Category: قصور

قصور
صحافی پر قاتلانہ حملہ،تحقیقات نا ہو سکی،صحافی برادری کا اظہار تشویش

تفصیلات کے مطابق راجہ جنگ قصور کے صحافی رانا جنید خان رائیونڈ قصور روڈ پر اپنی گاڑی میں گزشتہ دنوں اپنے گھر کی جانب جا رہے تھے کہ حویلی ملکانوالی کے قریب ان کی گاڑی کے قریب آکر دو موٹر سائیکل سواروں نے انہیں روکنے کی کوشش کی جس پر رانا جنید نے گاڑی بھگا کر لیاقت فلنگ اسٹیشن میں گاڑی داخل کی تو تعاقب کرنے والے مسلح افراد نے ان کی جانب فائرنگ کی اور بھاگ نکلے تاہم رانا جنید محفوظ رہے
واقعہ کی اطلاع ریسیکو 15 قصور پولیس کو کی گئی تو ایس ایچ او راجہ جنگ بھاری نفری کے ہمراہ پہنچ گئے اور حملہ آوروں کو جلد سے جلد گرفتار کرنے کی یقین دہانی کروائی تاہم کئی دن گزرنے کے باوجود کوئی پیش رفت نہیں ہو سکی
واضع رہے کہ چند دن قبل اسی راجہ جنگ کے علاقے میں اظہر یسین ثانی ایڈووکیٹ سمیت تین افراد کو قتل کر دیا گیا تھا جس کے باعث پورے علاقے میں خوف کی فضاء قائم ہے
راجہ جنگ قصور کی سیاسی،سماجی و صحافی برادری نے ڈی پی او قصور عمران ہشور سے رانا جنید خان پر حملہ کرنے والے ملزمان کو جلد سے جلد گرفتار کرنے کا مطالبہ کیا ہے

قصور
پتوکی میں واپڈا والوں کی کرپشن عروج پر صارفین پریشان۔گرمی آتے ہی بجلی چوری میں اضافہ جس کی سے وجہ تھوڑی تھوڑی دیر بعد لوڈ شیڈنگ میں اضافہ کیا جا رہا ہے

تفصیلات کے مطابق پتوکی اور اس کے گردونواع میں واپڈا والوں کی طرف سے بجلی چوری عروج پر پہنچ چکی ہیں ملازمین ناجائز بل بنا کر صارفین سے رشوت وصول کرتے ہیں اور اپنے من پسند افراد کو بجلی چوری کرواتے ہیں جس سے ملکی خزانے کو سالانہ کروڑوں روپے کا چونا لگایا جاتا ہے۔پتوکی اور گردونواح میں واپڈا ملازمین منتھلیاں وصول کرکے بجلی چوری کروا رہے ہیں۔ذرائع کا کہنا ہے کہ ملازمین نے مختلف جگہوں پر اپنے کارندے رکھے ہوئے ہیں جو واپڈا ملازمین اور لوگوں کے درمیان سیٹنگ کروا کر پیسے اکھٹے کرتے ہیں۔اور ملکی خزانے کو سالانہ کروڑوں روپے کا چونہ لگاتے ہیں۔پتوکی عوام نے ایس ای قصور چیف لیسکو اور وزیر پانی وبجلی سے مطالبہ کیا ہے کہ وہ فوری ایکشن لے کر ذمہ داران کا جلد تعین کر کے محکمے کو نقصان سے بچایا جائے اور لوگوں کو کافی عرصہ سے ایک ہی جگہ رہنے والے کرپٹ ملازمین سے جان چھڑوائی جائے

قصور
الہ آباد ٹاون کمیٹی کےسینٹری ور کروں شدید گرمی میں اپنی ڈیوٹی فریضہ سمجھ کر ادا کرتے ھیں
الہ آباد میں ٹاؤن کمیٹی کے سینٹری ورکرز نے شدید گرمی کے باوجود۔صفائی ستھرائی گٹروں کی صفائی محنت اور لگن سے ادا کر رھے ھیں پھر گٹروں کی۔صفائی کے لیے ھمیں مکمل کٹ میسر نہیں ھے کئی دفعہ گٹروں صفائی کے دوران گیس بھرنے سے اموات بھی واقع ہوسکتی ھے اور شدید گرمی کام کرنے کے دوان شدید پیاس کی طلب ھو جاتی ھے مگر اداروں کی جانب سے کوئی سہولت میسر نہ ھے اور صفائی ھم کرتے ھیں شاباش افسران لے لیتے ھیں مگر کسی نے چھوٹے ملازمین کی فلاح و بہبود کے لیے نہیں سوچا الہ آباد کے شہریوں عمران سردار رمضان چوہدری اشفاق جٹ وغیرہ نے حکومت پنجاب سے مطالبہ کیا ھے کہ سینٹری ورکر وں کو صفائی کے لیے صفائی الاؤنس اور ھیلتھ الاؤنس بھی دیا جائے اور ان کی تنخواہوں 25/فیصد بڑھائی جائیں اور گرمی میں کام کرنے کے دوران ٹھنڈے پانی کا بندوبستی کیا جاوے اور گٹر کی صفائی کے لیے مکمل کٹ فراھم کی جاوے

قصور
پولیس کی جانب سے تاجر و دوکانداروں کو اپنی حفاظت کے لئے اپنے ذاتی سکیورٹی گارڈ رکھنے کا حکم، قصور پولیس کی جانب سے کیبل پر اشتہار چلایا گیا،مالی مشکلات میں مبتلا تاجر برادری مذید پریشان

تفصیلات کے مطابق ڈسٹرکٹ پولیس قصور کی جانب سے کیبل نیٹ ورک پر اشتہار چلایا گیا ہے جس میں 15000 ہزار سے زیادہ سیل کرنے والے دکانداروں،تاجروں کو حکم دیا گیا ہے کج وہ اپنے جان و مال کے تحفظ کے لئے اپنے ذاتی سکیورٹی گارڈ رکھیں اور جو دوکاندار اپنا سکیورٹی گارڈ نہیں رکھے گا اسکے خلاف قانونی کارروائی ہو گی
پولیس کی جانب سے کیبل نیٹ ورک پر دیئے گئے حکمی اشتہار پر تشویش کا اظہار کرتے ہوئے تاجروں نے کہ اکہ اگر ہم نے اپنی حفاظت کے لیے ذاتی سکیورٹی گارڈ رکھنے ہیں تو پولیس کا محکمہ ختم کر دیا جائے
عوام اپنی مدد آپ کے تحت اپنی حفاظت شروع کر دے گی اور گورنمنٹ کی تنخواہوں کی مد میں جانے والی رقم بچے گی جس سے قومی خزانے کو کچھ تو فائدہ ہو گا نیز ان کا کہنا ہے کہ قصور پولیس کی طرف سے اسطرح کے اشتہار چلوا کر عوام میں پولیس کے بارے خود ہی عدم اعتماد کی فضا قائم کی گئی ہے

قصور پولیس کی جانب سے اس اشتہار چلائے جانے پر شہریوں نے آئی جی پنجاب سے نوٹس لینے کا مطالبہ کیا تاکہ انکوائری کروا کر پتہ چلایا جائے کہ یہ اشتہار کس کے کہنے یر چلایا جا رہا ہے

قصور
پتوکی و گردونواح میں غیر قانونی پیٹرول پمپس کی بھرمار
تفصیلات کے مطابق پتوکی،حبیب آباد اور گردونواح میں غیر قانونی منی پٹرول پمپوں کی بھر مار ۔بڑے حادثے کا خدشہ پوچھنے والا کوئی نہیں۔تفصیلات کے مطابق پتوکی ، حبیب آباد اور گردونواح میں درجنوں غیر قانونی منی پٹرول پمپوں کی بھر مار کے باعث بڑے حادثے کا خدشہ پیدا ہوگیا ہے اور ان منی غیر قانونی پٹرول پمپوں پر دوکان دار بڑی دیدہ دلیری کے ساتھ اس مکروہ دھندہ میں مصروف ہیں ۔حقائق کا علم ہونے کے باوجود ذمہ دار افسران نے چپ سادھ رکھی ہے اور انہیں پوچھنے والا کوئی نہیں اور یہ لوگ کھلم کھلا غیر قانونی کاروبار کر کے آئین اور قانون کی دھجیاں اُڑا رہے ہیں شہر کے عوامی سماجی حلقوں اور سول سوسائٹی کے نمائندوں نے اسسٹنٹ کمشنر پتوکی اور ڈپٹی کمشنر قصور ،محکمہ سول ڈیفنس کے حکام سے مطالبہ کیا ہے کہ فوری طور پر غیر قانونی طور پر قائم منی پٹرول پمپوں کے خلاف سخت ایکشن لیا جائے اور ان کو سیل کر کے اس دھندے میں ملوث افراد کے خلاف سخت کاروائی عمل میں لائی جائے تاکہ بڑے سانحہ سے بچا جاسکے

قصور
ڈسٹرکٹ ہیڈ کوارٹرز ہسپتال کی گائنی وارڈ کا سٹاف غرباء کے لئے پریشانی کا باعث،انتہائی نازیبا رویہ،لوگوں کو دھمکیاں لگانا معمول،لوگوں کی وزیراعلی پنجاب سے فوری کاروائی کا مطالبہ

تفصیلات کے مطابق ڈسٹرکٹ ہیڈ کوارٹرز ہسپتال قصور کی گائنی وارڈ کا فی میل عملہ غرباء کے لئے پریشانی کا باعث بن چکا ہے جائز کام بھی بغیر شفارش کے کروانا نامکن ہو گیا ہے غریب عورتیں ان کے سامنے بولنے سے بھی ڈرتی ہیں اور تو اور بدتمیز سٹاف مردوں سے بات کرتے وقت اپنی نسوانیت بھی بھول گیا
پرسوں ایک دیہاتی کی بیوی کو چیک نا کرنے پر چیک کرنے کیلئے کہا گیا تو سٹاف نے انتہائی گھٹیا رویہ اختیار کیا اور دھمکیاں لگائیں
واضع رہے کہ ہسپتال سٹاف کے رویہ بارے لوگ ہزاروں بار شکایات کر چکے ہیں مگر اس کے باوجود کوئی تبدیلی نہیں آئی
شہریوں نے وزیراعلی پنجاب سے فوری نوٹس لے کر سٹاف کے خلاف کاروائی کا مطالبہ کیا ہے تاکہ فرعون صفت سٹاف کے سامنے غریب پریشان حال عورتیں اپنی پریشانی بیان کرکے علاج کروا سکیں

قصور
دو نوجوانوں کو سڑک پر گولیاں مارنے والا ملزم گرفتار

تفصیلات کے مطابق تھانہ تھ شیخم پولیس کی کاروائی چند دن پہلے دو نوجوان لڑکوں کو گولیاں مار کر زخمی کر نے والا ملزم نادر کو پولیس نے گرفتار کر لیا ہے
چند روز قبل سڑک پر نوجوانوں کو گولیاں مارنے کا نوٹس لے کر ڈی پی او قصور عمران کشور نے ڈی ایس پی سرکل محمد یوسف اور ایس ایچ او سید افتخار بخاری کو نامعلوم ملزم کی جلد گرفتاری کا ٹاسک دیا تھا
نندک اتکیہ گاوّں کی ( ز ) نامی لڑکی کو وڈیو کال کے ذریعہ بلیک میل کرنے والے لڑکے کاشف پر لڑکی کے رشتےدار کی اندھا دوھند فائرنگ پر دو نوجوان شدید زخمی ہو گئے تھے
تھانہ تھ شیخم پولیس نے ڈی ایس پی سرکل کی سربراہی میں ایس ایچ او سید افتخار بخاری نے جدید سائنسٹیفک طریقہ سے نامعلوم ملزم کو ٹریس کر کے گرفتار کر لیا
پولیس تفشیش کے مطابق ملزم نادر نے لڑکی ( ز ) کے کہنے پہ کاشف پر فائرنگ کی جو کہ مسلسلہ وڈیو کال کے ذریعے زرینہ بی بی کو بلیک میل کر رہا تھا تھانہ تھ شیخم پولیس کی شاندار کامیابی پر ڈی پی او قصور عمران کشور کی طرف سے ایس ایچ او سید افتخار بخاری اور ہمراہ ٹیم کو شاباش دی

قصور
مصطفی آباد للیانی نہر پر لگے نلکے سے پانی بھرنے گئے نوجوان کو نامعلوم افراد نے گولی مار دی،ہسپتال میں دم توڑ گیا

تفصیلات کے مطابق قصور کے نواحی قصبے مصطفی آباد للیانی کا رہائشی محمد طلحہ آصف آج صبح سویرے اپنی موٹر سائیکل پر سوار ہو کر مصطفی آباد للیانی نہر پر لگے نلکے سے پانی بھرنے گیا تو اسے نامعلوم افراد نے گولی مار دی جو کہ اس کے پیٹ پر لگی
شور سن کر لوگوں نے تھانہ مصطفیٰ آباد للیانی اور ریسکیو 1122 کو اطلاع دی جنہوں نے فوری طور پر زخمی نوجوان کو ہسپتال منتقل کیا تاہم دوران ٹریٹمنٹ خون زیادہ ضائع ہونے کے باعث نوجوان دم توڑ گیا
تھانہ مصطفیٰ آباد للیانی پولیس نے موقع پر پہنچ کر تفتیش کا آغاز کر دیا ہے

قصور
آئس فیکٹریوں کی کھلے عام حفظان صحت کی دھجیاں،فوڈ اتھارٹی و ضلعی انتظامیہ خاموش تماشائی،ناقص پانی سے برف بنانے کا عمل جاری

تفصیلات کے مطابق قصور اور گردونواح میں آئس فیکٹریوں کی طرف سے کھلے عام حفظان صحت کے اصولوں کی دھجیاں اڑائی جا رہی ہیں جبکہ فوڈ اتھارٹی و ضلعی انتظامیہ خاموش تماشائی کا کردار ادا کر رہی ہیں
آئس فیکٹریوں میں بننے والی برف میں کیڑے،مکوڑے شامل ہو کر آ رہے ہیں
نیز برف بنانے والے پرانے سانچوں کے باعث سانچوں کے ٹکڑے و زنگ برف کے اندر جم جاتا ہے جسے اسی طرح فروخت کیا جا رہا ہے
نیز زیادہ تر آئس فیکٹریوں نے واٹر فلٹریشن سسٹم بھی نہیں لگایا اور عام پانی سے ہی برف بنا کر فروخت کی جا رہی ہے
واضع رہے کہ چند سال قبل ہوئے ورلڈ ہیلتھ آرگنائزیشن کے سروے کے مطابق قصور کی ٹینریوں کی صنعت کے باعث دین گڑھ قصور سے 8 کلومیٹر سرکل میں زیر زمین پانی پینے کے قابل نہیں مگر اس کے باوجود قصور شہر میں آئس فیکٹری مالکان نے عام واٹر پمپ بورنگ کروا رکھی ہے اور کوئی فلٹریشن سسٹم نہیں لگایا
ناقص پانی سے بنائی گئی اور سالوں پرانی سانچوں میں بننے والی برف انتہائی مضر صحت ہے جس سے کئی امراض جنم لے رہے ہیں جس کو روکنے کیلئے ضلعی انتظامیہ و فوڈ اتھارٹی کو واٹر فلٹریشن سسٹم اور حفضان صحت کے اصولوں پر برف بنانے کیلئے کاروائی کرنی ہو گی

قصور
پتوکی شہر میں حالیہ ہونے والی بارش نے تمام راز کھول دیئے شہر کی تمام چھوٹی بڑی شاہراہوں کی صفائی نہ ہونے کی وجہ سے مٹی دھول اور گردو غبار اُڑنے سے شہری سانس دمہ اور ڈسٹ الرجی جیسے موذی امراض میں مبتلا ہونے لگے ۔عوام پریشان کوئی پرسان حال نہیں انتظامیہ خاموش تماشائی اعلیٰ حکام نوٹس لیں

تفصیلات کے مطابق وفاقی اور صوبائی حکومت کے کلین اور گرین پاکستان کے دعوے دھرے کے دھرے رہ گئے ہیں شہر کی تمام بڑی اور چھوٹی شاہراروں پر کیچڑ اور مٹی کے بڑے بڑے ڈھیر انتظامیہ کی ناکامی کا منہ بولتا ثبوت ہیں حالیہ بارش کی وجہ سے صورت حال انتہائی غمگین ہو چکی ہے دھول اور گردو غبار منہ اور ناک کے ذریعے جسم کے اندر جانے سے لوگ طرح طرح کی بیماریوں کا شکار ہونے لگے ہیں
مٹی اور دھول آنکھوں میں پڑنے سے لوگ آنکھوں کے امراض کا شکار بھی ہو رہے ہیں جبکہ میونسپل کمیٹی کے پاس سڑکوں کو صاف رکھنے کے لیے جدید مشینری کا ہونا اپنی جگہ پر سوالیہ نشان ہے