Category: قصور

قصور
رائیونڈ قصور کا کرایہ عید سے پہلے ہی ٹرانسپورٹروں نے خود ہی 50 روپیہ فی سواری مقرر کر دیا
تفصیلات کے مطابق قصور سے رائیونڈ کا فاصلہ نور محل سے 28 کلومیٹر اور نئے لاری اڈے سے 32 کلومیٹر ہے جس کا کرایہ 40 روپیہ فی سواری مقرر تھا مگر سنگدل ٹرانسپورٹروں نے عید قربان سے قبل ہی فی سواری کرایہ 50 روپیہ مقرر کر لیا جس کی شکایت لوگوں نے کئی بار انتظامیہ کو کی مگر کوئی حل نہیں نکلا اس کے علاوہ کسی بھی ٹویوٹا ہائی ایس،کوسٹر اور بس میں کرایہ نامہ نہیں لگا جس پر کئی سواریاں بحث کرتی ہیں تو کنڈیکٹر ڈرائیور حضرات اس سواری سے جھگڑتے ہیں اور دھمکیاں دیتے ہیں جس سے مرضی بست کر لو ہم یہی کرایہ لینگے لوگوں نے ڈی سی قصور پرائس مجسٹریٹ اور آڑ ڈی سیکریٹری سے نوٹس لینے کا مطالبہ کیا ہے

قصور
قصوری آلو 80 روپیہ فی کلو

تفصیلات کے مطابق قصور کا شمار آلو کاشت کرنے والے بڑے بڑے علاقوں میں ہوتا ہے جہاں سے سالانہ لاکھوں ٹن آلو پورے ملک کے علاوہ افغانستان بھی بیجھا جاتا ہے مگر بدقسمتی سے قصور کی عوام کو آلو 80 روپیہ فی کلو مل رہے ہیں جبکہ پنجاب گورنمنٹ کی طرف سے نئے آلو کی قیمت فی کلو 52 روپیہ جبکہ پرانے کی آلو کی قیمت 19 روپیہ فی کلو مقرر ہے مگر سبزی فروش حضرات پرانا آلو 40 روپیہ فی کلو فروخت کر رہے ہیں سبزی فروشوں کا کہنا ہے کہ بیرون ملک آلو بیجھتے وقت اپنے ملک کی ضرورت کو نہیں دیکھا جاتا جس سے ان دنوں آلو کا بحران پر جاتا ہے جس کا فائدہ اٹھاتے ہوئے بڑے تاجر اور آڑھتی اپنی مرضی کے داموں آلو بیچتے ہیں جو کہ ہمیں مجبورا خریدنے پڑتے ہیں اور پھر ہمیں بھی مجبور ہو کر حکومتی قیمت سے زیادہ پر فروخت کرنا پڑتا ہے لہذہ گورنمنٹ اگر سنجیدہ ہے تو بیرون ملک بیجھے جانے والے آلو کی مقدار مقرر کرے بڑے تاجر نفع کے چکر میں سارا آلو باہر بھیج دیتے ہیں جس سے ملک میں آلو کا بحران پر جاتا ہے

قصور
انتظامیہ سے مبینہ ملی بھگت سبزیوں کی من مرضی کی قیمتوں پر فروخت جاری شہری چلا اٹھے ڈی سی قصور سے سرکاری قیمتوں پر سبزیوں کی فروخت یقینی بنانے کا مطالبہ کر دیا
تفصیلات کے مطابق قصور راءوں خان والا راجہ جھنگ الہ آباد،تلونڈی،شامکوٹ،ارزانی پور و گردونواح میں دکاندار سبزیاں سرکاری ریٹ لسٹ کیمطابق فروخت کرنے کی بجائے من مرضی کی قیمتیں وصول کر رہے ہیں جن میں گوبھی 60 روپے کلو کی بجائے 100لیموں 160کی بجائے 400 روپے ،آلو 70روپے کی بجائے 90روپے فی کلو کے حساب سے فروخت کئے جا رہے ہیں جو کہ سراسر زیادتی ہے شہریوں وقاص ،بلال ،وسیم ،عبداللہ ،ابوبکر و دیگر نے میڈیا کو بتایا کہ دکاندار گراں فروشی کی انتہا کئے ہوئے ہیں انتظامیہ کو تحریری طور پر شکایات کرنے کے باوجود گراں فروشوں کیخلاف کارروائی نہیں ہوئی ہے یہاں تک کہ حکومت کی جانب سے متعارف کرائی جانے والی ریٹس ایپ بھی بے معنی ثابت ہو رہی ہے جبکہ دکانداروں کے گاہکوں سے جھگڑنے کے واقعات میں اضافہ ہو رہا ہے ڈی سی قصور سرکاری ریٹ لسٹ کیمطابق سبزیوں کی فروخت کو یقینی بنائیں تاکہ مہنگائی کے مارے لوگ سکھ لے سکیں