Category: قصور

قصور
واردات ہوئے 25 دن گزر گئے سی سی ٹی وی فوٹیج دی گئی مگر پولیس بلکل بے بس نظر آ رہی ہے ،درخواست گزار کا موقف
تفصیلات کے مطابق قصور اٹھیل پور الفضل ملک پروڈکٹس پر تین مسلح افراد نے ڈکیتی کی تھی
الفضل ملک پروڈکٹس پر ہونے والی ڈکیتی کی سی سی ٹی وی فٹیج بطور ثبوت دینے کے باوجود بھی پولیس بے بس ہے
درخواست گزار کا کہنا ہے کہ 25 دن گزر چکے ہیں ابھی تک پولیس نے ایف آئی آر درج تک نہ کی
قصور پولیس کس چیز کی تنخواہیں لے رہی اس پر سوالیہ نشان ہے درخواست گزار رضوان کا کہنا ہے چکر لگا کر تھک چکا ہوں قصور پولیس سننے کو تیار نہیں

قصور
صلع بھر کی سڑکوں پر ٹھوس لائن پیلی پٹی نا ہونے سے دھند کے باعث حادثات میں اضافہ
تفصیلات کے مطابق ضلع بھر کی سڑکوں پر ٹھوس لائن یعنی پیلی پٹی نا ہونے سے دھند میں حادثات ہو رہے ہیں اس پیلی پٹی سے دھند میں باآسانی سڑک کے کنارے کا اندازہ کیا جا سکتا ہے مگر بدقسمتی سے ضلع کی چند ایک سڑکوں کے علاوہ کسی بھی سڑک پر پیلی پٹی سرے سے موجود ہی نہیں اور جن پر بنائی گئی تھی اسے مانند ہونے پر دوبارہ پینٹ نہیں کیا گیا اگر سڑکوں پر پیلی پٹی بنانا لازمی ہو جائے تو دھند اور رات کی تاریکی میں ڈرائیور سڑک کے کنارے کا احساس کرکے حادثات سے بچ سکتے ہیں

قصور
جرائم کے خاتمے اور انصاف کی فراہمی کے لئے پولیس اپنا کردار ادا کر رہی ہے نئے تعینات ہونے والے RPO شیچوپورہ رینج انعام وحید کی توقعات پر پورا اترنے کی کوشش کریں گے ان تفصیلات کے مطابق DSP چونیاں خالد اسلم نے صحافیوں سے گفتگو کرتے ہوئے کہا کہ اس بات میں کوئی شک نہیں کہ محکمہ میں کالی بھیڑیں موجود ہیں لوگوں کا خیال ہے کہ پولیس کی سرپرستی کے بغیر کوئی جرم نہیں ہوتا لیکن حقیقت اس کے برعکس ہے آج کے جدید دور میں ملزم بہت شاطر ہیں اور اپنی وارداتوں کے ثبوت مٹانے کی کوشش کرتے ہیں لیکن ایک اچھا پولیس آفیسر اس کو ناکام بنا دیتا ہے پولیس جرائم کے خاتمے اور انصاف کی فراہمی کے لئے اپنا کردار ادا کر رہی ہے لیکن اس سے مزید بہتر طریقہ سے کام کرنے کی ضرورت ہے شیچوپورہ رینج میں نئے تعینات ہونے والے RPO انعام وحید صاحب کی توقعات پر پورا اترنے کی کوشش کریں گے اور مظلوم کو اس کی دہلیز پر انصاف فراہم کرنے کی کوشش کریں گے اور ظالم کا ہاتھ زبردستی روکیں گے

قصور
قصور تھانہ اے ڈویژن پولیس کا پتنگ بازی کے خلاف کریک ڈاؤن، متعدد پتنگیں، چرخیاں اور پتنگ باز گرفتار
تفصیلات کے مطابق ڈی پی اوقصور عمران کشور اور ڈی ایس پی سٹی کی خصوصی ہدایات کی روشنی میں ایس ایچ او تھانہ اے ڈویژن افتخار جوئیہ کی زیرنگرانی پتنگ بازی کے خلاف شہر بھر میں بھرپور کریک ڈاؤن شروع کر رکھا ہے جس میں گزشتہ روز خفیہ اطلاع پر چھاپہ مارتے ہوئے للیانی اڈا چوک سے ایک پتنگ باز ملزم محمد تنویر سے 200 عدد پتنگیں اور 14عدد چرخیاں برآمد کر لیں جبکہ ملزم کے خلاف مقدمہ درج کرکے گرفتار کرلیا گیا، ایس ایچ او تھانہ اے ڈویژن افتخار جوئیہ نے میڈیا سے گفتگو کرتے ہوئے کہاکہ پتنگ بازی ایک خونی کھیل ہے جوکہ غیرقانونی ہے، اس میں ملوث افراد کے ساتھ آہنی ہاتھوں سے نمٹا جائے گا

قصور
انتہائی قدیم چوک نور مسجد میں چار اطراف راستہ ہونے کے باوجود کوئی ٹریفک اہلکار تعینات نہیں جس کے باعث آئے روز حادثات ہوتے رہتے ہیں
تفصیلات کے مطابق قصور شہر کے انتہائی قدیم چوک نور مسجد چوک میں چار اطراف سے راستہ ہے شہباز خان روڈ، ختم نبوت چوک،بلدیہ چوک اور اڈہ کھیم کرن روڈ سے گزرنے والی ٹریفک اسی چوک سے آمنے سامنے سے گزرتی ہے جس کے باعث ہر وقت رش رہتا ہے اور اس رش کے باعث آئے روز حادثات ہوتے رہتے ہیں تاہم افسوس کی بات ہے کہ سٹی ٹریفک پولیس کی جانب سے اس چوک کی ٹریفک کو کنٹرول کرنے کیلئے کوئی ٹریفک اہلکار تعینات نہیں کیا گیا
شہریوں نے ڈی پی او قصور اور ڈی سی قصور سے نوٹس لے کر ٹریفک اہلکار تعینات کرنے کی درخواست کی ہے

قصور
پولیس قانون شکنوں کے خلاف ڈٹ گئی،دو ملزمان گرفتار
تفصیلات کے مطابق قصور پولیس قانون شکنوں کے تعاقب میں ڈٹ گئی تھانہ کھڈیاں پولیس کی کاروائی میں سوشل میڈیا پر اسلحہ کی نمائش کرنے والوں کو گرفتار کر کے ملزمان شوکت اور زمان کے قبضہ سے جدید ناجائز اسلحہ برآمد کرکے مقدمات درج کر لئے گئے ہیں
ملزمان نے جدید ناجائز اسلحہ کیساتھ اپنی تصاویر سوشل پر وائرل کیں تھیں
ڈی پی او قصور عمران کشور نے ملزمان کی گرفتاری کیلئے تھانہ کھڈیاں پولیس کو سپیشل ٹاسک دیا تھا

قصور الہ آباد
دھند میں ٹرانسپورٹر دورانِ سفر احتیاطی تدابیر پر عمل کو یقینی بنائیں۔ گاڑیوں کی بیک لائٹس انڈیکیٹرز اور ریفلیکٹرز کی چیکنگ روزانہ کی بنیاد پر کریں دورانِ ڈرائیونگ بے دھیانی اور کھانے پینے کی اشیاء سے دریغ کریں
ان خیالات کا اظہار انچارج ٹریفک پولیس میڈم شہناز اختر نے میڈیا سے خصوصی گفتگو کرتے ہوئے کیا انہوں نے کہا کہ موٹر ویز یا شہر سے باہر جانے والے شہری انتہائی احتیاط اور مناسب رفتار سے گاڑی چلائیں اور دھند میں ہیڈ لائٹس، بیک لائٹ کے علاوہ ڈبل اشارے لگا کر گاڑی چلائیں اور شدید دھند میں فوگ لائٹ کا استعمال ضرور کریں گاڑی خراب ہونے یا پارکنگ کے لئے سڑک کے انتہائی بائیں لائن میں چاروں انڈیکیٹرز آن کر کے گاڑی پارک کریں

قصور
شدید دھند و بادلوں کا سلسلہ جاری،سردی کی شدت میں اضافہ،واپڈا کی طرف سے بجلی کی آنکھ مچولی جاری
تفصیلات کے مطابق قصور میں شدید دھند کیساتھ بادلوں کا سلسلہ آج بھی جاری ہے جس سے سردی کی شدت میں سخت اضافہ ہو گیا ہے دھند کے باعث گرڈ اسٹیشن ٹرپ کرنے سے بجلی کی آنکھ مچولی جاری ہے
ساتھ ہی گیس صارفین بھی پریشر کم ہونے کے باعث پریشان ہیں اور مجبورا ایل پی جی گیس استعمال کرنے پر مجبور ہیں

قصور
سوئی گیس کا پریشر نا ہونے کے باعث شہری گیس کیلئے کمپریسر کا استعمال کرنے لگے جس سے حادثات کا خدشہ ہے،گورنمنٹ گیس کا پریشر پورا کرے تاکہ کمپریسر لگانے کی ضرورت نا پڑے
تفصیلات کے مطابق قصور میں سوئی گیس کا پریشر انتہائی کم ہے جسے پورا کرنے کیلئے شہری فریج کمپریسر کا استعمال کر رہے ہیں جس کے باعث کمپریسر نا استعمال کرنے والوں کو گیس کا پریشر مذید کم مل رہا ہے حالانکہ کہ سوئی نادرن گیس کی طرف سے کمپریسر لگانے پر پابندی ہے اور کنکشن کاٹ کر قانونی کاروائی کرنے کا حکم نامہ بھی جاری کیا گیا ہے تاہم صادفین کا کہنا ہے کہ گورنمنٹ گیس کا پریشر پورا کرے تاکہ ہمیں کمپریسر لگانے کی ضرورت ہی نا پڑے گورنمنٹ انڈسٹری کو گیس دے رہی ہے اور صارفین کو کم پریشر کے باعث کمپریسر لگانے پر مجبور کیا جا رہا ہے