Category: لاہور

وزیراعلی پنجاب حمزہ شہباز سستے آٹے کی پورے پنجاب میں فراہمی کے بعد عام آدمی پر مہنگائی کا بوجھ مزید کم کرنے کیلئے ان ایکشن.حمزہ شہباز شریف کی زیر صدارت اہم اجلاس منعقد ہوا.اجلاس میں روزمرہ اشیاء کے نرخوں میں استحکام لانے کیلئے تجاویز ہیش کی گئیں.

وزیر اعلی حمزہ شہباز شریف نے روزمرہ استعمال کی ضروری کچن اشیاء کے نرخوں میں استحکام کے لئے جامع پلان طلب کر لیا ،وزیراعلی کا کہنا تھا کہ ایسا میکنزم تشکیل دیا جائے، جس سے عام آدمی کو ضروری کچن آئٹمز مناسب نرخوں پر تسلسل کے ساتھ مل سکیں۔

حمزہ شہباز نے کہا کہ میری کاوشوں کا محور عام آدمی کو ریلیف مہیا کرنا ہے جس کے لئے سرکاری مشینری کو مزید فعال ہونا پڑے گا۔ ڈپٹی کمشنرز اور اسٹنٹ کمشنرز اپنے علاقوں میں پرائس کنٹرول کے لئے مسلسل فیلڈ وزٹ جاری رکھیں۔ تمام فیلڈ وزٹ کی تصاویر اور وڈیوز وقت و تاریخ کے ساتھ ڈیش بورڈ پر اپ لوڈ کی جائیں۔

وزیر اعلی پنجاب حمزہ شہباز نے ہدایت کی کہ اشیاء ضروریہ کی سپلائی چین کو بھی مزید بہتر بنایا جائے. وزیر اعلی پنجاب حمزہ شہباز شریف کی زیر صدارت اجلاس میں صوبائی وزراء سردار اویس لغاری، عطاتارڑ، چیف سیکرٹری، سیکرٹری صنعت، سیکرٹری خوراک اور متعلقہ حکام نے شرکت کی.

اس سے قبل وزیراعلی پنجاب حمزہ شہباز کا کہنا تھا کہ مہنگائی کے باعث پریشان عوام کو ریلیف دینے کیلئے پوری انتظامی اور سیاسی مشینری کو متحرک کر دیا ہے،اللہ تعالٰی کی مخلوق کی مشکلات کم کرنے کیلئے صوبائی وزراء، منتخب نمائندے اور پولیٹیکل اسسٹنٹس کو ٹاسک سونپ دیا ہے۔

حمزہ شہباز کا کہنا تھا کہ عوامی نمائندوں کو ہدایت کی ہے کہ وہ ہرچھوٹے بڑے شہر جا کر اشیاء ضروریہ کی قیمتوں کا جائزہ لیں ، ڈپٹی کمشنرز اور اسٹنٹ کمشنرز کی کارکردگی کو پرائس کنٹرول کے موٹر اقدامات سے جانچا جائے گا ، پرائس کنٹرول کے لئے ہر ضلع میں کئے گئے اقدامات کی مانیٹرنگ کا عمل شروع ہو چکا ہے.

انہوں نے کہا کہ ہر ضلع کی سرگرمیوں کی رپورٹ مرتب ہو گی ، ہر ضلع کی کارکردگی جانچ کر سزا اور جزا کا تعین ہوگا ۔اچھا کام کرنے والے کی تحسین کی جائے گی۔ پرائس کنٹرول کے حوالے سے تساہل کی کوئی گنجائش نہیں۔

حمزہ شہباز نے مزید کہا کہ عوام کو ریلیف دینے کیلئے پرائس کنٹرول کے اقدامات میں کوتاہی کرنے والوں کو جوابدہ ہونا ہوگا ۔ پرائس کنٹرول کے لئے سرگرمیاں تسلسل کے ساتھ جاری رہیں گی۔ میں عوام کو مہنگائی سے ریلیف دینے کے پلان کی خود نگرانی کر رہا ہوں۔

پنجاب کابینہ میں توسیع، کابینہ کا اجلاس بھی طلب

باغی ٹی وی کی رپورٹ کے مطابق پنجاب کابینہ میں میں توسیع کر دی گئی ہے

پنجاب کے نئے وزراء سے کل گورنر پنجاب حلف لیں گے، پنجاب کابینہ میں مزید 20 نئے وزرا کو شامل کیا جا رہا ہے، جن اراکین کو اب وزیر بنایا جا رہا ہے ان میں ن لیگ کے رانا مشہود ،میان مجتبیٰ شجاع، خواجہ عمران نذیر، طاہر خلیل سندھو، چودھری ا قبال ، یاورزمان ، علاوہ کرنل (ر)ایوب، تنویراسلم ، بلال یاسمین ،سیف الملوک کھوکھر، ذکیہ شاہ نواز، منشااللہ بٹ ، جہانگیر خانزادہ ،کرنل (ر)طارق، عظمیٰ بخاری ، کاظم علی اور ندیم کامران شامل ہیں ،

دوسری جانب پنجاب حکومت نے بجٹ منظوری کے لئے صوبائی کابینہ کا اجلاس 13 جون کو طلب کرلیا ہے، اجلاس کی صدارت وزیراعلیٰ پنجاب حمزہ شہباز کریں گے، اجلاس میں پنجاب کی کابینہ کے اراکین شریک ہوں گے، اجلاس میں بجٹ کی منظوری دی جائے گی،جلاس میں آئندہ مالی سال کے ترقیاتی بجٹ اور سالانہ اخراجات کی منظوری لی جائے گی

پنجاب کا بجٹ میاں مجتبیٰ شجاع الرحمان پیش کریں گے، میاں مجبتی شجاع الرحمان کو وزارت خزانہ کا چارج دیا جائے گا،

دوسری جانب اسپیکر پنجاب اسمبلی پرویز الہٰی سےسابق وزیراعلیٰ عثمان بزدارکی ملاقات ہوئی ہے ملاقات میں سابق وفاقی وزیرمونس الہٰی ،بشارت راجہ،محمود الرشید ظہیرالدین شریک تھے ،وفد نے اسپیکر پنجاب اسمبلی پرویز الہٰی کو اپنے خلاف حکومتی کارروائیوں سے آگاہ کیا ،چودھری پرویز الہیٰ کا کہنا تھا کہ پنجاب پولیس ارکان صوبائی اسمبلی اور اسٹاف کو بے جا ہراساں کر رہی ہے،بجٹ اجلاس کی تیاری کرنے والے اسمبلی اسٹاف کو گرفتار کیا جا رہا ہے، جب اسمبلی سٹاف کو گرفتار کر لیا جائے گا تو بجٹ اجلاس کیسے ہوگا؟ جعلی حکمران ارکان اسمبلی کے خلاف پرچے کٹوا کر پارلیمانی روایات کو پامال کر رہے ہیں،

پنجاب کا بجٹ تاریخ ساز بجٹ ہوگا،مالی سال2023۔2022 کے بجٹ میں کوئی نیا ٹیکس نہیں لگایا جائے گا

پنجاب کا بجٹ 13 جون کی دوپہر دو بجے اسمبلی میں پیش کیا جاے گا

پنجاب کے آئندہ مالی سال 2022-23 کے ترقیاتی بجٹ سے متعلق پہلا مسودہ تیار کرلیا گیا 

پنجاب اسمبلی کی مخصوص نشستوں پرنوٹیفکیشن جاری نہ کرنے پرجواب طلب

بائی پولر کی شناخت کرنا اب مشکل نہیں ۔

باغی ٹی وی :پیرس میں سائنس دانوں نے انسانی لہو میں 6 ایسے بایومارکر دریافت کر لیے ہیں۔ جو بائی پولر جیسے مریض کی شناخت کرنے میں مدد دے سکتے ہیں ۔
مزید تفصیلات کے مطابق مونٹ پولیئر یونیورسٹی ہسپتال، سوئزرلینڈ کے نفسیاتی ہسپتال لیس ٹوئسس ،فرانس ،اور جامعہ پٹس برگ میں موجود سائنس دانوں نے ایک کمپنی ایلسی ڈیاگ کے تعاون سے معلوم کیا جا چکا ہے کہ باقی ٹیسٹوں جس طرح مرض کی شناخت کر سکتے ہیں وہاں خون کا خون کا ٹیسٹ کرانے سے بائی پولر مرض کی شناخت ہو سکتی ہے ۔
مزید یہ کہ ڈپریشن کا مرض بہت عام ہے بہت سے لوگ ڈپریشن کے اس مرض میں مبتلا ہیں ۔ڈپریشن میں مبتلا مریضوں کی تعداد تقریباً 30 کروڑ ہے ۔اور یہ کہ ان میں 40 فیصد لوگوں کی تعداد بائی پولر کی شکار بھی ہو سکتی ہے ۔

بائی پولر کی مندرجہ ذیل اقسام ہو سکتی ہیں ۔
انسان بہت زیادہ مایوس ہو جاتا ہے ۔اس کی خوشی اور غمی پہلے کی نسبت مختلف ہو جاتی ہے ۔مریض کا اپنے اوپر سے اعتبار ختم ہو جاتا ہے ۔اور وه کسی بھی طرح کا فیصلہ نہیں کر سکتا ہے ۔ماضی میں اس مرض کے حوالے سے کافی تجربے ہو چکے ہیں۔تاہم اب جا کے اس کی تشخیص کا طریقہ دریافت ہو چکا ہے ۔ اس کی تشخیص ایک بلڈ ٹیسٹ سے ہوتی ہے ۔اس بلڈ ٹیسٹ میں آراین اے اور مصنوعی ذہانت کو استعمال کیا جاتا ہے ۔جس سے اس کی درستگی 80 فیصد تک پہنچنے کا امکان ہو جاتا ہے ۔ مزید چھ بایومارکر میں سے جتنے زیادہ موجود ہوں بائی پولر کا شبہ یقین میں ڈھلتا جاتا ہے۔ اس پورے منصوبے کو ایڈٹ بی کا نام بھی دیا جا چکا ہے ۔

وزیر اعلی پنجاب حمزہ شہباز شریف نے سی ٹی ڈی ہیڈکوارٹرز کا تفصیلی دورہ کیا-وزیر اعلی کو دہشت گردوں کے خلاف کامیاب انٹیلی جنس آپریشنز کے بارے میں بریفنگ دی گئی۔ وزیر اعلی حمزہ شہباز نے اس موقع پر کہا کہ دہشتگردی کی سرکوبی میں سی ٹی ڈی کا کردار قابل تعریف ہے -پنجاب میں جدید اور مؤثر پولیسنگ میرے ترجیحی لائحہ عمل کا حصہ ہے -سی ٹی ڈی کی آپریشنل اور انٹیلیجنس استعداد کار بڑھانے کے لئے جدید ترین ہتھیار اور ٹیکنالوجی فراہم کی جائے گی –

وزیراعلیٰ حمزہ شہباز نے سی ٹی ڈی کے اہم شعبوں کا معائنہ کیا- وزیراعلیٰ حمزہ شہباز نے ٹریننگ بلاک اور کاؤنٹر وائلنٹ ایکسٹریمزم(CVE) بلاک کا بھی وزٹ کیا-وزیر اعلی حمزہ شہباز نے ڈیٹا سینٹر، سائبر کرائم یونٹ، جیو فنیسنگ سینٹر، لیبز،آئی ٹی سیکشن اور دیگر سیکشنز کا مشاہدہ کیا -ایڈیشنل آئی جی سی ٹی ڈی اور ایس ایس پی ٹریننگ ونگ نے وزیر اعلی حمزہ شہباز کو بریفنگ دی-

وزیر اعلی حمزہ شہباز نے مختلف شعبوں میں کام کرنے والے سٹاف سے ملاقات کی-وزیر اعلی حمزہ شہباز نے عملے کی پیشہ وارانہ صلاحیتوں کی تعریف کی – وزیراعلیٰ حمزہ شہباز نے سی ٹی ڈی فورس کو جدید تقاضوں سے ہم آہنگ کرنے کے اقدامات کو سراہا – وزیراعلیٰ حمزہ شہبازنے انار کلی بم دھماکے کے کیس کو حل کرنے اور دہشت گردوں کو گرفتار کرنے پر سی ٹی ڈی کے افسروں میں نقد انعامات اور تعریفی سرٹیفیکٹس تقسیم کیے-

وزیراعلیٰ حمزہ شہباز نے اس موقع پر گفتگو کرتے ہوئے کہا کہ سی ٹی ڈی کی بنیاد وزیر اعظم شہباز شریف نے اپنی وزارت اعلیٰ کے دور میں رکھی۔ وزیر اعظم شہباز شریف کا لگایا گیا یہ پودا اب ایک تن آور درخت بن چکا ہے۔سی ٹی ڈی فورس دہشت گردی کے خاتمے کیلئے ہمارا ہراول دستہ ہے۔

وزیراعلیٰ حمزہ شہبازنے سی ٹی ڈی کیلئے نئی پوسٹوں پر بھرتی کی منظوری دی اورچیف سیکرٹری کو بھرتیوں کا عمل جلد مکمل کرنے کی ہدایت کی-صوبائی وزراء سردار اویس لغاری،عطاتارڑ،ایوب گادھی،چیف سیکرٹری،انسپکٹر جنرل پولیس،ایڈیشنل چیف سیکرٹری داخلہ، ایڈیشنل آئی جی سی ٹی ڈی اورمتعلقہ حکام بھی اس موقع پر موجود تھے- ایم پی اے جہانگیر خانزادہ،ایڈیشنل آئی جی ساؤتھ پنجاب، آر پی او بہاولپور، آر پی او ڈیرہ غازی خان، راجن پور، رحیم یار خان اور بہاولپور کے ڈی پی اوز ویڈیو لنک کے ذریعے اجلاس میں شریک ہوئے-

وزیر اعلی حمزہ شہباز شریف سستے آٹے کی پورے پنجاب میں فراہمی کے بعد عام آدمی پر مہنگائی کا بوجھ مزید کم کرنے کیلئے ان ایکشن،روزمرہ استعمال کی ضروری کچن اشیاء کے نرخوں میں استحکام کے لئے جامع پلان طلب:وزیراعلی حمزہ شہباز شریف سستے آٹے کی پورے پنجاب میں فراہمی کے بعد عام آدمی پر مہنگائی کا بوجھ مزید کم کرنے کیلئے ان ایکشن۔وزیر اعلی حمزہ شہباز نے روزمرہ استعمال کی ضروری کچن اشیاء کے نرخوں میں استحکام کے لئے جامع پلان طلب کر لیاہے۔

وزیر اعلی پنجاب حمزہ شہباز نے متعلقہ حکام کو ہدایت کی کہ ایسا میکنزم تشکیل دیا جائے، جس سے عام آدمی کو ضروری کچن آئٹمز مناسب نرخوں پر تسلسل کے ساتھ مل سکیں۔انہوں نے کہا کہ میری کاوشوں کا محور عام آدمی کو ریلیف مہیا کرنا ہے جس کے لئے سرکاری مشینری کو مزید فعال ہونا پڑے گا۔وزیر اعلیٰ حمزہ شہباز نے ہدایت کی کہ ڈپٹی کمشنرز اور اسسٹنٹ کمشنرز اپنے علاقوں میں پرائس کنٹرول کے لئے مسلسل فیلڈ وزٹ جاری رکھیں۔انہو ں نے کہا کہ تمام فیلڈ وزٹ کی تصاویر اور وڈیوز وقت و تاریخ کے ساتھ ڈیش بورڈ پر اپ لوڈ کی جائیں۔

وزیر اعلی حمزہ شہباز نے ہدایت کی کہ اشیاء ضروریہ کی سپلائی چین کو بھی مزید بہتر بنایا جائے۔وزیر اعلی پنجاب حمزہ شہباز شریف کی زیر صدارت اجلاس میں صوبائی وزراء سردار اویس لغاری، عطاتارڑ، چیف سیکرٹری، سیکرٹری صنعت، سیکرٹری خوراک اور متعلقہ حکام نے شرکت کی-

وزیر اعلی حمزہ شہباز شریف کی پنجاب اسمبلی پریس گیلری کے نو منتخب صدر اخلاق باجوہ اور سیکرٹری حسان احمد کو مبارکباد، نیک خواہشات کا اظہار:وزیر اعلی حمزہ شہباز شریف نے پنجاب اسمبلی پریس گیلری کے نو منتخب صدر اخلاق باجوہ اور سیکرٹری حسان احمد کو مبارکباددی -وزیر اعلی حمزہ شہباز نے اخلاق باجوہ اور احسان احمد کے لئے نیک خواہشات کا اظہار کیا-وزیراعلیٰ حمزہ شہباز نے کہاکہ پارلیمانی رپورٹنگ میں پنجاب اسمبلی کی پریس گیلری کا کردار مسلمہ ہے اورامید ہے کہ نو منتخب صدر اور سیکرٹری ذمہ دارانہ صحافت کے فروغ کیلئے مثبت کردار ادا کریں گے۔

پولیس وین گشت کے دوران کھائی میں جا گری ۔

باغی ٹی وی کی رپورٹ کے مطابق اپر کوہستان کے علاقے میں میں درد ناک واقعہ پیش آیا ۔جس میں پانی باہ میں پولیس موبائل وین کھائی میں جا کے گر گئی ۔ جس کی وجہ سے 2 کانسٹیبلز جان کی بازی ہار گئے ۔ اس پر باقی پولیس والوں نے اس واقعہ کو بتاتے ہوۓ افسوس کا اظہار بھی کیا ۔

مزید تفصیلات کے مطابق پولیس کا کہنا تھا کہ پولیس وین گشت پر تھی ۔ اور اسی گشت کے دوران حادثہ پیش آ گیا ۔پھر اس کے بعد یہ گاڑی بہت نیچے کھائی میں چلی گئی تھی ۔اس واقعے کا جب مقامی افراد کو علم ہوا تو وه فوری طور پر مدد کے لیے پہنچ گئے ۔انہوں نے لاشوں کو کھائی سے نکالا ریسکیو والے بھی پہنچ چکے تھے ۔انہوں نے مل کر لاشوں کو نکال کر آر ایچ سی داسو منتقل کر دیا تھا ۔
اس حوالے سے پولیس نے مزید تفصیلات سے آگاہ کیا کہ جاں بحق ہونے والے دونوں کانسٹیبلز ضلع صوابی سے تعلق رکھتے ہیں ۔اور یہ اپر کوہستان میں ڈیوٹی سر انجام دے رہے تھے ۔ پولیس نے اس واقعے پر افسوس کا اظہار بھی کیا ۔

آل پاکستان مسلم لیگ اوورسیز کے رہنما افضال صدیقی کا کہنا ہے کہ سابق صدر جنرل (ر) پرویز مشرف معمولی بیمار ہیں اور اپنے گھر پر ہیں ،انہوں نے کہا کہ پروزمشرف پہلے کی طرح بالکل ہشاش بشاش ہیں،اٍفضال صدیقی نے کہا کہ ان کی صحت کے لئے دعا کی جائے اور ان کی بیماری کے حوالے سے منصوب خبروں میں کوئی صداقت نہیں ہے

قبل ازیں پاکستان میں یہ خبر گردش کرتی رہی کہ سابق صدراور آرمی چیف جنرل (ر) پرویز مشرف کی طبيعت اچانک بگڑ گئی جس کے بعد انہیں فوری طور پر ہسپتال منتقل کر دیا گیا ہے ، سابق صدر پرویز مشرف کی حالت تشویشناک بتائی جارہی ہے اور انہیں ہسپتال میں وینٹی لیٹر مشین پر منتقل کر دیا گیا ہے.

سابق صدر پاکستان جنرل (ر) پرویز مشرف اپنے اقتدار کے خاتمہ اور فوج سے ریٹارمنٹ کے بعد ملک سے دبئی منتقل ہو گئے تھے،پرویز مشرف نے اپنی ریٹارمنٹ کے بعد عملی طور پر سیاست میں آنے کا فیصلہ کیا اور آل پاکستان مسلم لیگ کے نام سے اپنی سیاسی جماعت بنائی.تاہم سابق صدر زیادہ دیر تک اپنی سیاسی سرگرمیاں جاری نہ رکھ سکے اور پارٹی کا شیرازہ بھی آہستہ آہستہ بکھر گیا.

دنیا میں سب سے بڑی دہشت گردی توہین رسالت ہے،صاحبزادہ زاہد محمود قاسمی

یہ اجتماع او آئی سے تنظیم سے مطالبہ کرتا ہے کہ ناموس رسالت ﷺ کے تحفظ کا قانون عالمی سطح پر بنوایا جائے ہندوستان میں بی جے پی کے جن ارکان نے گستاخی کی ہے ان کو قرار واقعی سزا دلوائی جائے یہ اجتماع حکومت پاکستان سے مطالبہ کرتا ہے کہ ہندوستان کے سفیر کو ملک بدر کیا جائے یہ اجتماع اہل ایمان اور حکومت پاکستان سے مطالبہ کرتا ہے کہ ہندوستان کی تمام مصنوعات کا بائیکاٹ کیا جائے

مرکزی علماء کونسل پاکستان انٹرنیشنل ختم نبوت موومنٹ پاکستان کی اپیل پرہندوستان میں بی جے پی کی طرف سے گستاخی کی جسارت کے خلاف جمعۃ المبارک کے خطبات میں احتجاج اور مذمتی قرار دادیں پاس کی گئیں اور یوم تحفظ ناموس رسالت ﷺ منایا گیا مرکزی جامع مسجد گول میں جمعہ کے اجتماع سے خطاب کرتے ہوئے چیئرمین مرکزی علماء کونسل پاکستان و سیکرٹری جنرل انٹرنیشنل ختم نبوت موومنٹ پاکستان صاحبزادہ زاہد محمود قاسمی نے کہا کہ دنیا میں سب سے بڑی دہشت گردی توہین رسالت ہے بھارت میں نبی اکرمﷺ کی شان میں گستاخی اور توہین رسالت کسی صورت برداشت نہیں کی جاسکتی ملعون گستاخ افراد کے خلاف قانونی کاروائی کی جائے بھارتی حکمران پارٹی کے نمائندوں کی جانب سے توہین رسالت کی پرزور مذمت کرتے ہیں حکومت پاکستان توہین ناموس رسالت کا مقدمہ اسلامی تعاون تنظیم اور اقوام متحدہ میں لے کر جائے اسلامی تعاون تنظیم اور حکومت پاکستان سعودی عرب قطر کویت عمان و دیگر اسلامی ممالک کا موقف قابل تحسین ہے

صاحبزادہ پیر جی خالد محمود قاسمی جامعہ قاسمیہ مولانا شاہ نواز فاروقی گوجرانوالہ مولانا یار محمد عابد بہاول پور مولانا شعبان صدیقی دیپال پور مولانا عبدالمنان عثمانی اوکاڑہ مولانا شبیر احمد عثمانی منصور آباد مولانا ممتاز الحق آزاد کشمیر مولانا اکرام اللہ قاسمی خیبر پختونخواہ مولاناآزاد جمیل کراچی قاری مشتاق لاہوری پنجاب قاری وزیر گلگت بلتستان مفتی شکیل احمد بلوچستان مولانا ابوسفیان بورے والا مولانا مقبول احمد چنیوٹ مولانا اعظم فاروقی مولانا عابدفاروقی مولانا نعیم طلحہ مولانا الطاف اللہ فاروقی نے قرار داد مذمت پیش کی پاکستان کے چاروں صوبوں قبائلی علاقوں شمالی علاقہ جات گلگت بلتستان میں بھی یوم تحفظ ناموس رسالتﷺ منایا گیا۔

لانگ مارچ، راستے بند، بتی چوک میں رکاوٹیں ہٹانے پر پولیس کی شیلنگ،کئی گرفتار

پی ٹی آئی عہدیدار کے گھر سے برآمد اسلحہ کی تصاویر سامنے آ گئیں

لانگ مارچ، عمران خان سمیت تحریک انصاف کے رہنماؤں پر مقدمہ درج

کارکن تپتی دھوپ میں سڑکوں پرخوار،موصوف ہیلی کاپٹر پرسوار،مریم کا عمران خان پر طنز

پولیس پہنچی تو میاں محمود الرشید گرفتاری کے ڈر سے سٹور میں چھپ گئے

لانگ مارچ میں فیاض الحسن چوہان کتنے بندے لے کر نکلے،ویڈیو وائرل

جائیداد کی وجہ سے چھوٹے بھائی نے بڑے بھائیوں کو جان سے مار ڈالا ۔

باغی ٹی وی کی رپورٹ کے مطابق لاہور میں جائیداد کی وجہ سے چھوٹے بھائی نے اپنے ہی دو بڑے بھایئوں کو قتل کر دیا ۔
مزید تفصیلات کے مطابق یہ واقعہ لاہور میں موجود داتا دربار کے علاقہ میں پیش آیا ۔یہ علاقہ لاہور کا مشہور ترین علاقہ ہے ۔یہاں پر لوگ دور دور سے اس علاقے میں موجود دربار میں آتے ہیں ۔داتا دربار کے علاقے میں ملزم جس کا نام مختار ہے ۔اس نے جائیداد کے تنازع پر اپنے بڑے بھائیوں کی جان لے لی تھی ۔

جب اس تمام واقعے کا پولیس کو علم ہوا تو پولیس نے تفتیش کرنا شروع کر دی ۔پولیس نے اس حوالے سے بتایا کہ قتل ہونے والے دونوں بھائیوں کی عمر 60 اور 65 سال تھی ۔جن میں ایک بھائی کا نام الطاف تھا اور دوسرے بھائی کا نام سرفراز تھا ۔ملزم مختار جس نے جائیداد کے تنازع پر اپنے دو بڑے بھائیوں کو قتل کر دیا تھا ۔یہ ملزم ٹیکسالی کا رہائشی تھا ۔اس نے اپنے بھائیوں کو فائرنگ سے قتل کیا تھا ۔اس کی خود کی عمر 57 سال تھی اور اس کے دونوں بھائیوں کی عمر 60 اور 65 سال تھی جن کو اس نے اپنے ہاتھوں سے قتل کیا تھا ۔پولیس نے مکمل تفتیش کے بعد ملزم مختار کو گرفتار کر لیا تھا ۔