Category: خانیوال

میاں چنوں کا رہائشی مشتبہ حسنین نذر ایران سے واپسی پریشانی کا باعث بنا ہوا

باغی ٹی وی :میاں چنوں چک نمبر 98 بی آر کا رہائشی حسنین نذر جو ایران زیارت کے لیے گیا وہاں سے واپسی پر تفتان قرنطینہ سنٹر سے بھاگ کر میاں چنوں پہنچ گیا ، پولیس نے میاں چنوں جاکر اس کا پیچھا کیا تو وہاں سے لاہور فرار ہوگیا. حالانکہ اسے چیک کر کے کلیئر کردینا تھا. لیکن اس مشتبہ شخص نے نہ صرف اپنی زندگی کو داؤ پرلگایا ہوا ہے بلکہ دیگر لاکھوں افراد کے لیے بھی خطرے کا باعث ہے .
واضح رہے کہ ملک میں کورونا وائرس کے کیسز کی تعداد میں اضافہ ہورہا ہے اور یہ تعداد 6 ہو گئی ہے صوبائی وزیر صحت پنجاب ڈاکٹر یاسمین راشد نے 5 افراد کے کورونا وائرس سے متاثر ہونے کی تصدیق کردی۔

لاہور میں پریس کانفرنس کرتے ہوئے صوبائی وزیر صحت کا کہنا تھا کہ پہلے فیز میں ایران سے پنجاب پہنچنے والے 42 زائرین کے ٹیسٹ کیے گئے تھے جس میں 5 مثبت آئے۔ یوں ملک بھر میں اب تک سامنے آنے والے کورونا کیسز کی تعداد 193 ہوگئی ہے جس میں سندھ کے 155، خیبرپختونخوا کے 15، بلوچستان کے 10، جبکہ گلگت بلتستان کے 5 کیسزشامل ہیں۔

قبل ازیں سندھ میں مزید 5 کیسز سامنے آنے کے بعد صوبے میں متاثرین کی تعداد 155 تک پہنچ گئی تھی جبکہ ملک میں مجموعی طور پر 193 لوگ وائرس سے متاثر ہوچکے ہیں

خانیوال(نمائندہ باغی ٹی وی)ڈپٹی کمشنر آغا ظہیر عباس شیرازی کی زیر صدارت ڈسٹرکٹ آب پاک اتھارٹی کے اجلاس میں واٹر فلٹریشن پلانٹس کی بحالی کے لئے اقدامات کا جائزہ لیا گیا- ڈپٹی کمشنر نے ضلع میں موجود واٹر فلٹریشن پلانٹس کا ڈیٹا اکٹھا کرنے کی ہدایت دیتے ہوئے کہا کہ عوام کو صاف پانی کی فراہمی اولین ترجیح ہے جو پلانٹس فنگشنل ہیں ان کے فلٹرز مقررہ وقت کے اندر لازمی بدلے جائیں- ان کا مزید کہنا تھا کہ ضلع کے تمام واٹر فلٹریشن پلانٹس کو فنگشنل کیا جائیگا-

خانیوال(نمائندہ باغی ٹی وی)ڈپٹی کمشنر آغا ظہیر عباس شیرازی نے ضلع بھر میں جاری بارش کے سلسلہ کے دوران چاروں تحصیلوں کا ہنگامی دورہ کیا – انہوں خانیوال شہر ،مخدوم پور پہوڑاں، کبیروالا، سرائے سدھو ، باگڑ سرگانہ ، عبدالحکیم ، تلمبہ ، میاں چنوں ، جہانیاں کے علاقوں کا ہنگامی دورہ کیا اور پانی کی نکاسی کے کام کا جائزہ لیا -اور بارش میں کام جاری رکھنے پر میونسپل کمیٹیز کے عملہ کو شاباش دی – تحصیلوں کے دوروں کے دوران متعلقہ اسسٹنٹ کمشنرز بھی ان کے ہمراہ تھے – ڈپٹی کمشنر نے اسسٹنٹ کمشنرز کو ہدایت کی کہ پانی کی مکمل نکاسی تک کام جاری رکھا جائے اور نکاسی کے کاموں میں پہلے نشیبی علاقوں پر فوکس کیا جائے – ڈپٹی کمشنر نے اسسٹنٹ کمشنرز کو مزید ہدایت کی کہ پانی کی مکمل نکاسی تک فیلڈ میں خود موجود رہیں – ڈپٹی کمشنر نے کبیروالا دورہ کے دوران بارش کے دوران چھت گرنے کی جائے وقوعہ کا بھی دورہ کیا اور جاں بحق ہونے والے نوجوان کے ورثاء سے دلی ہمدردری اور افسوس کا اظہار کیا – ڈپٹی کمشنر نے سرائے سدھو دورہ کے دوران مندر چوک پر ایک گھر میں جنازہ کی موجودگی پر علاقہ سے پانی کی فوری نکاسی کے احکامات دئیے -ڈپٹی کمشنر نے میونسپل کمیٹیز کے ایڈمنسٹریٹرز کو ہدایت کی کہ بارشوں کے دوران بجلی کی بندش پر پانی کی نکاسی کے لئے ڈسپوزلز کو چالو رکھنے کے لئے جنریٹرز کا بندوبست کیا جائے – دریں اثناء ڈپٹی کمشنر نے شہریوں سے کہا ہے کہ آج غیر ضروری سفر سے اجتناب کریں- جو لوگ چھوٹے بڑے جانور پالتے ہیں انہیں محفوظ مقامات پر رکھیں اور بجلی کے کھمبوں کے نزدیک سے ہرگز مت گزریں-

جہانیاں (نمائندہ باغی ٹی وی ) میں دو دن سے مسلسل بارش ہے جس وجہ سے اندرون شہر میں نکاسی آب کا مسئلہ بھی ہے ایس مسئلے کو حل کرنے کے لئے سیاستدان تو کبھی سنجیدہ ہی نہیں ہوئے لیکن جہانیاں کو ایک ایسا شخص ضرور مل گیا ہے جس کو درست معنی میں جہانیاں کا وارث کہا جاسکتا ہے۔ اس برستی بارش میں زیر نظر تصویر میں نظر آنے والا شخص اسسٹنٹ کمشنر جہانیاں چوہدری بابر سلیمان چیمہ ہیں جو شدید بارش میں ٹریک سوٹ پہنے ہوئے نکاسی آب کی نگرانی بذات خود کررہے ہیں۔

خانیوال (نمائندہ باغی ٹی وی )ڈپٹی کمشنر خانیوال آغا ظہیر عباس شیرازی نے بارش کے دوران کااچانک ٹھٹھہ صادق آباد کے مختلف ادارواں کے دورے کئے ۔تفصیلات کے مطابق ڈی سی خانیوال اظہر عباس شیرازی نے آج صبح ہی رورل ہیلتھ سنٹر ٹھٹھہ صادق آباد ، بنیادی مرکز صحت چکنمبر ١٣٩ ، گورنمنٹ مڈل سکول ،گورنمنٹ گرلز پرائمری سکول چک نمبر آر10/ 135جد ید کا دورہ کیااور اس دورے کے دوران مزکورہ اداروں کا ریکارڈ چیک کیا اور اداروں کے سربراہان کی اداروں کی بہتری کی کوششوں کو بھی سراہا۔