Category: لاہور

لاہور:مسلح افواج نے پاکستان کے قیام کی 75ویں سالگرہ کی ڈائیمنڈ جوبلی کے موقع پر پاکستان کے قومی ترانے کے خالق حفیظ جالندھری کو شاندار خراجِ تحسین کیا ہے ، اس سلسلے میں پاکستان کی ڈائمنڈ جوبلی آزادی کے موقع پر پاکستان آرمی کے چاق و چوبند دستے نے حفیظ جالندھری کو لاہور میں اُن کے مزار پر سلامی پیش کی۔

پاکستان کے قومی پرچم کے خالق حفیظ جالندھری کو خراج عقیدت پیش کرتے ہوئے کہا گیا ہے کہ حفیظ جالندھری کے مزار پر سلامی صحیح معنوں میں قومی ترانے اور اس کے خالق کو ایک شاندارخراجِ تحسین ہے۔

یہ بھی یاد رہے کہ یہ سلامی ایک ایسے دن پیش کی گئی ہے جبکہ پاکستان کے قومی ترانے کو نئی جدتوں کے تحت ہم آہنگ کیا گیا ہے اور آج ہی اُس کو لانچ کیا گیا ہے۔ قومی ترانہ کسی بھی ملک کی عظمت اور وقار کی علامت ہوتاہے۔ اُس ملک کی تاریخ، حال اور مستقبل کی پہچان بنا چکی ہے

اس موقع پر حفیظ جالندھری کو خراج تحسین پیش کرتے ہوئے کہا گیا ہے کہ پاکستان کے قومی ترانے کا ذکر کریں تو بلاشبہ یہ ہماری قوم کے جذبوں اور وَلولوں کا مظہر ہے۔ قومی ترانے کے کئیAudio / Visual Versions توموجود تھے لیکن جدیدA/Vٹیکنالوجی سے ہم آہنگ کوئی معیاریVersionدستیاب نہیں تھا۔

اس سال جبکہ ہم پاکستان کی آزادی کی ڈائمنڈ جوبلی منا رہے ہیں۔تو حفیظ جالندھری اور احمد چھاگلہ کی اس تاریخی اور خوبصورت کاوش کو خراجِ تحسین پیش کرنے کیلئے قومی ترانے کی جدید تقاضوں کے مطابق ریکارڈنگکی گئی ہے۔ISPR اور وزارت ِ اطلاعات مشترکہ کاوش کے نتیجے میں قومی ترانے کی پاکستان کے خوبصورت ترین مقامات پر عکس بندی کی گئی۔جس میں ٹرائی سروسز براس بینڈکے بہترین Musiciansنے حصہ لیا۔

اس تاریخی کاوش پر وزارتِ اطلاعات و نشریات اور قومی ترانے کی سٹئیرنگ کمیٹی کے چیئرمین جناب جاوید جبار اور سٹئیر نگ کمیٹی کے تمام ممبران مبارکباد کے مستحق ہیں جنہوں نے قومی اور تاریخی ورثے کو جدید تقاضوں سے ہم آہنگ کرنے میں گرانقدر خدمت انجام دی۔ہمارا قومی ترانہ ایک دُعا بھی ہے جو ہم سب مل کر کرتے ہیں۔ عزم عالی شان شاد رہے پاکستان

گورنر ہاوس میں معاشرے اور ملک کے لیے مختلف شعبوں میں گراں قدر خدمات سرانجام دینے والی شخصیات میں تعریفی اسناد تقسیم کی گئیں.گورنر پنجاب محمد بلیغ الرحمان نے تعلیم، صحت کے شعبوں میں نمایاں خدمات سرانجام دینے والے اور سماجی و کاروباری شخصیات میں تعریفی اسناد تقسیم کیں.ان شخصیات کو تعلیم، صحت، ادب، سیلاب زدگان ، عوامی فلاح و بہبود کیلئے خدمات کے اعتراف میں تعریفی اسناد دی گئیں.

گورنر پنجاب محمد بلیغ الرحمان نے کہا کہ قائدِاعظم کے زریں اصولوں ایمان، اتحاد اور تنظیم کے کو اپنا کر ملک و قوم کی بقا اور سلامتی کے لیے انتھک محنت کریں. آپ سب کو معاشرے کی تعمیر و ترقی کے لیے کردار ادا کرنا ہے. آج 14 اگست قومی یکجہتی اور تجدید عہد کا دن ہے. آزادی اللہ سبحان و تعالیٰ کو بہت بڑا انعام ہے. آزادی جیسی نعمت کی قدر کریں. یہ ملک ہمیں بہت قربانیوں کے بعد حاصل ہوا ہے.

گورنر پنجاب کا کہنا تھا کہ اس کو پانے کے لیے خون کے دریا وں اور لاشوں کے انبار سے گزرنا پڑا. تمام تر توانائیاں انسانیت کی خدمت میں صرف کریں. اسی میں دنیا اور اخرت کی کامیابی ہے.

گورنر پنجاب نے اقبال احمد قرشی، ڈاکٹر گوہر اعجاز، ایس ایم پرویز، ڈاکٹر جہاں آرا،اوور سیز پاکستانی رائے غلام عباس بھٹی، مجیب الرحمن شامی، امجد ثاقب ، ایم پی اے سردار رمیش سنگھ اروڑہ، صغری صدف، اشتیاق بیگ، پروفیسر ڈاکٹر چوہدری عبد الرحمن، ڈاکٹر روف اعظم، طلعت نصیر پاشا، مسز پروین تواب، سمیت دیگر شخصیات میں تعریفی اسناد تقسیم کیں

امیر جماعت اسلامی سراج الحق نے یوم آزادی کی تقریب سے خطاب کرتے ہوئے کہا کہ آج کا دن تاریخی ہے، پاکستان کی صورت میں ہمیں انعام سے نوازا گیا ،اس عظیم ملک کے لیے مسلمان آگ و خون کے دریاوں سے گزرے ،پاکستان کی خاطر لڑنا، جدوجہد کرنا اور بہتری کے لیے کوشش عظیم جہاد ہے .پاکستان زمین کا ٹکرا نہیں، ایک نظریہ ہے.جدوجہد کرکے ملک میں اسلامی نظام لائیں گے ،پاکستان کا بننا معجزہ ہے،65 فیصد پاکستانی نوجوان ہیں ، اعتراف کرنا ہوگا کہ پاکستان میں بہنے والے خون کے ساتھ انصاف نہیں کرسکے ،آج پنجابی، پٹھان یا بلوچی ملے گا لیکن پاکستان چاہتا ہے میرا بھی وجود ہو ،زبان کی بنیاد پر پاکستان کو توڑا گیا،بنگالی قوم نے پاکستان بنانے میں کلیدی کردار ادا کیا،مغربی پاکستان کی اسٹیبلشمنٹ، بیوروکریسی نے بنگلہ دیش بنانے میں کردارادا کیا،یہاں انصاف بکتا ہے، مظلوم پستا ہے
ہمارا فیصلہ آئی ایم ایف کرتا ہے، ہم آزاد نہیں،ہماری قوم نے آنکھیں بند کرکے کشمیریوں کو انڈیا کے رحم و کرم پر چھوڑا ہے،عمران خان کا مطالبہ ہے کہ الیکشن ہو، کس نے روکا ہے
کےپی کے اور پنجاب کی اسمبلی تحلیل کریں ابھی الیکشن ہوجائے گا ،پی ٹی آئی کی حکومت مسلم لیگ کی حکومت کا تسلسل ہے،سابق وزیراعظم نے محمد بن سلمان کے تحفے کو پہننے کی بجائے فروخت کردیا،ایسے چھوٹے کردار اور کمزور حوصلوں کے لوگ 22 کروڑ عوام کی قیادت کے قابل نہیں.

ڈاکٹر طاہر القادری کی 75 ویں یوم آزادی پر اہل پاکستان کو مبارکباد دی،ڈاکٹر طاہر القادری کا کہنا تھا کہ پاکستان کوفلاحی ریاست بنانے کا خواب آج بھی تشنہ تعبیر ہے،ذات اور جماعت کے مفاد سے بالا ہو کر آزادی کی نعمت کی حفاظت کریں،آزادی اللہ کی نعمتوں میں سے ایک بیش قدر نعمت ہے.

پاکستان عوامی تحریک کے زیر اہتمام 75ویں یوم آزادی پر پرچم کشائی کی تقریب منعقد کی گئی، سیکرٹری جنرل خرم نواز گنڈا پور نے مرکزی دفتر میں قومی پرچم لہرایا.راہنما عوامی تحریک کا کہنا تھا کہ کوئی منفی قوت پاکستان کا بال بیکا نہیں کرسکتی، پرچم کشائی کی تقریب میں قومی ترانہ پڑھا گیا، پودے لگائے گئے ،بریگیڈئیر اقبال احمد خان، نور اللہ صدیقی، جواد حامد، سہیل رضا، الطاف حسین شاہ ،مظہر محمود علوی، نعیم الدین چوہدری ایڈووکیٹ، محسن اقبال و دیگر نے شرکت کی. تقریب کے اختتام پر ملکی سلامتی، ترقی و خوشحالی کے لئے دعائیں کی گئی .

پاکستان کی آزادی کی ڈائمنڈ جوبلی کے موقع پر گوگل نے بھی اپنے انداز میں پاکستانیوں کو مبارک باد پیش کر دی۔

جہاں پاکستان میں 75 واں یومِ آزادی ملی جوش و جذبے سے منایا جا رہا ہے وہیں گوگل نے اپنے ڈوڈل پر پاکستانی پرچم اور کراچی میں واقع فریئر ہال کی تصویر سجا کر پاکستانیوں کو جشنِ آزادی کی مبارک باد پیش کی ہے۔

اس گوگل ڈوڈل پر کلک کرتے ہی سیکڑوں پاکستانی پرچم کے رنگ کی سبز و سفید جھنڈیوں کی بارش ہوتی نظر آتی ہے۔

واضح رہے کہ2011ء سے یومِ آزادی کے موقع پر گوگل ہر سال نیا ڈوڈل پیش کر کے پاکستانیوں کو یومِ آزادی کی مبارک باد پیش کرتا آ رہا ہے۔