Category: قصور

قصور
عید کے تیسرے دن بھی گندم کی کٹائی جاری،غریب محنت کش طبقے نے عید کے روز بھی گندم کی کٹائی کی

تفصیلات کے مطابق قصور ضلع بھر میں گزشتہ چند دنوں سے گندم کی کٹائی جاری ہے
غریب محنت کش طبقہ آج عید کے تیسرے روز بھی گندم کی کٹائی میں مصروف ہے حتی کہ بیشتر محنت کشوں نے عید کے روز بھی گندم کی کٹائی کی تاکہ مہنگی گندم خریدنے کی سکت نا ہونے پہ سخت دھوپ میں گندم کی کٹائی کرکے کچھ گندم حاصل کر لیں
اس سال بہت زیادہ مزدور طبقہ دیگر مزدوری چھوڑ کر گندم کی کٹائی کررہا ہے کیونکہ آٹے کے بحران اور گندم کی بہت زیادہ قیمت نے غریب محنت کش طبقے کو پریشان کر رکھا ہے

قصور
ڈی پی او قصور کی افسران سے میٹننگ،کارکردگی کا جائزہ،عید کے لئے سیکیورٹی پلان ترتیب

تفصیلات کے مطابق ڈی پی او قصور طارق عزیز سندھو کی زیر صدارت عیدالفطر کی آمد کے سلسلہ میں انسداد کرائم اور سکیورٹی انتظامات کے حوالے سے میٹنگ کا انعقاد کیا گیا جس میں ایس ڈی پی اوز ، ایس ایچ اوز،
ایس پی انویسٹی گیشن شاہد محمود، ڈی ایس پی لیگل، ڈی ایس پی ٹریفک اور انچارج برانچز نے شرکت کی
ڈی پی او قصور نے ایس ایچ اوز کی کارکردگی کا تفصیلی جائزہ لیا اور
ناقص کارکردگی پر ایس ایچ او تھانہ تھ شیخم کو معطل کر کے کلوز لائن کر دیا گیا
ایس ایچ او تھہ شیخم کو ناقص کارکردگی اور کرائم رجسٹر نہ کرنے پر معطل کیا گیا جبکہ بہترین کاکردگی پر ڈی پی او قصور نے پانچ ایس ایچ اوز کو تعریفی سرٹیفکیٹس سے نوازا جن میں ایس ایچ او کوٹرادھاکشن، ایس ایچ او تھانہ صدر قصور، ایس ایچ او تھانہ بی ڈویژن قصور ، ایس ایچ او تھانہ مصطفیٰ آباد قصور اور ایس ایچ او تھانہ سٹی چونیاں شامل ہیں
ڈی پی او قصور کا کہنا ہے کہ وہ پولیس آفیسر جو غفلت میں ہیں ایکٹو ہو جائیں اور ایک ہفتے کے بعد دوبارہ میٹنگ ہو گی جس میں دوبارہ کارکردگی کا جائزہ لیا جائے گا نیز ایس ایچ اوز کو
مقدمات کے اندراج کا ٹائم فریم دے دیا گیا ہے اور کہا گیا ہے کہ من و عن عملدرآمد کروایا جائے اور
چوری، راہزنی اور ڈکیتی کی ایف آئی آر فوراً درج کی جائیں
طارق عزیز سندھو نے کہا
اللہ تعالی نے جو ذمہ داری دی ہے اس کو اپنا فرض سمجھ کر پورا کریں اور
اپنے کنڈکٹ کو مثالی بنائیں ہم سب عوام کی خدمت کے لیے ہیں
ڈاکوؤں، اشتہاریوں، جواریوں، بدمعاشوں، منشیات فروشوں اور قبضہ مافیا کے خلاف بھرپور کارروائی کریں اور
تھانوں کی حدود میں کریمنلز کی موجودگی پر ایس ایچ اوز ذمہ دار ہو گا
نیز ڈی او قصور نے بتایا کہ
قصور پولیس چاند رات اور عیدالفطر کے موقع پر سکیورٹی کے فول انتظامات کو یقینی بنائے گی
عید الفطر کے موقع پر سکیورٹی کا ماسٹر پلان جاری کر دیا گیا ہے
تمام پولیس افسران کی عید کی چھٹیاں منسوخ ہیں ایس ایچ اوز کا تمام تر فوکس جرائم کے تدارک پر ہونا چاہئیے اور
عید کے ایام کے دوران پولیس ہر جگہ نظر آنی چاہیے اور گشت کو مزید بڑھایا جائے تاکہ لوگوں کے جان و مال کی حفاظت کی جا سکے

قصور
متوقع چاند رات کے باعث بازاروں میں رش, ٹرانسپورٹرز ،رکشہ ڈرائیوروں کی من مانیاں،منہ مانگے کرائے وصول،لوگ پریشان

تفصیلات کے مطابق آج متوقع چاند رات کے باعث ضلع بھر اور خاص کر قصور شہر کے بازاروں میں رش ہے
لوگ مختلف گاؤں دیہاتوں سے شہر کا رخ کرکے خریداری کر رہے ہیں
جس کے باعث بازاروں میں پاؤں رکھنے کی جگہ نہیں
اسی بات کا فائدہ اٹھاتے ہوئے
بسوں رکشوں کے مالکان نے اپنی مانیاں کرتے ہوئے منہ مانگے کرائے لینا شروع کر دیئے ہیں نیز دکانداروں کی بھی من مانیاں عروج پہ ہیں
شہریوں نے ضلعی انتظامیہ سے اپیل کی ہے کہ قیمتوں کو کنٹرول کیا جائے

قصور
چار ماہ سے زیر تعمیر قصور رائیونڈ روڈ پہ سفر کرنے والوں کی زندگیاں اجیرن،دن ہو یاں رات گرد و غبار کا راج،شہری بیمار

تفصیلات کے مطابق قصور رائیونڈ روڈ گزشتہ چار ماہ سے نئے سرے سے تعمیر ہو رہی ہے جس کا کام کافی سست روی کا شکار ہے
جہاں سے پرانی سڑک اکھاڑ کر نیا پتھر و مٹی ڈالی جاتی ہے وہاں دو چار دن پانی کا چھڑکاؤ کیا جاتا ہے بعد میں چھوڑ دیا جاتا ہے جس کے باعث دن رات انتہائی زیادہ گردو غبار کا راج ہے شدید ترین آندھی و طوفان آنے سے اتنی دھول مٹی نہیں اڑتی جتنی ہر روز چوبیس گھنٹے اس سڑک پہ اڑتی ہے
کام بھی بڑی سست روی کا شکار ہے
روزانہ سفر کرنے والے لوگ الرجی،گلہ و دیگر بیماریوں کا شکار ہو رہے ہیں اور اوپر سے سفر میں تاخیر کیساتھ گاڑیوں و موٹر سائیکلوں کا نقصان بھی ہو رہا ہے
شہریوں نے ضلعی انتظامیہ سے درخواست کی ہے کہ خداراہ ہم پہلے ہی مہنگائی،بےروزگاری اور چوری ڈکیتی جیسی آزمائشوں کا شکار ہے لہذہ سڑک جلد تعمیر کرکے ہماری یہ ازمائش ختم کی جائے

قصور
موضع میر محمد میں
سستی سبزی و پھل سٹال، رمضان کے دوسرے عشرے سے عید تک جاری رہے گا،اہلیان علاقہ کا مستقل سٹال لگانے کا مطالبہ

تفصیلات کے مطابق قصور کے نواحی گاؤں موضع میر محمد میں خدمت کمیٹی میر محمد کے زیر سایہ قاری عبدالرحمن ساجد کی سرپرستی میں سستی سبزی و پھل کا سٹال رمضان کے دوسرے عشرے سے شروع کیا گیا ہے جس سے اہلیان علاقہ مستفید ہو رہے ہیں
اہلیان علاقہ نے بتایا کہ ہمیں سستے سٹال سے دکانوں سے فی کلو سبزی و پھل 50 روپیہ فی کلو تک رعایت مل رہا ہے جو کہ اس مہنگائی کے دور میں ایک بہت بڑی عظیم کاوش ہے
یہ سٹال صبح سویرے لگایا جاتا ہے جس میں 10 سے 12 سبزیاں و سبزی مصالحہ جات پچاس پچاس کلو منڈی سے خرید کر اس سٹال پہ سستے بیچے جاتے ہیں

مقامی لوگ صبح سویرے سٹال لگتے ہی پہنچ جاتے ہیں اور سبزی و پھل کا وسیع سٹاک ظہر سے قبل ہی ختم ہو جاتا ہے
انتطامیہ کا کہنا ہے کہ یہ سٹال عید تک لگایا جائے گا تاہم مستفید ہونے والے اہلیان علاقہ کا مطالبہ ہے کہ اس سٹال کو مستقل کیا جائے تاکہ مہنگائی کی ماری عوام کو ریلیف مل سکے

قصور
روزہ دار پھل کھانے سے محروم،پھلوں کے ریٹ بہت زیادہ،غریب کی قوت خرید سے باہر

تفصیلات کے مطابق ماہ رمضان میں مہنگائی کا طوفان تھم نا سکا جس کے باعث روزہ دار پھل کھانے سے بھی محروم ہو گئے ہیں
پھلوں کی قیمتیں آسمان سے باتیں کر رہی ہیں جس کے باعث غریب محنت کش پھلوں کو دیکھ تو سکتا ہے مگر اسے خرید نہیں سکتا کیونکہ اس وقت سیب 500 روپیہ فی کلو، کیلے 350 روپیہ فی درجن،خربوزہ 150 فی کلو،تربوز 80 روپیہ فی کلو اور 200 روپیہ والی کجھور اب ماہ رمضان میں 450 روپیہ فی کلو تک فروخت کی جا رہی ہے جبکہ ضلعی انتظامیہ کی جانب سے جاری کردہ نرخ نامے پہ قیمتیں کم ہیں اور منڈی میں قیمتیں بہت زیادہ جس کے باعث دکاندار خود مہنگی چیزیں خرید کر مہنگی بیچنے پہ مجبور ہیں
ضلعی انتظامیہ کے سارے دعوے ریٹ کا گھروندا ثابت ہوئے ہیں کوئی بھی چیز سرکاری نرخ نامے پہ نہیں ملتی
شہریوں نے ضلعی انتظامیہ سے استدعا کی ہے کہ خداراہ اس ماہ مقدس میں غریب کو کچھ تو کھانے دیجئے لہذا سرکاری قیمتوں پہ اشیا کی فراہمی یقینی بنائی جائے

قصور
غوثیہ گرین و غوثیہ وائٹ کا کرکٹ میچ عید کے تیسرے دن شہباز شریف سٹیڈیم کوٹ عبد الخالق کالونی قصور میں ہو گا

تفصیلات کے مطابق غوثیہ کرکٹ کلب قصور کہ پلیٹ فارم سے غوثیہ وائیٹ بمقابلہ غوثیہ گرین کے مابین کرکٹ میچ عید کے تیسرے دن ہو گا

یہ میچ شہباز شریف سٹیڈیم کوٹ عبد الخالق کالونی قصور میں ہو گا
یہ کرکٹ میچ غوثیہ کرکٹ کلب قصور کہ کپتان حبیب علی خاں اور محسن علی کے زیر سایہ ہو گا جس میں کھلاڑی دوستانہ میچ کھیلیں گے
جیتنی والی ٹیم کو انعام سے نوازا جائے گا
اس سے قبل بھی غوثیہ کرکٹ کلب نے کئی میچ کروائے ہیں جس میں شائقین نے بڑے جوش و ولولے سے شرکت کی

قصور
دو روز قبل تھانہ گنڈا سنگھ کے گاؤں چھبڑ میں فائرنگ سے ایک نوجوان جانبحق پانچ زخمی ،ملزمان تاحال فرار

تفصیلات کے مطابق قصور کے تھانہ گنڈا سنگھ والا کے علاقے موضع چھبر میں دو روز قبل زمین کے تنازعہ پہ ملزمان نے شدید فائرنگ کی جس کی زد میں آکر نوجوان محمد عظیم ولد محمد رفیق قوم آرائیں سکنہ چھبر موقع پہ جانبحق ہو گیا جبکہ شدید فائرنگ سے مذید 5 افراد زخمی ہو گئے تھے جن کو تشویشناک حالت میں ہسپتال پہنچایا گیا جہاں ان کا علاج جاری ہے
دو روز گزر گئے تاہم ابھی تک ملزمان گرفتار نہیں ہو سکے جس کے باعث علاقہ میں خوف و ہراس کی فضاء قائم ہے
اہلیان علاقہ نے ڈی پی او قصور سے درخواست کی ہے کہ ملزمان کو جلد سے جلد گرفتار کرکے قانون کے مطابق کاروائی کی جائے تاکہ لوگ خود کو عدم تحفظ کا شکار نا سمجھیں

قصور
سرکاری نوٹیفیکیشن جاری ہونے کے باوجود
لیکوڈ پیٹرولیم گیس ( ایل پی جی) کی قیمتیں کم نا ہو سکیں،300 روپیہ فی کلو تک فروخت جاری،غریب سفید پوش طبقہ سخت پریشان،دیہات تو دور کی بات قصور شہر کے کئی محلے سوئی گیس کی سہولت سے تاحال محروم ہیں,انتظامیہ سے نوٹس کی اپیل

تفصیلات کے مطابق تمام اشیاء ضرورت زندگی کی طرح لیکوڈ پیٹرولیم گیس ( ایل پی جی ) کی قیمتیں بھی آسمان سے باتیں کر رہی ہیں
جس سے غریب سفید پوش طبقہ سخت متاثر ہوا ہے
ایل پی جی کی قیمت میں سرکاری طور پہ قیمت کم کی گئی جس کا نوٹیفکیشن بھی جاری ہوا تاہم ابھی بھی فی کلو 300 روپیہ تک فروخت کی جا رہی ہے
ہر کوئی اپنی من مانی کے نرخ لے رہا ہے اس سے غریب طبقہ زیادہ متاثر ہوا ہے
کیونکہ زیادہ تر غریب گھرانے ایک دو کلو گیس بھروا کر اپنا وقت گزارتے ہیں
دیگر اشیاء ضروریات زندگی مہنگی ہونے سے لوگ پہلے ہی پریشان ہیں اور اب رہتی کسر مہنگی ایل پی جی نے نکال دی ہے جس سے لوگوں کے مسائل مذید بڑھ گئے ہیں جو کہ گورنمنٹ کے دعوے کا پول کھول کر اس کی ناکامی کو وضع کرتے ہیں
واضع رہے کہ قصور کے دیہات تو دور کی بات قصور شہر کے بیشتر محلے ابھی تک سوئی گیس کی سہولت سے محروم ہیں جس کے باعث لوگوں کو سوئی گیس کے نعم البدل ایل پی جی کا استعمال کرنا پڑتا ہے
لوگوں کا کہنا ہے کہ سرکار سے فریاد چیز کو مذید مہنگا کروانا ہے لہذہ ہماری فریاد حاکم وقت کی بجائے خالق وقت بارگاہ الہی کی عدالت میں ہے کہ ہمارا جینا دو بھر ہو گیا ہے اور حاکم وقت و حکومتی مشینری محض تسلیاں دینے میں مصروف ہیں اور اپوزیشن اپنی ذاتی کاروائیوں میں مصروف ہے کسی ہو عوام کا خیال نہیں