Baaghi TV

Category: لاہور

  • وزیراعلیٰ پنجاب سے چین کے نئے قونصل جنرل کی ملاقات

    وزیراعلیٰ پنجاب سے چین کے نئے قونصل جنرل کی ملاقات

    وزیراعلیٰ پنجاب مریم نواز شریف نے لاہور میں نئے تعینات چین کے قونصل جنرل سن یان سے ملاقات کی-

    ملاقات میں دونوں رہنماؤں نے پاک چین دوستی، سٹریٹجک شراکت داری اور سی پیک کے تحت اقتصادی اور ثقافتی تعاون کو مزید فروغ دینے پر اتفاق کیا
    وزیراعلیٰ مریم نواز شریف نے نئے قونصل جنرل کو لاہور میں تعیناتی پر مبارکباد دی اور دورہ چین کی دعوت شکریہ کے ساتھ قبول کرلی انہوں نے پاک چین دوستی کو فقیدالمثل قرار دیتے ہوئے کہا کہ پنجاب حکومت چینی سرمایہ کاری، صنعتی ترقی، ٹیکنالوجی کی منتقلی اور روزگار کے مواقع بڑھا نے کے لیے پرعزم ہے۔

    چینی قونصل جنرل سن یان نے کہا کہ پاک چین تعلقات سٹریٹجک اعتماد، باہمی احترام اور غیر متزلزل یکجہتی کی روشن مثال ہیں انہوں نے پاکستان کی علاقائی سلامتی، ترقی اور بین الاقوامی فورمز پر اصولی حمایت کو قابل تحسین قرار دیا۔

    اسرائیل کا ایرانی انٹیلی جنس منسٹر اسماعیل خطیب کو نشانہ بنانے کا دعویٰ

    ملاقات میں تجارت، انفراسٹرکچر، توانائی، الیکٹرک موبلٹی، ویسٹ مینجمنٹ اور آئی ٹی کے شعبوں میں دوطرفہ تعاون پر زور دیا گیا۔ پنجاب میں چینی سرمایہ کاروں کے لیے خصوصی اقتصادی زونز قائداعظم بزنس پارک میں گارمنٹس سٹی جیسے منصوبے تیار کیے جا رہے ہیں تاکہ برآمدی مینوفیکچرنگ اور صنعتی شراکت داری کو فروغ دیا جا سکے۔

    وزیراعلیٰ مریم نواز شریف نے چینی شہریوں اور منصوبوں کی حفاظت کو ترجیح قرار دیا اور کہا کہ پنجاب حکومت سرمایہ کاروں کے لیے محفوظ اور دوستانہ کاروباری ماحول فراہم کر رہی ہے۔

    پنجاب میں درخت کاٹنے پر مکمل پابندی عائد

  • پنجاب میں درخت کاٹنے پر مکمل پابندی عائد

    پنجاب میں درخت کاٹنے پر مکمل پابندی عائد

    وزیر اعلیٰ پنجاب مریم نواز کی ہدایت پر صوبے میں درخت کاٹنے پر مکمل پابندی عائد کر دی گئی ہے۔

    وزیرِ ہاؤسنگ بلال یاسین کی زیر صدارت پنجاب ہاؤسنگ اتھارٹی کا پہلا بورڈ اجلاس ہوا، جس میں ملک بھر سے 21 ایجنسیز کے ایم ڈیز نے ویڈیو لنک کے ذریعے شرکت کی،اجلاس میں واضح کیا گیا کہ کسی بھی درخت کو کاٹنے سے پہلے پنجاب ہاؤسنگ اتھارٹی کی پیشگی منظوری لازمی ہوگی۔

    اجلاس کے دوران درختوں کی حفاظت کے لیے کئی اقدامات کی بھی منظوری دی گئی ہے، اور خصوصی ایپ بھی تیار کی گئی ہے جس کے ذریعے ہر در خت کی جیو ٹیگنگ اور مانیٹرنگ کی جائے گی،بورڈ اجلاس میں نئے لگائے گئے پودوں کی تین سال تک نگرانی کو لازمی قرار دیا گیا ہے ایک درخت کا ٹنے کی صورت میں بیس نئے پودے لگانے کی تجویز بھی دی گئی ہے تاکہ شجرکاری کے منصوبے محفوظ رہیں۔

    سیاسی مفاد کیلئے مودی کی دوغلی پالیسیاں، بھارت عالمی سطح پر تنہائی کا شکار

    پنجاب ہاؤسنگ اتھارٹی (پی ایچ اے) نے ہدایت کی ہے کہ ترقیاتی منصوبوں میں شجرکاری کا تحفظ اولین ترجیح ہو اور ڈویلپمنٹ پراجیکٹس میں ایس او پیز پر سختی سے عملدرآمد کیا جائے اس کے ساتھ ہی پبلک پارکس اور گرین ایریاز کے تحفظ کے لیے کمیٹیاں بنانے کی بھی تجویز دی گئی ہے اور ثقافتی پارکس میں ہونے والی سرگرمیاں بھی اتھارٹی کی منظوری سے مشروط ہوں گی۔

    اجلاس میں یہ بھی کہا گیا کہ ڈیجیٹل ڈیش بورڈ کے ذریعے درختوں کی سو فیصد مانیٹرنگ یقینی بنائی جائے گی،یہ اقدامات ماحولیات کے تحفظ اور شہری سہولیات کے توازن کو برقرار رکھنے کے لیے کیے جا رہے ہیں۔

    شمالی وزیرستان سرحد پر پاک فوج کی کارروائی، متعدد افغان طالبان ہلاک

  • دشمن کی سازشوں کو ناکام بنانے کے لئے ہمیں ایک قوم بننا ہو گا، خالد مسعود سندھو

    دشمن کی سازشوں کو ناکام بنانے کے لئے ہمیں ایک قوم بننا ہو گا، خالد مسعود سندھو

    مرکزی مسلم لیگ کے صدر خالد مسعود سندھو نے کہا ہے کہ دشمن کی پاکستان کو عدم استحکام سے دو چار کرنے کی سازشوں کو ناکام بنانے کے لئے ہمیں ایک قوم بننا ہو گا، پاکستانی آپسی جھگڑوں،لسانیت، فرقہ واریت سے نکل کر ایک قوم بن جائیں تو دنیا کی کوئی طاقت پاکستان کا مقابلہ نہیں کر سکتی،

    ان خیالات کا اظہار انہوں نے افطار ڈنر کی تقریب سے خطاب کرتے ہوئے کیا، اس موقع پر مرکزی ترجمان تابش قیوم ،حافظ امیر حمزہ رافع نے بھی خطاب کیا، خالد مسعود سندھو کا کہنا تھا کہ آج دنیا اور پاکستان کے حالات اس امر کے متقاضی ہیں کہ بانی پاکستان قائداعظم محمد علی جناح نے جس مقصد کے لئے پاکستان بنایا تھا ہمیں اس مقصد کو پایہ تکمیل تک پہنچانا ہو گا،قائداعظم نے قیام پاکستان کے لئے تحریک چلائی لوگوں کو جمع کیا اور صرف ایک پیغام دیا کہ ہم ایک قوم ہیں،ہمیں ایک ایسا خطہ چاہئے جہاں ہم اپنی اکثریت کے مطابق اپنے قانون کے مطابق زندگی گزار سکیں، حقوق و فرائض کا تعین کر سکیں، آج مشرق وسطیٰ میں جنگ ہے،ا س خطے میں بھی جنگ ہے، مسلم ممالک سمجھتے ہیں کہ پاکستان دنیا میں واحد ملک ہے اگر طاقتور ہوا تو سب کا دفاع کرے گا کیونکہ ایٹمی طاقت ہے اور مخالف یہ سمججھتے ہیں کہ پاکستان طاقتور ہوا،آگے بڑھا تو خطرہ ہے اس لئے پاکستا ن کو کمزور کرنا چاہتے ہیں، پاکستان کو کمزورصرف اور صرف فرقہ واریت،لسانیت،صوبائیت،دہشتگردی سے کیا جا سکتا ہے،ضرورت اس امر کی ہے کہ ہمیں دشمنوں کی سازشوں کو ناکام بنانے کے لئے لسانیت، علاقائیت سے باہر نکل کر ہمیں ایک قوم بننا ہو گا،ہم ایک قوم بن جائیں تو کوئی طاقت پاکستان کامقابلہ نہیں کر سکتی،ہمیں تمام اختلافات کو بالائے طاق رکھ کر متحدہونے کی ضرورت ہے، ہماری ایک شناخت پاکستانی ہے، بطور پاکستانی ملک کے ساتھ وفا کریں گے،

  • سابقہ بیوی کے ساتھ جنسی زیادتی کیس میں عدالت کے اہم ریمارکس

    سابقہ بیوی کے ساتھ جنسی زیادتی کیس میں عدالت کے اہم ریمارکس

    لاہور ہائیکورٹ میں سابقہ بیوی کے ساتھ زیادتی کے کیس میں ریمارکس دیئے کہ حلالہ کے بغیر دوبارہ نکاح کیسے ممکن ہے-

    لاہور ہائیکورٹ میں سابقہ بیوی کے ساتھ زیادتی کے کیس میں ملزم کی درخواستِ ضمانت پر سماعت ہوئی، سماعت جسٹس اسجد جاوید نے کی دوران سماعت جسٹس اسجد جاوید گھرال نے کی، جنہوں نے تفتیشی افسر سے استفسار کیا کہ واقعہ کب پیش آیا،تفتیشی افسر نے بتایا کہ ملزم نے 23 دسمبر 2024 کو خاتون کو طلاق دی، جبکہ 17 اگست 2025 کو مبینہ طور پر سابقہ بیوی کو زیادتی کا نشانہ بنایا گیا، تفتیشی افسر نے عدالت کو بتایا کہ ملزم دورانِ تفتیش گنہگار پایا گیا ہے۔

    ملزم کے وکیل عبدالجبار مغل نے مؤقف اختیار کیا کہ ملزم نے سابقہ بیوی سے دوبارہ نکاح کر لیا تھا،اس پر جسٹس اسجد جاوید گھرال نے استفسار کیا کہ حلالہ کے بغیر دوبارہ نکاح کیسے ممکن ہوا،وکیل نے مؤقف اپنایا کہ ملزم نے درحقیقت طلاق نہیں دی تھی بلکہ خاتون نے یکطرفہ خلع کی ڈگری حاصل کی، جس کے بعد ملزم نے رجوع کر کے دوبارہ نکاح کر لیا، عدالت نے ریمارکس دیے کہ اگر خاتون اب بھی ملزم کی بیوی ہے تو اسے عدالت میں پیش ہو کر اس کی تصدیق کرنی چاہیے۔

    پی ایس ایل 11 : آن لائن ٹکٹوں کی فروخت کا آغاز

    واضح رہے کہ ملزم کے خلاف ڈسکہ کے تھانے میں زیادتی کی دفعات کے تحت مقدمہ درج ہے، جبکہ عدالت نے مزید سماعت عید کے بعد تک ملتوی کر دی۔

    ایرانی سپریم لیڈر نے امریکا سے کشیدگی کم کرنے کی تجاویز مسترد کردیں

  • پی ایس ایل 11 : آن لائن ٹکٹوں کی فروخت کا آغاز

    پی ایس ایل 11 : آن لائن ٹکٹوں کی فروخت کا آغاز

    پاکستان سپر لیگ (پی ایس ایل) سیزن 11 کے لیے ٹکٹوں کی آن لائن فروخت شروع کردی گئی ہے-

    منگل بروز 17 مارچ سے پی ایس ایل کے 11 ویں سیزن کے ٹکٹوں کی فروخت کا باقاعدہ آغاز ہو گیا ہے، پہلے مرحلے میں ٹکٹیں دوپہر 12 بجے سے آن لائن دستیاب کی گئی ہیں جب کہ شائقین نجی کوریئر کمپنی کی ویب سائٹ سے ٹکٹ خرید سکتے ہیں، فزیکل ٹکٹس 24 مارچ سے ملک بھر میں نجی کوریئر کمپنی کے سینٹرز پر دستیاب ہوں گے، ایک شناختی کارڈ پر زیادہ سے زیادہ 8 ٹکٹیں خریدنے کی اجازت ہوگی۔

    ٹکٹوں کی قیمتوں کے حوالے سے بتایا گیا ہے کہ لاہور اور کراچی اسٹیڈیمز میں جنرل ٹکٹ 250 روپے سے شروع ہوں گے، فیصل آباد میں جنرل اسٹینڈز کا ٹکٹ 300 روپے جب کہ ملتان اور راولپنڈی میں جنرل ٹکٹ 400 روپے سے دستیاب ہوگا کراچی، لاہور اور راولپنڈی میں محدود تعداد میں ای ٹکٹ کی سہولت بھی فراہم کی جائے گی اور ان شہروں میں کارپوریٹ باکسز بھی دستیاب ہوں گے جب کہ تمام اسٹیڈیمز میں مختلف گیلری کے ٹکٹ بھی فروخت کے لیے رکھے گئے ہیں،پشاور اسٹیڈیم میں 28 مارچ کو پشاور زلمی اور راولپنڈی پنڈیز کے درمیان ہونے والے میچ کے لیے خصوصی فیملی انکلوژر مختص کیا گیا ہے جب کہ وی آئی پی فیملی زون کا ٹکٹ 2000 روپے میں دستیاب ہوگا۔

    ایرانی سپریم لیڈر نے امریکا سے کشیدگی کم کرنے کی تجاویز مسترد کردیں

    اس حوالے سے چیف ایگزیکٹو پی ایس ایل سلمان نصیر کا کہنا ہے کہ ایچ بی ایل پی ایس ایل 11 کے ٹکٹوں کی فروخت ایک نئے دور کا آغاز ہے، انہوں نے کہا کہ ٹکٹ کی قیمتیں کم رکھنے کی کوشش کی گئی ہے تاکہ زیادہ سے زیادہ شائقین اسٹیڈیم آ کر میچز سے لطف اندوز ہو سکیں۔

    واضح رہے کہ اس بار پاکستان سپر لیگ میں پہلی مرتبہ 8 ٹیمیں شرکت کریں گی جب کہ ایونٹ میں مجموعی طور پر 44 میچز کھیلے جائیں گے میچز لاہور، کراچی، راولپنڈی، ملتان، فیصل آباد اور پشاور میں منعقد ہوں گے، جہاں فیصل آباد اور پشاور پہلی بار پی ایس ایل میچز کی میزبانی کریں گے-

    کروڑوں کا فراڈ، اداکارہ دیدار روپوش، شوہر گرفتار

  • کروڑوں کا فراڈ، اداکارہ دیدار روپوش، شوہر گرفتار

    کروڑوں کا فراڈ، اداکارہ دیدار روپوش، شوہر گرفتار

    پنجابی فلم انڈسٹری کی معروف اداکارہ ثوبیہ ادریس (دیدار) اور ان کے شوہر کے خلاف مبینہ فراڈ کے سنگین الزامات پر مقدمہ درج کر لیا گیا ہے۔

    فیڈرل انویسٹی گیشن ایجنسی (ایف آئی اے) نے لاہور میں کارروائی کرتے ہوئے دیدار کے شوہر جہاں زیب کو حراست میں لے لیا ہے جو مبینہ طور پر شہریوں سے بھاری رقوم وصول کر کے انہیں بیرون ملک بھیجنے کا جھانسہ دیتے رہے، حکام کا کہنا ہے کہ ملزم کے خلاف متعدد شکایات موصول ہو چکی تھیں۔

    پولیس حکام کے مطابق تفتیش کے دوران ملزم نے مزاحمت کی جبکہ چھاپے کے وقت اس کے گارڈز نے بھی کارروائی میں رکاوٹ ڈالنے کی کوشش کی، تاہم سیکیورٹی اہلکاروں نے صورتحال پر قابو پا کر ملزم کو گرفتار کر لیا۔

    اسحاق ڈار کا آذربائیجانی ہم منصب سے رابطہ

    ایف آئی اے ذرائع کا دعویٰ ہے کہ اداکارہ دیدار بھی مبینہ طور پر اس نیٹ ورک میں شامل تھیں اور لاہور کے علاوہ اسلام آباد کے سیکٹر G-11 میں دفاتر کے ذریعے سرگرم عمل تھیں، ملزمہ کی گرفتاری کے لیے چھاپے مارے جا رہے ہیں اور وہ تاحال مفرور ہیں۔

    دیدار پاکستان کی شوبز انڈسٹری میں بطور کامیڈین، اداکارہ اور ڈانسر ایک نمایاں مقام رکھتی ہیں، حالیہ الزامات کے بعد وہ منظر عام سے غائب ہیں، ابتدائی تحقیقات کے مطابق ملزمان نے مبینہ طور پر اس اسکیم کے ذریعے تقریباً 25 کروڑ روپے بٹورے۔

    ایران کے سکیورٹی چیف علی لاریجانی کو مار دیا، اسرائیلی دعویٰ

    ایف آئی اے کا کہنا ہے کہ مزید تحقیقات جاری ہیں اور شواہد کی روشنی میں دائرہ کار کو وسیع کیا جا رہا ہے، دوسری جانب متاثرہ شہریوں کی جانب سے اعلیٰ حکام کو درخواستیں بھی دی گئی ہیں جن میں معاملے کی شفاف تحقیقات اور سخت قانونی کارروائی کا مطالبہ کیا گیا ہے۔

  • 
چوہدری شوگر ملز کیس: احتساب عدالت نے نواز شریف اور مریم نواز کے خلاف نیب انکوائری بند کر دی

    
چوہدری شوگر ملز کیس: احتساب عدالت نے نواز شریف اور مریم نواز کے خلاف نیب انکوائری بند کر دی

    
احتساب عدالت لاہور نے نواز شریف اور مریم نواز کے خلاف چوہدری شوگر ملز سے متعلق نیب انکوائری بند کرنے کی درخواست منظور کر لی ہے۔
    تفصیلات کے مطابق نیب لاہور نے قانون کے مطابق چوہدری شوگر ملز انکوائری بند کرنے کی درخواست دائر کی تھی جس پر احتساب عدالت کے جج رانا محمد عارف نے سماعت کی۔
    ‎عدالت نے نیب کی درخواست منظور کرتے ہوئے انکوائری بند کرنے کا حکم دیا اور کہا کہ مریم نواز اپنی سات کروڑ روپے کی ضمانت کی رقم واپس لے سکتی ہیں۔
    ‎نیب دستاویزات کے مطابق چوہدری شوگر ملز نے نواز شریف کے دور میں غیر معمولی ترقی کی تھی جبکہ بیرون ملک سے مشکوک سرمایہ کاری آنے کا بھی ذکر کیا گیا تھا۔
    ‎دستاویزات میں بتایا گیا کہ 1991 میں نواز شریف نے اپنے اثاثے تقریباً 1.3 ملین ظاہر کیے تھے جبکہ مریم نواز نے 1.4 ملین کے اثاثے ظاہر کیے تھے۔ اس کے برعکس حسن، حسین، شہباز اور یوسف عباس نے اس وقت اپنے اثاثے ظاہر نہیں کیے تھے۔
    ‎نیب ریکارڈ کے مطابق 5 اگست 1991 کو تقریباً پانچ لاکھ روپے کی ابتدائی رقم سے چوہدری شوگر ملز قائم کی گئی تھی جبکہ بعد میں اس کمپنی کے شیئرز اور انتظامی معاملات میں مختلف تبدیلیاں بھی آئیں۔

  • 
لاہور سے دبئی جانے والی پرواز آدھے راستے سے واپس

    
لاہور سے دبئی جانے والی پرواز آدھے راستے سے واپس

    
ایئرپورٹ ذرائع کے مطابق لاہور سے دبئی جانے والی غیر ملکی پرواز کو آدھے راستے سے واپس لاہور اتار لیا گیا۔
    ذرائع کا کہنا ہے کہ امارات ایئر لائن کی پرواز ای کے 623 کو روانگی کے کچھ دیر بعد فضا ہی سے واپس بلایا گیا۔ متاثرہ پرواز میں 100 سے زائد مسافر سوار تھے۔
    ‎اطلاعات کے مطابق دبئی انٹرنیشنل ایئرپورٹ کے قریب ڈرون حملے کے بعد فلائٹ آپریشن شدید متاثر ہوا۔ ایک فیول ٹینک میں آگ لگنے کے باعث احتیاطی طور پر ایئرپورٹ پر پروازیں عارضی طور پر معطل کر دی گئیں۔
    ‎اس صورتحال کے باعث متعدد بین الاقوامی پروازیں یا تو راستے سے موڑ دی گئیں یا اپنے روانگی کے شہروں کی جانب واپس لوٹ گئیں۔
    ‎حکام کے مطابق حملے کے بعد لگنے والی آگ کئی گھنٹوں تک جلتی رہی جسے بعد میں سول ڈیفنس کی ٹیموں نے قابو کر لیا۔ بعد ازاں دبئی ایئرپورٹ پر محدود پیمانے پر فلائٹ آپریشن بحال کر دیا گیا تاہم کئی پروازیں تاخیر کا شکار ہیں یا منسوخ کی جا چکی ہیں۔

  • 
ٹورنٹو میں پاکستانی ایئر ہوسٹس مبینہ طور پر لاپتہ

    
ٹورنٹو میں پاکستانی ایئر ہوسٹس مبینہ طور پر لاپتہ

    
اطلاعات کے مطابق لاہور بیس سے تعلق رکھنے والی پاکستانی ایئر ہوسٹس سدرہ علیم ٹورنٹو میں مبینہ طور پر لاپتہ ہو گئی ہیں۔
    رپورٹس کے مطابق واقعہ گزشتہ روز پیش آیا جب وہ ایک پرواز کے ساتھ ٹورنٹو پہنچی تھیں۔ پرواز کے کپتان فاروق وسیم تھے جن کا تعلق 67 بیچ سے بتایا جا رہا ہے۔
    ‎ذرائع کے مطابق سدرہ علیم کے لاپتہ ہونے کے بعد ایئرلائن حکام اور متعلقہ اداروں کو اطلاع دے دی گئی ہے جبکہ معاملے کی مزید تحقیقات جاری ہیں۔
    تاحال اس واقعے کے حوالے سے ایئرلائن یا حکام کی جانب سے باضابطہ تفصیلات سامنے نہیں آئی ہیں۔

  • مشرق وسطیٰ جنگ: پاکستان کے مختلف ایئر پورٹس سے 90 پروازیں منسوخ

    مشرق وسطیٰ جنگ: پاکستان کے مختلف ایئر پورٹس سے 90 پروازیں منسوخ

    مشرق وسطیٰ جنگ کے باعث پاکستان کے مختلف ایئر پورٹس سے مزید 90 پروازیں منسوخ ہوگئیں –

    ایئرپورٹ ذرائع کے مطابق کویت، بحرین، متحدہ عرب امارات، ایران، عراق اور قطر جانے اور وہاں سے آنے والی متعدد پروازیں منسوخ کی گئی ہیں، غیر یقینی صورتحال اور فضائی راستوں میں ممکنہ خطرات کے باعث کئی ملکی اور غیر ملکی ایئر لائنز نے اپنے فلائٹ آپریشن عارضی طور پر محدود کر دیئے ہیں۔

    ذرائع کا کہنا ہے کہ گزشتہ 17 روز کے دوران پاکستان کے مختلف ایئرپورٹس سے پروازوں کی آمد و رفت شدید متاثر رہی ہے، اس عرصے میں مجموعی طور پر 1955 پروازیں منسوخ ہو چکی ہیں جس سے ہزاروں مسافر متاثر ہوئے۔

    فرانسیسی صدر کا ایران سےآبنائے ہرمز سے جہازوں کی آمدورفت بحال کرنے کا مطالبہ

    لاہور ایئرپورٹ ذرائع کے مطابق موجودہ صورتحال کے پیش نظر کویت، قطر، بحرین اور ایران سمیت دیگر مشرقِ وسطیٰ کے ممالک کے لیے ایک درجن سے زائد ملکی و غیر ملکی ایئر لائنز نے اپنی پروازیں منسوخ کر دی ہیں،خطے میں صورتحال بہتر ہونے تک پروازوں کے شیڈول میں مزید تبدیلیاں بھی کی جا سکتی ہیں۔

    کوسٹ گارڈز کی گوادر میں کارروائی، اعلی کوالٹی کی منشیات برآمد کرلیں