Category: قصور

قصور
قبضہ مافیا اوچھے ہتھکنڈوں پر اتر آیا پہلے سرکاری زمین کو جعلی کاغذات تیار کروا کر فروخت کیا اور اب مذہبی اقلیتی کارڈ استعمال کر کے افسران بالا کو بلیک میل کرنے کی کوششیں کرنے لگا
تفصیلات کے مطابق قصور نواحی گاؤں بُگری میں اختر ولد رحمت وغیرہ جو ریکارڈ یافتہ اشتہاری ملزم اور 30 سے زائد مقدمات قتل اقدام قتل اور ڈکیتی جیسے سنگین مقدمات میں نامزد ہے نے جعلی کاغذات تیار کروا کر سینٹرل گورنمنٹ کی کروڑوں روپے کی سرکاری زمین کو مسیحی برادری کو دھوکہ دہی سے غیر قانونی طور پر فروخت کیا اور قبضہ جمایا لیا جب اہل دیہہ کی درخواست پر ڈی سی او قصور نے ایکشن لیا اور اے ڈی سی (آر) عابد حسین بھٹی کے زریعے انکوائری کروائی تو جعلسازی ثابت ہونے پر جعلی طور پر کروائے گئے انتقالات منسوخ کر دیے تو قبضہ مافیا نے عیسائی برادری کے چند افراد کو ورغلا کر اور کرائے پر بندے منگوا کر انتظامیہ کو بلیک میل کرنے کی نیت سے ایک اقلیتی خود ساختہ احتجاج کا رنگ دیدیا اور چند میڈیا والوں کو غلط حقائق بتا کر جعلی خبریں شائع کروائی جس پر اے ڈی سی آر قصور عابد حسین بھٹی نے ضلعی انتظامیہ کی نمائندگی کرتے ہوئے واضع کہا کہ قبضہ مافیا کسی رعایت کے مستحق نہیں ہے ان کے خلاف آہنی ہاتھوں سے نمٹا جائے گا اور ہم کسی پریشر میں نہیں آئے گےجس پر اہل دیہہ نے موقع پر بہادر اور ایماندار ڈسڑکٹ کلکٹر،ڈی سی قصور منظر جاوید علی اور اے ڈی سی (آر) عابد حسین بھٹی کو خراج تحسین پیش کیا جنکی کاوشوں سے حکومتی اراضی واپس ملنے پر کروڈوں کا فائدہ ہوا

قصور
تھانہ الہ آباد کی بڑی کاروائی، ڈکیتی کی وارداتوں میں ملوث عمری گینگ کے چار ارکان گرفتار ایک فرار

تفصیلات کے مطابق الہ آباد پولیس نے کاروائی کرتے ہوئے ملزمان کے قبضہ سے ڈیڑھ لاکھ روپے نقدی دو موٹر سائیکل ،موبائل فونز،اسلحہ اور دیگر مال مسروقہ برآمد کر لیا ہے جبکہ یہی ملزمان تھانہ الہ آباد پولیس کوپانچ مقدمات میں مطلوب بھی تھے
ملزمان سے مزید تفتیش جاری ہے

قصور
واپڈا ایمپلائز پیغام یونین (الحاق شدہ) ملی لیبر فیڈریشن پاکستان کا واپڈا کمپلیکس چونیاں ڈویژن میں جناب سراج الدین ثاقب صاحب مرکزی صدر پیغام یونین کی قیادت میں شاندار جلسہ منعقد ہوا جس میں سینکڑوں واپڈا ملازمین نے شرکت کی اور سینکڑوں ملازمین نے ہائیڈرو یونین کو خیرباد کرکے پیغام یونین میں شمولیت اختیار کی سراج الدین ثاقب کا واپڈا کمپلیکس چونیاں آمد پر پھولوں کی منوں پتیوں سے شاندار استقبال کیا گیا سراج الدین ثاقب نے جلسہ سے خطاب کرتے ہوئے کہا کہ ہم واپڈا ملازمین کو رشوت, حرام خوری جیسی لعنت سے چھٹکارا دلانے کے لیے میدان میں نکلے ہیں ہم ملازمین کے حقوق کے لیے تمام وسائل بروئے کار لاتے ہوئے جدوجہد کرتے رہیں گے
ان شاءاللہ ہمارا ماضی ہماری گواہی ہے

قصور
قصور اور گردونواح میں عمران خان کے مہنگائی کے خلاف بیان آتے ہی چینی مہنگی اور آٹے کا بحران،سبزیوں کی قیمتیں آسمانوں کو چھونے لگیں
لوگوں کی عمران خان کو میڈیا بیانات نا دینے کی دہائی
تفصیلات کے مطابق حسب سابق کی طرح اس بار بھی وزیراعظم صاحب عمران خان کا مہنگائی کے خلاف بیان آتے ہی چینی کے توڑے کی قیمت میں 200 روپیہ اضافہ ہو گیا ہے جس سے پرچون فروش چینی 90 روپیہ سے 100 روپیہ فی کلو فروخت کر رہے ہیں کیونکہ ان کو اس حساب سے 90 روپیہ فی کلو چینی مل رہی ہے جبکہ دو چار دن سے قصور اور گردونواح میں آٹے کی مصنوعی قلت پیدا کر دی گئی ہے جس سے آٹا ملنا ایک خواب ہی بن گیا ہے لوگ دکانوں پر آٹا خریدنے کیلئے خوار ہو رہے ہیں اس بابت نمائندہ باغی ٹی وی سے گفتگو کرتے ہوئے دکانداروں اور شہریوں نے کہا کہ جب بھی وزیراعظم کا مہنگائی کے خلاف بیان آتا ہے فوری مہنگائی ہو جاتی ہے لوگوں کا کہنا ہے کہ سمجھ سے بالاتر ہے کہ گورنمنٹ پی ٹی آئی کی ہے اور ذخیر اندوزی میں عمران خان کے قریبی ساتھی بھی ملوث پائے گئے ہیں جو کہ ابھی بھی قانون کے شکنجے میں نہیں آئے لوگوں کا کہنا ہے کہ وزیراعظم عمران خان قوم کو پاگل بنا رہے ہیں اور اپنے ساتھیوں کے ذریعے بلیک مارکیٹنگ کروا کر مہنگائی کا طوفان برپاء کروا رہے ہیں جو کہ ماضی کے سارے بیانات اور پھر مہنگائی ہو جانا اس بات کے ثبوت ہیں کہ خود خان اور ان کے ہمنوا ہی مصنوعی قلت کے ذمہ دار ہیں لہذہ اللہ کا واسطہ خان صاحب مہنگائی کے خلاف نہیں مہنگائی کے حق میں بیان دیں کیونکہ ہر کام ان کے بیانات کے الٹ ہوتا ہے

قصور
چونیاں کے نواحی گاؤں گہلن ہٹھاڑ میں تین عیسائی خاندانوں نے اسلام قبول کر لیا قبول اسلام کی تقریب میں سینکڑوں افراد نے شرکت کی اور کلمہ طیبہ پڑھنے والوں کو مبارک باد دی اور فضاء اللّٰہ اکبر اور کلمہ طیبہ سے گونج اٹھی
تفصیلات کے مطابق چونیاں کے نواحی قصبے گہلن ہٹھاڑ مسجد صوفی دین محمد والی میں قاری سلیم ساجد ربانی چیئرمین تحریک تحفظ نو مسلمین قصور کے زیر نگرانی و کاوش سے تین عیسائی خاندانوں کے چودہ مرد و خواتین اور بچوں نے اسلام قبول کر لیا
اسلام قبول کرنے والے چودہ افراد میں پانچ مرد سات خواتین اور دو بچے شامل ہیں قبول اسلام اور کلمہ طیبہ پڑھانے کی سعادت پروفیسر ڈاکٹر عبدالسمیع چیئرمین تحریک تحفظ نو مسلمین پاکستان نے ادا کی
اسلام قبول کرنے والے دو خاندان ضلع قصور کے شہر کوٹ رادھاکشن اور ٹھینگ کھتریاں جبکہ تیسرا خاندان میاں چنوں کا رہائشی ہیں قبول اسلام کی روح پرور عالی شان اور پر نور تقریب میں علاقہ بھر سے سینکڑوں افراد نے شرکت کی کلمہ طیبہ پڑھنے اور اسلام قبول کرنے کے بعد خواتین کے نئے اسلامی نام نسرین ۔پروین۔ رمشاء۔ علشبہ۔مسکان۔ عابدہ اور معافیہ رکھے گئے
جبکہ دو بچوں کے نئے اسلامی نام ساجد اور ساجدہ رکھے گئے ہیں
اسلام قبول کرنے والے مردوں کے نئے اسلامی نام۔ ساغر۔ علی ۔محمد شاہد۔محمد سلیم ۔محمد وقار۔ رکھے گئے ہیں ۔ تقریب میں دعاء خیر وبرکت کی سعادت مولانا محمد شفیع امیر مرکزیہ ضلع قصور نے حاصل کی

قصور
کھڈیاں خاص میں بارش ختم ہونے کے بعد بھی گلیاں تالاب
لوگ پریشان
تفصیلات کے مطابق کھڈیاں خاص میں پچھلے دنوں سے مسلسل بارش کی وجہ سے گلی محلے بازار تالاب کا منظر پیش کر رہے ہیں اسی کے ساتھ کوٹ سردار محمد کی گلیوں کے اندر پانی جمع ہوچکا ہے اور لوگوں کے گھروں اندر پانی جمع ہوچکا ہے اور اس کے علاوہ کھڈیاں کے اکثر محلوں کے اندر پانی جمع ہے مساجد پارک اور گراونڈ کے اندر بھی پانی جمع ہے لوگوں کا کہنا ہے کہ ہم ٹاون کمیٹی کھڈیاں جاتے ہیں تو ٹاون کمیٹی کھڈیاں والے لوگوں کے مسائل سننا گوارہ نہیں کرتے
لہذہ ڈی سی قصور نوٹس لے کر ہماری مشکلات کا ازالہ کریں

قصور
میں 24 گھنٹے کسان بھائیوں کے لیے حاضر ہوں، ان خیالات کا اظہار پاکستان کسان اتحاد کے ضلعی صدر چوہدری تبسم پرویز بھلر نے ایک کارنر میٹنگ میں کیا
تفصیلات کے مطابق چوہدری تبسم پرویز بھلر نے ایک کارنر میٹنگ میں خطاب کرتے ہوئے کہا کہ بجلی کے بلوں میں ٹیکسز کی مد میں سینکڑوں کسانوں کا معاشی قتل کرنے پر ہم حکومت کے اس رویے کی پر زور مذمت کرتے ہیں، انھوں نے کہا کہ میں 24 گھنٹے کسان بھائیوں کے لیے حاضر ہوں. میٹنگ کی میزبانی سٹی صدر پاکستان کسان اتحاد شیخ شبیر احمد نے کی۔سٹی صدر شیخ شبیر نے تمام کسانوں کو دعوت دی کہ واپڈا، اریگیشن یا ریوینیو کسی بھی شعبہ میں مسلئہ ہو تو ہمارا ڈیرہ حاضر ہے اور مسائل حل کروائیں گے۔ اس موقع پر سینکڑوں کسانوں نے شرکت کی

قصور
کنگن پور شہر میں بدترین ٹریفک جام
چوک ڈاکٹر عمر نور میں ٹریفک جام رہنا معمول بن گیا
تفصیلات کے مطابق کنگن پور چوک ڈاکٹر عمر نور میں ٹریفک جام رہنا معمول بن گیا ہے جس سے آنے جانے والے لوگوں کو شدید دشواری کا سامنا کرنا پڑتا ہے دن بھر ٹریفک کا جام رہنا معمول بن گیا جس سے آنے جانے والے لوگوں کو شدید پریشانی کا سامنا رہتا ہے انتظامی امور نہ ہونے کی وجہ سے ٹریفک کی روانی میں شدید مشکلات کا سامنا رہتا ہے ٹریفک جام رہنے کی وجہ سے اگر کسی مریض کو ایمرجنسی لے جانا پڑے تو گھنٹوں ٹریفک جام رہتی ہے جس سے بھی کئی لوگ لقمہ اجل بن چکے ہیں ٹریفک جام رہنے کی ایک وجہ بڑی گاڑیاں بھی ہیں جن میں لوڈر ٹرک اور بسیں شامل ہیں جن کے گزرنے کے اوقات کار اگر ٹھیک کر دیئے جائیں تو ٹریفک کی روانی کو بہتر بنایا جا سکتا ہے ٹریفک جام رہنے سے چوک کے مکین اور دکاندار شدید ذہنی اذیت کا شکار ہیں ۔عوام الناس کا کہنا ہے کہ اگر چوک عمر نور میں مستقل ٹریفک وارڈن کا انتظام کر دیا جائے تو ٹریفک کی روانی میں بہتری لائی جا سکتی ہے کنگن پور شہر کے لوگوں نے مقامی انتظامیہ اسسٹنٹ کمشنر چونیاں عدنان بدر ڈپٹی کمشنر قصور اور اعلی حکام سے مطالبہ کیا ہے کہ چوک ڈاکٹر عمر نور میں مستقل ٹریفک وارڈن تعینات کیا جائے تاکہ ٹریفک کی روانی کو یقینی بنایا جا سکے اور آنے جانے والے لوگوں کو اس ذہنی اذیت سے نکالا جاسکے ۔

قصور
مسلسل 24 گھنٹے بارش،بجلی کا بریک تھرو،عرس بابا بلہے شاہ کی تقریبات کا دوسرا دن
تفصیلات کے مطابق پرسوں سے قصور اور گردونواح میں بارش جاری تھی جو کہ کل شام مسلسل 24 گھنٹے جاری رہنے کے بعد رکی اس سال کی سب سے زیادہ دورانیہ اور زیادہ شدت کی بارش ریکارڈ کی گئی جس کی بدولت کچی دیواریں گر گئیں اور گلیاں تالاب بن گئیں
واپڈا قصور کی مہربانی سے اکثر علاقوں میں بارش شروع ہونے سے ختم ہونے کے دو گھنٹے بعد تک بجلی غائب رہی جبکہ کل سے عرس بابا بلہے شاہ کی تقریبات جاری ہیں جو کہ کل تک جاری رہینگی

قصور
ایک اور بچہ گم گیا تاہم پولیس کی بروقت کوششوں سے ڈھونڈ لیا گیا،والدین اور لوگوں کو پولیس کیلئے اظہار تشکر
تفصیلات کے مطابق قصور کے رہائشی انیس احمد نے مقامی پولیس اسٹیشن تھانہ سٹی اے ڈویژن کو بتایا کہ اس کا بیٹا سیف اللہ جس کی عمر 5 سال ہے گھر سے صبح 11:15 پر باہر نکل اکیلا نکل گیا ہے اور پھر گھر واپس نہیں آیا انہیں شک ہے کہ اس کا بیٹا چھوٹا ہے اور اسے اغواء کر لیا گیا ہے جس پر ایس ایچ او سٹی اے ڈویژن رانا افتخار جوئیہ نے فوری ایکشن لیتے ہوئے ایک ٹیم تشکیل دی جس نے چند ہی گھنٹوں بعد گمشدہ بچے کو قصور سے ہی ڈھونڈ نکالا
آئے روز بچوں کے اغواء کے باعث والدین میں سخت تشویش پائی جا رہی ہے
لوگوں نے چند ہی گھنٹوں بعد گم شدہ بچے کو ڈھونڈ کر والدین کے حوالے کرنے پر ایس ایچ او سٹی رانا افتخار جوئیہ اور ان کی ٹیم کو خراج تحسین پیش کیا ہے