Category: قصور

قصور
ڈی ایس پی چونیاں اسلم خالد نے میڈیا سے گفتگو کرتے ہوئے کہا کہ محرم الحرام کے موقع پر سرکل بھر میں سکیورٹی کے فول پروف انتظامات کیے گے ہیں کسی ناخوشگوار واقع سے نمٹنے کے لیے پولیس جوان الرٹ ہیں
تفصیلات کے مطابق ڈی ایس پی چونیاں اسلم خالد نے صحافیوں سے گفتگو کرتے ہوئے کہا کہ سرکل چونیاں کے تمام تھانوں کے ملازمین یوم عاشورہ پر حالات کو کنٹرول اور ناخوشگوار واقع سے نمٹنے کے لیے الرٹ ہیں چوبیس گھنٹے ہماری پولیس فورسز بمعہ ایلیٹ فورس گشت میں مصروف عمل ہے مزید ڈی ایس پی چونیاں کا کہنا تھا کہ ہمارے علاقہ میں امن قائم ہے ماضی سے لیکر آج تک ایسا کوئی واقعہ پیش نہیں آیا جس سے امن خراب ہو اور انشاءاللہ میری نظر میں ہے جہاں مجالس جلوس ہونگے وہاں پر باقاعدہ فول پروف سکیورٹی کے انتظامات مکمل ہیں بیرل لگا کر ہنگامی بنیادوں پر وہ تمام رستے سیل کردیئے گے ہیں جہاں سے اہل تشیع اپنے جلوس اور مجلس باآسانی کرسکیں گے ہمارا فرض ہے کہ عوام کے تحفظ کو یقینی بنانا تما م تھانوں کے ایس ایچ اوز بھی فرض شناسی سے ڈیوٹی سرانجام دے رہے ہیں

قصور
بلدیہ قصور کی غفلت محلہ اسلام پورہ میں دو ہفتوں سے کوڑا کرکٹ نہیں اٹھایا گیا ،ہر طرف تعفن بدبو کا راج
تفصیلات کے مطابق قصور کے محلہ اسلام پورہ میں بلدیہ قصور کی غفلت کی بدولت ہر طرف کوڑا کرکٹ اور تعفن پھیل گیا ہے جس سے مختلف بیماریوں کیساتھ ڈینگی مچھر کی افزائش کا بھی خدشہ ہے اہلیان محلہ نے نمائندہ باغی ٹی وی کو بتایا کہ دو ہفتوں سے صفائی کا عملہ صفائی کرنے نہیں آیا جس کے باعث ہر طرف کوڑا کرکٹ جمع ہے برسات کے باعث جس سے سخت تعفن پھیل رہا ہے
شہریوں نے ڈی سی قصور اور ٹی ایم او قصور سے استدعا کی ہے کہ عملہ صفائی سے ہمارے محلے کا کوڑا کرکٹ اٹھوایا جائے اور ذمہ دار اہلکاروں کے خلاف سخت قانونی کارروائی کی جائے

قصور
لیسکو قصور میں خوف الہٰی کا شدید فقدان نئے منظور شدہ کھمبوں کی جگہ پرانے کھمبے و تاریں نصب ،کل کھمبے نصب کئے آج گر پڑے پرانی تاریں جوڑ لگا کر نئی کی جگہ
تفصیلات کے مطابق لیسکو قصور میں خوف الہٰی بلکل ختم ہو گیا قصور کے نواحی گاؤں اوراڑہ نو میں چند دن قبل نئے کھمبوں اور نئی تاروں کی منظوری ہوئی جس پر لیسکو سب ڈویژن راجہ جنگ میں کل واپڈا اہلکاران بجلی کے پرانے کھمبے نئے کھمبوں کی جگہ نصب کر گئے جو کہ آج تاریں ڈالتے ہوئے گر پڑے
تاریں بھی انتہائی بوسیدہ اور جوڑ لگی ہیں جنہیں نئی تاروں کے طور پر ڈالا جا رہا ہے
اس بابت نمائندہ باغی ٹی وی سے گفتگو کرتے ہوئے اہلیان علاقہ نے بتایا کہ ہماری یہ لائن 1965 سے چل رہی ہے اب ہم نے آبادی بڑھنے کے باعث نئی لائن منظور کروائی ہے جس پر انتہائی لاپرواہی کا مظاہرہ کرتے ہوئے واپڈا اہلکاران نے نئے کھمبوں کی جگہ پرانے بوسیدہ ویلڈنگ شدہ کھمبے نصب کئے ہیں جبکہ بجلی تاریں بھی جوڑ لگی اور انتہائی بوسیدہ ہیں جبکہ نصب شدہ کھمبے ہاتھ لگانے سے ہلنے لگے ہیں جو کہ ہمارے لئے بہت بڑا خطرہ ہیں لہذہ ڈی سی قصور اور ایس ای لیسکو قصور نوٹس لے کر ہمیں نئے کھمبے اور تاریں لے کر دیں اور اس واقعہ کے ذمہ داران کے خلاف کاروائی کی جائے

قصور
محرم الحرام میں امن وامان کے حوالے سے پلان بنا لیا گیا ہے شہریوں کی جان و مال کی حفاظت ہماری اولین ترجیح ہے جرائم پیشہ عناصر کے خلاف موثر حکمت عملی اپناتے ہوۓ انکی حوصلہ شکنی کی جا رہی ہے ایس ایچ او تھانہ الہ آباد محسن علی سندھو کی میڈیا سے گفتگو

تفصیلات کے مطابق صحافیوں سے گفتگو کرتے ہوئے ایس ایچ او الہ آباد محسن سندھو کا کہنا تھا کہ الہ آباد شہر اور گردونواح میں مشکوک افراد کی چیکنگ کو یقینی بنایا جارہا ہے جبکہ سٹریٹ کرائم کو کنٹرول کرنے کے لیے مشکوک افراد کی نقل و حرکت پر کڑی نظر رکھی جا رہی ہے
عوام الناس کی مدد کو یقینی بنانا ہمارا فرض ہے اور میرے دروازے ہر وقت بلا رکاوٹ عوام کے لیے کھلے ہیں ہر سائل کی میرٹ پر فوری دادرسی میرا مشن ہے

قصور
تبدیلی آ نہیں رہی بلکہ آ گئی ہے گرتے گھروں کا پانی نکاسی آب کے لئے نکالنا جرم بن گیا ایس ڈی او نے پرچہ کٹوا دیا
تفصیلات کے مطابق گزشتہ روز ہونے والی بارش کی وجہ سے ساندہ پھاٹک تھانہ گنڈہ سنگھ کے مقیم غریب لوگوں کے گھروں میں پانی مکانات کے اندر داخل ہونے کی وجہ سے چھتیں گرنے لگی تو کسی تبدیلی سرکار کے نمائندے نے انکی خبر تک نہ لی مگر جب ان بیچاروں نے اپنی مدد آپ کے تہت انجن لگا کر پانی گھروں سے نکالنا شروع کر دیا تو اسی دوران ریاست مدینہ کے محکمہ ہائی وے کے SDO صاحب آ گئے اور غریبوں کی مدد کی بجائے الٹا ان پر FIR تھانہ گنڈاسنگھ میں درج کروا دی جس پر لوگوں نے احتجاج کیا کہ ریاست کا کام ہماری مدد کرنا ہے مگر وہ مدد تو نا کر پائے مگر الٹا ہم پر ہی پرچہ کٹوا دیا

قصور
کھڈیاں خاص میں قبضہ مافیا کی ایماء پر بدنام زمانہ ایس ایچ او پتوکی عاطف نذیر ڈی ایس پی پتوکی آصف حنیف نے قبضہ مافیا کے ساتھ ملی بھگت کرکے 80 سالہ بابا محمد عمر ولد نور محمد کو ان کے گھر کھڈیاں خاص سے اٹھوا لیا تفصیلات کے مطابق مذکورہ مغوی محمد عمر نے مورخہ 13/8/2020 کو شعیب نذیر وغیرہ ساکن بھیڈیاں پتوکی جعلی مالکان الصدیق رائیس ملز المرجان کمرشل مارکیٹ کھڈیاں خاص کے خلاف بعدالت جناب ملک رستم صاحب سنئر سول جج قصور کی عدالت سے رجوع کر کے حکم امتناعی حاصل کیا تھا جس کی آ ئیندہ پیشی 2/9/2020 مقرر ھے اور ڈپٹی ڈائریکٹر اینٹی کریپشن قصور میں بھی قبضہ مافیا کے خلاف کارروائی آخری مراحل میں ھے قبضہ گروپ اربوں روپے کی سرکاری اراضی جعلسازی سے ھڑپ کرنا چاہتے تھے جس پر محمد عمر قانونی چارہ جوئی کررہا تھا قبضہ مافیا نے ایس ایچ او تھانہ صدر پتوکی عاطف نذیر اور ڈی ایس پی پتوکی و دیگر ملازمین پولیس پتوکی ضلع قصور سے ملی بھگت کرکے محمد عمر کو سفید کپڑوں میں ملبوس افراد نے اس کے گھر کھڈیاں خاص میں زبردستی داخل ھو کر تشدد کا نشانہ بنایا اور اغواء کر کے اپنے ساتھ لیکر فرار ہونے میں کامیاب ہو گئے محمد عمر کے گھر والوں نے بر وقت 15 نمبر پر کال کردی مقامی پولیس نے بھی کوئی کارروائی نہ کی بعد میں پتہ چلا کہ وہ سفید کپڑوں میں ملبوس افراد تھانہ پتوکی کے ملازمین اور قبضہ مافیاز کے کارندے تھے بابا محمد عمر کی عمر 80 سال کے قریب ھے وہ تو اپنی محنت مزدوری کرکے اپنے اہلِ خانہ کا پیٹ پالتا ھے ذرائع نے انکشاف کیا کہ پہلے بھی اسی قبضہ گروپ نے اس غریب بابا جی کے خلاف جھوٹے مقدمات درج کرائے تھے جو کہ ایماندار افسران پولیس نے خارج کر دیئے تھے اور کچھ میں جج صاحبان نے بری کر دیا تھا اب پھر قبضہ گروپ نے بد دیانت رشوت خور پولیس ملازمین کے ساتھ ملی بھگت کرکے 80 سالہ بابا محمد عمر کو اٹھا کر تھانہ پتوکی میں بند کر دیا گیا ھے ذرائع ابلاغ نے انکشاف کیا کہ پولیس افسران ضلع قصور نے لاکھوں روپے کی رقم وصول کرکے مذکورہ بالا محمد عمر کو صرف اور صرف مقدمات کی پیروی سے روکنے کے لیے ہراساں کیا ھے
اھلیان قصبہ کھڈیاں خاص میں سخت تشویش پائی جارہی ھے عوام الناس نے آئی جی پنجاب ڈی پی او قصور اور چیف جسٹس لاہور ہائیکورٹ اور وزیراعظم پاکستان عمران خان سے پولیس ملازمین کے خلاف کارروائی کا مطالبہ کیا ھے اور 80 سالہ بزرگ محمد عمر کی فوری طور پر بازیابی کا مطالبہ کیا ھے

قصور کے علاقے کھڈیاں خاص محلہ الفلاح کالونی میں نا معلوم افراد گھر کے اندر داخل ہوکر بابا عمر نامی شخص پر تشدد کرتے ہوئے اپنے ساتھ لے
تفصیلات کے مطابق قصور کے نواحی علاقے کھڈیاں خاص میں نامعلوم افراد عمر نامی بابا جی پر گھر میں گھس کر تشدد کرتے رہے اور بعد از تشدد اپنے ساتھ لے گئے جب اہل محلہ چھڑانے کے لئے آگے بڑھے تو نامعلوم لوگوں کا کہنا تھا کہ ہم پولیس والے ہیں جس کی وجہ سے اہل محلہ پیچھے ہٹ گئے جب اغواء ہونے والے عمر نامی شخص کے بیٹے تھانہ کھڈیاں پہنچے تو پولیس ملازموں کا کہنا تھا کہ ہمیں کسی قسم کی خبر نہیں ہے مگر ہم پتہ لگاتے ہیں
اہل محلہ اور ان کے بیٹوں کا کہنا ہے کہ ہمیں انصاف فوری چاہئے اور مغوی عمر کو بازیاب کرایا جائے

قصور
تھانہ سرائے مغل کے ایس ایچ او رب نواز کی یونین کونسل ہنجرائے کلاں کے نمبرداران اور معززین سے میٹنگ
تفصیلات کے مطابق ڈی پی او قصور کے حکم پر تھانہ سرائے مغل کے ایس ایچ او رب نواز نے یونین کونسل ہنجرائے کلاں کے نمبرداران اور معززین علاقہ سے میٹننگ کی جس میں گاؤں میں ٹھیکری پہرا لگائے جانے پر زور دیا گیا نیز ایس ایچ او چوہدری رب نواز نے کہا کہ عوام کا تحفظ میری ذمہ داری ہے منشیات فروشی کا خاتمہ میری اولین ترجیح ہے آپ لوگ پولیس کا ساتھ دیں تاکہ جرائم میں کمی آئے اس موقع پر ساجد ارشاد نمبردار ۔ رشید احمد نمبردار ۔شاہد خان نمبردار ۔شاہ نواز ڈوگر کونسلر۔ محمد صادق بھٹی کونسلر ۔رائے محمد اسلم کونسلر ۔شبیر احمد شاہین پرنسپل پاک ایجوکیٹر سکول اور گاؤں کے دیگر معززین بھی موجود تھے

قصور
تبدیلی یا تباہی لوگ پریشان
گورنمنٹ نے کمپنوں کو کھلی بدمعاشی کی اجازت دے دی تنخواہیں،مزدوریاں وہیں جبکہ اشیاء کی قیمتیں آسمان کو چھونے لگیں،16 ماہ قبل 10 روپیہ والا بن اب 17 روپیہ میں
تفصیلات کے مطابق گورنمنٹ آف پاکستان کا تباہی پروگرام پوری شان وشوکت سے جاری ہے جس کے تحت کمپنیوں کو کھلی بدمعاشی کی پوری چھٹی دے دی گئی ہے جس کا جو دل چاہے کرے گورنمنٹ کو اپنے 5 سال پورے کرنے کی فکر غریب جئے یا مرے ان کی بلا سے آٹا،چینی،گھی،صابن،سبزیوں اور دیگر اشیاء خوردونوش کے بعد اب بیکنگ اشیاء بھی مہنگی کر دی گئیں 16 ماہ قبل جو بن صرف 10 روپیہ کا تھا وہ رفتہ رفتہ اب 17 روپیہ کا ہو گیا ہے جس سے غریب آدمی سخت پریشان ہو کر رہ گیا ہے کیونکہ تنخواہیں و مزدوریاں نہیں بڑھائی گئیں جبکہ تبدیلی کے نام پر مہنگائی کا سیلاب امنڈ آیا ہے جسے حکومتی سرپرستی حاصل ہے جس شحض،ادارے،کمپنی کا جو دل کرتا ہے وہ کر گزرتا ہے کیونکہ قانون صرف غریب غرباء کیلئے ہی ہے امراء و بلیک مارکیٹنگ مافیا گورنمنٹ کے بس میں نہیں کیونکہ گورنمنٹ کا کام ان سے صرف ٹیکس لینا ہے نا کہ غریب صارف کا قیمتوں میں ریلیف دلوانا