Category: قصور

قصور
شہر بھر میں ہوٹلز اور فوڈ زپوائنٹس عوام میں موت بانٹنے لگےضلعی انتظامیہ اور پنجاب فوڈ اتھارٹی حسب روایت خاموش تماشائی بن گئی۔ شہریوں نے ڈپٹی کمشنر قصور اور وزیر اعلیٰ پنجاب سے فوری نوٹس لیکر ناقص اور مضر صحت کھانے فروخت کرنیوالے ہوٹلز اور فوڈزپوائنٹس کے خلاف کارروائی کا مطالبہ کیا ہے۔
تفصیلات کے مطابق قصور شہر کے مختلف علاقوں فوڈ سٹریٹ،شہباز خان روڈ،اندرون کوٹ فتح دین خان،ریلوے روڈ، چاندنی چوک،کوٹمرادخان بھسرپورہ رکن پورہ محلہ محمد نگر بن روڈ بستی صابری پرانا لاری اڈا روڈ، للیانی اڈا،کوٹ غلام محمد، کچہری روڈ،بائی پاس روڈ اور دیگر علاقوں میں قائم ہوٹلز اور فوڈز پوائنٹس نے کھانوں کے نام پر عوام میں موت بانٹنے کا مکروہ دھندہ شروع کر رکھا ہے۔ جہاں مضر صحت اور ناقص مصالحہ جات سے کھانے تیار کرکے شہریوں کو کھلائے جارہے ہیں جس سے شہری پیٹ، معدہ، ہیپاٹائٹس اور دیگر موذی امراض میں مبتلا ہو کر موت کی وادی میں پہنچ رہے ہیں ان ہوٹلز اور فوڈ پوائنٹس کو چیک کرنے والی اتھارٹیزضلعی انتظامیہ اور پنجاب فوڈ اتھارٹی نے حسب روایت ”خاموشی“ اختیار کررکھی ہے۔ شہریوں نے وزیر اعلی پنجاب، کمشنر لاہور ڈویژن،سیکرٹری فوڈ، ڈپٹی کمشنر قصور سے فوری نوٹس لیکر ناقص اور مضر صحت کھانے فروخت کرنیوالے ہوٹلز اور فوڈزپوائنٹس کے خلاف کارروائی کا مطالبہ کیا ہے

قصور
بجلی کی لوڈشینگ سے سولر کی ڈیمانڈ اور قیمتوں میں اضافہ،150 سے 200 واٹ کے پینل پر فی پینل 1500 تک کا خود ساختہ اضافہ،شہری پریشان

تفصیلات کے مطابق قصور میں سخت گرمی کے باعث بار بار کی لوڈشینگ سے تنگ شہریوں نے سولر کی خریداری زیادہ کر دی ہے جس کا فائدہ اٹھاتے ہوئے دکانداروں نے 150 سے 200 واٹ کے سولر پینل پر خود ساختہ طور پر 1500 روپیہ کا اضافہ کر دیا ہے جبکہ دیگر 12 وولٹیج اشیاء کی قیمتوں میں بھی کافی اضافہ ہو گیا ہے
رات کو سولر اشیاء کے ںیک اپ کیلئے بیٹری کا استعمال ضروری ہے سو بہتی گنگا میں ہاتھ دھوتے ہوئے تاجروں نے بیٹریوں کی قیمتیں بھی بڑھا دی ہیں جس سے مہنگائی و لوڈشینگ کے مارے شہری مذید پریشان ہو کر رہ گئے ہیں

ضلع قصور کے معروف نوجوان صحافی میاں زبیر گِل چیئرمین پریس کلب منتخب،ریجنل یونین آف جرنلسٹس پنجاب،سٹی پریس کلب پتوکی اور دیگر کی میاں زبیر گل کو مبارکباد،

تفصیلات کے مطابق کوٹ رادھا کشن ضلع قصور کے معروف نوجوان صحافی میاں زبیر گِل پریس کلب کوٹ رادہاکشن کے چیئرمین منتخب ہو گئے ہیں، جس پر ریجنل یونین آف جرنلسٹس پنجاب کے جنرل سیکرٹری تنویر اسلم خان،سنئٹرل ایگزیکٹو کمیٹی پنجاب کے رکن حاجی محمد ارشد گولڈن،حاجی محمد رمضان، آر یو جے ضلع قصور کے صدر منیر احمد خاں ساقی،جنرل سیکرٹری مہر عبدالرحمن،سٹی پریس کلب پتوکی کے جنرل سیکرٹری میاں جاوید اقبال،ظہور احمد ساجد،نعیم سلطان،اور آر یو جے تحصیل پتوکی کے صدر چوہدری مشتاق احمد, چیرمین سید آصف جمیل نقوی اور جنرل سیکرٹری خالد ورک نے نومنتخب چیئرمین پریس کلب کوٹ رادھا کشن میاں زبیر گل کو مبارکباد دیتے ھوئے نیک خواہشات کا اظہار کیا

قصور
ڈی ایچ کیو ہسپتال بے دستور انتظامیہ کی عدم توجہ اور ایم ایس کی نااہلی کی وجہ سے مریض ذلیل و خور ہو کر رہ گئے آئی سی یو وارڈ اور سی سی یو کارڈیک وارڈ کے اے سی مکمل طور پر بند مریض گرمی میں بےحال ہوگئے لواحقین سراپا احتجاج

تفصیلات کے مطابق قصور ڈی ایچ کیو ہسپتال میں انتہائی نگہداشت وارڈ کارڈیک وارڈ کے تینوں اے سی خراب مریض شدید گرمی میں بے حال ،دل کے مریض گرمی کی تپش کی وجہ سے زندہ ہی موت کے منہ میں جانے لگے تفصیلات کے مطابق ڈی ایچ کیو ہسپتال میں کرپشن کنگ ایم ایس ڈاکٹر لائق کی نااہلی کی وجہ ہسپتال بے دستور ہو گیا جہاں کروڑوں کے فنڈ اپنی جیب میں ڈال لیے جاتے ہیں لیکن عوام کو کوئی سہولیات نہیں دی جاتی الٹا مریضوں کو لاہور ریفر کردیا جاتا ہے جس سے زیادہ تر مریض راستے میں ہی دم توڑ جاتے ہیں انتہائی نگہداشت کارڈیک وارڈ کے اے سی خراب ہو کر رہ گئے پنتالیس ڈگری سینٹی گریڈ کی گرمی میں مریضوں کی دہائیاں مریض زندہ ہی موت کے منہ میں جانے لگے ڈاکٹروں کے کمرے کا اے سی چل رہا ہے جبکہ مریضوں کے کمرہ میں دوزخ جیسی گرمی شہریوں نے ڈپٹی کمشنر قصور وزیر صحت پنجاب اور وزیر اعلی پنجاب سے نوٹس کا مطالبہ کیا ہے کرپٹ ایم ایس کو معطل کرکے ہسپتال کا آڈٹ کروایا جائے۔