Category: قصور

قصور ڈی ایچ کیو قصور میں اندھیر نگری چوپٹ راج ،ہسہتال و ضلعی انتظامیہ سکون کی نیند سو گئی
تفصیلات کے مطابق قصور ڈی ایچ کیو ہسپتال کی کنٹین میں کھانے پینے کی مضرِ صحت اشیاء کی سرِعام فروخت جاریہے منرل واٹر کے نام پر انتہائی غیر معیاری پانی مہنگے داموں فروخت کیا جا رہا ہے
جبکہ ضلعی و ہسپتال انتظامیہ خواب خرگوش کے مزے لینے میں مصروف ہے
کنٹین کنٹریکٹر نے اپنایا دوہرا معیار بنا لیا ہے جس کے تحت ہسپتال میں تعینات ڈاکٹروں و افسرانِ بالا کو خوش رکھنے کیلیے معیاری مشروبات و کھانا فراہم کر رہا ہے
جبکہ دور دراز علاقوں سے آنیوالے مریضوں اور انکے لواحقين کو انتہائی غیر معیاری مضرِ صحت اشیاء مشروبات فروخت کرنے میں پیش پیش ہے
ہسپتال میں آنیوالے مریضوں اور انکے لواحقين نے ضلعی انتظامیہ سے کیا ہے کہ مضرِ صحت مشروبات و اشیاء مہنگے داموں فروخت کرنے پر اس کنٹین ٹھیکیدار کا کنٹریکٹ منسوخ کیا جائے

قصور
سہولت بازار الہ آباد میں فروٹ لگانے والے انتظامیہ اور حکومت پنجاب کے خلاف پھٹ پڑے منافع کی بجائے روزانہ مالی نقصان ہونے لگا
تفصیلات کے مطابق حکومت پنجاب کے عوام کے لئے لگائے گئے سہولت بازار میں فروٹ لگانے والے مالی نقصان پر دھائی دینے لگے ان کا کہنا ہے کہ ہمیں منڈی سے فروٹ مہنگا ملتا ہے اور یہاں سہولت بازار میں ہمیں رعائیتی نرخوں پر بیچنا پڑتا ہے ہمیں یا تو سبزی فروٹ منڈی سے آڑھتیوں سے آڑھت معاف کرائی جائے اور کچھ سبسڈی دی جائے ہمیں روزانہ سات سو سے ایک ہزار روپے مالی نقصان ہو رہا ہے اور ھم منڈی کے مقروض ہو رہے ہیں اگر یہاں سہولت بازار میں ریڑھی نہ لگائیں تو انتظامیہ ہماری ریڑھیاں اٹھا کر لے جاتے ہیں ھم مجبور ہیں ہمیں فوری ریلیف دیا جائے ورنہ ھم فاقہ کشی پر مجبور ہو جائیں گے

قصور تحفظ ناموس رسالت کے سلسلے میں ڈی ایچ کیو ہسپتال قصور میں ایک ریلی کا انعقاد کیا گیا جس میں ایم ایس ڈاکٹر لائیق چوہدری ،ڈاکٹرز ،نرسیز اور پیرا میڈیکل اسٹاف نے شرکت کی اور قصور کی سیاسی سماجی شخصیت نے بھی شرکت کی
تفصیلات کے مطابق پاکستان الائیڈ ہیلتھ پروفیشنلز قصو کے صدر جناب غلام حید سینئر نائب صدر قدیر گڈو انفارمیشن سیکرٹری شبیر سندھو چیف کوآرڈینیٹر اسد جمیل سینئر وائس چیئرمین ذیشان اور باقی تمام عہدے داران کی جانب سےفرانس میں کئے گئے گستاخانہ خاکے کی پرزور مذمت کرتے ہوئے کہا گیا کہ فرانس کی تمام مصنوعات کا بائیکاٹ کیا جائے اور حکومت وقت سے ہمارا مطالبہ ہے کہ فرانس سے تمام تعلقات ختم کئے جائیں
اور نعرے لگائے
گستاخ رسول کی ایک ہی سزا سر تن سے جدا سر تن سے جدا

قصور
محکمہ لائیو سٹاک کا جانوروں میں گل گھوٹو بیماری سے بچاؤ کیلئے گھر گھر جا کر ویکسین لگانے کا عمل جاری
تفصیلات کے مطابق قصور محکمہ لائیو سٹاک یوسی اوڑارہ میں سی وی ڈی کے زیر اہتمام جانوروں میں گل گھوٹو بیماری سے بچاؤ کی ویکسین گھر گھر جا کر مفت لگائی جا رہی ہے تاکہ گل گھوٹو کی بیماری کو پھیلنے سے روکا جا سکے
مویشی پال لوگوں نے محکمہ لائیو سٹاک قصور کا شکریہ ادا کیا ہے کہ ٹیمیں ان کے گھروں میں آکر مفت ویکسینیشن کر رہی ہیں

قصور
ڈسٹرکٹ ریسکیو سروس 1122 کا ماہانہ اجلاس کل ہوا
تفصیلات کے مطابق کل 4 نومبر کو ریسکیو سروس کی ماہانہ کارکردگی کا جائزہ لینے کے لیے ڈسٹرکٹ ایمرجنسی آفیسر انجینئر سلطان محمود کی سربراہی میں اجلاس منعقد کیا گیا جس میں ضلع کے تمام اسٹیشن انچارجز نے شرکت کی اور ایمرجنسی گاڑیوں کی دیکھ بھال اور مرمت کے لیے خصوصی ہدایت جاری کی گئیں
ڈسٹرکٹ ایمرجینسی آفیسر انجینئر سلطان محمود نے کہا کہ عوام کو بہتر ریسکیو سروس کی فراہمی کے لئے تمام وسائل بروئے کار لائے جائیں گے نیز دوران کانفرنس بتایا گیا کہ پچھلے ماہ اکتوبر کے مہینے میں 1862 ایمرجنسی متاثرین کو ریسکیو کیا گیا جن میں 761 روڈ ٹریفک ایکسیڈنٹ ہوئے جبکہ میڈیکل ایمرجنسی کی تعداد 749 رہی، لڑائی جھگڑے اور فائرنگ کے 55 واقعات رونما ہوئے
ڈسٹرکٹ ایمرجینسی آفیسر انجینئر سلطان محمود نے کہا کہ ریسکیو 1122 عوام کی خدمت میں ہمہ وقت مصروف عمل ہے

قصور
چونیاں شہر کراچی جیسا بن گیا بھتہ مافیا کی شریف شہریوں کو بھتہ دینے کیلئے فون کال اگر بھتہ نہ ملا تو تمہارے بچوں کی بوری بند لاشیں کسی گندے نالے سے ملے گی شریف شہری پریشان اعلی حکام سے نوٹس کی اپیل
تفصیلات کے مطابق چونیاں سٹی کراچی شہر جیسا بن گیا ہے آئے روز کرائم کی شرح میں تیزی سے اضافہ ہو رہا ہے گزشتہ دن شریف شہری فاروق جو کہ پیشہ کے لحاظ سے ایک سرکاری ملازم ہے کے گھر کے نمبر پر اس نمبر 03204886937 سے کال موصول ہوئی کہ ابھی میرے اس موبائل اکاؤنٹ نمبر پر بھتہ بھیجو ورنہ میں تمہارے بیوی بچوں کو قتل کر کے لاشیں بوری میں ڈال کر کسی گندے نالے میں پھینک دو گا مجھے تمہارے بیوی بچوں کی سکول اور کام کاج کے سلسلے میں گھر سے آنے جانے کی تمام صورتحال کا پتہ ہے اور میں انہیں کب لاپتہ کر دو گا تمیں پتہ بھی نہیں چلے گا شریف شہریوں کی طرف سے اس واقعہ کی پرزور مزمت کی گئی ہے اور تھانہ سٹی چونیاں میں پولیس کو شریف شہری کی طرف سے تحریری درخواست دے دی گئی ہے۔ عوامی و سماجی حلقوں کی طرف سے ڈی پی او قصور، آر پی او رینج شیخوپورہ، اور تمام قانون نافذ کرنے اداروں سے اس واقعہ میں ملوث افراد کے خلاف فوری کارروائی کی اپیل کی گئی ہے

قصور
محکمہ ماحولیات اور ضلعی انتظامیہ قصور سموگ أگاہی کرکے بے فکر ہو کر سو گئی،انتظامیہ نے بھٹے بند کروائے بھٹہ مالکان نے اینٹوں کے ریٹ بڑھا دیئے اور ماحولیات انسپیکٹروں و ضلعی انتظامیہ کی جیبیں بھر کر بھٹے چلا لئے مگر عوام کو اینٹیں مہنگی و سموگ ہی ملا
تفصیلات کے مطابق ملک بھر کی طرح سموگ پر کنٹرول رکھنے کیلئے قصور میں بھی دو ماہ کیلئے بھٹہ خشت کو بند کیا گیا تھا تاکہ سموگ میں کمی ہو سکے جس پر بھٹے بند کرکے بھٹہ مالکان نے لوگوں کو مہنگی اینٹیں فروخت کرنا شروع کر دیں تھیں اب ضلعی انتظامیہ اور محکمہ ماحولیات کے انسپیکٹروں کی جیبیں بھر کر سرعام بھٹے چلانے شروع کر دیئے ہیں جس سے سموگ میں اضافہ ہو رہا ہے
بھٹہ مالکان کی مہنگی اینٹوں کی فروخت سے موجیں جبکہ عوام کو مہنگی اینٹیں اور سموگ ہی مل پا رہا ہے اس پر لوگوں نے ڈی سی قصور اور کمشنر لاہور سے مطالبہ کیا ہے کہ اینٹوں کے ریٹ کنٹرول کروائے جائیں اور خلاف ورزی کرنے والے بھٹہ مالکان کے خلاف کاروائی کی جائے نیز رشوت خور ضلعی انتظامیہ اور ماحولیات انسپیکٹروں کو بھی قانون کے کٹہرے میں لایا جائے

قصور
پتوکی شہر عملہ صفائی کی نااہلی کی بدولت کچرے میں تبدیل
تفصیلات کے مطابق پتوکی شہر کے گنجان آباد علاقوں مدینہ کالونی،محلہ ملک پورہ،احمد نگر، ناروکی روڈ،محلہ رضا آ باد،توحید ٹاؤن،مین بازار سمیت مختلف چھوٹی بڑی گلیوں اور بازاروں سمیت مساجد، مدارس اور سکولوں کے سامنے عملہ صفائی کی نااہلی سے گٹروں کا گندہ پانی سڑکوں پر آ گیا، جس کی وجہ سے طلباء و طالبات اور مساجد کے نمازیوں کا گزرنا محال ہو گیا جبکہ پانی کھڑا ہونے کی وجہ سے موذی بیماریاں پھیلنے کا خدشہ پیدا ہو گیا
انجمن تحفظ حقوق شہریاں کے صدر حافظ محمود خالد گھمن، سماجی رہنماء سید علی مر تضیٰ، چودھری بابر حسین، اظہر علی شاہ، حبیب الرحمن نے میڈیا نمائندوں سے گفتگو کرتے ہوئے کہا کہ میونسپل کمیٹی کا عملہ کو رشوت لینے کے علاوہ اور کوئی کام نہیں، عملہ جان بوجھ کر پتھر ڈال کر پائپوں کو بند کر دیتا ہے اور جرنیٹر چلانے کے بہانے لاکھوں روپے نکال کر ہڑپ کر جاتے ہیں انہوں نے کہا کہ ہم وزیر اعلیٰ پنجاب عثمان بزدار اور ڈپٹی کمشنر قصور منظر علی جاوید سے فوری نوٹس لینے کا مطالبہ کیا ہے