لاہور:نون لیگ کے سابق ایم پی اے افتخار احمد خان بلوچ پرتشدد:وزیراعلیٰ نے نوٹس لے لیا،اطلاعا کے مطابق وزیر اعلی پنجاب حمزہ شہباز شریف کا جھنگ کے علاقے میں پی پی 125 سے ٹی ایل پی کے امیدوار افتخار احمد خان بلوچ جو کہ پہلے ن لیگ کے ممبرپنجاب اسمبلی رہ چکے ہیں ا ن پر تشدد کیا گیا ہے ،

باغی ٹی وی ذرائع کے مطابق وزیر اعلی پنجاب حمزہ شہباز نے انسپکٹر جنرل پولیس سے رپورٹ طلب کر لی ، یہ بھی معلوم ہوا ہےکہ حمزہ شہباز نے حکم دیا ہے کہ تشدد کرنے والے ملزمان کی جلد گرفتاری یقینی بنائی جائے ۔

وزیراعلیٰ‌پنجاب کا کہنا ہے کہ ملزمان کو قانون کی گرفت میں لا کر مزید کارروائی کی جائے۔انصاف کے تمام تقاضے پورے کئے جائیں۔حمزہ شہباز کاکہنا تھا کہ تشدد کا نشانہ بننے والے افتخار احمد خان بلوچ کو علاج معالجے کی بہترین سہولتیں فراہم کی جائیں۔

https://twitter.com/Mublqman/status/1549797685280079872

یاد رہے کہ اس واقعہ کی اطلاع ملتے ہی سنیئر صحافی مبشرلقمان نے بھی وزیراعلیٰ کونوٹس لینے کےحوالے سے پیغام شیئر کیا تھا ، ان کا کہنا تھا کہ وزیر اعلی حمزہ شہبازکا جھنگ کے علاقے میں پی پی 125 سے ٹی ایل پی کے امیدوار افتخار احمد خان بلوچ پر تشدد کے واقعہ کا نوٹس، ملزمان کی جلدگرفتاری کا حکم دے دیا ہے،،۔
دندناتے پھرتے ان غنڈہ عناصر کے خلاف کارروائی کرنے میں ناکام پولیس کے خلاف بھی ایکشن ہونا چاہئے

ادھر پنجاب پولیس کی طرف سے ان اطلاعات کے بعد ملزمان کے خلاف کارروائی کا حکم دے دیا گیا ہے ، اس حوالے سے کہا گیا ہےکہ آئی جی آفس نے اس واقعہ کا نوٹس لیتے ہوئے ڈی پی او جھنگ کو ملزمان کی گرفتاری کا ٹاسک دیا ہے۔ ڈی پی او جھنگ نے ٹیمیں تشکیل دے دی ہیں، جلد ہی ملزمان کو ٹریس کرکے گرفتار کر لیا جائیگا۔

لاہور:‏اگر میں نے آپ کے ایم پی اے کو پیسے کی آفر کی ہو تو مجھ پر اللہ کا قہر نازل ہو:اطلاعات کے مطابق وزیرداخلہ پنجاب عطاتارڑ کا کہنا ہے کہ پی ٹی آئی کے اپنے اراکین پنجاب اسمبلی پرویزالہٰی کو ووٹ دینے کےلیے تیارنہیں ہیں۔میں نے کسی کوپیسوں کی آفر نہیں کی اور اگر کی ہے مجھ پراللہ کا قہرنازل ہو

لاہور میں پریس کانفرنس کے دوران عطاتارڑ کا کہنا تھا کہ وزیراعلیٰ کے انتخاب میں 2دن باقی ہیں لیکن پی ٹی آئی نے ابھی سے رونا شروع کردیا، پی ٹی آئی کے رونے کی وجہ پنجاب کے سب سے بڑے ڈاکو کو نامزد کرنا ہے۔

وزیرداخلہ پنجاب کا کہنا تھا کہ فواد چوہدری الزام لگارہے کہ ان کے ایم پی اے کو پیسے آفر کیے، پی ٹی آئی کے لیاقت پور کے ایم پی اے پہلے ہی استعفیٰ دے چکے۔ کیا انہیں علم نہیں تھا ان کا ایم پی اے اپریل میں ہی استعفا دے چکا ہے۔

انہوں نے کہا کہ فواد چوہدری کا یہ بھی نہیں پتا اگلا الیکشن کس جماعت کے ٹکٹ پر لڑیں گے، فوادچوہدری قرآن پرحلف دے دیں کہ پیسے دیے سیاست چھوڑدوں گا۔ فواد چوہدری میری گرفتاری کی آوازیں کہیں اور جاکرلگائیں۔

وزیرداخلہ پنجاب کا کہنا تھا کہ ن لیگ اور اس کے اتحادی180 پر کھڑے ہیں، شرقپوری صاحب واپس آئیں گے توانہیں واپس لیں گے،مزید کہا کہ ہم نے تو نہیں کہا کہ شرقپوری صاحب کوآپ نے پیسوں کی آفر کی۔

عطاتارڑ کا کہنا تھا کہ پارلیمانی پارٹی اجلاس میں پی ٹی آئی، ق لیگ اپنے نمبرز پورے نہیں کرسکیں، آج کے اجلاس میں اپوزیشن کے صرف 100 ارکان نے شرکت کی۔

انصاف کے نام پر قائم ہونے والی جماعت تحریک انصاف اپنے منشور کے ہی منافی چل رہی ہے فارن فنڈنگ کیس 2014 سے زیر سماعت ہے اور اب گزشتہ ماہ 21 جون کو اس کیس کا فیصلہ محفوظ ہوا تا ہم ابھی تک فیصلہ نہ سنایا جا سکا، پی ٹی آئی کی کوشش ہے کہ کیس کا فیصلہ مزید تاخیر کا شکار ہو، کیس میں التوا بھی پی ٹی آئی کی وجہ سے ہی ہوا کیونکہ پی ٹی آئی کو خدشہ ہے اور اس بات کا قوی امکان ہے کہ فارن فنڈنگ کیس کا فیصلہ آیا تو پی ٹی آئی پر پابندی عائد ہو سکتی ہے

ن لیگ سمیت دیگر جماعتوں کی جانب سے درخواست دی گئی کہ فارن فنڈنگ کیس کا فیصلہ جلدی سنایا جائے، اسلام آباد ہائیکورٹ نے حکم دیا کہ فیصلہ ایک ماہ میں کیا جائے تا ہم پی ٹی آئی دوبارہ عدالت گئی اور اپیل کی جس پر عدالت نے ایک ماہ میں فیصلہ سنانے والے حکم کو معطل کر دیا،

فارن فنڈنگ کیس تحریک انصاف پر کسی اور نے نہیں بلکہ بانی رکن اکبر ایس بابر نے کیا،بقول اکبر ایس بابر انہوں نے ممنوعہ فنڈنگ بارے عمران خان کو آگاہ بھی کیا تھا ایسے فنڈز لئے گئے جنکی پاکستان کا قانون اجازت نہیں دیتا، عمران خان نے کوئی ایکشن نہ لیا جس کی بنا پر وہ الیکشن کمیشن گئے

حالیہ ضمنی الیکشن میں شفاف ترین الیکشن کے باوجود اب تحریک انصاف کے چیئرمین عمران خان کی جانب سے مسلسل چیف الیکشن کمشنر کے استعفیٰ کا مطالبہ کیا جا رہا ہے، اسکی اصل وجہ الیکشن میں دھاندلی نہیں بلکہ فارن فنڈنگ کیس کے فیصلے کو مزید تاخیر کا شکار کروانا ہے

لاہور:وزیراعلیٰ پنجاب کی زیر صدارت صوبائی پارلیمانی پارٹی کا مشترکہ اجلاس میں تمام اراکین نے حمزہ شہباز کی قیادت پر مکمل اعتماد کا اظہار کیا۔

ایوان وزیراعلی ٰلاہور میں ہونے والے اجلاس میں مسلم لیگ ن پیپلزپارٹی اتحادی جماعتوں اور آزاد ارکان پنجاب اسمبلی نے بھرپور شرکت کی اور 22 جولائی کو ہونے والے اجلاس سے متعلق حکمت عملی طے کی گئی۔

تمام اراکین نے ہاتھ اٹھا کر حمزہ شہباز کی قیادت پر مکمل اعتماد کا اظہار کیا۔وزیراعلیٰ حمزہ شہباز کا کہنا ہےکہ ہم چاہتے تو پی ٹی آئی کی طرح ریاست کو نقصان پہنچا کر سیاست کر سکتے تھے لیکن ہم نے ریاست کو مقدم رکھا۔

وزیر اعلیٰ پنجاب کا کہنا تھا کہ پاکستان کو پی ٹی آئی کی مچائی تباہی سے نکال لیا تو خود کو کامیاب سمجھیں گے۔ مشن پاکستان کو بچانا اور سنوارنا ہے جو جاری رہے گا۔

واضح رہے کہ 17 جولائی کو ضمنی انتخابات کے نتائج نے پنجاب اسمبلی میں سیاسی جماعتوں کی نمبر گیم ہی بدل دی ہے اور اب وزیراعلیٰ حمزہ شہباز اکثریت کھو بیٹھے ہیں۔

گزشتہ روز پنجاب اسمبلی کی 20 نشستوں ہونے والے ضمنی انتخابات سے حکومتی اتحاد کی مشکلات میں اضافہ کردیا ہے۔ انتخابی نتائج نے مسلم لیگ (ن) کی اکثریت کو اقلیت میں بدل دیا ہے۔

پنجاب اسمبلی کے کل ارکان کی تعداد 371 ہے کسی بھی جماعت کو حکومت بنانے کے لئے 186 ووٹوں کی سادہ اکثریت درکار ہوتی ہے۔

ضمنی انتخابات میں تحریک انصاف نے 15 نشستیں اپنے نام کرلی ہیں، جس کے بعد اب تحریک انصاف اور اتحادی جماعت مسلم ق کے ارکان کی تعداد بڑھ کر 188 ہوگئی ہے، اس طرح تحریک انصاف اور مسلم لیگ (ق) کے امیدوار چوہدری پرویز الہیٰ کو صوبے میں حکومت بنانے کے لیے سادہ اکثریت حاصل ہوگئی ہے۔