Category: قصور

قصو
سوشل میڈیا پر اسلحہ نمائش کرنے والا پولیس کی گرفت سے آزاد ،حبیب بلوچ کو پکڑنا مشکل ہی نہیں بلکہ ناممکن ہوگیا
ڈان کو پکڑنا مشکل ہی نہیں ناممکن ہے ،یہ ڈائیلاگ حقیقی زندگی اور محکمہ پولیس پر اثر انداز ہونے لگا ہے

تفصیلات کے مطابق سوشل میڈیا پر اسلحہ کی نمائش کرنے والا بااثر ملزم قصور پولیس کے لیے درد سر بن گیا آئے روز ملزم سوشل میڈیا پر اسلحہ کی نمائش کرکے اہل محلہ اور دیگر افراد کو ڈرانے دھمکانے لگا بتایا گیا ہے کہ حاجی گگن قصور کا رہائشی نذیر احمد کا بیٹا حبیب بلوچ جو کہ آئے روز اسلحہ کی نمائش کرکے اہل محلہ اور شہریوں کو ڈراتا دھمکاتا ہے جس سے شہریوں میں خوف وہراس پایا جارہا ہے شہریوں نے بار ہا ملزم حبیب بلوچ کے متعلق شکایات کیں مگر پولیس کے سر پر جوں تک نہ رینگی شہریوں نے آئی جی پنجاب اور ڈی پی او قصور سے مطالبہ کیا ہے کہ ملزم حبیب بلوچ کے خلاف قانونی کاروائی کرتے ہوئے اسلحہ برآمد کروایاجائے

قصور
شہر میں ڈاکو راج برقرار،سیاسی شخصیت مہر محمد یاسین چیرمین امور مذہبی کمیٹی دربار حضرت بابا بلھے شاہ کے بیٹے محمد سرفراز کے ساتھ دن دہاڑے ڈکیتی کی واردات ڈاکو 1 لاکھ 50 ہزار روپے نقدی موبائل فون لے اڑے اور جاتے ہوئے محمد سرفراز کو گولی مار کر شدید زخمی کر دیا

تفصیلات کے مطابق مہر محمد یاسین کے بیٹے محمد سرفراز حسب معمول کام کے سلسلہ میں بینک جا رہے تھے ڈاکوؤں نے ریلوے پھاٹک نزد مسجد شفیق اکرم کے پاس روکا اور نقدی1 لاکھ 50 ہزار روپے موبائل فون چھین کر محمد سرفراز کو گولی مار دی محمد سرفراز کو تشویش ناک حالت میں ڈی ایچ کیو ہسپتال ریفر کردیاگیا جبکہ مہر محمد یاسین کی جانب سے تھانہ بی ڈویژن میں تحریری درخواست دے دی گئی

قصور
آج 16 جون کے واپڈا ریفرنڈم می پیغام یونین واضع برتری حاصل کرے گی،برسر اقتدار آکر محرومیوں کا ازالہ کیا جائے کا ،بغیر کسی لالچ کے پیغام یونین کی نیک نامی کے باعث ووٹ دینگے،ووٹروں کا عزم

تفصیلات کے مطابق قصور واپڈا اہلکاران عبدالرشید،خان،محمد رفیق خان،لیاقت علی،مجیب الرحمن،عبدالرحمن ثانی و دیگر نے گفتگو کرتے ہوئے بتایا کہ ان شاءاللہ آج کے واپڈا ریفرنڈم میں مزدوروں کی آواز پیغام یونین واضع اکثریت سے جیتے گی ہم پیغام یونین کو بغیر کسی ذاتی مفاد کے اس یونین کی نیک نامی پر ووٹ دے کر کامیاب بنائیں گے اور ہم پر امید ہیں کہ برسر اقتدار آکر پیغام یونین مزدور کی محرومیوں کا ازالہ کرے گی
مذید ان کا کہنا تھا کہ آج کے دن ہر مزدور پیغام یونین کے انتخابی نشان مینار پاکستان پر مہر لگائے گا کیونکہ یہ پاکستان کی آزادی کا یادگار نشان ہے

قصور
دو سال سے زیر مرمت قصور رائیونڈ روڈ تاحال زیر تعمیر،لوگ سخت پریشان، حادثات میں نمایاں اضافہ،انتظامیہ خواب خرگوش کے مزے لوٹنے میں مصروف

تفصیلات کے مطابق دو سال قبل قصور رائیونڈ روڈ کی مرمت کی منظوری ہوئی جس پر روڈ کا مرمتی کام شروع ہوا اور آج دن تک جاری ہے حالانکہ کل پیمائش 26 کلومیٹر ہے مگر سرکار نے راؤ خان والا اور پل جبومیل سٹاپ پر ایک طرفہ سڑک بنا کر لوگوں کو مذید اذیت میں مبتلا کر دیا ہے سڑک ٹوٹی ہونے سے لوگ ہچکولے کھاتے گزر جاتے تھے اب بیچارے لوگ ایک دوسرے سے ٹکڑا کر گزرنے پر مجبور ہیں
سڑک کی تنگی کے باعث حادثات میں نمایاں اضافہ ہو گیا ہے مگر انتظامیہ خواب خرگوش کے مزے لوٹنے میں مصروف ہے
واضع رہے کہ کوٹ رادھا کشن،چھانگا مانگا روڈ کا مرمتی کام اس سے انتہائی بعد میں شروع ہوا تھا جو کہ مکمل ہو گیا ہے مگر اس علاقے کے لوگوں سے سرکار کا کوئی پرانا حساب کتاب باقی جس کی بناء پر لوگوں کو ذلیل کیا جا رہا ہے
لوگوں نے وزیراعلی پنجاب سے نوٹس لے کر جلد سے جلد سڑک مرمت کا کام کروانے کی استدعا کی ہے

قصور
چونیاں میں پولیس مظلوموں کی بجائے ملزمان کی حمایتی بن گئی
تفصیلات کے مطابق پولیس تھانہ صدر چونیاں کی سر پرستی میں موضع دیو سیال میں قبضہ مافیا محمد علی ریاست علی وغیرہ نے صوبائی حکومت کی زمین پر قبضہ کرنے کی کوشش جاری ہے جبکہ گاوں والوں نے قبضہ مافیا کے خلاف حکم امتناعی حاصل کر رکھا ہے گاوں کے نکاس پانی کا واحد جوہڑ جس میں پورے گاوں کے پانی جوہڑ میں جمع ہوتا ہے
علاقہ کے رہائشی کرامت علی 15 کی کال پر پولیس موقع پر پہنچنا دور کی بات الٹا پولیس نے دھمکانا شروع کر دیا
اہل علاقہ نے بذریعہ درخواست ایس ایچ او تھانہ صدر کو گزاری مگر نوٹو کی چمک دمک سے درخواست بھی کھڈے لائن لگ گئی
درخواست گزار کی ڈی پی او قصور سے نوٹس لینے کا مطالبہ کیا ہے

قصور
اسٹیل باع چوک،ڈی ایچ کیو ہسپتال کے سامنے ٹریفک نظام درہم برہم،ہر وقت ٹریفک جام رہنا معمول،ایمبولینسوں کو گزرنے میں دشواری،کوئی بھی ٹریفک اہلکار تعینات نہیں

تفصیلات کے مطابق قصور شہر کے مشہور و پر رونق چوک اسٹیل باغ،ڈی ایچ کیو ہسپتال چوک میں ٹریفک جام رہنے کا مسئلہ شدت اختیار کر گیا ہے
چار طرفہ راستوں والے اس پررونق ترین چوک میں نا تو کوئی اشارے لگے ہیں اور نا ہی کوئی ٹریفک اہلکار تعینات ہے جس کے باعث ہر گزرنے والا اپنی مرضی کا مالک ہے وہ دائیں ہاتھ چلے یاں بائیں ہاتھ اس کی مرضی
ٹریفک جام رہنے کی بدولت ہسپتال و ریکسیو ایمبولینسوں کو سخت مشکل کا سامنا رہتا ہے
شہریوں نے ڈی سی قصور و ڈی پی او قصور استدعا کی ہے کہ اس چوک میں ٹریفک اہلکاروں کی موجودگی کو یقینی بنایا جائے تاکہ ٹریفک جام ہونے سلسلہ رک سکے اور لوگوں کو گزرنے میں دشواری نا ہو