قصور
انسداد ڈینگی سر گرم
تفصیلات کے مطابق قصور میں ڈی سی قصور کی ہدایت پر گاءوں دیہات کی سطح پر ڈینگی کے خاتمے کیلئے کیمپ لگائے جا رہے ہیں جس میں لوگوں کے فری ڈینگی ٹیسٹ کرنے کے ساتھ ڈینگی
کی تشخیص ہونے پر مفت علاج بھی کیا جائے گا ان کیمپوں کی نگرانی ڈی ڈی ایچ او قصور ڈاکٹر منصور کر رہے ہیں تاہم بفضل تعالی ابھی تک ڈسٹرکٹ قصور میں کوئی بھی ڈینگی کا کیس سامنے نہیں آیا
Category: قصور
ڈینگی سکواڈ
قیمتیں پھر بڑھ گئیں
Cac 1000 plus
گولی کی ڈبی چھوٹی 10 گولی والی 175 روپیہ جبکہ بڑی ڈبی 20 گولی والی 312 روپیہ کی ہو گئی واضع رہے کہ کیلشیم کی کمی کیلیے اور حاملہ عورتوں کے لئے یہ دو انتہائی اہم تصور کی جاتی ہے عموما لیڈی ڈاکٹرز حامہ عورتوں کو پورے 9 ماہ یہ دوا استعمال کرواتی ہیں اس حساب سے یہ اکیلی دوائی 9 ماہ کی 4212 روپیہ کی بنتی ہے جبکہ اس کے علاوہ دیگر ادویات بھی استعمال کروائی جاتی ہے نیز یہ کہ کسی بھی سرکاری ہسپتال میں یہ گولی نہیں دی جاتی بلکہ بازار سے خریدنے کی ہدایت کی جاتی ہے
ادویات کی قیمتوں میں اس قدر اضافہ جو کہ ہر روز مسلسل بڑھ رہا ہے غریب کے لئے کسی عذاب سے کم نہیں
حکومت بچوں سے متعلقہ گھناؤنے جرائم کی مکمل روک تھام کیلئے جامع پروگرام پر عمل پیرا ہے،صوبائی وزیر بہبود آبادی پنجاب
قصور۔(اے پی پی)صوبائی وزیر بہبود آبادی پنجاب کرنل (ر) محمد ہاشم ڈوگر نے کہا ہے کہ پاکستان تحریک انصاف کی حکومت بچوں سے متعلقہ گھناؤنے جرائم کی مکمل روک تھام کیلئے جامع پروگرام پر عمل پیرا ہے اور ضلع قصور میں چائلڈ پروٹیکشن اینڈ ویلفیئر سینٹر کا قیام اسی حکمت عملی کا حصہ ہے،ماضی کی حکومتیں ایسے سانحات سے سبق سیکھتیں تو یہ بار بار رونما نہ ہوتے۔ انہوں نے ان خیالات کا اظہار آج ٹی ایم اے ہال چوک میں چائلڈ پروٹیکشن اینڈ ویلفیئر بیورو پنجاب کے زیر اہتمام منعقدہ ایک آگاہی واک کے موقع پر مقامی میڈیا نمائندگان سے گفتگو کرتے ہوئے کیا۔ چیئر پرسن چائلڈ پروٹیکشن بیورو پنجاب محترمہ سارہ احمد، ڈپٹی کمشنر قصور محمد اظہر حیات، اے ڈی سی آر قصور عابد حسین بھٹی، اے سی قصور انعم زید، پاکستان تحریک انصاف کی مقامی رہنما محترمہ مسز مزمل مسعود بھٹی و دیگر بھی اس موقع پر موجود تھے۔ وزیر بہبود آبادی پنجاب نے کہا کتنے افسوس کا مقام ہے کہ ماضی کی حکومتوں نے دیگر شعبوں کی طرح بچوں سے متعلقہ جرائم کی طرف بھی بالکل توجہ نہیں دی اور نہ ہی اس حوالے سے کوئی قابل ذکر کام انجام پا سکا یہی وجہ ہے کہ ضلع قصور ہی نہیں بلکہ وطن عزیز میں بچوں کی گدا گری، جبری محنت،ان کی بے حرمتی اور اغواء و قتل جیسے گھناؤنے جرائم کی روک تھام نہ ہو سکی۔وزیر بہبود آبادی پنجاب محمد ہاشم ڈوگر نے کہا کہ وزیر اعظم پاکستان عمران خان اور پاکستان تحریک انصاف کی حکومت نے اول روز سے ہر ایک شعبے میں انقلابی اصلاحات کا آغاز کیا ہے۔
کپاس کے کاشتکاروں کو فصل کو پانی کے نقصانات سے بچانے کیلئے فوری اقدامات کی ہدایت
قصور۔(اے پی پی)محکمہ زراعت نے کپاس کے کاشتکاروں کو موجود ہ اہم ترین مرحلہ پر فصل کو پانی کے نقصانات سے بچانے کیلئے فوری اقدامات کی ہدایت کی ہے اور کہاہے کہ کاشتکار بارشی پانی سے کپاس کی فصل کو بچا نے کیلئے تدارکی وحفاظتی اقدامات یقینی بنائیں اوربارشوں کے موسم میں کپاس کی چنائی روک دی جائے تاہم جب کپاس مکمل طورپر خشک ہوجائے تو اس وقت فصل کی چنائی شروع کی جائے نیز جن کھیتوں میں بارش کا پانی کھڑاہے وہاں سے فوری طورپر پانی کو کسی نچلے کھیت میں نکالنے کی کوشش کریں کیونکہ اگر 24گھنٹے سے زائدوقت تک کھیت میں پانی کھڑا رہا تو پودوں کی نشوونما رُک جائے گی اور اس کے پیداوار پرمنفی اثرات مرتب ہونگے۔محکمہ زراعت کے ترجمان نے بتایا کہ اگرکپاس کے کھیت کے قریب کمادیا چارے کی فصل موجود ہے تو پانی اس کھیت میں ڈال دیاجائے اور اگر کپاس کے کھیت سے پانی باہرنکالنا ممکن نہ ہو تو کھیت کے ایک طرف لمبائی کے رُخ کھائی کھودکر پانی اس میں جمع کردیا جائے۔
گندم کی اگیتی کاشت اکتوبرمیں شروع ہوگی،محکمہ زراعت
قصور۔(اے پی پی) محکمہ زراعت کے ترجمان نے کہا کہ گندم کی اگیتی کاشت اکتوبرمیں شروع ہوگی جس کیلئے کاشتکار ابھی سے زمین کی تیاری شروع کردیں نیز داب کے عمل کے ذریعے جڑی بوٹیاں ختم کرنے پر بھی خصوصی توجہ دی جائے تاکہ فصلات ربیع کی اچھی پیداوارکا حصول یقینی ہوسکے۔انہوں نے بتایا کہ گندم کی بہتر پیداوارکے حصول کیلئے بروقت کاشت‘شرح بیج اور آبپاشی کیساتھ ساتھ زمین کی تیاری انتہائی اہمیت کی حامل ہوتی ہے۔انہوں نے کہا کہ زرعی ماہرین کاشتکاروں کو تمام ممکن رہنمائی فراہم کررہے ہیں جبکہ بعض مقامات پر کسان میلے منعقد کرکے کاشتکاروں کو گندم کی کاشت کے بارے میں جدیدزرعی سفارشات سے بھی آگاہ کیاجارہاہے۔انہوں نے بتایا کہ جدیدٹیکنالوجی اور ماہرین زراعت کی سفارشات پر عمل کرکے کاشتکاربہتر پیداوارحاصل کرسکتے ہیں۔
مقدس اوراق کی توہین
قصور
پتوکی مقدس اوراق کی بے ادبی عروج پر
انتظامیہ خاموش تماشائی فروٹ منڈی میں فروٹ کی پیکنگ کے لیے صاف کاغذ کی بجائے قرآنی آیات اور مقدس نام والی اخبار کا استعمال کیا جاتا ہے
لوگ فروٹ کی پیٹیوں سے فروٹ نکال کے اخبار کو کوڑے کرکٹ میں پھینک دیتے ہیں
یہ سراسر قرآنی آیات اور مقدس ناموں کی توہین ہے
اور اللہ تعالیٰ کے عذاب کو دعوت دینا ہے
سماجی حلقوں نے اعلی حکام سے نوٹس لینے کی اپیل کی ہے
ڈی این اے رپورٹ جاری
چونیاں سات روز قبل قریبی کھنڈرات سے ملنے والی باقیات کی ڈی این اے رپورٹ جاری
دونوں کھوپڑیاں اور دیگر ہڈیاں علی حسنین اور سلمان کی ہیں فرانزک لیب کی تصدیق
علی حسنین اور سلمان اکرم محلہ غوثیہ آباد چونیاں کے رہائشی ہیں
پولیس آج دونوں بچوں کی مسخ شدہ باقیات انکے ورثاء کے حوالہ کرے گی
پولیس کی بھاری نفری کےشہر کے داخلی اور خارجی راستوں پہنچ گئی علاقے میں سوگ برقرار
تالے توڑ دیئے
قصور چور تالے توڑ کر نقدی و اشیاء لے اڑے
تفصلات کے مطابق کھڈیاں خاص میں نامعلوم چور دکان کے تالے توڑ کر نقدی 10ہزار قیمتی سامان اشیاء خوردونوش لے گئے سبز منڈی موڑ زیشان کلینک کے ساتھ حسنین علی بھٹی کی دکان کے تالے توڑ کر نامعلوم چور نقدی 10ہزار سیگریٹ اشیاء خوردونوش چوری کر کے لے گئے پولیس مصروف کاروائی ہے
مغوی بچے بازیاب
قصور
پتوکی کے تھانہ سرائے مغل کی حدود میں اغواء ہونے والے 3 بچے بازیاب
سرائے مغل کے رہائشی رشید احمد کے 2 بیٹے اور ان کے دوست کے دوست کا بیٹا 13 ستمبر کو مدرسہ میں تعلیم حاصل کر کے واپس جا رہے تھے کہ انہیں راستہ میں کو اغوا کر لیا گیا
اغواء ہونے والے بچوں کے نام 11 سالہ انیل 9 سالہ عاطف اور 15 سالہ مختار ہیں
اعواء کا مقدمہ تھانہ سرائے مغل میں بچوں کے والد کی مدعیت میں درج کروایا گیا تھا DPO قصور زاہد نواز مروت نے DSP پتوکی رضوان منظور چیمہ کی سربراہی میں سپیشل ٹیم تشکیل دی جس نے پیشہ وارانہ مہارت اور جدید ٹیکنالوجی کی مدد سے بچوں کا سراغ لگایا اور ان کو شیخوپورہ کے علاقے سے بازیاب کروا لیا گیا اور اغواء کار قاری مجاہد کو بھی گرفتار کر لیا گیا ہے پولیس کے مطابق تینوں بچے خیریت سے ہیں پولیس گرفتار ملزم سے تفتیش کر رہی ہیں کہ بچوں کے اغوا کے پیچھے کیا معاملات ہیں والدین اور اہلیان علاقہ نے پولیس کے حق میں نعرے بازی کی اور شکریہ ادا کیا
پنجاب فوڈ اتھارٹی کسان پیکج
قصور
پنجاب فوڈ اتھارٹی کے زیر اہتمام خوشحال کسان پروگرام
تفصیلات کے مطابق قصور اور گردو نواح کے دیہات میں بھینس بکریوں کے دودھ کی پیداوار کی بہتری کیلئے پنجاب فوڈ اتھارٹی نے گھر گھر سروے شروع کیا ہے جس میں ہر مویشی پال سے اس کے مویشی کے دودھ کا سیمپل لے کر ٹیسٹننگ کے بعد چارے اور دیگر خوراک کا چارٹ تیار کر کے دیا جائے گا نمائندہ باغی ٹی سے گفتگو کرتے ہوئے ڈاکٹر عدنان سمیع نے بتایا کہ ہم لاہور فوڈ اتھارٹی سے ہیں اور قصور میں ورک کر رہے ہیں ہمارا مقصد مویشی پال حضرات کی پیداوار میں اضافہ کرنا ہے اسی لئے ہم لاہور سے قصور میں ہر گاؤں دیہات میں جا کر ورک کر رہے ہیں
