Category: قصور

قصور
پنجاب گورنمنٹ کا احسن قدم،پروگرام برائے تعلیمی اصلاحات پنجاب کے تحت بچوں کے نصاب میں احادیث رسول کا اضافہ،یکساں نصاب کا وعدہ بھی جلد پورا کیا جائے،شہریوں کی اپیل

تفصیلات کے مطابق پنجاب گورنمنٹ نے شاندار قدم اٹھاتے ہوئے تعلیمی اصلاحات پنجاب کے تحت بچوں کے نصاب برائے سال 2021_2022 میں احادیث رسول کا اضافہ کر دیا ہے جس پر سماجی حلقوں نے نیک تمناؤں کا اظہار کیا ہے اور گورنمنٹ سے مطالبہ کیا ہے کہ یکساں نصاب کے تحت سرکاری و پرائیویٹ سکولوں میں ایک ہی نصاب پڑھانے کی جلد سے جلد پابندی کروائی جائے تاکہ غریب و امیر کے بچے یکساں نصاب کے تحت مساوی تعلیم حاصل کر سکیں

قصور
پتوکی میں خونی کھیل پتنگ بازی سر عام جاری انتظامیہ کی اس جان لیوا کھیل پر خاموشی سوالیہ نشان بن گئی۔

تفصیلات کے مطابق پتوکی شہر اور گردونواح میں خونی کھیل پتنگ بازی عروج پر پہنچ چکی ھے اس خونی کھیل کی وجہ سے متعدد افراد زخمی ہوچکے ھے اور یہ سلسلہ مزید جاری ھے ٹھینگ چک نمبر 7 کا رہائشی حمزہ نامی سٹوڈینٹ گلے پر ڈور پھرنے سے شدید زخمی ھو گیا جو تا حال ہسپتال ایمرجنسی وارڈ میں زیر علاج ھے ایسے واقعات کا مسلسل جاری رہنا پتوکی پولیس بلکہ ضلعی انتظامیہ پر سوالیہ نشان ھے حکومت وقت کی جانب سے اس خونی کھیل پر پابندی کے باوجود انتظامیہ اسے کنٹرول کرنے اور حکومتی احکامات پر عمل درآمد کروانے سےکیوں قاصر ھے

قصور
تحصیل چونیاں کے معروف شہر الہ آباد ٹھینگ موڑ میں ڈاکو ںے لگام ،دکاندار کو اسلحہ کے زور پر لوٹ کر فرار

تفصیلات کے مطابق چونیاں کے شہر الہ آباد ٹھینگ موڑ میں ڈاکو بے لگام ہو گئے ہیں
نامعلوم ڈاکوؤں نے الہ آباد شہر کو اپنے شکنجے میں لے لیا جبکہ پولیس تھانہ الہ آباد بے بس ہو چکی ہے جس سے آئے روز شہری لٹ رہے ہیں
قصور دیپالپور روڑ پر واقع ماسٹر الیکٹرونک سٹور سے نامعلوم ڈاکوؤں نے دوکاندار کو اسلحہ کے زور پر یرغمال بنا کر لاکھوں روپے نقدی، قیمتی موبائل لوٹے اور فرار ہوگئے جس سے علاقے میں خوف و ہراس قائم ہو گیا
شہریوں نے بڑھتی ہوئی وارداتوں کے پیش نظر ڈی ایس پی چونیاں سے نوٹس لینے کا مطالبہ کیا ہے

قصور
سرعام عورتوں کی ٹک ٹاک ویڈیو بنانے والا گرفتار

تفصیلات کے مطابق سرے عام بازار میں عورتوں کی ٹک ٹاک بنانے والا ٹک ٹاکر گرفتار ، ٹک ٹاکر نوید جانی نے بازار کا راستہ بلاک کر کہ اپنی ویڈیو کے ساتھ لڑکیوں کی بھی ویڈیو بنائی جس پر ڈی پی او قصور عمران کشور نے سوشل میڈیا پر وائرل ویڈیو پر ازخودنوٹس لیا اور
ڈی پی او قصور عمران کشور کی ہدایت پر تھانہ بی ڈویژن پولیس نے ٹک ٹاکر نوید جانی کو گرفتار کر لیا
واضع رہے کہ نوید جانی کے خلاف پہلے بھی ڈی ایچ کیو ہسپتال کے اندر مریضوں کے بیڈ اور ہسپتال کو ٹک ٹاک میں استعمال کرنے کے جرم میں مقدمہ درج ہوا ہے

قصور: ٹک ٹاکر سے انتہائی تنگ شہریوں کا ڈی پی او عمران کشور کو خواتین کی ویڈیو بنا کر وائرل کرنے والے کو گرفتار کرنے پر خراج تحسین

قصور
درندگی کی انتہا
پتوکی میں سگے چچا کی سات سالہ بهتیجی سے زیادتی کی کوشش تھانہ سٹی پتوکی پولیس نے ملزم کے خلاف مقدمہ درج کرلیا

تفصیلات کے مطابق تاھہ سٹی پتوکی کے نواحی گاؤں بھائیکوٹ چک 3 کی رہائشی شکیلہ بی بی نے تھانہ میں درخواست فی جس میں موقف اختیار کیا ہے کہ میں اور میرا خاوند گھر پر موجود نہ تھا کہ ہماری عدم موجودگی میں میری سات سالہ بیٹی مریم بی بی کو بچی کے سگے چچا رفاقت علی نے كمره میں لیجا كر زیادتی کی کوشش کی ہے بچی کی والدہ شکیلہ بی بی نے مزید بتایا ہے کہ ملزمان با اثر ہیں ملزمان نے مقدمہ درج کروانے کے بہانے مجھ سے خالی اشٹام پر انگوٹھے لگوا لئے ہیں اور جعلی اشٹام تحریر کرلیا ہے جس میں لکھا ہے کہ ھماری صلع ھوگی ھے بچی کی والدہ نے مزید بتایا کہ ہماری کوئی صلح نہیں ہوئی ایس ایچ او سٹی پتوکی محمود بھٹی کے مطابق ملزم کے خلاف مقدمہ درج کرلیا گیا ہے اور قانونی کارروائی عمل میں لائی جارہی ہے اور ملزم کی گرفتاری کیلئے چھاپے مارے جا رہے ہیں

قصور
میونسپل کارپوریشن کی روایتی لاپرواہی، غفلت اور افسران کی عدم دلچسپی سے بلدیہ چوک کے ملحقہ علاقوں خاص کر اندرون موری گیٹ کے شہری غلاظت ملا سرکاری پانی پینے سےمختلف بیماریوں میں مبتلا ہونے لگے،لوگوں کی املاک کو بھی نقصان

تفصیلات کے مطابق میونسپل کارپوریشن قصور کی روایتی لاپرواہی ،عملہ کی غفلت اور افسران کی عدم دلچسپی سے بلدیہ چوک کے ملحقہ علاقوں خاص کر اندرون موری گیٹ کے شہری غلاظت ملا سرکاری پانی پینے سے مختلف بیماریوں میں مبتلا ہونے لگے ہیں خاص کر مدینہ سٹریٹ ،کوچہ ڈاکٹر بشیر، اندرون موریگیٹ میں بوسیدہ پائپ لائنیں پھٹ جانے سے واٹر سپلائی پانی میں نالیوں کی غلاظت شامل ہو رہی ہے جس سے عوام میں متعدد موذی امراض پھیلنے کا اندیشہ ہے
نیز عوامی املاک کو بھی نقصان پہنچ رہا ہے زمین بوس ہونے کے خطرات بڑھ گئے ہیں
نیز میونسپل کارپوریشن اور مقامی انتظامیہ نے عوام کی شکایات پر کوئی شنوائی نہیں کی
جبکہ متاثرین عوام، سول سوسائٹی، مقامی شہریوں، عوامی، فلاحی، سماجی تنظیموں کے سربراہان اور ڈسٹرکٹ بار کے سینئرز وکلاء ایم یاسین فرخ ، یونس کیانی ، چوہدری انورہنجرا ، ملک شفیق ، ملک عمیر شوکت ، میجر حبیب الرحمان ، حافظ رضوان مشتاق ، حافظ شاہد بشیر ، ملک بلال خاں ، میاں شہباز ، ملک عبدالرشید ، عامر جاوید ، چوہدری انور برکت ، ملک یسین وسیم ، حافظ عدنان حمید ، شیخ روحیل ، و دیگر ممبران نے ڈپٹی کمشنر قصور آسیہ گل سے اس مسئلے کے فوری حل کا مطالبہ کیا ہے

قصور
12 گھنٹے گزرنے کے باوجود بیشتر علاقوں کی بجلی بند،افسران سونے میں مگن

تفصیلات کے مطابق قصور و گردونواح میں 12 گھنٹے گزرنے کے باوجود بلہے شاہ فیڈر بند جس سے شہر قصور میی بجلی معطل ہے گزشتہ رات آٹھ بجے سے معطل بجلی صبح ہونے تک بحال نہ ہو سکی ہے
متاثرین اہلکاروں کو ڈھونڈنے رہے مگر وہ غائب تھے جبکہ ایک اہلکار نے نام ظاہر نہ کرنے کی شرط پر بتایا کہ ایل ایس اور ایس ڈی نے جان بوجھ کر ساری رات بجلی معطل رکھی تاکہ صبح کی شفٹ والے کام کریں
معمول بن چکا ہے کہ افسران اتوار ہونے کی وجہ سے اپنا فون بند کرکے سونے میی مصروف ہوتے ہیں جبکہ عوام پریشان رہتی ہے حتی کہ لوگوں کو بنیادی ضروریات کے لیے بھی پانی میسر نہیں