجنٹوں کو چھوڑ دیا جاتا ہے جن کہ زریعے شہریوں کا خون چوسنے کا سلسلہ شروع ہو جاتا ہے

قصور کے شہری سوچنے مجبور ہیں کہ پر تمام اداروں و پولیس ایجنسیوں کی ناک نیچے سب ہو رہا ہے لیکن خاموشی ہے
شہریوں نے کمشنر لاہور ڈویثسے اس مکروہ دھندے کے کرنے والوں کے خلاف کاروائی کا مطالبہ کیا ہے

قصور
راجہ جنگ آر ایچ سی ہسپتال کے اندر نتیجہ لینے آئے افراد پر مخالفین کا پھر تشدد اور ہوائی فائرنگ،انچارج ڈاکٹر ڈیوٹی سے غائب

تفصیلات کے مطابق کل تھانہ راجہ جنگ کے علاقے کے نواحی گاؤں میں دو فریقین کے مابین مار کٹائی ہوئی
مخالفین نے گھر میں گھس کر عورتوں بچوں کو مارا جس پر فریق نتیجہ لینے آر ایچ سی راجہ جنگ پہنچا تو ڈیوٹی ڈاکٹر موجود نا تھا
ہسپتال میں مخالفین پھر پہنچ گئے اور مضروبین کو دوبارہ ہسپتال کے اندر مارا پیٹا اور ہوائی فائرنگ کی جس سے علاقے میں خوف و ہراس پھیل گیا
اہلیان علاقہ نے مطالبہ کیا ہے کہ آر ایچ سی ہسپتال راجہ جنگ کے ڈاکٹر کو ڈیوٹی پوری ادا کرنے کا پابند کیا جائے اور ملزمان کو پکڑ کر قانونی کاروائی کی جائے