Category: قصور

قصور
پتوکی کے نواحی قصبے میں ایک ہفتہ میں 3 موٹر سائیکل چوری،چور بے لگام،شہری پریشان

تفصیلات کے مطابق پتوکی کے نواحی قصبے حبیب آباد میں موٹر سائیکل چور سرگرم ہو گیا
ایک ہفتہ میں 3 تین موٹر سائیکلیں چوری ہو چکی ہیں جبکہپولیس چوری اور ڈکیتی کی وارداتوں کو کنٹرول کرنے میں مکمل ناکام ہو چکی ہے
کل دوپہر 3 بجے نئی منڈی ڈاکٹر ارشد کی گھر کے باہر کھڑی موٹر سائیکل نمبری OK4246 نامعلوم چور لیکر فرار ہو گئے
علاقہ میں بڑھتی ہوئی چوری کی وارداتوں پر اھل علاقہ نے ڈی پی او قصور سے فوری نوٹس کی اپیل کی ہے

قصور
اہلیان دیہہ کا گورنمنٹ کی طرف سے پینے کے صاف کیلئے واٹر فلٹریشن پلانٹ لگانے پر اظہار تشکر

تفصیلات کے مطابق قصور کے کم و بیش 35 نواحی دیہات میں گورنمنٹ کی طرف سے پینے کے صاف پانی کی فراہمی پر اہلیان علاقہ و معززین علاقہ نے گورنمنٹ کا شکریہ ادا کیا ہے
نواحی دیہات موضع مان،باہمنی والا،ساندہ چستانہ،کچہ پکہ،بہادر پورہ،رسول پورہ،پتو کلاں،دولے والا،لکھنیکی،اٹھیل پور،بگری،رجی والا،کھارا میں گورنمنٹ کی طرف سے لوگوں کو سہولت دینے پر معروف سیاسی شحضیت سردار فیصل اورنگزیب نے گورنمنٹ کا شکریہ ادا کیا اور مطالبہ کیا کہ وزیراعلی پنجاب کے ویژن کے مطابق اسی طرح کام کرتے ہوئے
سٹی قصور میں یونیورسٹی بنائی جائے اور گنڈا سنگھ تا حسین خان والا اور کچری تا سہجرہ روڈ کی مرمت کا کام جلد سے جلد شروع کروایا جائے

قصور
چونیاں حکومتی وائٹ پیپر پالیسی کے مطابق اسٹام پیپر نایاب ہوگے اور جن اسٹام فروشوں کے پاس ہیں تو وہ بلیک میں ملنے لگے عوام زلیل و خوار تفصیلات اکرم راول سے چونیاں میں پچاس روپے کا اسٹام نایاب ہو گیا اگر کسی اسٹام فروش کے پاس ہے بھی تو لوگوں کو بلیک میل کر کے پانچ سو میں دیا جاتا ہے اور لوگوں کے حق پر کھلم کھلا ڈاکہ ڈالا جا رہا ہے متعدد لوگوں نے بتایا اگر کسی ادارے میں اسٹام دینا ہو تواسٹام فروش پہلے تو اسٹام مانگنے پر انکاری کر دیتے ہیں زیادہ اسرار کرنے پر پچاس روپے والا اسٹام پانچ سو میں دیا جاتا ہے کوئی پوچھنے والا نہیں کیا اندھیر نگری ہے حکومت نے اسٹام پیپر بند کر دیے اور اداروں میں اسٹام کی شرط ختم نا کی ہے جس کی وجہ سے مجبور لوگوں کو دونوں ہاتھوں سے لوٹا جا رہا ہے زیادہ تر مسائل دامن سپورٹ پروگرام اور دیگر قرضہ دینے والے اداروں سے قرضہ لینے والوں کو پیش آرہے ہیں جو پچاس روپے کا اسٹام لازمی لیتے ہیں عوام جاے جو جاے کدھر لوگوں کا اسسٹنٹ کمشنر چونیاں ڈی سی قصور کمشنر لاہور سے مطالبہ ہے کہ عوام کے ساتھ جو نارواسلوک کیا جارہا ہے یہ سراسر غلط ہے یا تو وائٹ پیپر کو اسٹام کا درجہ دے کر تمام سرکاری اور غیر سرکاری اداروں کو بزریعہ نوٹیفکیشن پابند کیا جاے کہ وہ اسٹام پیپر کی جگہ وائٹ پیپر کو ترجیح دیں تاکہ عوام کے مسائل ختم ہو سکیں اور عوام سکھ کا سانس لے سکے

قصور
گرمیوں میں سستی رہنے والی ایل پی جی 150 روپیہ فی کلو،قصور کے بیشتر محلوں و نزدیکی دیہات تاحال سوئی گیس کی سہولت سے محروم

تفصیلات کے مطابق گرمیوں میں سستی رہنے والی ایل پی جی کی قیمت 150 روپیہ فی کلو کر دی گئی ہے جس سے مہنگائی سے پریشان غریبوں کی کمر ٹوٹ کر رہ گئی ہے واضع رہے کہ ان گرمی کے دنوں میں ایل پی جی 100 روپیہ فی کلو سے اوپر نہیں جاتی تھی مگر اس بار مہنگی کر دی گئی ہے
نیز قصور کے بیشتر محلوں سمیت زیادہ تر قربی دیہات ابھی تک سوئی گیس جیسی بنیادی سہولت سے محروم ہیں
اہلیان قصور نے وزیراعظم پاکستان سے بڑھتی ہوئی مہنگائی کو کنٹرول کرنے اور نزدیکی دیہات میں جلد سے جلد سوئی گیس کی فراہمی کا مطالبہ کیا ہے

قصور
موضع کھڈیاں میں گھر میں گھس کر ملزمان کی فائرنگ سے 4 سالہ بچی گولی لگنے سے شدید زخمی،

تفصیلات کے مطابق قصور کے نواحی قصبے کھڈیاں خاص میں تھانہ کھڈیاں کو امجد علی ولد محمد علی قوم راجپوت نے درخواست دی کہ مورخہ 17/6/21 کو اس کے گھر موضع کھائی ہتھاڑ تحصیل و ضلع قصور حدد تھانہ کھڈیاں میں گھس کر ملزمان محمد عمر،سرفراز، ذوالفقار، آصف و 5 کس نامعلوم ملزمان نے آتشیں اسلحہ سے فائرنگ شروع کر دی جس سے بچنے کے لئے میں اور میرے گھر والے چھپ گئے تاہم سکول سے آئی ہوئی 4 سالہ بچی نا چھپ سکی جسے ملزم آصف نے گولی مار دی جو کہ بچی کے پیٹ میں لگی
ملزمان کے فائرنگ کرکے جانے کے بعد ہم نے بچی کو اٹھایا اور ڈی ایچ کیو ہسپتال قصور منتقل کیا جہاں بچی کی حالت نازک ہونے پر اسے لاہور ریفر کر دیا گیا اور ابھی تک بچی کی حالت نازک ہے
ملزمان کیساتھ وجہ عناد زمین کا تنازعہ ہے اور اس سے قبل بھی ملزمان کے خلاف تھانہ کھڈیاں میں مقدمہ نمبری 275/21 درج ہے مگر ملزمان عبوری ضمانت پر ہیں اور بااثر ہونے کے باعث پولیس ان کے خلاف کاروائی سے گریزاں ہے اور پولیس نے ابھی تک ملزمان کو گرفتار نہیں کیا
متاثرہ شحض نے ڈی پی او قصور سے نوٹس لے کر ملزمان کی جلد گرفتاری کا مطالبہ کیا ہے

قصور
کھڈیاں خاص کے رورل ہیلتھ سینٹر میں طبی سہولیات کا فقدان جبکہ ایکسرے ، الڑاساونڈ خراب ڈینٹل ایکسرے مشین نہ ہونے سے مریض خوار ہو رہے ہیں جس کی کئی بار ڈسٹرکٹ مینجر پی ایچ ایف ایم سی کو چٹھی لکھی مگر تا حال کوئی عمل درآمد نہ ہو سکا ڈیوٹی ڈاکٹر حاشر

تفصیلات کے مطابق رورل ہیلتھ سینٹر کھڈیاں میں طبی سہولیات کا فقدان ہے ۔ایکسرے اور الڑاساونڈ مشین عرصہ 10 ماہ سے خراب ہونے کی وجہ سے یونٹ بند پڑےہیں جبکہ ڈینٹل ایکسرے کی مشین موجود نہیں ہے ۔ہسپتال میں موجود ایماکسل اور پراسیٹا مول کا سٹاک ہے جبکہ ڈرپ کے ساتھ لگنے والی نالی ہسپتال فنڈ سے منگوائی جا رہی ہے میڈیسن ناپید ہو چکی ہیں اور دور دراز سے آنے والے مریض خوار ہو رہے ہیں ڈیوٹی پر موجود ڈاکٹر حاشر نے بتایا او پی ڈی میں ڈینٹل، میڈیکلز اور نارمل ڈلیوری کے مریضوں کو طبی امداد دی جا رہی ہیں

قصور
عوام دوست اتحاد قصور کے سربراہ و معروف سیاستدان سردار فیصل اورنگزیب نے سڑکوں کی مرمت کا مطالبہ کر دیا اور سڑکیں نا بنانے پر احتجاج کا اعلان کیا

تفصیلات کے مطابق عوام دوست اتحاد قصور کے سربراہ و قصور شہر کی معروف سیاسی شحضیت سردار فیصل اورنگزیب نے گورنمنٹ سے مطالبہ کیا ہے کہ گنڈا سنگھ تا حسین خانوالہ،قصور کچہری تا سہجڑہ،مان تا ہری ہر تک سڑکیں شدید ٹوٹ پھوٹ کا شکار ہیں جس سے کم و بیش 500 کسان و ہزاروں عام افراد مشکلات کا شکار ہیں ان افراد کی مشکلات کا جلد سے جلد ازالہ کیا جائے نیز ان کا کہنا ہے کہ ان ٹوٹی سڑکوں کے باعث
کسانوں کو اپنی اجناس منڈی تک لانے کیلئے سخت مشکلات کا سامنا کرنا پڑتا ہے اور عام لوگ بھی سخت اذیت میں مبتلا ہیں جبکہ وزیراعلی پنجاب کے صوبہ کی تمام سڑکوں کی مرمت کے اعلان کے بعد بھی اس علاقے کے لوگوں کے ساتھ امتیازی سلوک کیا جا رہا ہے اور انہیں سڑک جیسی بنیادی سہولت سے محروم رکھا جا رہا ہے جس پر ہم احتجاج کرتے ہیں اور اگر جلد سے جلد سڑکوں کی تعمیر و مرمت کا کام نا کیا گیا تو ہم احتجاج کا دائرہ کار بڑھاتے ہوئے بہت بڑے پیمانے پر احتجاج کرینگے جوکہ سڑکوں کی مرمت ہونے تک جاری رہے گا اور ہم لوگوں کو ان کا بنیادی حق دلوا کر ہی سکون سے بیٹھیں گے

قصور
صوبائی وزیر ہیومن رائٹس و اقلیتی امور اعجاز عالم آگسٹن کا دورہ قصور
تفصیلات کے مطابق صوبائی وزیر ہیومن رائٹس و اقلیتی امور اعجاز عالم آگسٹن نے دورہ قصور کیا جس میں صوبائی وزیر نے ڈپٹی کمشنر آسیہ گُل کے ہمراہ اقلیتی گرانٹ کے تحت بیوہ، یتیم اور معذورافراد میں چیک تقسیم کیے اور بتایا کہ ضلع بھر میں 300خاندانوں میں چیک تقسیم کیے گئے ہی اور وزیراعلیٰ پنجاب سردار عثمان بزدار کی زیرنگرانی اقلیتوں کے تحفظ کیلئے خصوصی اقدامات کیے جارہے ہیں نیز اقلیتی کی فلاح وبہبو دکیلئے تمام تر دستیاب وسائل کو بروئے کار لایا جارہاہے ان کا مذید کہنا تھا کہ ریاست میں سب شہری برابر ہیں اور ہم سب کی ذمہ داری ہے کہ ملک کی ترقی کے لئے اپنا اپنا کردار ادا کرتے رہیں

قصور
دو ہفتے گزرنے کے باوجود صحافی پر ہوئے قاتلانہ حملے کی ایف آئی آر درج نا ہو سکی،قصور کی صحافی برادری میں تشویش کی لہر

تفصیلات کے مطابق راجہ جنگ قصور کے صحافی رانا جنید خان نے تھانہ راجہ جنگ کو درخواست دی کہ 8 جون 2021 کو اس پر قاتلانہ حملہ حویلی ملکانوالی رائیونڈ قصور روڈ پر بوقت رات ساڑھے آٹھ بجے ہوا جس میں دو مسلح نامعلوم موٹر سائیکل سوار ملزمان نے ان پر فائرنگ کی تاہم خوش قسمتی سے وہ محفوظ رہے سارے وقوعہ کی اطلاع ریسیکو 15 قصور کو دی گئی جس پر فوری طور پر ایس ایچ او تھانہ راجہ جنگ بھاری نفری کے ہمراہ پہنچے اور جائے وقوعہ کا معائنہ کیا تاہم دو ہفتے گزرنے کے باوجود ابھی تک واقعہ کی ایف آئی آر درج نہیں کی گئی جس پر قصور کی صحافی برادری سخت تشویش کا شکار ہے
رانا جنید خان و قصور کی صحافی برادری نے ڈی پی او قصور سے نوٹس لے کر ایف آئی آر درج کرکے نامعلوم ملزمان کے خلاف کاروائی کا مطالبہ کیا ہے