Category: قصور

قصور
الہ آباد انتظامیہ کی ہٹ دھرمی عروج پر
لوگ دمہ،سانس اور آنکھوں کی موزی امراض میں مبتلا ہونے لگے
کوڑا کرکٹ اٹھانے کی بجائے چوک میں ہی آگ لگا دی جاتی ہے
عوام کا شدید احتجاج
تفصیلات کے مطابق میونسپل کمیٹی الہ آباد کے عملہ کی ہٹ دھرمی اور نااہلی عروج پر ہے بار ہا صفائی ستھرائی کے معاملات کی نشاندہی کی گئی ہے لیکن سی او میونسپل کمیٹی اور متعلقہ سٹاف کی نااہلی اور ہٹ دھرمی کی وجہ سے شہر کچرا منڈی
کا منظر پیش کر رہا ہے اور اب تو کوڑا کرکٹ اٹھانے کی بجائے اسے چوک میں مین روڑ پر ہی آگ لگا دی جاتی ہے جس کی وجہ سے آلودگی میں مذید اضافہ ہو رہا ہے میونسپل کمیٹی کی اس بدانتظامی اور نااہلی پر عوام میں شدید غم و غصہ پایا جاتا ہے اہلیان الہ آباد نے اے۔سی چونیاں سے نوٹس لینے کی اپیل کی ہے

قصور کے نواحی گاؤں ساندہ میں نالیاں تالاب بن گئیں
تفصیلات کے مطابق قصور کا نواحی گاؤں ساندہ کسی جوہڑ کا منظر پیش کر رہا ہے اور ایسا کئی ماہ سے ہو رہا ہے پورے گاؤں کی گلیاں پانی اگل رہی ہیں جس سے کئی گھروں میں پانی داخل ہو جاتا ہے وجہ صرف یونین کونسل کی نا اہلی ہے جوکہ صفائی فنڈ کے پیسے ہڑپ کر جاتے ہیں اور تکلیف بیچارے دیہاتیوں کو اٹھانی پڑتی ہے
گاؤں کے سماجی کارکن محمد پرویز نے بتایا کہ ہم لوگوں نے اب تک ڈی سی قصور کو 3 مرتبہ تحریری درخواست بھی دی ہے مگر کوئی عمل نہیں ہوا
لہذہ ہماری مشکل کا ازالہ کیا جائے

قصور
لیسکو سب ڈویژن بہادر پورہ کام چوری اور رشوت ستانی میں سب سے آگے
تفصیلات کے مطابق لیسکو قصور کا رورل ایریا رشوت کا گڑھ بنا گیا ہے لیسکو قصور کی سب ڈویژن بہادر پورہ کے فیڈر اٹھیل پورہ میں واپڈا ملازمین کسی پیشہ ور بدمعاش سے کم نہیں ہے کل صبح 9 بجے سے اٹھیل پور فیڈر کے گاؤں کھارہ کے مین بازار پکی ڈیہوڑی کا 200 کے وی کا صرف ایک جمپر اڑا ہوا ہے جو کہ محض پندراں سے بیس منٹ کا کام ہے اہلیان دیہہ نے کل سے اب تک کئی بار ایس ڈی او اور دیگر عملہ کون فون کر لیا مگر ہر بار تسلی ہی ملی ہے واپڈا اہلکاران کی روٹین بن چکی ہے کہ ایک آدھ جمپر جلنے پر ٹھیک نہیں کیا جاتا جس سے مکمل ٹراسفارمر جل جاتا ہے اور لوگ مجبور ہو کر اپنی مدد آپ کے تحت پیسے اکٹھے کرکے ٹرانسفارمر ٹھیک کرواتے ہیں جس سے لائن مین اور دیگر عملہ کو کافی رقم رشوت کی مد میں مل جاتی ہے
اہل دیہہ نے ایس ای لیسکو قصور سے اپیل کی ہے کہ اس راشی عملہ کو معطل کیا جائے تاکہ ہماری مشکلات کا ازالہ ہو سکے

قصور
الہ آباد میں ویٹرنری ڈاکٹروں کی مبینہ ملی بھگت سے بیمارجانوروں کا گوشت لاہور سمیت دیگر شہروں میں سپلائی کیا جانے لگا مقامی علاقے میں بھی مردہ گوشت فروخت کئے جانے کاانکشاف
ساڑھے تین من گوشت موقع پر بر آمد مقامی تھانے میں مقدمہ درج مزید کارروائی جاری
تفصیلات کےمطابق مخبر خاص کی اطلاع پر مقامی پولیس نے ویٹرنری ڈاکٹر زاہدکے ہمراہ سکنہ ڈھٹے کے رہائشی قصاب مظفر کے گھر سے بیمار جانورکا ساڑھے تین من گوشت بر آمد کر کے ملزم مظفر کیخلاف پنجاب اینیمل سلاٹر ایکٹ 2016کے تحت مقدمہ نمبری 380/19 درج کر لیا ہے مردہ جانوروں کا گوشت عرصہ سے بیشتر علاقوں میں سپلائی کیا جا رہا تھا مگر محکمہ لائیو سٹاک اور مقامی نتظامیہ مبینہ طور پر چشم پوشی کا مظاہرہ کرت رہے ہیں جس کی وجہ سے اس مکرہ دھندے کو چار چاند لگے ہوئے تھے

قصور
کھڈیاں خاص میں چور ی ڈکیتی کی وارداتوں کاسلسلہ نا رک سکا

ڈاکوءوں نے اسلحہ کے زور موٹرسائیکل سوار سے نقدی 25 ہزار اور قیمتی موبائل فون چھین لیا گزشتہ رات بہادر پورہ کا رہائشی موٹرسائیکل سوار نویداحمد اپنے سسرال بلندی ہٹھاڑ جارہا تھا
کھڈیاں کے نواحی گاؤں نواں قلعہ کے قریب نامعلوم ڈاکووں نے اسلحہ کے زور پر زبردستی روک کر نقدی 25 ہزار موبائل فون چھین کر فرار ہو گئے

قصور
چونیاں گزشتہ 20 روز سے جاری روڈ کی کھدائی کا کام انتہائی سست روی کا شکار
تفصیلات کے مطابق چونیاں چونگی نزد سلطان مارکیٹ کے علاقے میں حکومت نے دکانداروں کی چیخیں نکلوا دیں گاہک تو دور کی بات دکاندار خود بھی لمبی سیڑھی لگا کر دکانوں کے تالے کھولنے پر مجبور دکانداروں نے کہا کہ اس کام کی بدولت ہمارا کاروبار ٹھپ ہو گیا ہے ٹھیکیدار خدا کا خوف کھائے اور دکانداروں کے حال پر رحم کرے دکاندار ،رانا مجاھد،شبیر شاہ،عامر اور کاشف و دیگر دکانداروں کا ٹھیکیدار کے خلاف کاروائی کا مطالبہ

قصور میں موسم کی تبدیلی شروع
تفصیلات کے مطابق آج صبح سے قصور اور گردونواح میں گہرے بادل چھائے ہوئے ہیں اور ساتھ میں تیز ترین آندھی بھی ہے جس کی بدولت یکدم موسم بہت ٹھنڈا اور خوش گوار ہو گیا ہے بزرگوں اور مریضوں نے جرسیاں پہن لیں امکان ہے کہ بارش ہو گی نیز دھان کی فصل کی کٹائی بھی جاری ہے بارش کی بدولت دھان کی کٹائی میں تاخیر ہو سکتی ہے