Category: قصور

قصور
تھانہ سٹی چونیاں نے ٹک ٹاک پہ ہوائی فائرنگ کی ویڈیو اپلوڈ کرنے والا ملزم گرفتار کر لیا،ملزم کے قبضہ سے اسلحہ برآمد

تفصیلات کے مطابق قصور کی تحصیل چونیاں کے تھانہ سٹی چونیاں نے ٹک ٹاک پہ ہوائی فائرنگ کی ویڈیو اپلوڈ کرنے والے ملزم بلال رحمانی کو گرفتار کر لیا ہے

ملزم کے قبضہ سے 30 بور پسٹل برآمد کیا گیا ہے
ملزم نے ہوائی فائرنگ کرتے ہوئے ویڈیو بنا کر ٹک ٹاک پہ اپلوڈ کی تھی
پولیس نے مقدمہ درج کرکے کاروائی کا آغاز کر دیا ہے

قصور
ڈی پی او قصور طارق عزیز کا سندھو کا احمد تھیلیسیمیا کئیر ہسپتال کنگن پور قصور کا دورہ،مریض بچوں میں تحائف تقسیم کئے،

تفصیلات کے مطابق ڈی پی او قصور طارق عزیز سندھو نے احمد تھیلیسیمیا کئیر ہسپتال کنگن پور قصور کا وزٹ کیا اور تھیلیسیمیا کے مریض بچوں کو تحائف دیئے
ڈی پی او قصور نے جذبہ انسانیت کی اعلی مثال پیش کرتے ہوئے پولیس لائنز سمیت ضلع بھر کے تمام تھانوں میں بلڈ ڈونیشن کیمپ کروانے کا وعدہ کیا اور احمد تھیلیسیمیا کئیر ہسپتال میں دوبارہ آنے اور بچوں کے ساتھ وقت گزارنے کا وعدہ کیا
نیز ہسپتال کے ساتھ بھرپور تعاون اور بچوں کو ایک دن DPO اور تھانوں میں SHO بنانے کا اعلان کیا جس پہ تھیلیسیمیا کے مریض بچے بہت خوش ہوئے اور ڈی پی او قصور کو دعائیں دیتے رہے
احمد تھیلیسیمیا کئیر ہسپتال انتظامیہ و تھیلیسیمیا کے مریض بچوں نے کہا کہ ہم محترم ڈی پی او قصور جناب طارق عزیز سندھو،جناب ذوالفقار علی بھٹی، جناب سید ثقلین شاہ صاحب ایس ایچ او کنگن پور کے مشکور ہیں جو احمد تھیلیسیمیا ہسپتال تشریف لائے اور بچوں کے سروں پر دشت شفقت رکھا اور اپنے بھرپور تعاون اور ساتھ کا یقین دلایا

قصور
گیس میٹر کا کرایہ بڑھانے پہ شہری سراپا احتجاج،آخر گورنمنٹ کرنا کیا چاہتی ہے؟ کیا سانسوں پہ بھی ٹیکس لگنے والا ہے؟

تفصیلات کے مطابق وفاقی گورنمنٹ نے سوئی گیس کے میٹر کا کرایہ 45 روپیہ سے بڑھا کر 516 روپیہ 67 پیسہ کر دیا ہے جس پہ شہری سراپا احتجاج ہیں اور وزیراعظم پاکستان سے سوال کرتے ہیں کہ آخر گورنمنٹ کرنا کیا چاہتی ہے ؟ اپنے ہی پیسوں سے منت سماجت کرکے ذاتی ملکیت میں لگوائے گئے میٹر کا کرایہ اتنا زیادہ کیوں؟
شہریوں کا کہنا ہے کہ کیا موجودہ گورنمنٹ لوگوں کی سانسوں پہ بھی ٹیکس لگانے کا ارادہ رکھتی ہے؟
شہریوں کا کہنا ہے کہ اگر تو گورنمنٹ نے عام غریب عوام کو مارنے کا عزم کیا ہے تو خداراہ جلد مار دیں یوں قسطوں میں نا ماریں
کبھی کوئی چیز مہنگی تو کبھی کوئی چیز مہنگی تر
اس روز روز کی مہنگائی سے لوگ ذہنی مریض بن کر رہ گئے ہیں اور دوائی کھانے کے قابل بھی نہیں رہے کیونکہ اب تو عام پیناڈول کی گولی بھی کھانا سر درد کم کرنے کی بجائے مذید درد کروانا ہے کیونکہ اول تو چیزیں بالخصوص ادویات ملتی ہی نہیں اور اگر ملتی ہیں تو انتہائی مہنگی
شہریوں نے وزیراعظم سے اپیل کی ہے کہ خدارا لوگوں کو مارنے کا اختیار رب کے پاس ہی رہنے دیں خود سے لوگوں کو نا ماریں
آپ اگر پروٹوکول ختم کرکے بچت کرنے کا دعویٰ کر ہی بیٹھے ہیں تو اسے پورا بھی کیجئے کیونکہ ابھی تک کی مہنگائی تو یہ بات ہی وضع کرتی ہے کہ 2018 میں بننے والی گورنمنٹ اور 2022 میں بننے والی گورنمنٹ میں صرف نام کا فرق ہے باقی کام تو ایک جیسے ہی ہیں

قصور
گزشتہ جمعرات والے دن، دن کی روشنی میں ڈاکوؤں کی گولیوں کا نشانہ بننے والا شہری ہسپتال میں تاحال بے یار و مددگار ،انتظامیہ سے نوٹس کی اپیل

تفصیلات کے 52 سالہ فرزند علی سکنہ حویلی امریک سنگھ حدود تھانہ مصطفیٰ آباد للیانی گزشتہ جمعرات بوقت قبل از مغرب 6 بجے سفید دن کو اپنی موٹر سائیکل پہ سوار ہو کر ضروری کام کے لئے مصطفی آباد للیانی کی طرف جا رہا تھا کہ موضع پٹھان والی کے قریب دو مسلح موٹر سائیکل سوار ڈاکوؤں نے اسے رکنے کا اشارہ کیا تاہم بروقت موٹر سائیکل کی بریک نا لگ سکی جس پہ طیش میں آکر ڈاکوؤں نے فائرنگ کی جس کے باعث ایک گولی فرزند کی ایڑی میں لگی اور وہ گر پڑا
ڈاکوؤں نے قریب آکر اس کے کولہے پر پسٹل کی نالی رکھ کر گولی ماری جو کہ کولہے کی ہڈی کو توڑتی ہوئی دوسرے کولہے میں جا لگی
فرزند کو ڈی ایچ کیو ہسپتال قصور پہنچایا گیا جہاں اس کو ابتدائی طبی امداد دی گئی
لواحقین کا کہنا ہے کہ ایک ہفتہ گزرنے کے باوجود نا تو ٹوٹی ہڈی کا آپریشن کیا گیا ہے اور نا ہی کچھ بتایا جا رہا ہے کہ کب آپریشن کیا جائے گا
ہمارا مریض سخت اذیت میں مبتلا ہے مگر ہسپتال انتظامیہ کچھ نہیں بتا رہی
مریض کے لواحقین سخت پریشان ہیں ان کا کہنا ہے کہ ابھی تک نا تو ڈاکو گرفتار ہوئے ہیں اور نا ہی مکمل علاج شروع ہوا ہے
مریض کے لواحقین نے ایم ایس ڈی ایچ کیو سے ازخود نوٹس کی اپیل کی ہے

قصور
ملک بھر کی طرح کل ضلع قصور میں بھی یکم مئی لیبر ڈے منایا گیا،سکولوں میں چھٹی،اشرافیہ کا فوٹو شوٹ،غریب گندم کی کٹائی میں مصروف رہا

تفصیلات کے مطابق ملک بھر کی طرح
کل یکم مئی لیبر ڈے ضلع قصور میں بھی پورے زور و
شور سے منایا گیا
مگر جس غریب کے نام پہ یہ دن بطور یکجہتی منایا گیا اسی غریب طبقے نے کل بھی
محنت مزدوری کی

اشرافیہ فوٹو شوٹ کرکے دنیا کو دکھاتا رہا کہ غریب کے ساتھ اظہار یکجہتی کی جا رہی ہے مگر وہ اشرافیہ غریب کو مہنگی چیزیں بیچ کر اور اسی غریب سے رشوت وصول کرکے دنیا کے سامنے اظہار یکجہتی کرتا رہا مگر
غریب محنت کش طبقہ اپنے اہل و عیال کیساتھ کل بھی گندم کی کٹائی میں مصروف رہا کیونکہ اس غریب کو پتہ ہے آٹا لینا جوئے شیر لانے کے مترادف ہے اور جو فری آٹا سرکار کی طرف سے دیا گیا وہ فری میں نہیں ملا بلکہ آٹے کی قیمت ڈبل کرکے دیا گیا ہے جس سے چند دن تک مفت آٹا ملا باقی ساری زندگی اب مہنگا آٹا خریدنا ہے

قصور
تھانہ صدر قصور کی حدود موضع نول میں رات کی تاریکی میں فارمیسی کے تالے توڑ کر بھاگنے والے ڈاکوؤں سے پولیس کی فائرنگ،ملزمان کار چھوڑ کر بھاگ نکلے،کار قبضہ میں لے لی گئی

تفصیلات کے مطابق مقامی صحافی فضل حسین بھٹہ کے بھانجے تنصیر کی فارمیسی بمقام موضع نول عمیر میڈیکس فارمیسی کے تالے بوقت سحری 3 بجے نامعلوم ملزمان نے توڑے جس کی بروقت اطلاع اہلیان علاقہ کو ہوئی جنہوں نے فوری پولیس کو کال کی

تالے توڑنے والے کار سوار ملزمان نے قصور کی سمت کار دوڑائی جس پہ پولیس نے فوری ناکہ بندی کرتے ہوئے قصور بائی پاس پہ ملزمان کو گھیر لیا

پولیس کے گھیرے میں آتا دیکھ کر کار سوار ملزمان نے ایک سپاہی کو کار کی ٹکر ماری جس سے سپاہی زخمی ہو گیا
ملزمان نے فائرنگ شروع کر دی اور پولیس کی جوابی فائرنگ سے ملزمان گاڑی سے نکل کر قریبی کھیتوں میں نکل گئے اور رات کی تاریکی کا فائدہ اٹھا کر بھاگ نکلنے میں کامیاب ہو گئے
پولیس نے ملزمان کی گاڑی میں حراست لے ہر کرائم سین کو طلب کر لیا
کرائم سین نے فارمیسی سے شواہد اکھٹے کر لئے ہیں

پولیس کا کہنا ہے کہ بہت جلد ملزمان کو گرفتار کر لیا جائے گا

قصور
تھانہ کھڈیاں کی حدود میں پولیس مقابلہ،ایک ڈاکو زخمی حالت میں گرفتار

تفصیلات کے مطابق گزشتہ دن تھانہ کھڈیاں قصور کے علاقہ میں پولیس مقابلے میں ایک ڈاکو زخمی حالت میں گرفتار ہوا جس کی شناخت عامر عرف شاہد سکنہ فرید نگر پاکپتن کے نام سے ہوئی ہے
زخمی ڈاکو پولیس کو 10 سے زائد ڈکیتی کے مقدمات میں مطلوب تھا
ایس ایچ او تھانہ کھڈیاں مخبر خاص کی اطلاع پہ ملزمان کی موجودگی کی اطلاع پر رحمان سٹی کالونی میں ریڈ کیا تو ملزمان نے پولیس پارٹی کو دیکھ کر مختلف اطراف سے سیدھی فائرنگ شروع کر دی جس کے نتیجہ میں ڈاکو عامر عرف شاہد اپنے ساتھیوں کی فائرنگ سے زخمی ہو گیا جس کے قبضہ سے پسٹل برآمد ہوا
آبادی میں فائرنگ کرتے ہوئے تین ملزمان ہو گئے
پولیس کا کہنا ہے کہ
فرار ہونے والے تین ملزمان کو بھی ٹریس کر لیا گیا ہے جن کی گرفتاری کیلئے ٹیمیں تشکیل دے دی گئی ہیں

قصور
رواں ماہ پیٹرول مہنگا ہونے کے بعد ریلوے کرایوں میں 8 فیصد اضافہ کیا گیا،شہریوں کی مشکلات میں اضافہ

تفصیلات کے مطابق موجود گورنمنٹ بھی سابقہ گورنمنٹ کی طرح معاشی استحکام پہ مکمل ناکام ہے جس کے باعث آئے روز مہنگائی میں اضافہ ہو رہا ہے اور غرباء کا جینا مشکل ہو چکا ہے
رواں ماہ پیٹرول کی قیمتیں بڑھنے سے پاکستان ریلوے نے بھی اپنے کرایوں میں 8 فیصد تک کا اضافہ کیا ہے جس کے باعث شہریوں کو مذید مشکلات کا سامنا کرنا پڑ رہا ہے
بعض جگہوں پہ تو ریلوے کا کرایہ زیادہ ہے جبکہ اس کے مدمقابل پبلک ٹرانسپورٹ کا کرایہ کم ہے
نیز ریل گاڑیوں کی آمد و روانگی میں تاخیر سے بھی لوگ سخت پریشان ہیں اوپر سے رہی سہی کسر مہنگے کرایوں نے نکال دی ہے جس سے محکمہ ریلوے سے لوگ اجتناب کرنے لگے ہیں
گورنمنٹ نے اگر کرایوں میں نظر ثانی نا کی تو لوگ ریلوے کی بجائے پبلک ٹرانسپورٹ کو ہی ترجیح دینگے جس کے محکمہ ریلوے کو مذید نقصان ہو گا

قصور
مشہور و معروف جامع مسجد توحید اہلحدیث شہباز خان روڈ قصور میں 28 اپریل کا خطبہ جمعہ علامہ احسان اکبر ظہیری ارشاد فرمائے گے

تفصیلات کے مطابق قصور شہر کی معروف اور مشہور مسجد جامع مسجد توحید اہلحدیث شہباز خان روڈ قصور میں 28 اپریل 2023 کا خطبہ جمعہ علامہ احسان اکبر ظہیری فاضل کنگ سعود یونیورسٹی سعودیہ عربیہ ارشاد فرمائے گے
خطبہ جمعہ کا آغاز 12:30 پہ ہو گا اور عنوان ،نصیحت دین٫ ہو گا
جامع مسجد توحید اہلحدیث شہباز خان روڈ میں ہر مسلک کے لوگ تمام نمازیں اور بلخصوص نماز جمعہ ادا کرتے ہیں جس کی وجہ یہ ہے کہ آج دن تک اس مسجد سے تعصب اور فرقہ واریت کو ہوا نہیں دی گئی
انتظامیہ مسجد کا کہنا ہے کہ تمام مسلمان آپس میں بھائی ہیں اور ہر کسی کی بات سننا اور ہر کسی کو دعوت دینا ہمارا فرض ہے