Category: قصور

قصور
دو نوجوانوں کو سڑک پر گولیاں مارنے والا ملزم گرفتار

تفصیلات کے مطابق تھانہ تھ شیخم پولیس کی کاروائی چند دن پہلے دو نوجوان لڑکوں کو گولیاں مار کر زخمی کر نے والا ملزم نادر کو پولیس نے گرفتار کر لیا ہے
چند روز قبل سڑک پر نوجوانوں کو گولیاں مارنے کا نوٹس لے کر ڈی پی او قصور عمران کشور نے ڈی ایس پی سرکل محمد یوسف اور ایس ایچ او سید افتخار بخاری کو نامعلوم ملزم کی جلد گرفتاری کا ٹاسک دیا تھا
نندک اتکیہ گاوّں کی ( ز ) نامی لڑکی کو وڈیو کال کے ذریعہ بلیک میل کرنے والے لڑکے کاشف پر لڑکی کے رشتےدار کی اندھا دوھند فائرنگ پر دو نوجوان شدید زخمی ہو گئے تھے
تھانہ تھ شیخم پولیس نے ڈی ایس پی سرکل کی سربراہی میں ایس ایچ او سید افتخار بخاری نے جدید سائنسٹیفک طریقہ سے نامعلوم ملزم کو ٹریس کر کے گرفتار کر لیا
پولیس تفشیش کے مطابق ملزم نادر نے لڑکی ( ز ) کے کہنے پہ کاشف پر فائرنگ کی جو کہ مسلسلہ وڈیو کال کے ذریعے زرینہ بی بی کو بلیک میل کر رہا تھا تھانہ تھ شیخم پولیس کی شاندار کامیابی پر ڈی پی او قصور عمران کشور کی طرف سے ایس ایچ او سید افتخار بخاری اور ہمراہ ٹیم کو شاباش دی

قصور
مصطفی آباد للیانی نہر پر لگے نلکے سے پانی بھرنے گئے نوجوان کو نامعلوم افراد نے گولی مار دی،ہسپتال میں دم توڑ گیا

تفصیلات کے مطابق قصور کے نواحی قصبے مصطفی آباد للیانی کا رہائشی محمد طلحہ آصف آج صبح سویرے اپنی موٹر سائیکل پر سوار ہو کر مصطفی آباد للیانی نہر پر لگے نلکے سے پانی بھرنے گیا تو اسے نامعلوم افراد نے گولی مار دی جو کہ اس کے پیٹ پر لگی
شور سن کر لوگوں نے تھانہ مصطفیٰ آباد للیانی اور ریسکیو 1122 کو اطلاع دی جنہوں نے فوری طور پر زخمی نوجوان کو ہسپتال منتقل کیا تاہم دوران ٹریٹمنٹ خون زیادہ ضائع ہونے کے باعث نوجوان دم توڑ گیا
تھانہ مصطفیٰ آباد للیانی پولیس نے موقع پر پہنچ کر تفتیش کا آغاز کر دیا ہے

قصور
آئس فیکٹریوں کی کھلے عام حفظان صحت کی دھجیاں،فوڈ اتھارٹی و ضلعی انتظامیہ خاموش تماشائی،ناقص پانی سے برف بنانے کا عمل جاری

تفصیلات کے مطابق قصور اور گردونواح میں آئس فیکٹریوں کی طرف سے کھلے عام حفظان صحت کے اصولوں کی دھجیاں اڑائی جا رہی ہیں جبکہ فوڈ اتھارٹی و ضلعی انتظامیہ خاموش تماشائی کا کردار ادا کر رہی ہیں
آئس فیکٹریوں میں بننے والی برف میں کیڑے،مکوڑے شامل ہو کر آ رہے ہیں
نیز برف بنانے والے پرانے سانچوں کے باعث سانچوں کے ٹکڑے و زنگ برف کے اندر جم جاتا ہے جسے اسی طرح فروخت کیا جا رہا ہے
نیز زیادہ تر آئس فیکٹریوں نے واٹر فلٹریشن سسٹم بھی نہیں لگایا اور عام پانی سے ہی برف بنا کر فروخت کی جا رہی ہے
واضع رہے کہ چند سال قبل ہوئے ورلڈ ہیلتھ آرگنائزیشن کے سروے کے مطابق قصور کی ٹینریوں کی صنعت کے باعث دین گڑھ قصور سے 8 کلومیٹر سرکل میں زیر زمین پانی پینے کے قابل نہیں مگر اس کے باوجود قصور شہر میں آئس فیکٹری مالکان نے عام واٹر پمپ بورنگ کروا رکھی ہے اور کوئی فلٹریشن سسٹم نہیں لگایا
ناقص پانی سے بنائی گئی اور سالوں پرانی سانچوں میں بننے والی برف انتہائی مضر صحت ہے جس سے کئی امراض جنم لے رہے ہیں جس کو روکنے کیلئے ضلعی انتظامیہ و فوڈ اتھارٹی کو واٹر فلٹریشن سسٹم اور حفضان صحت کے اصولوں پر برف بنانے کیلئے کاروائی کرنی ہو گی

قصور
پتوکی شہر میں حالیہ ہونے والی بارش نے تمام راز کھول دیئے شہر کی تمام چھوٹی بڑی شاہراہوں کی صفائی نہ ہونے کی وجہ سے مٹی دھول اور گردو غبار اُڑنے سے شہری سانس دمہ اور ڈسٹ الرجی جیسے موذی امراض میں مبتلا ہونے لگے ۔عوام پریشان کوئی پرسان حال نہیں انتظامیہ خاموش تماشائی اعلیٰ حکام نوٹس لیں

تفصیلات کے مطابق وفاقی اور صوبائی حکومت کے کلین اور گرین پاکستان کے دعوے دھرے کے دھرے رہ گئے ہیں شہر کی تمام بڑی اور چھوٹی شاہراروں پر کیچڑ اور مٹی کے بڑے بڑے ڈھیر انتظامیہ کی ناکامی کا منہ بولتا ثبوت ہیں حالیہ بارش کی وجہ سے صورت حال انتہائی غمگین ہو چکی ہے دھول اور گردو غبار منہ اور ناک کے ذریعے جسم کے اندر جانے سے لوگ طرح طرح کی بیماریوں کا شکار ہونے لگے ہیں
مٹی اور دھول آنکھوں میں پڑنے سے لوگ آنکھوں کے امراض کا شکار بھی ہو رہے ہیں جبکہ میونسپل کمیٹی کے پاس سڑکوں کو صاف رکھنے کے لیے جدید مشینری کا ہونا اپنی جگہ پر سوالیہ نشان ہے

قصور
پنجاب گورنمنٹ کا احسن قدم،پروگرام برائے تعلیمی اصلاحات پنجاب کے تحت بچوں کے نصاب میں احادیث رسول کا اضافہ،یکساں نصاب کا وعدہ بھی جلد پورا کیا جائے،شہریوں کی اپیل

تفصیلات کے مطابق پنجاب گورنمنٹ نے شاندار قدم اٹھاتے ہوئے تعلیمی اصلاحات پنجاب کے تحت بچوں کے نصاب برائے سال 2021_2022 میں احادیث رسول کا اضافہ کر دیا ہے جس پر سماجی حلقوں نے نیک تمناؤں کا اظہار کیا ہے اور گورنمنٹ سے مطالبہ کیا ہے کہ یکساں نصاب کے تحت سرکاری و پرائیویٹ سکولوں میں ایک ہی نصاب پڑھانے کی جلد سے جلد پابندی کروائی جائے تاکہ غریب و امیر کے بچے یکساں نصاب کے تحت مساوی تعلیم حاصل کر سکیں

قصور
پتوکی میں خونی کھیل پتنگ بازی سر عام جاری انتظامیہ کی اس جان لیوا کھیل پر خاموشی سوالیہ نشان بن گئی۔

تفصیلات کے مطابق پتوکی شہر اور گردونواح میں خونی کھیل پتنگ بازی عروج پر پہنچ چکی ھے اس خونی کھیل کی وجہ سے متعدد افراد زخمی ہوچکے ھے اور یہ سلسلہ مزید جاری ھے ٹھینگ چک نمبر 7 کا رہائشی حمزہ نامی سٹوڈینٹ گلے پر ڈور پھرنے سے شدید زخمی ھو گیا جو تا حال ہسپتال ایمرجنسی وارڈ میں زیر علاج ھے ایسے واقعات کا مسلسل جاری رہنا پتوکی پولیس بلکہ ضلعی انتظامیہ پر سوالیہ نشان ھے حکومت وقت کی جانب سے اس خونی کھیل پر پابندی کے باوجود انتظامیہ اسے کنٹرول کرنے اور حکومتی احکامات پر عمل درآمد کروانے سےکیوں قاصر ھے

قصور
تحصیل چونیاں کے معروف شہر الہ آباد ٹھینگ موڑ میں ڈاکو ںے لگام ،دکاندار کو اسلحہ کے زور پر لوٹ کر فرار

تفصیلات کے مطابق چونیاں کے شہر الہ آباد ٹھینگ موڑ میں ڈاکو بے لگام ہو گئے ہیں
نامعلوم ڈاکوؤں نے الہ آباد شہر کو اپنے شکنجے میں لے لیا جبکہ پولیس تھانہ الہ آباد بے بس ہو چکی ہے جس سے آئے روز شہری لٹ رہے ہیں
قصور دیپالپور روڑ پر واقع ماسٹر الیکٹرونک سٹور سے نامعلوم ڈاکوؤں نے دوکاندار کو اسلحہ کے زور پر یرغمال بنا کر لاکھوں روپے نقدی، قیمتی موبائل لوٹے اور فرار ہوگئے جس سے علاقے میں خوف و ہراس قائم ہو گیا
شہریوں نے بڑھتی ہوئی وارداتوں کے پیش نظر ڈی ایس پی چونیاں سے نوٹس لینے کا مطالبہ کیا ہے

قصور
سرعام عورتوں کی ٹک ٹاک ویڈیو بنانے والا گرفتار

تفصیلات کے مطابق سرے عام بازار میں عورتوں کی ٹک ٹاک بنانے والا ٹک ٹاکر گرفتار ، ٹک ٹاکر نوید جانی نے بازار کا راستہ بلاک کر کہ اپنی ویڈیو کے ساتھ لڑکیوں کی بھی ویڈیو بنائی جس پر ڈی پی او قصور عمران کشور نے سوشل میڈیا پر وائرل ویڈیو پر ازخودنوٹس لیا اور
ڈی پی او قصور عمران کشور کی ہدایت پر تھانہ بی ڈویژن پولیس نے ٹک ٹاکر نوید جانی کو گرفتار کر لیا
واضع رہے کہ نوید جانی کے خلاف پہلے بھی ڈی ایچ کیو ہسپتال کے اندر مریضوں کے بیڈ اور ہسپتال کو ٹک ٹاک میں استعمال کرنے کے جرم میں مقدمہ درج ہوا ہے

قصور: ٹک ٹاکر سے انتہائی تنگ شہریوں کا ڈی پی او عمران کشور کو خواتین کی ویڈیو بنا کر وائرل کرنے والے کو گرفتار کرنے پر خراج تحسین