Category: لاہور

بیکری مصنوعات کھانے والے ہو جائیں ہوشیار

پنجاب فوڈ اتھارٹی نے بند روڈ پرواقع نعیم بیکرز پر چھاپہ مار کر130 کلوناقص بیکری مصنوعات تلف کر د یں ، گندے انڈوں کے استعمال پر بیکری کی پروڈکشن اصلاح تک بند رہے گی جبکہ مقدمہ بھی درج کر دیا گیا.

ڈی جی فوڈ اتھارٹی شعیب جدون کے مطابق بیکری کے پروڈکشن ایریا میں کھلے رنگ، ممنوعہ ایکسپائرکیمیکلزکے استعمال سے بیکری مصنوعات کی تیار ی پر کارروائی کی گئی۔ پروڈکشن ایریا میں کاکروچ، مکڑیوں کے جالے اور حشرات کی بھرمار پائی گئی۔

ڈی جی فوڈ اتھارٹی نے بتایا کہ زنگ آلود برتن،فنگس لگی شیلف،باسی کیک اورحشرات زدہ مٹھائی موجود پائی گئی۔ خراب گندے انڈوں سے تیار کیک رس،بریڈ اور کیک چھوٹے علاقوں میں سپلائی کے لیے تیار کیے جا رہے تھے۔

شعیب جدون کا کہنا ہے کہ ممنوعہ اور زائدالمیعاد اجزاء سے تیار خوراک کا استعمال انسانی صحت کے لیے انتہائی مضر ثابت ہوتا ہے۔ شعیب جدون نےعوام سے گزارش کی کہ اپنی روزمرہ خوراک میں غذائیت سے بھرپور اشیاء خورو نوش کا انتخاب کریں۔ غذائیت سے بھر پور خوراک کے حوالے سے معلومات کے لیے غذاکی بات پروگرام پنجاب فوڈ اتھارٹی فیس بک پیج پر لازمی دیکھیں۔

قبل ازیں پنجاب فوڈ اتھارٹی نےحاجی کیمپ میں سات روزہ خصوصی نیوٹریشن آگاہی سیل قائم کیا اور حاجیوں کی غذائی راہ نمائی کی،دارالحجاج میں نئے ماحول سے مطابقت اور بہترین غذا کے چناؤ کے حوالے سے آگاہی دی گئی،ڈی جی فوڈ اتھارٹی شعیب خان جدون کی کیمپ میں خصوصی شرکت کی اور انتظامی امور کا جائزہ لیا جبکہ حجاج سے گفتگوبھی کی.انہوں نے کہا کہ کیمپ میں باڈی ماس انڈیکس،ویٹ،ہائٹ جیسے ٹیسٹ فری کیے جا رہے ہیں۔ماہر غذائیات کی ٹیم حاجیوں کو متوازن خوراک کی آگاہی اور مکمل ڈائیٹ پلان فراہم کر رہی ہیں۔

شعیب جدون ڈی جی فوڈ اتھارٹی نے کہا کہ دوران حج صحت کو برقرار رکھنے کے لیے غذائیت سے بھرپور خوراک کا چناؤ کی آگاہی دی جا رہی ہے۔ کیمپ دو دن کے لیے لگایا تھا، حاجیوں کے فیڈ بیک اور کیمپ انتظامیہ کی درخواست پر دورانیہ ساتھ سات دن کیا گیا۔ حج کے دوران غذائیت سے بھرپور پھلوں،سبزیوں اور زیادہ سے زیادہ پانی کا استعمال کریں۔سخت گرمی کے موسم میں حج کے دوران صحت کو برقرار رکھنے کے لیے ڈائیٹ پلان دیے جا رہے ہیں۔

سیرین ایئر (SereneAir) ایک نجی پاکستانی ایئر لائن ہے جس نے جنوری 2017ء میں پروازیں شروع کیں. یہ ائیر بلو، پاکستان انٹرنیشنل ایئر لائنز اور شاہین ایئر کے بعد چوتھی ایئر لائن ہے جس نے اندرون ملک سے اپنے فلائیٹ آپریشن کا آغاز کیا. تاہم اب سیرین ایئر نے اپنے فلیٹ سےایئر بس(اے-330-200) طیارے نکالنے اور انہیں واپس کرنے پر غور شروع کر دیا ہے.

اگر سیرین ایئر اپنے فلیٹ سے ایئر بس طیارے نکالتا ہے تو پھر اسے پاکستان نیشنل ایوی ایشن پالیسی کے تحت اپنے انٹرنیشنل فلائیٹ آپریشن کو برقرار رکھنے کیلئے اپنے فلیٹ میں مزید ایک بوئینگ طیارہ 737-800 شامل کرنا پڑے گا.

سیرین ایئر کا دعوی ہے کہ ان کی سروسز دیکر ایئر لائینز کی نسبت بہتر ہیں جبکہ ان کا دوران پرواز مسافروں کیلئے ریفریشمنٹ اور کھانا بھی انتہائی لزیز ہے.سیرین ایئر دیگر ایئر لائینز کی نسبت مسافروں کو سامان بھی زیادہ رکھنے کی سہولت فراہم کررہی ہے.

سیرین ایئر کے فلیٹ میں کل 7 طیارے ہیں جن میں سے 3ایئر بس(اے-330-200)ہیں جس میں مسافروں کی کل گنجائش 299 فی کس ہے جبکہ 4 طیارے (بوئیگ 737-800) ہیں اور ان میں 189 مسافروں کی گنجائش ہے.

سیرین ایئرکے فلیٹ میں تین ائر بس طیاروں کا اضافہ 2020-2021 میں ہوا تھا تاہم اگست2020 میں AP-BNE طیارے کو لیز پر حاصل کیا گیا جبکہ اپریل 2021 میں AP-BNF طیارہ لیز کروایا گیا اور اس کے بعد تیسرا طیارہ AP-BNG جون 2021 میں حاصل کیا گیا.

پاکستان سول ایوی ایشن اتھارٹی نے مارچ 2016 میں سیرین ایئر کواجازت نامہ جاری کیا تھا اور سیرین ایئر نے اپنا پہلا طیارہ بوئینگ 737-800 نومبر 2016 میں حاسل کیا تھا.ایک ہفتے کے ایئر آپریشن سرٹیفیکیٹ حاصل کرنے کے بعد سیرین ایئر کے طیارے نے اپنی پہلی کمرشل پرواز اسلام آباد سے کراچی کیلئے 29 جنوری 2017 کو بھری.

یوٹیلیٹی اسٹورز پر مصالحہ جات، ٹوتھ پیسٹ، ڈش واش، ماچس و دیگر اشیاء کی قیمتوں میں بڑا اضافہ کر دیا گیا۔اشیاء کی قیمتوں میں اضافے کا نوٹیفکیشن بھی جاری کر دیا گیا۔

برانڈڈ 75گرام ٹوتھ پیسٹ 20روپے اضافہ کے بعد 97روپے سے بڑھ کر 117روپے کی ہوگئی جبکہ برانڈڈ ٹوتھ برش کی قیمت میں 20روپے تک کا اضافہ ہوا جس کی نئی قیمت 117 سے بڑھ کر 137روپے ہوگئی۔اسی طرح ٹوائلٹ رول پیپر کی قیمت میں 5روپے کا اضافہ کر دیا گیا جس کے بعد نئی قیمت 69 سے بڑھ کر 74روپے ہوگئی، لگژری سائز ٹشو پیپر کی قیمت میں بھی 25روپے کا اضافہ ہوا جس کے بعد ٹشو پیپر کا ڈبہ 173سے بڑھ کر 198روپے کا ہوگیا۔

برتن دھونے والے سپونج کی قیمت میں 66روپے کا اضافہ ہوا، گلاس ونڈو کلینر کی قیمت میں بھی 43روپے کا اضافہ ہوا کیا گیا ہے جس کی قیمت 200روپے سے بڑھ کر 243روپے کی ہوگئی۔ ماچس کے پیکٹ میں بھی 10روپے تک کا اضافہ ہوا، جس کی قیمت 40روپے سے بڑھ کر 50روپے ہوگئی۔

یوٹیلیٹی اسٹورز پر مکس مصالحہ جات کی قیمتوں میں بھی اضافہ کیا گیا ہے۔ ایک کلو مکس اچار کی قیمت میں 55روپے اضافہ ہوا جس کے بعد نئی قیمت 278سے بڑھ کر 333روپے ہوگئی۔

ادھر حکومت نے خوردنی تیل کی درآمد پر ریگولیٹر ڈیوٹی عائد کردی ہے جس کی وجہ سے گھی اور کوکنگ آئل کی قیمتوں میں مزید اضافے کا امکان ہے ، وفاقی حکومت نے ریگو لیٹری ڈیوٹی انڈونیشا کے سوا باقی تمام ممالک سے کھانے کے تیل کی درآمد پر عائد کی ہے۔ اس حوالے سے فیڈرل بیورو آف ریونیو نے باضباطہ نوٹی فیکش بھی جاری کردیا ہے جس میں کہا گیا ہے کہ انڈونیشیا سے کھانے کے تیل کی درآمد پر ریگولیٹری ڈیوٹی کا اطلاق نہیں ہوگا ، انڈونیشیا سے کھانے کے تیل کی درآمد پر ریگولیٹری ڈیوٹی سے چھوٹ 30 جون 2022ء تک دی گئی ہے۔

نوٹی فکیشن میں کہا گیا ہے کہ جس کھانے کے تیل کی درآمد پر کسمٹز ڈیوٹی کی شرح صفر، 3 فیصد اور 11 فیصد ہے اس پر ریگولیٹری ڈیوٹی کی شرح 2 فیصد ہوگی جس کی درآمد پر 16 فیصد کسمٹز ڈیوٹی عائد ہوگی ، اس پر ریگو لیٹری ڈیوٹی کی شرح 4 فیصد ہوگی ، اسی طرح جس کی درآمد پر کمسٹز ڈیوٹی کی شرح 20 فیصد ہوگی، اس پر ریگولیٹری ڈیوٹی کی شرح 6 فیصد ہوگی جبکہ جس کی درآمد پر کسمٹز ڈیوٹی کی شرح 30 فیصد ہوگی اس پر ریگولیٹری ڈیوٹی کی شرح 7 فیصد ہوگی۔

قبل ازیں وزیرِ اعظم شہباز شریف نے غریب اور پسماندہ طبقے کیلئے بڑا ریلیف دینے کا اعلان کیا تھا ،وزیرِ اعظم نے 5 بنیادی اشیاء ضروریہ کو اگلے مالی سال کیلئے کم نرخوں پر فراہم کرنے کا اصولی فیصلہ کیا-

مزکورہ ریلیف کے تحت سبسڈی یوٹیلٹی اسٹورز کے ذریعے پورے ملک میں غریب اور پسماندہ طبقے کو فراہم کی جائے گی آٹے، چینی، گھی/خوردنی تیل، دالیں، اور چاول کی بازار سے کم نرخوں پر فراہمی یقینی بنائی جائے گی-

وزیرِ اعظم شہباز شریف کی زیرِ صدارت یوٹیلٹی اسٹورز کے حوالے سے اعلی سطح کا اجلاس ہوا ،اجلاس میں وفاقی وزراء مفتاح اسماعیل، مخدوم مرتضی محمود اور متعلقہ اعلی افسران نے شرکت کی تھی.

اجلاس کو یوٹیلٹی اسٹورز پر دی جانے والی سبسڈی، پسماندہ طبقے کو ٹارگٹڈ سبسڈی، یوٹیلٹی اسٹورز کی ملک بھر میں تعداد میں توسیع اور خیبر پختونخوا میں وزیرِ اعظم کے ویژن کے تحت سستے آٹے کی فراہمی کے پروگرام پر پیش رفت سے تفصیلی طور پر آگاہ کیا گیا تھا.

اجلاس کو بتایا گیا کہ یوٹیلٹی اسٹور کارپوریشن ملک میں اس وقت 3822 اسٹورز کو براہ راست اور 1380 فرینچائز چلا رہا ہے. جبکہ تیس جولائی تک بلوچستان، سندھ، کشمیر، گلگت بلتستان اور پنجاب میں 300 سے ذیادہ نئے اسٹورز بنائے جائیں گے.

اسلام آباد:مخصوص صحافیوں کو پریس کانفرنس میں بلانے پر بیٹ رپورٹرز کا عمران خان کو احتجاجی خط ،اطلاعات کے مطابق جیو کے نیوزرپورٹر وقار ستی نے سابق وزیراعظم سے شکوہ کرتے ہوئے خط لکھاہے کہ چئیرمین پی ٹی آئی عمران خان کی پریس کانفرنس میں صرف پسندیدہ اور چاپلوس صحافیوں کوبلاتے ہیں

وقار ستی کہتےہیں کہ ایسا نہیں ہونا چاہیے ، اپنے پسندیدہ صحافیوں کو کیوں ہی بلایا جاتا ہے، ان کا یہ بھی کہنا تھا کہ میرٹ پر سوالات کرنےوالوں کونظر انداز کرنےکےخلاف پاکستان کے 15سے زائد TVچینلزکے پی ٹی آئی بیٹ رپورٹرز نے پی ٹی آئی کی کوریج کےبائیکاٹ کااعلان کردیااوراس بارےعمران خان کوخط بھی لکھ دیاہے۔

چئیرمین پی ٹی آئی عمران خان کی پریس کانفرنس میں صرف پسندیدہ اور چاپلوس صحافیوں کوبلانےاور میرٹ پر سوالات کرنےوالوں کونظر انداز کرنےکےخلاف پاکستان کے 15سے زائد TVچینلزکے پی ٹی آئی بیٹ رپورٹرز نے پی ٹی آئی کی کوریج کےبائیکاٹ کااعلان کردیااوراس بارےعمران خان کوخط بھی لکھ دیاہے۔👇 pic.twitter.com/IRxiDXDJNf

— Waqar Satti / journalist🇵🇰 (@waqarsatti) June 21, 2022

ادھراس سے پہلے وقار ستی نے وزیرخارجہ بلاول بھٹو کے خطاب کے حوالے سے اپنے جزبات کا اظہار کیا اورکہا کہ بلاول بھٹو کاانتہائی پر اعتماد خطاب واضع پیغام ہے کہ حکومت عوام کو مسائل سے نکالنے کے لیےپرامید ہےاور مصمم ارادہ رکھتی ہےکہ مہنگائی کے جن کو جلد از جلد بوتل میں بند کیا جائے ۔دوسرے لفظوں میں یہ کہ خان صاحب جلدانتخابات کو اب بھول جائیں۔

وقار ستی نے بلاول کی تقریرپرتبصرہ کرتے ہوئے کہا کہ بلاول بھٹو زرداری کے خطاب سے ایسا کیوں محسوس ہو رہا کہ عمران خان کی گرفتاری عمل میں لائے جانے والی ہے ؟

کیا ایسا ہو سکتا ہے ؟ وقار ستی مزید کہتے خطاب میں بلاول بھٹو کا زور تو نشہ خانہ کے حوالے سے تھا اس کے بعد ان کا اشارہ گوگی ، پنکی اور پنجاب کے معاملات بھی تھے۔

پاکستان تحریک انصاف (پی ٹی آئی) کے نائب چیئرمین شاہ محمود قریشی کی پریس کانفرنس پر چیف الیکشن کمشنر سکندر راجہ نے فوری نوٹس لے لیا۔ انہوں نے صوبائی الیکشن کمشنر پنجاب کو 24 گھنٹوں کے اندر رپورٹ پیش کرنے کا حکم دے دیا۔

باغی ٹی وی کی رپورٹ کے مطابق چیف الیکشن کمشنر نے شاہ محمود قریشی کے ضابطہ اخلاق کی خلاف ورزی کے الزامات پر صوبائی الیکشن کمشنر پنجاب سے فوری رپورٹ طلب کرلی۔ذرائع کے مطابق چیف الیکشن کمشنر نے صوبائی الیکشن کمشنر پنجاب کو 24 گھنٹوں کے اندر رپورٹ پیش کرنے کا حکم دیا ہے۔چیف الیکشن کمشنر نے ہدایت کی کہ ملتان سمیت دیگر 19 حلقوں میں ضابطہ اخلاق کی خلاف ورزی ثابت ہونے پر قانون کے تحت سخت سے سخت کارروائی کی جائے۔انہوں نے یہ بھی ہدایت کی کہ صوبائی الیکشن کمشنر تمام کارروائی سے چیف الیکشن کمشنر کو فوری آگاہ کرے۔

قبل ازیں لاہور میں پریس کانفرنس کرتے ہوئے پاکستان تحریک انصاف (پی ٹی آئی) کے نائب چیئرمین شاہ محمود قریشی نے کہا ہے کہ الیکشن کمیشن آف پاکستان (ای سی پی) اگر اپنی ذمے داری سے غافل رہا تو قوم کا مستقبل داؤ پر لگ جائے گا۔ نائب چیئرمین پی ٹی آئی نے کہا کہ پنجاب کے 20 حلقوں کا ضمنی انتخاب الیکشن کمیشن کے لیے بڑی آزمائش ہے۔

انہوں نے مزید کہا کہ 20 ضمنی الیکشن میں الیکشن کمیشن نے اپنی ساکھ کھو دی تو عام انتخابات کے نتائج قبول نہیں کریں گے۔شاہ محمود نے کہا کہ الیکشن کمیشن اگر اپنی ذمے داری سے غافل رہا تو قوم کا مستقبل داؤ پر لگ جائے گا جبکہ اس سے پنجاب حکومت الیکشن کمیشن کی ساکھ کو متاثر کرے گی۔ان کا کہنا تھا کہ ڈپٹی کمشنرز اور ڈی پی او کو کہا گیا ہے کہ مستقبل رزلٹ سے جڑا ہے۔

انہوں نے کہا کہ کاروباری طبقے کو ایف بی آر سے ڈرا کر ساتھ مانگا جارہا ہے۔ وزارتِ اعلیٰ بچانے کے لیے حمزہ شہباز کسی بھی حد تک جاسکتے ہیں۔شاہ محمود قریشی نے الزام لگایا کہ ملتان میں جہاں انتخابی مہم کے لیے جائیں اسپیشل برانچ کا اہلکار ساتھ رہتا ہے۔حمزہ سے پوچھ رہا ہوں حمزہ فاروق کو سرکاری گاڑی پر لاہور بلایا، کس چیز کا وعدہ کیا؟ یو سی لیول کے لوگوں کو اٹھا کر حمزہ سے ملاقات کروائی جا رہی ہے۔نائب چیئرمین تحریک انصاف نے کہا کہ ضمنی الیکشن حمزہ شہباز کے مستقبل کا الیکشن ہے۔

پاکستان مسلم لیگ ن کی نائب صدر مریم نواز نے عمران خان پر تنقید کرتے ہوئے کہا ہے کہ سرٹیفایئڈ جھوٹے کو پتہ ہے کہ اس کی اپنی جماعت ٹوٹ رہی ہے۔

میڈیا پر فتنہ خان کا رونا دھونا بنتا ہے۔ اس کو نا صرف اپنے مخالفین کے خلاف انتقام پر مبنی جھوٹے مقدمات کے پول کھلنے پر دھول چاٹنا پڑ رہی ہے بلکہ چور ڈاکو والا سیاسی بیانیہ بھی بری طرح پٹ گیا۔سرٹفائڈ جھوٹے کو پتہ ہے کہ جماعت ٹوٹ رہی ہے اور سیاسی مستقبل ختم ہے۔ روئے نا تو کیا کرے ؟

— Maryam Nawaz Sharif (@MaryamNSharif) June 21, 2022

سماجی رابطے کی ویب سائٹ ٹویٹر پر مسلم لیگ ن کی نائب صدر نے عمران خان پر تنقید کرتے ہوئے لکھا کہ میڈیا پر فتنہ خان کا رونا دھونا بنتا ہے۔ اس کو نہ صرف اپنے مخالفین کے خلاف انتقام پر مبنی جھوٹے مقدمات کے پول کھلنے پر دھول چاٹنا پڑ رہی ہے بلکہ چور ڈاکو والا سیاسی بیانیہ بھی بری طرح پٹ گیا۔

انہوں نے کہا کہ سرٹیفائڈ جھوٹے کو پتہ ہے کہ اس کی اپنی جماعت ٹوٹ رہی ہے اور سیاسی مستقبل ختم ہے۔آخر میں مریم نواز نے پی ٹی آئی چیئر مین پر تنقید کرتے ہوئے لکھا کہ روئے نا تو کیا کرے ؟

نیب کا رونا رونے والے فتنہ خان نے دھوکے سے طیبہ کو ہفتوں وزیر اعظم ہاؤس میں حبس بےجا میں رکھا،اس سے چیرمین نیب کی ویڈیوز لیں،پھر ان ویڈیوز کے ذریعے چیرمین نیب کو بلیک میل کیا اور من پسند فیصلے لیے۔ نیب کو اپنے سیاسی مخالفین پر وار کرنے کے لیے استعمال کرنے پر سخت ایکشن ہونا چاہیے۔

— Maryam Nawaz Sharif (@MaryamNSharif) June 21, 2022

نیب کا رونا رونے والے فتنہ خان نے دھوکے سے طیبہ کو ہفتوں وزیر اعظم ہاؤس میں حبس بےجا میں رکھا،اس سے چیرمین نیب کی ویڈیوز لیں،پھر ان ویڈیوز کے ذریعے چیرمین نیب کو بلیک میل کیا اور من پسند فیصلے لیے۔ نیب کو اپنے سیاسی مخالفین پر وار کرنے کے لیے استعمال کرنے پر سخت ایکشن ہونا چاہیے۔

قنل ازیں پاکستان تحریک انصاف (پی ٹی آئی)کے چیئر مین عمران خان نے رواں ہفتے نیب ترمیم کو سپریم کورٹ میں چیلنج کرنےکا اعلان کر دیا۔

کارکنوں سے خطاب کرتے ہوئے سابق وزیراعظم نے کہا کہ حکومت نے نیب قانون میں ترامیم کی ہے، نیب ترامیم کواسی ہفتے سپریم کورٹ میں چیلنج کریں گے، 26سال پہلے کرپشن کے خلاف تحریک شروع کی تھی، جب انصاف نہیں ہوتا تو کرپشن کی بیماری نظرآتی ہیں، اگرملک نے ترقی کرنی ہے تو قانون کی حکمرانی سے آئے گی، قانون کی حکمرانی کا مطلب کوئی بھی قانون سے بالاترنہیں۔ جس ملک میں ایک طبقہ قانون سے اوپر ہو تو ملک تباہ ہو جاتے ہیں، ایسے ملک کا کوئی مستقبل نہیں ہوتا۔

انہوں نے کہا کہ ملک میں وسائل نہیں انصاف کی کمی ہے، ملک کے بڑے، بڑے مجرموں کو قانون کے نیچے لانے تک ملک ترقی نہیں کرسکتا، نیب ترامیم، ملک اور قوم کی توہین ہوئی، بے شرمی سے نیب ترامیم کو پاس کیا گیا ہے، ان کواس بے شرمی کی وجہ سے ہی جیل میں ڈال دینا چاہیے، انشااللہ ہمیں امید ہے عدالت نیب ترامیم کا پورا نوٹس لے گی، امپورٹڈ حکومت عوام کے لیے اقتدارمیں نہیں آئی، خرم دستگیر نے کہا عمران خان نے سب کوجیل میں ڈال دینا ہے، سب کوپتا ہے یہ امپورٹڈ حکومت اپنے کیسز ختم کرانے اقتدارمیں آئی ہے، اگریہ بے قصورتھے تو ان لوگوں کو کس چیز کا ڈرتھا، یہ نہیں ہوسکتا کسی کی ذات کے لیے قانون بنایا جائے، نیب ترامیم کے بعد نوازشریف، زرداری، مریم نوازبھی بچ جائیں گی، آصف زرداری، شہبازشریف کے خلاف اربوں کے کیسزہیں۔

پی ٹی آئی چیئر مین کا کہنا تھا کہ ترامیم کے بعد فیک اکاؤنٹس میں جو پیسہ آئے گا اب نیب کو ثابت کرنا پڑے گا، دنیا میں وائٹ کالرکرائم پکڑنا بڑا مشکل ہوتا ہے، ترامیم کے بعد آمدن سے زائد اثاثوں میں کیس والے سارے بچ جائیں گے۔ پاناما میں چار مہنگے ترین فلیٹس سامنے آئے تھے، پاناما کے مہنگے فلیٹس کی اصل مالکہ مریم نوازتھیں، ترامیم کے بعد اب نوازشریف، مریم نواز پاک صاف ہو کر نکل جائیں گی۔ منی لانڈرنگ کے تمام کیسز نیب سے نکال کر وفاقی تحقیقاتی ادارے (ایف آئی اے) میں چلے جائیں گے، ایف آئی اے ویسے ہی رانا ثنا اللہ کے نیچے ہے، بے نامی دار بھی اب کیسز سے بچ جائیں گے، یہ سب سے بڑا ظلم ہونے جا رہا ہے۔

عمران خان نے کہا کہ بیوروکریٹ جو بھی بچوں کے نام جائیداد بنائے گا اب جوابدہ نہیں ہوگا، یہ خدانخواستہ ملک پر بمباری سے بھی بڑا جرم ہے، ساڑھے تین سال انہوں نے مجھے این آراوکے لیے بلیک میل کیا، فیٹیف قانون سازی کے دوران انہوں نے این آر او لینے کی پوری کوشش کی، فیٹیف قانون سازی کے دوران ان کی بات نہیں مانی تو انہوں نے واک آؤٹ کیا تھا، اب ان کواین آراو2 مل گیا ہے، پہلے ان کوپرویزمشرف نے این آراودیا تھا۔ اسحاق ڈارکا بیان حلفی تھا کیسے ملک سے پیسہ باہرگیا تھا، شریف فیملی کے خلاف اسحاق ڈارکا اوپن اینڈ شٹ کیس تھا، سابق امریکی وزیرخ ارجہ کنڈولیزارائس نے اپنی کتاب میں لکھا ان کے کرپشن کیسز کو کیسے ختم کیا گیا، سوئٹرز لینڈ میں کروڑوں ڈالرکا کیس پاکستان جیت گیا تھا، سابق سفیرشمس الحسن نے تمام ثبوت گاڑی میں رکھے سب نے دیکھا،کروڑوں ڈالر ہڑپ کر لیے گئے، یہ تو وہ کیس تھے جو پکڑے گئے باقی ان کی جائیدادوں کا کوئی حساب نہیں، ملک کا انصاف کا نظام ایسا ہے ان کوپکڑنہیں سکتا۔ لندن مے فیئرفلیٹس آف شورکمپنیوں کے ذریعے خریدے گئے۔

واجبات نہ ملنے پر ریلوے کے ریٹائرڈ ملازم روبن کی خودکشی کی کوشش ، بزرگ شہری نے ریلوے ہیڈکوارٹر کی بالائی منزل سے چھلانگ لگا دی

باغی ٹی وی کی رپورٹ کے مطابق ریٹائرڈ ریلوے ملازم روبن کو چھ ماہ سے جی پی فنڈ نہیں ملا تھا،کیس پاس کرنے کے لیے ریلوے افسران کی جانب سے حیلے بہانے کئے جارہے تھے، ریلوے کے پاس فنڈز کی شدید قلت کے باعث ریٹائرڈ ملازمین ایک سال سے خوار ہو رہے ہیں، ذرائع کے مطابق خودکشی کی کوشش کرنے والا شخص آج بھی اپنے کیس کے سلسلے میں دفتر آیا تھا،حکام کی جانب سے کوئی مثبت جواب نہ ملنے پر دلبرداشتہ ہوگیا، ریٹائرڈ ملازم نے ریلوے حکام کو کوستے ہوئے ہیڈ کوارٹر کی بالائی منزل سے چھلانگ لگا دی،بالائی منزل سے گرنے پر ریٹائرڈ ریلوے ملازم کی ٹانگیں ٹوٹ گئیں،ریلوے ریٹائرڈ ملازم کو شدید زحمی حالت میں سروسز اسپتال منتقل کردیا گیا.

اطلاع ملنے پر متعلقہ پولیس بھی موقع پر پہنچ گئی۔ ڈاکٹر کے مطابق مضروب بیان دینے کے قابل نہ ہے۔لیکن پتہ جوئی پر مضروب نے بتایا ہے۔کہ اسے چکر آگئے تھے۔اور وہ گر گیا۔

روبن نے بیان دیا ہے کہ وہ واجبات کے بارے معلومات لینے آیا تھا ، کسی سے منہ ماری نہیں ہوئی نہ کسی نے بد تمیزی کی ہے ، ابھی کسی سے ملاقات بھی نہ ہوئی تھی اور میں گرلِ کے ساتھ کھڑا تھا کہ مجھے چکر آگیا اور میں اوپر سے نیچے جا گرا ،سی ای او ریلوے فرخ تیمور غلزئی نے روبن کے بیٹے شیرون سے اسپتال میں ملاقات کی اوررابن کے بہترین علاج کی سہولیات فراہم کرنے کی یقین دھانی کرائی ہے ۔

ترجمان ریلوے کے مطابق جی ایم ویلفئیر اور چیف میڈیکل آفیسر ریلوے بھی مریض کے ساتھ سروسز اسپتال میں موجود ہیں، مریض کی حالت خطرے سے باہر ہے ۔ روبن نے نہ تو خود کشی کی کوشش کی اور نہ ہی اسُ کا پنشن سٹاف سے جھگڑا ہوا،خرابیِ صحت کی وجہ سے اور چکر آنے کی وجہ سے وہ لڑھک کر گر گیا ۔

وزیر ریلوے خواجہ سعد رفیق نے ریلوے ریٹائرڈ ملازم روبن کا ریلوے ہیڈکوارٹر سٹور بلڈنگ سے گرنے کا واقعہ کا نوٹس لے لیا، وزیر ریلوے خواجہ سعد رفیق نے ایم ایس سروسز ہسپتال کو فون کر کے ریٹائرڈ ملازم روبن کی خیریت دریافت کی۔ایم ایس سروسز کو ہدایت کی کے ہر ممکن بہتر ین علاج معالجہ کی سہولیات مفت فراہم کی جائیں۔ وزیر ریلوے کی ہدایت پر تین رکنی اعلی افسران پر مشتمل کمیٹی تشکیل دے دی جو وزیر ریلوے کو رپورٹ پیش کرے گی۔

پنجا ب میں چالیس سال حکمرانی کرنے والےسکھ لیڈر مہاراجہ رنجیت سنگھ کی 183 ویں برسی کی تقریبات میں شرکت کے لئے بھارت سے 450 کے سکھ یاتری واہگہ بارڈر کے راستے پاکستان پہنچ گئے،

پاکستان پہنچنے پر متروکہ وقف املاک بورڈ کے ایڈیشنل سیکر ٹری رانا شاہد نے مہمانوں کا استقبال کیا جبکہ پردھان سردار امیر سنگھ , ڈپٹی سیکر ٹری عمران گوندل , بورڈ ترجمان عامر ہاشمی , سکیورٹی انچارج امجد الطاف و دیگر افسران اور سکھ رہنما انکے ہمراہ تھے . متروکہ وقف املاک بورڈ کے ایڈیشنل سیکر ٹری رانا شاہد نے میڈیا کے نما ئندوں کو بتایا کہ چیرمین بورڈ حبیب الرحمن گیلانی کے خصو صی احکامات کی روشنی میں بھارت سے آنے والے مہمانوں کے لئے آئے ہیں . پردھان سردار امیر سنگھ کا کہنا تھا کہ ٹرسٹ بورڈ نے PSGPC کے ساتھ مکمل مشاورت کے ساتھ انتظامات مکمل کیے ہیں جس پر ہم مطمعن ہیں.

. ڈپٹی سیکر ٹری عمران گوندل نے بتایاکے مہاراجہ رنجیت سنگھ کی برسی کی تقریب 29 جون گورودوارہ ڈیرہ صاحب میں منعقد ہو گی بورڈ ترجمان کے مطابق سکھ یاتری لاہور سے سپیشل ٹرینوں کے ذریعے ننکانہ صاحب پہنچ گئے ہیں جہاں پر 24 جون کو یاتری گورودوارہ پنجہ صاحب حسن ابدال کا دورہ کرنے کے بعد 26 جون کو لاہور واپس آئیں گے .

لاہور سے 27 اور 28 جون کو گورودوارہ کر تارپور صاحب نارووال اور گورودوارہ روہڑی صاحب ایمن آباد کا دورہ کر کے واپس لاہور آئیں گے , استقبا ل کے موقع پر یاتریوں نے میڈیا کے نمائندوں سے گفتگو کرتے ہوئے کہا کہ یہاں پہنچ کر بہت خوشی محسوس ہوتی ہے , مذہبی تقریبات کی ادائیگی کے ساتھ ساتھ پاکستانی عوام کی محبت ہمیں یہا ں کھینچ لاتی ہے , یہا ں آنے والے تمام یاتریوں کو بہت پیار اور عزت ملتی ہے , سکھ یاتری مختصر دورے کے لئے پاکستان آتے ہیں اور حسین یادیں لیے واپس لوٹتے ہیں .

خواتین سے زیادتی کے واقعات کے خلاف قرارداد پنجاب اسمبلی میں جمع

خواتین سے زیادتی کے واقعات کے خلاف صوبے میں ایمرجنسی نافذ کرنے کی حمایت میں قرارداد پنجاب اسمبلی میں جمع کروا دی گئی

قرارداد مسلم لیگ(ن) کی رکن حناپرویز بٹ کی جانب سے جمع کرائی گئی. حنا پرویز بٹ کی جانب سے پنجاب اسمبلی میں جمع کروائی گئی قرارداد میں کہا گیا ہے کہ یہ ایوان پنجاب حکومت کی جانب سے خواتین کے ساتھ زیادتی کے واقعات کی روک تھام کے لئے ایمرجنسی نافذ کرنے کے اقدام کو سراہتا ہے ہر سال سینکڑوں خواتین کو جنسی زیادتی کا نشانہ بنایا جاتا ہے، خواتین کے ساتھ زیادتی کے واقعات قابل تشویش ہیں خواتین کا تحفظ بنایا حکومت کو پہلی ترجیح ہونی چاہئے،عورت محفوظ ہو گی تو معاشرہ محفوظ ہو گا، یہ ایوان مطالبہ کرتا ہے کہ خواتین کے تحفظ کے لئے آگاہی مہم چلائی جائے،تعلیمی اداروں، فیکٹریوں،نجی و سرکاری دفاتر میں مہم چلائی جائے،

قبل ازیں صوبائی وزیر داخلہ عطا اللہ تارڑ کی زیرصدارت بچوں اور خواتین کے ساتھ جنسی زیادتی کے بڑھتے کیسز کی روک تھام کے حوالے سے اجلاس کا انعقاد کیا گیا،اجلاس میں ارکان پارلیمنٹ، سول سوسائٹی کے نمائندوں اور پولیس افسران اور وکلاء نمائندوں نے شرکت کی ،صوبائی وزیر داخلہ نے جنسی زیادتی کے بڑھتے کیسز پر تشویش کا اظہارکیا،صوبائی وزیر داخلہ نے جنسی زیادتی کے بڑھتے واقعات پر صوبے بھر میں ایمرجنسی کے نفاذ کا اعلان کر دیا۔ صوبائی وزیر داخلہ نے ایسے کیسز کی روک تھام کے لیے پانچ کمیٹیاں تشکیل دینے کی ہدایات جاری کر دیں کمیٹیاں ارکان پارلیمنٹ ، سول سوسائٹی کے نمائندوں، پولیس افسران اور وکلاء نمائندوں پر مشتمل ہوں گی،صوبائی وزیر قانون عطاء اللہ تاڑڑ کا کہنا تھا کہ پراسیکیوشن ڈیپارٹمنٹ کو 48 گھنٹے کے اندر ایسے کیسز کی تفصیلات فراہم کرنے کی ہدایات جاری کر دی ہیں ۔

واضح رہے کہ پنجاب میں خواتین اور بچوں کے ساتھ زیادتی کے واقعات میں مسلسل اضافہ ہو رہا ہے، پولیس ملزمان کو گرفتار کرتی ہے ،کئی مقامات پر ملزمان بااثر ہوتے ہیں اور مقدمات کو دبا دیا جاتا ہے، تا ہم پنجاب میں زیادتی کے واقعات پر حکومت سمیت سب کو تشویش ہے،

خواجہ سراؤں کا چار رکنی گروہ گھناؤنا کام کرتے ہوئے گرفتار

چار ملزمان کی 12 سالہ لڑکے کے ساتھ ایک ہفتے تک بدفعلی،ویڈیو بنا کر دی دھمکی

ماموں کی بیٹی کے ساتھ گھناؤنا کام کرنیوالا گرفتار

پانی پینے کے بہانے گھر میں گھس کر لڑکی سے گھناؤنا کام کرنیوالا ملزم گرفتار

زبانی نکاح،پھر حق زوجیت ادا،پھر شادی سے انکار،خاتون پولیس اہلکار بھی ہوئی زیادتی کا شکار