Category: قصور

قصور
الہ آباد میں مہنگائی کا جن بے قابو لوگ دو وقت کی روٹی کو بھی ترس گئے بلیک مارکیٹنگ مافیا کو کھلی چھٹی لوگ حکمرانوں کو بد دعائیں دینے لگے
تفصیلات کے مطابق الہ آباد میں تبدیلی سرکار کے عوام کو ریلیف دینے کے تمام دعوے دھرے کے دھرے رہ گئے زمین پر اگنے والی سبزیوں اور پھلوں کی قیمتیں آسمان سے باتیں کرنے لگیں بڑھتی ہوئی مہنگائی پر عوام تبدیلی سرکار کے خلاف پھٹ پڑی مزید جانتے ہیں لوگ حکمرانوں کو بددعائیں دینے پر مجبور ہو گئے ہیں لوگوں کا کہنا ہے کہ اس مہنگائی سے تبدیلی نہیں تباہی آ رہی ہے حاکم وقت ہوش کے ناخن لے اسر مہنگائی کو کنٹرول کرے تاکہ غریب عوام دو وقت کی روٹی کھا سکے

قصور
کل ڈسٹرکٹ کورٹس قصور میں ہوئے قتل کی بدولت سیکیورٹی سخت کر دی گئی ہر آنے والے فرد کی جامع تلاشی کے بعد داخلے کی اجازت
تفصیلات کے مطابق کل ڈسٹرکٹ کورٹس قصور میں ایڈووکیٹ سجاد کے چیمبر میں قتل ہونے کی بدولت ڈسٹرکٹ کورٹس ،ڈی سی آفس اور ڈی پی او آفس کی سیکیورٹی انتہائی سخت کر دی گئی ہے کچہری میں آنے والے ہر فرد کی جامع تلاشی کرکے داخل ہونے کی اجازت دی جا رہی ہے واضع رہے کہ کل صبح ایڈووکیٹ سجاد کے چیمبر میں جنسی زیادتی کے ملزم اسلم عرف ملنگی کو پرچہ درج ہونے پر عدالت کی طرف سے بار بار ضمانت قبل از گرفتاری دینے پر دلبرداشتہ ہو کر لڑکی کے ورثاء نے قتل کر دیا تھا جس پر وکلاء برادری نے کل مکمل ہڑتال کی تھی

قصور زیادتی میں ملوث افراد کو سر عام سزا دینے کے عوامی مطالبے کو حکومت کی جانب سے پورا نہ کرنے پر شہریوں نے سزا دینے کا خود فیصلہ کر لیا
قصور کے نواحی علاقے کھڈیاں خاص کے گاؤں ویر ہٹھاڑ کے رہائشی اسلم نامی شخص کو پیشی کے موقع پر ڈسٹرکٹ بار قصور میں گولی مار کر قتل کر دیا گیا،اسلم عرف ملنگی نامی شخص پر تھانہ کھڈیاں میں چند روز قبل بچی سے زیادتی کا مقدمہ درج ہوا تھا آج صبح پیشی کے دوران بچی کے ورثہ نے ملزم کو گولی مار کر قتل کر دیا گولیوں کی تر تھراٹ سے کچہری میں خوف ہراس پھیل گیا،پولیس نے ملزم یٰسین کو اسلحہ سمیت موقع سے گرفتار کر لیا ہے جبکہ ،بچی کے ورثہ کی طرف سے ہونی والی فاٸرنگ کے نتیجہ میں دو افراد شدید زخمی بھی ہوئے ہیں جن کو ڈی ایچ کیو قصور منتقل کر دیا گیا ہے،اس واقعہ پر ڈسٹرکٹ بار قصور کے صدر مہر محمد سیلم ایڈوکیٹ نے سکیورٹی اداروں کی نااہلی کے خلاف فوری طور پر ہڑتال کا اعلان کر دیا ہے،جاری نوٹس میں تمام وکلاء حضرات سے عدالتوں میں پیش نہ ہونے کا کہا گیا ہے،ذرائع کا کہنا ہے مقامی پولیس تھانہ کھڈیاں خاص کی جانب سے زیادتی میں مبینہ ملوث ملزم کو ریلیف دیا گیا،مقدمہ درج ہونے کے بعد ملزم نے ضمانت کروا لی،اس کے بعد بچی کے ورثہ سے ناروا سلوک رکھا گیا جس سے دل برداشتہ ہوکر بچی کے ورثہ نے آج ملزم کو گولی مار کر قتل کر دیا

قصور
تھانہ بی ڈویژن کے علاقہ سید چراغ شاہ ٹاون میں دن دیہاڑے ڈکیتی کی واردات ڈاکو گن پوائنٹ پر لکڑی کے تاجر سے ڈیڑھ لاکھ روپے لوٹ کر فرار ہو گئے پولیس ڈکیتی کے ملزمان کا سراغ لگانے کی بجائے لٹنے والے تاجر کو ہی دھمکانے لگی اہل علاقہ نے بڑھتی ہوئی چوری، ڈکیتی اور راہزنی کی واراتوں پر تشویش کا اظہارکرتے ہوئے ڈی پی او قصور اور آئی جی پنجا ب سے فوری نوٹس لیکر اصلاح و احوال کا مطالبہ کر دیا
تفصیلات کے مطابق قصور شہر میں چوری، ڈکیتی اور راہزنی کی وارداتوں کا سلسلہ تھم نہ سکا کل تھانہ بی ڈویژن کے علاقہ سید چراغ شاہ ٹاؤن میں دن دیہاڑے ڈکیتی کی واردات میں ڈاکو گن پوائنٹ پر لکڑی کے تاجر سے ڈیڑھ لاکھ روپے لوٹ کر فرار ہو گئے جبکہ ڈاکوؤں نے دوران ڈکیتی تاجر کو تشدد کا نشانہ بھی بنایا تاجر نے جب ڈکیتی کی اطلاع پولیس کو ایمرجنسی نمبر ریسکیو 15 پر دی تو پولیس کی نفری موقع پر پہنچی تو ایس ایچ او تھانہ بی ڈویژن نے ڈکیتی کے ملزمان کا سراغ لگانے کی بجائے ڈاکوؤں کے ہاتھوں لٹنے والے تاجر کو ہی دھمکانا شروع کر دیا جس پر اہل علاقہ میں شدید غم و غصہ اور علاقہ میں بڑھتی ہوئی چوری، ڈکیتی اور راہزنی کی واداتوں پر اظہار تشویش کرتے ہوئے ڈی پی او قصور اور آئی جی پنجاب سے فوری نوٹس لیکر اصلاح و احوال اور ایس ایچ او تھانہ بی ڈویژن کے نارواسلوک پر کارروائی کا مطالبہ کیا ہے

قصور
کھوکھوں سے پوری مارکیٹ کو آگ لگ گئی لاکھوں کا نقصان ہو گیا
تفصیلات کے مطابق رات گئے پتوکی پرانی غلہ منڈی میں کھوکھا جات کو شارٹ سرکٹ کے باعث آگ لگ گئی جس سے متعدد کھوکھا جات سڑ کر خاکستر ہوگئے جس کی بدولت دوکان داروں کو لاکھوں روپے کا نقصان ہو گیا
خاکستر کھوکھا جات میں کپڑے ،پلاسٹک ،کتابوں کی جلد کی دوکانیں زد میں آئی
ریسکیو 1122 ٹیمیں آگ پر قابو پانے میں مکمل طور پر ناکام رہیں جس سے
آگ کی شدت میں کئی گنا اضافہ تاہم کافی دیر بعد رات کے آخری پہر مقامی لوگوں نے ریسکیو 1122 کے ساتھ مل کر آگ پر قابو پایا

قصور
وکیل کے چیمبر میں بیٹھا شحض فائرنگ سے قتل،ڈسٹرکٹ کورٹ قصور میں خوف و ہراس
تفصیلات کے مطابق مقتول محمد اسلم عرف ملنگی ولد محمد اقبال جو کہ مقدمہ نمبر 548/20 مورخہ 23/09/2020 بجرم 376/511 تھانہ کھڈیاں سے پیشی کے لیے آج صبح 9 سید سجاد علی بخاری ایڈووکیٹ قصور کے چیمبر ڈسٹرکٹ کورٹس قصور میں بیٹھا ہوا تھا کہ ملزمان یاسین اور 2 سے 3 کس نامعلوم مسلح ہو کر آئے اور آتے ہی اسلم پر فائرنگ شروع کر دی اور ملنگی کو قتل کر دیا فائرنگ سے ڈسٹرکٹ کورٹس میں بھگڈر مچ گئی اور فائرنگ کی آواز سن کر مقامی پولیس فوری موقع پر پہنچ گئی
پولیس نے ملزم یاسین کو حراست میں لے کر تفتیش شروع کر دی ہے

قصور
قصور اور نواح میں مختلف ڈکیتیوں میں ڈاکو نقدی،موٹر سائیکل،طلائی زیورات موٹر سائیکل اور دیگر قیمتی سامان لوٹ کر موقع سے فرار قصور پرانا لاری اڈا کے رہائشی محمد اشرف نے بذریعہ فون پولیس تھانہ اے ڈویژن میں مقدمہ درج کروایا ہے کہ میں بازار سے پیدل گھر کو جارہا تھا کہ جب ویٹنری ہسپتال قصور کے قریب پہنچا تو دو کس نامعلوم مسلح افراد بلا نمبری 125موٹر سائیکل پر آئے اور گن پوائینٹ پر زبردستی نقدی چھین کر وہاں سے فرار ہوگئے ایسی ہی ایک اور واردات میں بہڑ وال کے رہائشی عمران نے پولیس تھانہ سرائے مغل میں درخواست دی ہے کہ مؤرخہ سولہ ستمبر کو میں موٹر سائیکل نمبری LEK/4511 پر پتوکی سے گھر کو جا رہا تھا کہ بہڑوال کے قریب تین کس نامعلوم مسلح افراد نے اسلحہ کے زور پر روکا اور زبردستی نقدی اور موٹر سائیکل چھین کر موقع سے فرار ہوگئے محلہ باغ والا کے رہائشی بلال جس کی کریانہ سٹور کی دوکان مرالی چوک کھڈیاں میں ہے گزشتہ رات دو بجے نامعلوم چور تالے توڑ کر دوکان سے نقدی لیکر فرار ہوگئے ہیں اسی طرح کنگن پور کے علاقے شامکوٹ کے رہائشی کی بنیک موڑ پر ایک پان شاپ ہے گزشتہ رات تین بجے نامعلوم چور دوکان کے تالے توڑ کر دوکان سے تیس بور لائسنسی پسٹل اس کے علاوہ اور دیگر سامان چوری کرکے لے گئے ہیں جبکہ جبو میل کے رہائشی اکرم نے پولیس تھانہ تھحہ شیخم میں درخواست دی ہے کہ مؤرخہ ستائیس،اٹھائیس کی درمیانی شب ہم سب گھر میں سوئے ہوئے تھے کہ رضوان اپنے تین ساتھیوں کے ساتھ آیا اور گھر سے نقدی اور ایک تولہ طلائی زیورات چوری کرکے لے گیا ہے مقامی پولیس الگ الگ مقدمات درج کرکے مصروف کاروائی ہے

قصور
چونیاں میں انڈے انتہائی بلندی پر ،مہنگائی بم بے قابو
تفصیلات کے مطابق چونیاں اور گردونواح میں برائلر انڈا نایاب ہو گیا ہے برائلر انڈا پاکستان کی تاریخ میں پہلی بار بلند ترین قیمت میں فروخت کیا جانے لگا ہے
دو دن پہلے 10روپے میں ملنے والا انڈا 20 روپے میں بکنے لگا ہے تحصیل بھر میں انڈے کی قیمت میں سو فی صد اضافہ کر دیا گیا تحریک انصاف کی حکومت میں انڈے کی قیمت بلند ترین مقام پر پہنچ گئی جس سے اب عوام انڈے جیسی ضرورت پوری کرنے سے بھی محروم ہونے لگی ہے چند دن پہلے 120 روپے درجن میں ملنے والا انڈا 240 روپے درجن میں بکنے لگا ہے عمراں خاں کی حکومت میں عوام پہلے ہی سبزیوں اور گوشت کی ہو شربا قیمتوں سے انتہائی پریشان تھی کہ اوپر سے انڈا بھی نایاب ہو گیا عوام جائے تو جائے کہاں کیا کھائے جبکہ دوائیوں کی قیمتوں میں بے پناہ اضافے سمیت پاکستان کی عوام پر ہر دن مہنگائی کے بم بر سائے جانے لگے اگر یہی صورتحال رہی تو بہت جلد لوگ فاقہ کشی اور قوت خرید ختم ہونے سے جرائم کی طرف مائل ہونے لگے گیں جس سے خانہ جنگی کا خدشہ ہے

قصور
سابق وزیراعظم میاں محمد نواز شریف پر قصور میں مقدمہ درج کرنے کیلئے درخواست دائر کر دی گئی،میاں صاحب ریاست مخالف تقاریر کرکے قومی سلامتی کو داؤ پر لگا رہے ہیں
تفصیلات کے مطابق قصور کی تحصیل پتوکی رانا دلشاد علی ولد مقصود علی ساکن لمبے جاگیر پھولنگر تحصیل پتوکی ضلع قصور نے ایک درخواست بنام ایس ایچ او تھانہ صدر پھول نگر کو دی ہے جس میں درخواست گزار نے موقف اختیار کیا ہے کہ میاں نواز شریف نے اپنی حالیہ تقریر اور سابقہ میں پاکستان کے قومی اداروں اور ملکی سلامتی کے خلاف باتیں کھلے عام کی ہیں جس سے ملکی سلامتی کو خطرہ ہے لہذہ ان کے خلاف پاکستان الیکٹرانک کرائم اور پی پی سی کے تحت مقدمہ درج کرکے کاروائی عمل میں لائی جائے

قصور
حکومت کی بار بار وارننگ کے باوجود قصور ڈی ایچ کیو ہسپتال اور ایمرجنسی وارڈ کی حالت زار نہ بدل سکی ایمرجنسی آنے والے مریض اپنی مرض سے ذیادہ عملہ کے عدم تعاون سے پریشان رات کو پرچی کاونٹر بند ہونے پر عملہ کی فرسٹ ایڈ دینے سے انکاری، پیرا میڈیکل اسٹاف سمیت ڈیوٹی ڈاکٹرز،لیڈی ڈاکٹرز غائب۔ ایم ایس، ڈی ایم ایس کے فون بند، عملہ،ڈیوٹی ڈاکٹرز دیگر کمروں میں موبائل فون پر خوش گپیوں میں مصروف

تفصیلات کے مطابق حکومت کی بار بار وارننگ کے باوجود قصور ڈی ایچ کیو ہسپتال اور ایمرجنسی وارڈ کی حالت زار نہ بدل سکی ایمرجنسی آنے والے مریض اپنی مرض سے ذیادہ عملہ کی عدم تعاون سے پریشان رات کو پرچی کاونٹر بند ہونے پر ایمرجنسی وارڈ میں مریضوں کو فرسٹ ایڈ دینے سے صاف صاف انکاری، پیرا میڈیکل اسٹاف سمیت ڈیوٹی ڈاکٹرز غائب ایم ایس. ڈی ایم ایس کے فون بند ڈیوٹی ڈاکٹرز، لیڈی ڈاکٹر مریضوں کو نظر انداز کرتے ہوئے دیگر کمروں میں موبائل فونز پر خوش گپیوں میں مصروف نظر آتے ہیں ڈیوٹی عملہ کا مریضوں سے ناقابل برداشت رویہ متاثرین عوام کی تکلیف کے باعث آئے روز سوشل میڈیا پر بڑے بڑے انکشافات ہائیلائٹ ہونے کے باوجود مقامی انتظامیہ اور ہسپتال انتظامیہ کی بے بسی جاری حکومتی احکامات کی کھلم کھلا خلاف ورزی معمول، مریضوں کو دوائی فراہم کرنے کی بجائے میڈیکل سٹورز پر فروخت کی جاتی ہیں کسی مریض کر ایمبولینس کی سہولت تک نہیں دی جاتی بلکہ اکثروبیشتر مریضوں کے لواحقین کو یہ حکم سننے کو ملتا ہے مریض کو لاہور لے جائیں مجبور اور لاچار بے بس عوام، فلاحی، عوامی، اصلاحی اور سول سوسائٹی کے سربراہان اور ڈسٹرکٹ بار کے سینئر وکلا نے حکام بالا سے وزیر اعظم، گورنر پنجاب، وزیر اعلی پنجاب، صوبائی وزیر صحت، چیف سیکرٹری،کمشنر لاہور، ڈسی سی قصور ،اے سی،سی ای او ڈی ایچ کیو، دیگر حکام بالا سے کاروائی کا مطالبہ کیا ہے